TeluguOne Services
Copyright © 2000 - , TeluguOne Sahityam - All rights reserved.
తిమింగలం - శారదా అశోకవర్దన్
తిమింగలం
- శారదా అశోకవర్దన్
మట్టి ప్రమిదలో నూనెపోసి
చుట్టూ దీపాలు వెలిగించకపోయినా ఫరవాలేదు
విద్యుత్ దీపాలు తోరణాల్లా వెలిగించి
వినోదాలు చేసుకోకపోయినా నష్టం లేదు
మనసు నిండా మమతా దీపాలు వెలిగించుకుంటే చాలు
చీకటి ఊహలు ఛిద్రమైపోతాయి
సూర్యుడి బాణాలకి విచ్చుకున్న
పత్తికాయల్లా పగిలిపోతాయి
పాపిగా మారి దుర్మార్గాన్ని పెంచుకుంటే
అంతా పోగొట్టుకున్నట్టే
గుట్టలుగా పెరిగిన పాపాల తుట్టలు
నిన్నే కాటేస్తాయి!
పచ్చని పంట చేలలో మంటలు రేపి
మరుభూములుగా మార్చకు
బతుకులకు చితులు పేర్చి
ఏదో సాధించానని అనుకోను!
చంపుతూ బతకాలన్న బ్రాంతిని వదులుకో
నిజం నీ బ్రాంతిని తిమింగలమై చీలుస్తూ
నిన్నే మింగేస్తుందొక రోజు
దేముదివై నిలిచిపోవాలనే
పిచ్చి కోరిక మానుకో
మనిషితనాన్ని పెంచుతూ మనిషిలా బతకాలని కోరుకో!
తీపి చేదుల జీవితంలో - వట్టి తీపినే ఆరగించాలనుకోకు
చేదునే తీపిగా మార్చుకోవడం నేర్చుకో
బాలెట్ పేపర్ల రోజుల్లో ఏ వందో..ఓ పూట కూడో ఓ గుక్కెడు సారానో ఓ కుంకుమ భరిణ..
May 11, 2024
విరామం తర్వాత నేను బ్రతికేందుకు వీళ్ళలో ఎవరితో పోరాడాలో నా వాళ్ళ కోసం ఈ గుంపున ఎందర్ని కడతేర్చాలో!
May 7, 2024
శత్రుసేనని చిత్తుచేసి విజయపు కుర్చీనెక్కేందుకు ఎన్నికల యుద్ధంలో కూటమిగా పోరాడదామని!
May 4, 2024
ప్రజల సమూహం సమాజం సైన్యం సమస్తం నేనే మహాద్భుతమైన పనులనెన్నో ప్రపంచంలో చేసిందీ నేనే!
May 12, 2024
మిమ్మల్నే కానివ్వండి మొదలెట్టండి మీరేం మాట్లాడాలని మదనపడేవారో మీకు ప్రసంగించే అవకాశమొచ్చింది గదిలో నిశ్శబ్దం రాజ్యమేలుతోంది!
May 1, 2024
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|