LATEST NEWS
నెల్లూరు జిల్లాలో చోటుచేసుకున్న ఒక అమానుష ఘటన స్థానికంగా తీవ్ర కలకలం రేపింది. కేవలం ఐదు వందల రూపాయల ఆర్థిక లావాదేవీల నిమిత్తం చెలరేగిన చిన్న వివాదం ఒక ప్రాణాపాయ దాడికి దారితీసింది. అప్పు చెల్లించలేదన్న కోపంతో ఓ మహిళ విచక్షణ కోల్పోయి ఏకంగా సలసలకాగే నూనెను బాధితుడిపై పోయడంతో ఆయన తీవ్రంగా గాయపడ్డారు.
పోలీసులు స్థానికుల నుంచి అందిన సమాచారం ప్రకారం, నెల్లూరు రూరల్ పరిధిలోని మాదరాజు గూడూరు ప్రాంతానికి చెందిన శీనయ్య స్థానికంగా ఉంటున్నారు. ఆయన అదే ప్రాంతంలో నివసించే హసీనా అనే మహిళ వద్ద గతంలో వ్యక్తిగత అవసరాల నిమిత్తం రూ. 500 లు అప్పుగా తీసుకున్నారు.
కొన్ని రోజుల తరువాత హసీనా తాను ఇచ్చిన ఐదు వందల రూపాయలను తిరిగి చెల్లించాలని శీనయ్యను కోరారు. దీనికి స్పందించిన శీనయ్య, తాను ఇప్పటికే ఆమె ఇంటి వద్ద పనులు చేసి ఆ అప్పును తీర్చేశానని బదులిచ్చారు. తాను చేసిన శ్రమకు అప్పు సరిపోయిందని ఆయన వాదించారు.
ఈ విషయమై ఇద్దరి మధ్య మాటల యుద్ధం ప్రారంభమైంది. క్రమంగా ఈ చిన్న గొడవ తీవ్ర వాగ్వాదానికి దారితీసింది. ఇరువర్గాల మధ్య కోపతాపాలు పెరిగిపోవడంతో పరిస్థితి ఒక్కసారిగా చేయి దాటిపోయింది.
ఆ ప్రాంతంలో అప్పట్లో టిఫిన్ సెంటర్ నిర్వహిస్తున్న హసీనా ఆగ్రహం కట్టలు తెంచుకుంది. మాటల మాట పెరగడంతో తీవ్ర ఆవేశానికి గురైన ఆమె, దుకాణంలో కాగుతున్న వేడివేడి నూనెను తీసుకుని శీనయ్యపైకి పోసింది.
ఈ అకస్మాత్ దాడితో శీనయ్య శరీరంపై తీవ్రమైన గాయాలయ్యాయి. వేడి నూనె పడటంతో ఆయన నొప్పితో కేకలు వేశారు. ఇది గమనించిన చుట్టుపక్కల స్థానికులు వెంటనే అప్రమత్తమై అక్కడికి చేరుకున్నారు.
బాధితుడి పరిస్థితి దయనీయంగా మారడంతో స్థానికులే తక్షణ స్పందనగా ఆయనను చికిత్స నిమిత్తం నెల్లూరులోని ప్రభుత్వ సర్వజన ఆసుపత్రికి తరలించారు. ప్రస్తుతం అక్కడ వైద్యులు ఆయనకు ప్రత్యేక చికిత్స అందిస్తున్నారు.
ఈ ఘటనపై సమాచారం అందుకున్న నెల్లూరు రూరల్ పోలీసులు వెంటనే రంగంలోకి దిగారు. ఆసుపత్రికి వెళ్లి బాధితుడి పరిస్థితిని పరిశీలించి వివరాలు సేకరించారు. హసీనాపై తగిన సెక్షన్ల కింద కేసు నమోదు చేసి, ఆమెను అదుపులోకి తీసుకున్నట్లు పోలీసులు వెల్లడించారు.
చిన్నపాటి ఆర్థిక విషయాలకు కూడా మనుషులు ఎంతటి దారుణాలకు ఒడిగడుతున్నారనేదానికి ఈ ఘటనే నిదర్శనమని స్థానికులు ఆందోళన వ్యక్తం చేస్తున్నారు. చట్టాన్ని చేతుల్లోకి తీసుకుని ఇలాంటి అమానుష చర్యలకు పాల్పడే వారిపై కఠినమైన చర్యలు తీసుకోవాలని ప్రజలు కోరుతున్నారు.
ఇది కూడా చదవండి: ఏపీపీఎస్సీ గ్రూప్-2 నోటిఫికేషన్ విడుదల.!
[ Nellore crime news, Woman attacked with hot oil, Nellore Rural district news, AP local crime updates, TeluguOne news latest updates, CM Chandrababu, Naralokesh, Telugu One, Telugu News]
.webp)
తెలంగాణ పోలీసు వ్యవస్థలోకి మరో కొత్త తరం అడుగుపెట్టింది. ఎన్నో అవరోధాలు, వివాదాలు, న్యాయపోరాటాలను అధిగమించి డీఎస్పీలుగా నియమితులైన 112 మంది అధికారులకు ముఖ్యమంత్రి రేవంత్ రెడ్డి దిశానిర్దేశం చేశారు. హైదరాబాద్‌లోని ఎంసీఆర్ హెచ్‌ఆర్‌డీ సంస్థలో నిర్వహించిన కార్యక్రమంలో పాల్గొన్న ఆయన.. డీఎస్పీల నియామకాల ప్రక్రియ, టీజీపీఎస్సీ ప్రక్షాళన, పోలీసు అధికారుల బాధ్యతలు, మారుతున్న నేరాల స్వభావంపై కీలక వ్యాఖ్యలు చేశారు. వచ్చే 30 ఏళ్ల తెలంగాణ భవిష్యత్తును తీర్చిదిద్దడంలో పోలీసు అధికారుల పాత్ర అత్యంత కీలకమని స్పష్టం చేశారు.
13 ఏళ్ల నిరీక్షణకు తెర.. టీజీపీఎస్సీ ప్రక్షాళన.!
తెలంగాణలో గ్రూప్-1 నియామకాలు 2011 తర్వాత దాదాపు 13 ఏళ్లపాటు జరగలేదని సీఎం గుర్తుచేశారు. కొన్ని నెలలు ఆలస్యమైనా జీవితంలో విలువైన సంవత్సరాలు కోల్పోయామనే బాధ అభ్యర్థుల్లో ఉంటుందని అన్నారు. గతంలో టీజీపీఎస్సీ ద్వారా నోటిఫికేషన్లు ఇచ్చినా ప్రశ్నాపత్రాల లీకేజీలు, ఇతర వివాదాలతో నిరుద్యోగులు తీవ్రంగా నష్టపోయారని పేర్కొన్నారు. తాను ముఖ్యమంత్రిగా బాధ్యతలు చేపట్టిన వెంటనే టీజీపీఎస్సీ ప్రక్షాళనకు నిర్ణయం తీసుకున్నట్లు వెల్లడించారు.
గతంలో టీజీపీఎస్సీని రాజకీయ పునరావాస కేంద్రంగా మార్చారని విమర్శించారు. కీలకమైన నియామక వ్యవస్థలో అనుభవం, అర్హత, అవగాహన ఉన్నవారిని నియమించాల్సి ఉండగా.. గతంలో అనుచిత నియామకాలు జరిగాయని వ్యాఖ్యానించారు. యూపీఎస్సీ విధానాలను అధ్యయనం చేసి, అదే తరహాలో టీజీపీఎస్సీని బలోపేతం చేశామని తెలిపారు. స్వయంగా యూపీఎస్సీకి వెళ్లి అక్కడి విధానాలను పరిశీలించినట్లు చెప్పారు. టీజీపీఎస్సీ తొలి ఛైర్మన్‌గా రిటైర్డ్ డీజీపీ మహేందర్ రెడ్డిని నియమించామని, ప్రస్తుతం సీనియర్ ఐఏఎస్ అధికారి వెంకటేశంను ఛైర్మన్‌గా నియమించినట్లు వివరించారు.
112 మంది డీఎస్పీల నియామకం.. పారదర్శకతే ప్రామాణికం.!
సంక్లిష్టమైన పరిస్థితుల్లో డీఎస్పీల నియామక ప్రక్రియను పూర్తి చేశామని సీఎం రేవంత్ రెడ్డి వెల్లడించారు. నోటిఫికేషన్ నుంచి నియామకాల వరకు ఈ ప్రభుత్వమే ప్రక్రియను పూర్తి చేసిందన్నారు. 563 పోస్టులకు నోటిఫికేషన్ ఇస్తే 562 మంది ఉద్యోగాల్లో చేరారని, 112 మంది డీఎస్పీల నియామకం కూడా ఎంతో కీలకమైన పరిణామమని పేర్కొన్నారు.
ఈ నియామకాలపై కొందరు కావాలనే అవినీతి ఆరోపణలు చేశారని, కోట్ల రూపాయలు చేతులు మారాయంటూ ప్రచారం చేశారని విమర్శించారు. అయితే ప్రభుత్వం పూర్తి పారదర్శకతతో నియామకాలు చేపట్టిందని స్పష్టం చేశారు. ఉపాధి హామీ పథకంలో పనిచేసే వారి పిల్లలు కూడా ఈ నియామకాల్లో ఎంపికయ్యారంటే ప్రక్రియలో పారదర్శకత ఏ స్థాయిలో ఉందో అర్థం చేసుకోవచ్చన్నారు.
డీఎస్పీల నియామకాల విషయంలో రాష్ట్ర ప్రభుత్వం సుప్రీంకోర్టు వరకు వెళ్లి పోరాడిందని, నిష్ణాతులైన న్యాయవాదులతో వాదనలు వినిపించి నియామకాలను పూర్తి చేయగలిగామని తెలిపారు.
మీ చేతుల్లోనే తెలంగాణ భవిష్యత్తు.!
డీఎస్పీలుగా ఎంపికైన అధికారులు తమ గతాన్ని, నేపథ్యాన్ని ఎప్పటికీ మర్చిపోవద్దని సీఎం సూచించారు. నాలెడ్జ్, చిత్తశుద్ధి, అంకితభావమే వారిని ఈ స్థాయికి తీసుకొచ్చాయని అన్నారు. ఏ లక్ష్యంతో పోలీసు శాఖలో చేరారో ఆ ఆశయాన్ని మర్చిపోవద్దని హితవు పలికారు. ఉద్యోగంలో చేరడం జీవితంలో మొదటి అధ్యాయమైతే.. ఇకపై ప్రారంభమయ్యేది రెండో అధ్యాయమని పేర్కొన్నారు.
వచ్చే 30 ఏళ్లలో తెలంగాణ భవిష్యత్తు ఏ దిశగా పయనించాలనేది మీ చేతుల్లోనే ఉందని డీఎస్పీలకు స్పష్టం చేశారు. ప్రజలతో ప్రత్యక్ష సంబంధాలు కలిగిన కీలక హోదాలో ఉన్నారని, వారి నిర్ణయాలు, పనితీరు ప్రభుత్వ ప్రతిష్ఠను ప్రభావితం చేస్తాయని అన్నారు. నిటారుగా నిలబడి నిజాయితీగా విధులు నిర్వహిస్తే పోలీసు వ్యవస్థపై ప్రజల్లో మరింత విశ్వాసం పెరుగుతుందని చెప్పారు.
హోదాను దుర్వినియోగం చేయొద్దు.. బాధితులతో ప్రేమగా మాట్లాడండి.!
ప్రజలకు ఏ సమస్య వచ్చినా మొదట గుర్తుకు వచ్చేది పోలీసు వ్యవస్థేనని సీఎం అన్నారు. తల్లిదండ్రుల కంటే ముందుగా పోలీసులనే ఆశ్రయించే పరిస్థితులు ఉంటాయని గుర్తుచేశారు. ఎన్నో సవాళ్లను ఎదుర్కొంటూ శాంతిభద్రతలను కాపాడుతున్న పోలీసు శాఖకు సమాజంలో ప్రత్యేక గుర్తింపు ఉందని, ఆ గౌరవాన్ని నిలబెట్టుకోవాల్సిన బాధ్యత కొత్త అధికారులపై ఉందన్నారు.
తమ హోదాను ప్రజల సమస్యల పరిష్కారం కోసం ఉపయోగించుకోవాలని, వ్యక్తిగత ప్రయోజనాల కోసం దుర్వినియోగం చేయవద్దని సూచించారు. సమస్యను పరిష్కరించాలంటే ముందుగా దాన్ని పూర్తిగా అర్థం చేసుకోవాలని చెప్పారు. బాధితులు పోలీస్ స్టేషన్‌కు వచ్చినప్పుడు వారిని కూర్చోబెట్టి, ఓపికగా, ప్రేమపూర్వకంగా మాట్లాడాలని సూచించారు. సమస్యను శ్రద్ధగా వింటే పరిష్కారం సులభమవుతుందని పేర్కొన్నారు. సమస్యల పరిష్కారంలో సమయం, వనరులు, సాంకేతిక పరిజ్ఞానం కీలకమని వివరించారు.
సైబర్ క్రైమ్, డ్రగ్స్‌పై ప్రత్యేక దృష్టి.!
ప్రస్తుతం నేరాల స్వభావం పూర్తిగా మారిపోయిందని సీఎం రేవంత్ రెడ్డి అన్నారు. ఒకప్పుడు హత్యలు, అత్యాచారాలు, ఆహార కొరత వంటి సమస్యలు ప్రధానంగా ఉండేవని, ఆర్థిక సరళీకరణ తర్వాత ప్రపంచవ్యాప్తంగా మారుతున్న నేరాల ప్రభావం మన దేశంపైనా పడుతోందని పేర్కొన్నారు. ముఖ్యంగా సైబర్ నేరాలు తీవ్ర సవాలుగా మారాయని చెప్పారు. బాధితుడిని ప్రత్యక్షంగా కలవకుండానే, కనీసం చూడకుండానే అతడి సొమ్మును దోచుకునే పరిస్థితులు ఏర్పడ్డాయని ఆందోళన వ్యక్తం చేశారు.
డ్రగ్స్ సమస్యపై కూడా సీఎం కీలక వ్యాఖ్యలు చేశారు. పంజాబ్ వంటి రాష్ట్రాలు సైతం మాదకద్రవ్యాల సమస్యను ఎదుర్కొంటున్నాయని ప్రస్తావించారు. తెలంగాణలో డ్రగ్స్ నియంత్రణ కోసం ఈగల్ ఫోర్స్‌ను ఏర్పాటు చేసి కఠినంగా వ్యవహరిస్తున్నామని వెల్లడించారు. ఫుడ్ సేఫ్టీ, ట్రాఫిక్ నియంత్రణ, డ్రగ్స్ నివారణ, సైబర్ క్రైమ్ వంటి విభాగాల్లో ప్రత్యేక వ్యవస్థలను తీసుకొచ్చామని వివరించారు.
అవసరమైతే విదేశాలకు పంపిస్తాం.. ఫిట్‌నెస్‌పై దృష్టి పెట్టండి.!
మారుతున్న నేరాల స్వభావం, ఆధునిక పోలీసింగ్ విధానాలపై కొత్త డీఎస్పీలకు ప్రత్యేక శిక్షణ అందించేందుకు ప్రభుత్వం సిద్ధంగా ఉందని సీఎం తెలిపారు. అవసరమైతే అధ్యయనం కోసం విదేశాలకు కూడా పంపిస్తామని చెప్పారు. ప్రభుత్వ ఉపాధ్యాయులను విద్యా ప్రమాణాల అధ్యయనం కోసం విదేశాలకు పంపిస్తున్నామని, పోలీసు అధికారులకూ అలాంటి అవకాశాలు కల్పిస్తామని పేర్కొన్నారు.
చివరగా డీఎస్పీలు తమ శారీరక దృఢత్వంపై ప్రత్యేక శ్రద్ధ పెట్టాలని సూచించారు. వృత్తిపరమైన క్రమశిక్షణ, వ్యక్తిగత ఆరోగ్యం, మానసిక స్థైర్యం పోలీసు అధికారులకు ఎంతో అవసరమని చెప్పారు. మొత్తంగా కొత్తగా బాధ్యతలు చేపట్టనున్న డీఎస్పీలు ప్రజలకు అందుబాటులో ఉంటూ, నిజాయితీతో పనిచేసి తెలంగాణ పోలీసు వ్యవస్థ ప్రతిష్ఠను మరింత పెంచాలని సీఎం రేవంత్ రెడ్డి పిలుపునిచ్చారు.
ఇది కూడా చదవండి: రాజీవ్ గాంధీకు నో.. రాహుల్‌కు ఓకేనా? సోనియా ఆత్మకథలో ఆసక్తికర విషయాలు.!
[ New DSP Appointments MCR HRD Institute, CM Revanth Reddy, Telangana Police, TGPSC, DSP Appointments, MCR HRD Institute, Cyber Crime, Eagle Force, Telangana Government, DGP C.V. Anand, Telugu One, Telugu News ]
.webp)
ప్రధాని కావాలనుకోవడం తప్పా.. ప్రణబ్ కుమార్తె కౌంటర్.!
దేశ రాజకీయాల్లో అత్యంత అనుభవజ్ఞుడైన నాయకుడు.. కాంగ్రెస్ పార్టీకి ట్రబుల్ షూటర్‌గా పేరొందిన నేత.. దేశ 13వ రాష్ట్రపతి ప్రణబ్ ముఖర్జీ. అలాంటి ప్రణబ్ ముఖర్జీకి ప్రధానమంత్రి కావాలనే బలమైన ఆకాంక్ష ఉండేదా? ఆయన మనసులోని మాటను అప్పట్లో సోనియా గాంధీ ఎలా అర్థం చేసుకున్నారు? ఇప్పుడు ఈ అంశం జాతీయ రాజకీయాల్లో ఆసక్తికర చర్చకు దారితీస్తోంది. సోనియా గాంధీ తన తాజా ఆత్మకథలో ప్రణబ్ ప్రధాని పదవిపై ఆశయం గురించి ప్రస్తావించడం ఈ చర్చకు కారణమైంది.
2010లో జరిగిన రాజకీయ పరిణామాలను గుర్తుచేసుకుంటూ సోనియా గాంధీ తన పుస్తకంలో పలు ఆసక్తికర విషయాలను వెల్లడించారు. ఆ సమయంలో ప్రణబ్ ముఖర్జీ తనతో జరిపిన ఓ ప్రత్యేక సంభాషణను ప్రస్తావించారు. దేశ రాజకీయాల్లో, పార్టీ నాయకత్వంలో మార్పులు రావాల్సిన సమయం ఆసన్నమైందని ప్రణబ్ తనతో అన్నట్లు ఆమె పేర్కొన్నారు. ఆయన మాటల్లో తనకు ప్రధానమంత్రి కావాలనే ఆకాంక్ష కనిపించిందని సోనియా అభిప్రాయపడ్డారు.
అయితే ప్రణబ్ వ్యాఖ్యలపై తాను పెద్దగా స్పందించకుండా, సంభాషణను మరో అంశం వైపు మళ్లించినట్లు సోనియా వెల్లడించారు. తన స్పందనతో ప్రణబ్ కొంత నిరాశకు గురై ఉండవచ్చని కూడా ఆమె అభిప్రాయపడ్డారు. అయినప్పటికీ ఆ తర్వాత కూడా ఆయన తనతో ఎంతో గౌరవంగా, మర్యాదపూర్వకంగానే వ్యవహరించారని గుర్తుచేసుకున్నారు.
సోనియా వ్యాఖ్యలపై ప్రణబ్ కుమార్తె ఆగ్రహం.!
సోనియా గాంధీ ఆత్మకథలోని ఈ వ్యాఖ్యలపై ప్రణబ్ ముఖర్జీ కుమార్తె శర్మిష్ఠ ముఖర్జీ తీవ్రంగా స్పందించారు. ప్రధానమంత్రి కావాలనే ఆశయం ఉండటం తప్పా? అంటూ ప్రశ్నించారు. రాజకీయాల్లో దశాబ్దాల అనుభవం, అపారమైన మేధస్సు, కఠోర శ్రమ ఉన్న వ్యక్తికి ప్రధాని కావాలనే ఆకాంక్ష ఉండటంలో ఆశ్చర్యమేముందని నిలదీశారు.
తాను ఒకసారి తండ్రిని నేరుగా ఇదే ప్రశ్న అడిగానని శర్మిష్ఠ వెల్లడించారు. అందుకు ప్రణబ్ ముఖర్జీ.. ఏ రాజకీయ నాయకుడికైనా ప్రధానమంత్రి కావాలనే ఆశయం ఉంటుందని సమాధానమిచ్చినట్లు గుర్తుచేశారు. నిరుపేద కుటుంబం నుంచి వచ్చిన తన తండ్రి ప్రతిభ, కష్టంతోనే రాజకీయంగా ఎదిగారని పేర్కొన్నారు. వంశపారంపర్య హక్కులతోనో, ఎవరైనా పళ్లెంలో పెట్టి పదవులు ఇస్తేనో ఆయన ఈ స్థాయికి చేరుకోలేదని స్పష్టం చేశారు.
గాంధీ-నెహ్రూ కుటుంబం కాకపోతే ప్రధాని ఆశయం తప్పా.?
తన తండ్రికి ప్రధానమంత్రి కావాలనే ఆకాంక్ష ఉండటంలో తప్పేముందని శర్మిష్ఠ ప్రశ్నించారు. గాంధీ-నెహ్రూ కుటుంబానికి చెందని వ్యక్తి ప్రధాని పదవిని ఆశించడంపై సోనియా గాంధీ ఎందుకు ఆశ్చర్యపోయారని నిలదీశారు. ఆ విషయాన్ని స్వయంగా తనతో చెప్పినందుకు కూడా ఆమె ఆశ్చర్యపోయారా? అంటూ ప్రశ్నించారు. ఈ వ్యాఖ్యలతో సోనియా ఆత్మకథలోని ప్రస్తావనపై రాజకీయంగా మరో కోణం తెరపైకి వచ్చింది.
ప్రధాని కాలేకపోయినా.. రాష్ట్రపతిగా ప్రణబ్ ప్రస్థానం.!
కాంగ్రెస్ పార్టీలో అత్యంత సీనియర్ నాయకుడిగా, కీలక నిర్ణయాల్లో భాగస్వామిగా ప్రణబ్ ముఖర్జీ ప్రత్యేక గుర్తింపు సంపాదించుకున్నారు. ఇందిరా గాంధీ నుంచి మన్మోహన్ సింగ్ వరకు పలువురు ప్రధానులతో కలిసి పనిచేశారు. కేంద్ర ఆర్థిక, రక్షణ, విదేశాంగ శాఖల వంటి కీలక బాధ్యతలు నిర్వహించారు. చివరకు 2012లో యూపీఏ ప్రభుత్వం ఆయనను రాష్ట్రపతి అభ్యర్థిగా నిలబెట్టింది. ఎన్నికల్లో విజయం సాధించిన ప్రణబ్ ముఖర్జీ దేశ 13వ రాష్ట్రపతిగా బాధ్యతలు చేపట్టారు. 2017 వరకు ఆ పదవిలో కొనసాగారు.
దశాబ్దాల క్రితం కాంగ్రెస్ పార్టీలో జరిగిన అంతర్గత రాజకీయ పరిణామాలు ఇప్పుడు సోనియా ఆత్మకథ ద్వారా మరోసారి చర్చకు వచ్చాయి. ప్రణబ్ ప్రధాని ఆశయంపై సోనియా చేసిన వ్యాఖ్యలు.. వాటిపై ఆయన కుమార్తె శర్మిష్ఠ ఇచ్చిన కౌంటర్.. కాంగ్రెస్ రాజకీయ చరిత్రలో నాయకత్వం, ఆశయాలు, అవకాశాలపై కొత్త చర్చకు తెరలేపాయి.
ఇది కూడా చదవండి: ఉద్యోగాల పేరుతో యువతులకు వల.. ఐవీఎఫ్ కేంద్రాల అండాల దందా గుట్టురట్టు.!
[ Pranab Mukherjee wanted to become Prime Minister, Sensational things in Sonias autobiography, Pranab Mukherjee, Sonia Gandhi, Sharmistha Mukherjee, Sonia Gandhi Memoir, Pranab Mukherjee Prime Minister Ambition, Congress Politics, Indian National Congress, UPA Government, Indian Political History, Former President of India, Sonia Gandhi Book, Congress Leadership ]
ఉద్యోగం.. మంచి జీతం.. ఉచిత వసతి.. ఇవన్నీ ఆశ చూపించి యువతులను హైదరాబాద్‌కు రప్పించడం.. ఆ తర్వాత వారి నుంచి అండాలను సేకరించడం! ఐవీఎఫ్, ఫెర్టిలిటీ సెంటర్ల ముసుగులో సాగుతున్న అక్రమ అండాల సేకరణ వ్యవహారం హైదరాబాద్‌లో తీవ్ర కలకలం రేపుతోంది. ఉపాధి కోసం నగరానికి వచ్చే యువతులే లక్ష్యంగా సాగుతున్న ఈ దందాపై పోలీసులు దర్యాప్తు ముమ్మరం చేశారు. మరోవైపు మహిళా కమిషన్, వైద్య ఆరోగ్యశాఖ అధికారులు కూడా రంగంలోకి దిగారు. నకిలీ ఆధార్ కార్డుల తయారీ వ్యవహారంలో ప్రవీణ్ అనే వ్యక్తిని బేగంపేట పోలీసులు అరెస్ట్ చేయడం ఈ కేసులో కీలక పరిణామంగా మారింది.
ఉద్యోగాల ఆశ చూపి.. అండాల సేకరణకు వల.!
ఉపాధి కోసం హైదరాబాద్‌కు వచ్చే యువతులను లక్ష్యంగా చేసుకుని కొందరు ముఠా సభ్యులు ఈ వ్యవహారాన్ని నడుపుతున్నట్లు పోలీసుల విచారణలో అనుమానాలు వ్యక్తమవుతున్నాయి. మంచి ఉద్యోగం, ఆకర్షణీయమైన జీతం, ఉచిత వసతి కల్పిస్తామంటూ ఇతర ప్రాంతాల నుంచి యువతులను నగరానికి తీసుకొస్తున్నట్లు తెలుస్తోంది. అనంతరం వర్కింగ్ ఉమెన్స్ హాస్టళ్లలో ఆశ్రయం కల్పించి, అండాల సేకరణకు ఒప్పిస్తున్నట్లు ఆరోపణలు ఉన్నాయి. కొన్ని ఫెర్టిలిటీ కేంద్రాల నిర్వాహకులే హాస్టళ్లను నిర్వహిస్తూ, వాటిని ఈ వ్యవహారానికి వేదికలుగా ఉపయోగించుకున్నారన్న అనుమానాలు వ్యక్తమవుతున్నాయి. ఒక్కో యువతి నుంచి పలుమార్లు అండాలను సేకరిస్తున్నారన్న ఆరోపణలు వారి ఆరోగ్య భద్రతపై ఆందోళన కలిగిస్తున్నాయి.
హాస్టళ్ల ముసుగులో అక్రమ దందా.!
సరూర్‌నగర్‌లోని వెంకటేశ్వర కాలనీలో ఉన్న ఓ వర్కింగ్ ఉమెన్స్ హాస్టల్ కేంద్రంగా ఈ వ్యవహారం సాగుతున్నట్లు గుర్తించిన పోలీసులు దాడులు నిర్వహించారు. ఈ దాడుల్లో పలువురు యువతులను గుర్తించి రక్షించారు. బేగంపేటలోని ప్రకాశ్‌నగర్‌లో ఉన్న మరో అపార్ట్‌మెంట్‌లోనూ యువతులను గుర్తించారు. వారికి వైద్య పరీక్షలు నిర్వహించి ఆశ్రయ కేంద్రాలకు తరలించారు. ఈ కేసులో దుర్గాప్రసాద్‌తో పాటు పలువురిని పోలీసులు అరెస్ట్ చేశారు. వివిధ రాష్ట్రాల నుంచి యువతులను హైదరాబాద్‌కు తీసుకొస్తున్న నెట్‌వర్క్‌పై ప్రత్యేకంగా దృష్టి సారించారు.
నకిలీ ఆధార్‌లతో అసలు వివరాలకు మసి.!
ఈ అక్రమ వ్యవహారంలో నకిలీ ఆధార్ కార్డుల వినియోగం కీలకంగా మారినట్లు పోలీసులు అనుమానిస్తున్నారు. అండాల సేకరణకు సంబంధించిన దాతల వివరాలను నిబంధనల ప్రకారం ART అధికారులకు నమోదు చేయాల్సి ఉంటుంది. అయితే, కొందరు కేంద్రాలు యువతుల అసలు వివరాలను దాచిపెట్టి, చిరునామాలు, ఇతర వ్యక్తిగత వివరాలు మార్చిన ఆధార్ కార్డులను సమర్పిస్తున్నట్లు ఆరోపణలు ఉన్నాయి. ఈ క్రమంలో నకిలీ ఆధార్ కార్డులు తయారు చేస్తున్న ప్రవీణ్‌ను బేగంపేట పోలీసులు అరెస్ట్ చేశారు. అతడికి ఏయే ఫెర్టిలిటీ కేంద్రాలతో సంబంధాలున్నాయి? నకిలీ పత్రాల తయారీ వెనుక ఇంకా ఎవరున్నారు? అనే కోణాల్లో దర్యాప్తు చేస్తున్నారు.
మహిళా కమిషన్ సీరియస్.. ఐదు కేంద్రాల ప్రతినిధులకు విచారణ.!
ఈ వ్యవహారాన్ని రాష్ట్ర మహిళా కమిషన్ కూడా తీవ్రంగా పరిగణించింది. నవంబర్ 9న బుద్ధభవన్‌లోని కమిషన్ కార్యాలయంలో ఐదు ఫెర్టిలిటీ కేంద్రాల ప్రతినిధుల నుంచి వివరణ తీసుకుంది. ఇందిరా ఐవీఎఫ్, నర్మదా, ఓయాసిస్ ఫెర్టిలిటీ, సద్గురు ART, పద్మజ ఫెర్టిలిటీ కేంద్రాల ప్రతినిధులను విచారించింది. అయితే, కేంద్రాల ప్రధాన నిర్వాహకులు స్వయంగా హాజరుకాకుండా సిబ్బందిని పంపడంపై కమిషన్ చైర్‌పర్సన్ నేరెళ్ల శారద అసంతృప్తి వ్యక్తం చేశారు. నవంబర్ 13న ప్రధాన నిర్వాహకులు వ్యక్తిగతంగా హాజరై పూర్తి వివరాలు సమర్పించాలని ఆదేశించారు. అక్రమాలు నిర్ధారణ అయితే సంబంధిత కేంద్రాల అనుమతులు రద్దు చేయాలని వైద్యశాఖకు సూచించారు.
50 మంది మహిళల వాంగ్మూలాలు.. వెలుగులోకి కీలక అంశాలు.!
ఈ వ్యవహారంలో సుమారు 50 మంది మహిళలతో మాట్లాడినట్లు మహిళా కమిషన్ చైర్‌పర్సన్ వెల్లడించారు. ఉద్యోగాలు, డబ్బు ఆశ చూపించి అండాల దానానికి ఒప్పించినట్లు పలువురు మహిళలు వివరించారని తెలిపారు. కొందరి ఆధార్ వివరాలు, వయస్సుల్లోనూ మార్పులు చేసినట్లు ఆరోపణలు వచ్చాయని పేర్కొన్నారు. ఈ వివరాల ఆధారంగా అక్రమాల తీవ్రత, బాధితుల సంఖ్య, సంబంధిత కేంద్రాల పాత్రపై మరింత స్పష్టత రావాల్సి ఉంది.
మొత్తం 20 ఫెర్టిలిటీ కేంద్రాలకు నోటీసులు.!
మరోవైపు వైద్య ఆరోగ్యశాఖ అధికారులు కూడా రంగంలోకి దిగారు. నిబంధనల ఉల్లంఘనల ఆరోపణల నేపథ్యంలో మొత్తం 20 ఫెర్టిలిటీ కేంద్రాలకు నోటీసులు జారీ చేసినట్లు సమాచారం. వీటిలో నోవా, బటర్‌ఫ్లై, ఇందిరా, నర్మదా, బిర్లా, అన్వి, కాంశివ, మర్రి తులసి రెడ్డి, 49 ఫెర్టిలిటీ, మమత, సద్గురు ART, ఫాతిమా, ఆరాధ్య తదితర కేంద్రాలు ఉన్నట్లు తెలుస్తోంది. అండాల సేకరణకు అవసరమైన అనుమతులు ఉన్నాయా? దాతల వివరాలను నిబంధనల ప్రకారం నమోదు చేస్తున్నారా? ART చట్ట నిబంధనలను పాటిస్తున్నారా? అనే అంశాలపై అధికారులు వివరణ కోరుతున్నారు.
గుజరాత్ టు హైదరాబాద్.. అంతర్రాష్ట్ర ముఠా లింకులపై ఆరా.!
ఈ అక్రమ వ్యవహారంలో గుజరాత్‌తో పాటు హైదరాబాద్‌కు చెందిన వ్యక్తుల ప్రమేయం ఉన్నట్లు పోలీసులు అనుమానిస్తున్నారు. యువతులను నగరానికి తీసుకురావడం నుంచి అండాల సేకరణ, ఫెర్టిలిటీ కేంద్రాలతో సంబంధాలు కొనసాగించడం వరకు ఈ నెట్‌వర్క్‌ను ఎవరు నడిపిస్తున్నారు? హాస్టళ్ల నిర్వాహకులు, మధ్యవర్తులు, వైద్య సిబ్బంది పాత్ర ఎంత? నకిలీ ఆధార్ కార్డుల తయారీకి సహకరించిన వారెవరు? ఇప్పటికే ఎంతమంది యువతులు ఈ వలలో చిక్కుకున్నారు? అనే కోణాల్లో దర్యాప్తు సాగుతోంది.
ఉపాధి కోసం నగరానికి వచ్చిన యువతుల అవసరాలను ఆసరాగా చేసుకుని వారి ఆరోగ్యంతో చెలగాటమాడుతున్నారన్న ఆరోపణలు ఇప్పుడు తీవ్ర ఆందోళన కలిగిస్తున్నాయి. ఈ అక్రమ దందా వెనుక ఉన్న అసలు సూత్రధారులు ఎవరు? ఎన్ని ఫెర్టిలిటీ కేంద్రాలకు ఈ వ్యవహారంతో సంబంధాలున్నాయి? పోలీసుల విచారణలో ఇంకెన్ని సంచలన విషయాలు బయటపడతాయో చూడాలి.
ఇది కూడా చదవండి: తనపై ఆరోపణల వెనుక కుట్ర ఉంది.. డీజీపీని ఆశ్రయించిన వీసీ జానయ్య.!
[ IVF Centres Hyderabad, Illegal Egg Donation, Fertility Centres, Malkajgiri Police, Telangana Women Commission, Fake Aadhaar Cards, ART Rules, Hyderabad News, Telugu News, Telugu One]
.webp)
వీసీ జానయ్యపై లైంగిక వేధింపుల ఆరోపణలు.. గవర్నర్‌కు మహిళా ప్రొఫెసర్ ఫిర్యాదు.!
ప్రొఫెసర్ జయశంకర్ వ్యవసాయ విశ్వవిద్యాలయంలో వివాదం రోజురోజుకూ ముదురుతోంది. వైస్ ఛాన్సలర్ అల్డాస్ జానయ్యపై ఓ మహిళా ప్రొఫెసర్ చేసిన లైంగిక వేధింపుల ఆరోపణలు తీవ్ర కలకలం రేపుతున్నాయి. ఈ వ్యవహారంపై ఇప్పటికే డీజీపీ, ఉమెన్ సేఫ్టీ వింగ్‌కు ఫిర్యాదు చేసిన బాధితురాలు.. తాజాగా రాష్ట్ర గవర్నర్‌కు కూడా లేఖ రాశారు. వీసీపై చర్యలు తీసుకోవాలని కోరారు. మరోవైపు, తనపై వస్తున్న ఆరోపణలను వీసీ జానయ్య తీవ్రంగా ఖండించారు. వీటి వెనుక కుట్ర ఉందంటూ డీజీపీకి ఫిర్యాదు చేయడం ఇప్పుడు చర్చనీయాంశంగా మారింది.
తనపై వస్తున్న ఆరోపణల్లో వాస్తవం లేదని వీసీ జానయ్య స్పష్టం చేశారు. విశ్వవిద్యాలయంలో పరిపాలనాపరమైన సంస్కరణలు చేపడుతున్న నేపథ్యంలో కొందరు తనను వ్యక్తిగతంగా లక్ష్యంగా చేసుకుని దుష్ప్రచారం చేస్తున్నారని ఆరోపించారు. ముఖ్యంగా ఓ మహిళా ప్రొఫెసర్ బదిలీ వ్యవహారమే ఈ వివాదానికి కారణమని పేర్కొన్నారు. బదిలీ నిర్ణయంపై అసంతృప్తితోనే తనపై ఆరోపణలు చేస్తున్నారని ఆయన వాదిస్తున్నారు.
ఈ వ్యవహారంపై సమగ్రంగా, నిష్పక్షపాతంగా విచారణ జరపాలని కోరుతూ డీజీపీ సీవీ ఆనంద్‌కు వీసీ జానయ్య లేఖ సమర్పించారు. సంబంధిత మహిళా ప్రొఫెసర్ గత కొన్ని నెలలుగా ఎవరెవరితో మాట్లాడారనే అంశాన్ని సాంకేతిక ఆధారాలతో పరిశీలించాలని కోరారు. కాల్ డేటా రికార్డులు, ఆడియో, వీడియో సంభాషణలను విశ్లేషించి వాస్తవాలను వెలికితీయాలని తన లేఖలో పేర్కొన్నారు. అయితే, ఈ ఆరోపణలు, ప్రత్యారోపణలపై పోలీసుల విచారణలోనే అసలు విషయాలు తేలాల్సి ఉంది.
మరోవైపు, విశ్వవిద్యాలయంలో మహిళా ప్రొఫెసర్ల ఆందోళనలు కొనసాగుతున్నాయి. వీసీకి వ్యతిరేకంగా మాట్లాడితే బదిలీలతో ఇబ్బందులకు గురిచేస్తున్నారంటూ కొందరు మహిళా ప్రొఫెసర్లు ఆవేదన వ్యక్తం చేస్తున్నారు. గత ఏడాదిన్నర కాలంలో సుమారు 1,150 మంది ఉద్యోగులను బదిలీ చేసినట్లు ఆరోపణలు వినిపిస్తున్నాయి. అసిస్టెంట్ ప్రొఫెసర్ చేపట్టిన నిరసనలకు మహిళా సంఘాలు, రాజకీయ నాయకులు మద్దతు తెలుపుతున్నారు.
ఈ వివాదంపై బీఆర్ఎస్ నేతలు కూడా స్పందించారు. ఎమ్మెల్యేలు సబితా ఇంద్రారెడ్డి, సునీత లక్ష్మారెడ్డి, మాజీ మంత్రి సత్యవతి రాథోడ్ బాధిత మహిళా ప్రొఫెసర్లను పరామర్శించారు. నిరసన తెలుపుతున్న ప్రొఫెసర్లు, విద్యార్థులకు సంఘీభావం ప్రకటించారు. మహిళా ప్రొఫెసర్లపై వేధింపులకు పాల్పడినట్లు ఆరోపణలు ఎదుర్కొంటున్న వీసీ జానయ్యపై ప్రభుత్వం తక్షణమే చర్యలు తీసుకోవాలని డిమాండ్ చేశారు.
ఒకవైపు మహిళా ప్రొఫెసర్ ఫిర్యాదులు, మరోవైపు వీసీ జానయ్య ఎదురుదాడి.. ఇంకోవైపు విశ్వవిద్యాలయంలో ఆందోళనలు.. వెరసి ఈ వ్యవహారం తెలంగాణలో విద్యా, రాజకీయ వర్గాల్లో తీవ్ర చర్చకు దారితీసింది. గవర్నర్‌కు అందిన ఫిర్యాదుపై ఎలాంటి స్పందన వస్తుంది? డీజీపీకి వీసీ చేసిన ఫిర్యాదుపై పోలీసులు ఎలా స్పందిస్తారు? విచారణలో ఎలాంటి అంశాలు వెలుగులోకి వస్తాయి? అన్నది ఇప్పుడు ఆసక్తికరంగా మారింది.
ఇది కూడా చదవండి: ఇంటర్నెట్ లేకున్నా వాతావరణ సమాచారం.. హైదరాబాద్ కుర్రోడి అద్భుత ఆవిష్కరణ.!
[ Prof Jayashankar Agricultural University VC Janaiah, Professor Aldas Janaiah, DGP CV Anand, Telangana Agriculture University, Sexual Harassment Allegations, Telangana News, Telugu News ]
ALSO ON TELUGUONE N E W S
మలయాళ చిత్ర పరిశ్రమలో తీవ్ర విషాదం చోటుచేసుకుంది. ప్రముఖ సినిమాటోగ్రాఫర్ షాజి కుమార్ కొచ్చిలోని ప్రైవేట్ ఆసుపత్రిలో గుండెపోటుతో ఈ రోజు తుదిశ్వాస విడిచారు. దీంతో అభిమానులతో పాటు ఎంటైర్ సౌత్ చిత్ర పరిశ్రమ షాక్ కి గురయ్యింది.
అలప్పుజలో దిలీప్ నటిస్తున్న కొత్త సినిమా షూటింగ్ జరుగుతున్న సమయంలో షాజి కుమార్‌కి ఆరోగ్య సమస్యలు తలెత్తాయి. అక్కడ హోటల్‌లో విశ్రాంతి తీసుకుంటున్న సమయంలో శనివారం సాయంత్రం అస్వస్థతకి గురయ్యారు. వెంటనే కొచ్చిలోని ఎర్నాకులం మెడికల్ ట్రస్ట్ ఆసుపత్రికి తరలించారు. మెరుగైన చికిత్స అందించడంతో ఆయన ఆరోగ్యం కొంతమేర కుదుటపడింది.
ఐసీయూ నుంచి సాధారణ వార్డుకు కూడా మార్చారు. అయితే, సోమవారం రాత్రి సమయంలో అనుకోకుండా పరిస్థితి విషమించడంతో ఆయన ప్రాణాలు కోల్పోయారు. ఆయనకు భార్య స్మిత, ఇద్దరు కుమారులు ఆర్యన్, సూర్ యన్ ఉన్నారు.
2001లో జయరామ్ హీరోగా నటించిన 'ఉత్తమన్' సినిమాతో స్వతంత్ర సినిమాటోగ్రాఫర్‌గా ప్రయాణం ప్రారంభించిన షాజి కుమార్, తన కెరీర్‌లో 50కి పైగా చిత్రాలకి పనిచేశారు. వెండితెర సెల్లాయిడ్ రోజుల నుంచి డిజిటల్ యుగంలోకి సినిమా మారుతున్న కాలంలో ఆయన తన కెమెరా పనితనంతో అద్భుతాలు సృష్టించారు. మోహన్‌లాల్ నటించిన బాక్సాఫీస్ సెన్సేషన్ 'పులిమురుగన్', 'నారన్', 'ఒడియన్', 'తమరుమ్', అలాగే 'పోక్కిరి రాజా', 'మధుర రాజా', 'రామలీల', 'పతొన్పతం వంటి ఎన్నో భారీ చిత్రాలకి ఫోటో గ్రఫీ అందించారు.
ఇది కూడా చదవండి: హనుమాన్ అంశ్ ఓటిటి డేట్ ఇదే: ఆ రోజు వాళ్ళని ఆపలేం!
కేవలం మలయాళంలోనే కాకుండా తమిళంలో 'మంబాట్టియాన్', 'సాహసం' వంటి చిత్రాలతోనూ మంచి పేరు తెచ్చుకున్నారు. ముఖ్యంగా ఆయన సినిమాటోగ్రఫీ అందించిన మోహన్‌లాల్ - తరుణ్ మూర్తి కాంబినేషన్ మూవీ 'అతిమనోహరం' డిసెంబర్ 24, న విడుదలకి సిద్ధమవుతోంది.
అలాంటిది కేవలం కొన్ని వారాల ముందు ఆయన కన్నుమూయడం విశేషం. అలాగే సురేశ్ గోపి నటిస్తున్న 'ఒట్టకొంబన్' సినిమాకు కూడా ఆయన పనిచేశారు. ఇటు అగ్ర దర్శకులు జోషి, షాజి కైలాస్, వినాయన్, వైశాఖ్‌లతో పాటు కొత్త తరపు దర్శకులతోనూ ఎంతో సాన్నిహిత్యంగా మెలిగారు. ఆయన వయసు కేవలం 57 సంవత్సరాలు కావడం గమనార్హం.
మీకు నచ్చవచ్చు: అన్నా లెజినోవా ఆస్తుల విలువ ఇదే!
మీకు నచ్చవచ్చు: స్టార్ హీరోయిన్ విడాకుల కహానీ ఇదే!
[Malayalam Cinematographer Shaji Kumar Passes Away, Shaji Kumar, Malayalam cinematographer, Shaji Kumar passes away, Shaji Kumar death,Telugu Cinema, Telugu Cinema News, Tollywood, Tollywood News]
రామ్ చరణ్, సుకుమార్ కాంబినేషన్‌లో తెరకెక్కనున్న ‘RC17’పై ఇప్పటికే భారీ అంచనాలు ఉన్నాయి. ‘రంగస్థలం’ తర్వాత వీరిద్దరూ కలిసి పనిచేస్తుండటంతో ఈ సినిమా గురించి వచ్చే ప్రతి చిన్న వార్త కూడా ఆసక్తికరంగా మారుతోంది. ఈ క్రమంలో సినిమా పూజా కార్యక్రమంలో తమిళ నటుడు రిషికాంత్ కనిపించడంతో.. ఆయన కూడా ఈ ప్రాజెక్ట్‌లో నటిస్తున్నాడా? అనే చర్చ మొదలైంది.
ముఖ్యంగా ఇటీవల ‘మొదరాత్రి’, ‘డొరోతీ’ సినిమాలతో గుర్తింపు తెచ్చుకున్న రిషికాంత్.. ‘RC17’లో కీలక పాత్రలో కనిపించబోతున్నాడని, విలన్‌గా నటించనున్నాడని కూడా ప్రచారం జరిగింది. అయితే ఈ వార్తలపై తాజాగా రిషికాంత్ స్వయంగా స్పందించి క్లారిటీ ఇచ్చాడు.
రిషికాంత్ తెలిపిన వివరాల ప్రకారం.. మైత్రీ మూవీ మేకర్స్ నిర్మాణంలో వచ్చిన ‘మొదరాత్రి’ సినిమాలో ఆయన నటించారు. ఆ సినిమా ద్వారా నిర్మాతలతో ఏర్పడిన పరిచయం కారణంగా, రామ్ చరణ్ సినిమా పూజా కార్యక్రమానికి మైత్రీ నిర్మాతలు ఆయనను ఆహ్వానించారట. అందుకే వారి ఆహ్వానం మేరకు ఈ వేడుకకు హాజరయ్యానని స్పష్టం చేశారు.
తాను ‘RC17’లో నటించడం లేదని రిషికాంత్ తేల్చి చెప్పాడు. సినిమా విడుదలైన తర్వాత అందులో తాను లేనని తెలిసి ప్రేక్షకులు నిరాశ చెందడం కంటే.. ముందుగానే అసలు విషయం చెప్పడం మంచిదని భావించినట్లు వెల్లడించాడు. అనవసరమైన ఊహాగానాలు చేయొద్దని మీడియా, అభిమానులను కోరాడు. దీంతో ఆయన పాత్రపై వస్తున్న ప్రచారానికి తెరపడింది.
ఇది కూడా చదవండి: ఇస్కాన్ ఫౌండర్ బయోపిక్.. హోంబలే ఫిల్మ్స్ నుంచి మరో భారీ మూవీ.!
ఇక ‘RC17’ విషయానికి వస్తే.. ‘రంగస్థలం’ వంటి బ్లాక్‌బస్టర్ తర్వాత రామ్ చరణ్, సుకుమార్ మరోసారి కలిసి పనిచేస్తున్నారు. నవంబర్ 1న హైదరాబాద్‌లో ఈ సినిమా పూజా కార్యక్రమాలు ఘనంగా జరిగాయి. మెగాస్టార్ చిరంజీవి ముఖ్య అతిథిగా హాజరై చిత్రానికి తొలి క్లాప్ కొట్టారు.
మైత్రీ మూవీ మేకర్స్ నిర్మిస్తున్న ఈ చిత్రాన్ని టీ-సిరీస్ సమర్పిస్తోంది. సినిమా కథ, నటీనటులు, ఇతర సాంకేతిక బృందం వివరాలపై ఇంకా అధికారిక ప్రకటన రావాల్సి ఉంది.
మీకు నచ్చవచ్చు:
30 ఏళ్ల ‘భామనే సత్యభామనే’.. కమల్ హాసన్ మేకప్ వెనుక అసలు కథ తెలుసా.?
చరిత్ర సృష్టించిన ‘వారణాసి’.. తెలుగు రాష్ట్రాల్లో ఊహించని డీల్.!
[Actor Rishikanth About RC17, RC17 Pooja Ceremony, Ram Charan Sukumar Movie, RC17 Movie, Mythri Movie Makers, Modha Rathiri Movie, Dorothy Movie, Ram Charan, Sukumar, Telugu Film News]
కంటెంట్ ఉంటే బాక్స్ ఆఫీస్ వద్ద కోట్ల రూపాయల కనక వర్షం గ్యారంటీ అని హనుమంతుడు సాక్షిగా ‘హనుమాన్ అంశ్’ నిరూపించిన విషయం తెలిసిందే. తెలుగు డబ్బింగ్ బాగానే ఆడేది గాని రిలీజ్ లేట్ అయ్యిందనే మాటలు సినీ ప్రేమికులు వ్యక్తం చేస్తుంటారు. ఎందుకంటే హిందీ ఒరిజినల్ వెర్షన్ చాలా మంది చూసేసారు.
డిజిటల్ స్ట్రీమింగ్ కోసం ఎంతో ఆసక్తిగా ఎదురుచూస్తున్న తరుణంలో మేకర్స్ అధికారిక ప్రకటన చేశారు. నవంబర్ 27న ప్రముఖ ఓటీటీ వేదిక సోనీలివ్ (SonyLIV) ద్వారా డిజిటల్ ప్రపంచంలోకి అడుగుపెట్టనుంది. మరి నవంబర్ 27 న రామ, హనుమాన్ భక్తులు, సినీ ప్రియుల ఆనందం ఏ స్థాయిలో ఉంటుందో అర్ధం చేసుకోవచ్చు.
2 కోట్ల అతి చిన్న బడ్జెట్‌తో తెరకెక్కడం విశేషం. ఎలాంటి భారీ అంచనాలు లేకుండా, స్టార్ హీరోలు లేకపోయినా 452.86 కోట్ల భారీ వసూళ్లని సాధించి సరికొత్త చరిత్ర సృష్టించింది. తద్వారా 2026 సంవత్సరంలో భారతదేశంలో అత్యధిక వసూళ్లు సాధించిన చిత్రాల జాబితాలో 4వ స్థానంలో నిలిచిన ట్రాక్ రికార్డుని కూడా మోస్తూనే ఉంది.
ఇది కూడా చదవండి: విడాకులకి సిద్దమైన స్టార్ హీరోయిన్: అసలేం జరుగుతుంది!
లక్ష్మీనారాయణ అనే యువకుడు తన తల్లిని కోల్పోయిన తర్వాత జీవితం, దేవుడు మరియు మరణం గురించిన నిజాలను వెతుకుతూ సాగే సున్నితమైన ప్రయాణమే ఈ చిత్ర కథాంశం. శోభినావ్ సత్యా, చందన్ ఆనంద్ ప్రధాన పాత్రల్లో నటించగా.. అనిల్ రస్తోగి, పూర్ణిమ తివారీ, సుగంధ మల్హోత్రా, భగవందాస్ పటేల్, నేహా పరంజ్పే తదితరులు కీలక పాత్రలు పోషించారు.
విశాల్ చతుర్వేది, అనుప్రియ నగర్, రాగిణి సోనా, నమ్రత జి సింగ్ సంయుక్తంగా ఈ చిత్రాన్ని నిర్మించారు.ప్రముఖ ఆధ్యాత్మిక గురువు నీమ్ కరోలీ బాబా (Neem Karoli Baba) జీవితం ఆధారంగా తెరకెక్కింది.
మీకు నచ్చవచ్చు: స్టార్ హీరోయిన్ విడాకులు!
మీకు నచ్చవచ్చు: సబ్బుల వ్యాపారానికి, సినిమాకి ఉన్న సంబంధం ఏంటి!
[Hanuman Ansh Ott Release Date, Hanuman Ansh OTT release date, SonyLIV streaming, Neem Karoli Baba biopic, Hanuman Ansh box office collection, Vishal Chaturvedi movie, Telugu Cinema, Telugu Cinema News, Tollywood, Tollywood News]
పాన్ ఇండియా సినిమాలతో దేశవ్యాప్తంగా గుర్తింపు తెచ్చుకున్న నిర్మాణ సంస్థ హోంబలే ఫిల్మ్స్.. ఇప్పుడు మరో కొత్త ప్రయోగానికి సిద్ధమైంది. ‘కేజీఎఫ్’, ‘సలార్’, ‘కాంతార’, ‘మహావతార్ నరసింహ’ వంటి విభిన్న చిత్రాలను ప్రేక్షకుల ముందుకు తీసుకొచ్చిన ఈ సంస్థ.. తాజాగా ఏఐ టెక్నాలజీతో రూపొందుతున్న యానిమేషన్ సినిమాను ప్రకటించింది. అదే ‘శరణాగతి – ది లైఫ్ ఆఫ్ ఎ సరెండర్డ్ సోల్’.
హోంబలే ఫిల్మ్స్, ట్రాన్స్‌సెండెంటల్ ఫిల్మ్స్ సంయుక్తంగా ఈ చిత్రాన్ని నిర్మిస్తున్నాయి. ఇస్కాన్ (ISKCON) వ్యవస్థాపక ఆచార్యులు ఎ.సి. భక్తివేదాంత స్వామి ప్రభుపాద జీవితం, ఆయన ఆధ్యాత్మిక ప్రయాణం ఆధారంగా ఈ సినిమాను తెరకెక్కిస్తున్నారు. తాజాగా విడుదలైన టైటిల్ టీజర్‌తో ఈ ప్రాజెక్ట్‌పై ఆసక్తి మొదలైంది.
శ్రీల ప్రభుపాదుల జీవితంలో అత్యంత కీలకమైన ఘట్టాన్ని ఈ సినిమా ప్రధానంగా చూపించనుంది. 1965లో తన 69వ ఏట ఆయన భారతదేశం నుంచి అమెరికాకు ప్రయాణమయ్యారు. భగవద్గీత బోధనలు, శ్రీకృష్ణుడి సందేశాన్ని పాశ్చాత్య దేశాలకు పరిచయం చేయాలనే సంకల్పంతో ఈ ప్రయాణం ప్రారంభించారు.
తన ఆధ్యాత్మిక గురువు శ్రీల భక్తిసిద్ధాంత సరస్వతీ ఠాకూర్ ఇచ్చిన ఆదేశాన్ని అనుసరించి ఆయన చేపట్టిన ఈ ప్రయాణం.. ఆ తర్వాత ప్రపంచవ్యాప్తంగా కృష్ణ చైతన్య సందేశాన్ని వ్యాప్తి చేసే ఉద్యమంగా మారింది. ఎన్నో సవాళ్లను ఎదుర్కొంటూ లక్షలాది మందికి ఆధ్యాత్మిక మార్గాన్ని పరిచయం చేసిన ఆయన జీవితంలోని ముఖ్యమైన సంఘటనలను ‘శరణాగతి’లో చూపించనున్నారు.
ఇది కూడా చదవండి: 30 ఏళ్ల ‘భామనే సత్యభామనే’.. కమల్ హాసన్ మేకప్ వెనుక అసలు కథ తెలుసా.?
ఈ సినిమాకు ప్రధాన ఆకర్షణ ఏఐ మోషన్ క్యాప్చర్ టెక్నాలజీ. సాధారణ యానిమేషన్‌కు భిన్నంగా మనుషుల నిజమైన కదలికలు, హావభావాలు, శరీర భంగిమలను కెమెరాల ద్వారా రికార్డ్ చేసి.. వాటిని డిజిటల్ పాత్రలకు అనుసంధానిస్తారు. దీంతో యానిమేషన్ పాత్రల్లో సహజమైన కదలికలు, భావోద్వేగాలను తీసుకొచ్చే అవకాశం ఉంటుంది.
అంటే ఆధ్యాత్మిక కథను ఆధునిక సాంకేతికతతో ప్రేక్షకులకు కొత్త అనుభూతిని ఇచ్చేలా తెరకెక్కించాలన్నది చిత్రబృందం ప్రయత్నం. టీజర్‌లో కనిపించిన విజువల్స్ కూడా ఈ టెక్నాలజీపై ఆసక్తిని పెంచుతున్నాయి.
‘శరణాగతి’ చిత్రానికి గౌర శక్తి దాస రచన, దర్శకత్వం వహిస్తున్నారు. రాజేష్ సింగ్, లోహిత్ రావు నిర్మాతలుగా వ్యవహరిస్తుండగా.. శ్రీధర్ శికారిపుర విజువల్ డైరెక్టర్‌గా పనిచేస్తున్నారు. డైవ్ డీప్ ఏఐ స్టూడియోతో కలిసి ట్రాన్స్‌సెండెంటల్ ఫిల్మ్స్ ఈ చిత్రాన్ని నిర్మిస్తోంది. హోంబలే ఫిల్మ్స్ ప్రపంచవ్యాప్తంగా ఈ సినిమాను సమర్పించి, పంపిణీ చేయనుంది. 2027 ఆగస్టులో ఈ సినిమా విడుదల కానుంది.
మీకు నచ్చవచ్చు:
చరిత్ర సృష్టించిన ‘వారణాసి’.. తెలుగు రాష్ట్రాల్లో ఊహించని డీల్.!
23 ఏళ్ళ క్రితం జరిగింది ఇదే.. పవన్ కళ్యాణ్ వదులుకున్న తమిళ అమ్మాయి.!
[Hombale Films Announces Saranagati, Saranagati Title Teaser, AC Bhaktivedanta Swami Prabhupada, ISKCON Founder, Srila Prabhupada Biopic, Hombale Films, Saranagati Movie, ISKCON]
Veteran Malayalam cinematographer Shaji Kumar passed away in Kochi on November 10 at the age of 57. Known for his exceptional work in films like Naran, Pulimurugan, Odiyan and Thudarum, his sudden demise has left the Malayalam film industry shocked.
Shaji Kumar reportedly suffered a medical emergency while shooting for Dileep's upcoming film HENOK: The Man in the Mist in Alappuzha. He was initially admitted to a nearby hospital before being shifted to a private hospital in Kochi. Despite showing signs of recovery, his condition deteriorated, and he succumbed to cardiac failure.
Mohanlal, who collaborated with the cinematographer on several memorable films, expressed his grief over the loss. He recalled their association from Naran to Pulimurugan, Odiyan and Thudarum, describing Shaji as an exceptional talent who could capture emotions with remarkable depth.
Mammootty and Prithviraj Sukumaran also mourned his demise, remembering his contribution to cinema and their professional associations with him. Several other members of the Malayalam film fraternity have expressed their condolences.
Also Read: Renuu Desai shocks with her reaction to Pawan's divorce
With a career spanning around 25 years as an independent cinematographer, Shaji Kumar worked with leading filmmakers including Joshiy, Shaji Kailas, Vysakh and Tharun Moorthy. His notable filmography includes Pokkiri Raja, Ramaleela, Madhura Raja, Ittymaani: Made in China and Bandra, apart from his successful collaborations with Mohanlal.
His final completed projects include Mohanlal's Athimanoharam, scheduled for release on December 24, and Suresh Gopi's Ottakomban. He is survived by his wife Smitha and sons Aryan and Sooryan. His contribution to Malayalam cinema will remain remembered through the many films he brought to life with his camera.
Check Out: Did Rajinikanth and Kamal escape big disaster?
Yash shares adorable family moments from Ramayana sets
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
తెలుగు చిత్ర పరిశ్రమని, హీరోలని, హీరోయిన్స్ ని అభిమానించే తెలుగు ప్రేక్షకులకి ఇది ఒక రకంగా షాకింగ్ న్యూస్ అనే చెప్పాలి. స్టార్ హీరోయిన్ విడాకులు తీసుకోబుతుందనే న్యూస్ సోషల్ మీడియాలో, సినీ సర్కిల్స్ లో భారీ భద్రత సాక్షిగా ఒక రేంజ్ లోనే చక్కర్లు కొడుతుంది. మరి ఆ న్యూస్ డీటెయిల్స్ చూద్దాం.
ఈ ఏడాది భారీ బ్లాక్ బస్టర్ ని అందుకున్న ఒక స్టార్ హీరోయిన్ విడాకులు తీసుకుందట. త్వరలోనే అధికారికంగా ప్రకటించబోతుందట. ప్రస్తుతం ఆమె తన భర్త కి దూరం గా, హైదరాబాద్ లోనే తన పిల్లలతో కలిసి ఉంటుందట. మరి ఇంతకీ ఎవరు ఆ హీరోయిన్?, ఎందుకు ఇలా చేసిందని సోషల్ మీడియా లో నెటిజెన్స్ ఆరాలు తీయడం మొదలు పెట్టారు.
ఇవన్నీ చూసిన తర్వాత అసలు టాలీవుడ్ లో ఏమి జరుగుతోంది?, ఎందుకు ఇలాంటి పరిస్థితులు వస్తున్నాయి అంటూ నెటిజెన్స్ కామెంట్స్ చేస్తున్నారు.
అయితే ఈ న్యూస్ సోషల్ మీడియాలో వైరల్ గా మారడంతో ఎవరు ఆ హీరోయిన్ అని నెటిజెన్స్ తమ మెదళ్లపై అదనపు భారాన్ని వేసుకొని మరి ఆలోచించడం మొదలు పెట్టారు. ఏది ఏమైనా ఆ న్యూస్ మాత్రం రూమర్ అనే టాగ్ లైన్ తో శాశ్వతంగా హల్ చల్ చేస్తుంటే బాగుంటుందని సినీ అభిమానులు భావిస్తున్నారు.
మీకు నచ్చవచ్చు : ప్రియ భవాని శంకర్ పెళ్లి!
మీకు నచ్చవచ్చు: కొండగట్టులో శ్రీకాంత్!
[Tollywood Star Heroine Divorce Story, tollywood star heroine divorce, telugu actress personal life, tollywood gossips, Telugu Cinema, Telugu Cinema News, Tollywood, Tollywood News]
సినిమాల్లో నటీనటులు విభిన్నమైన పాత్రలు చేయడం సహజం. కానీ ఒక పాత్ర కోసం తమ రూపురేఖలనే పూర్తిగా మార్చేసుకోవడం, ఆ పాత్రలో ప్రేక్షకులు నటుడిని గుర్తుపట్టలేనంతగా ఒదిగిపోవడం మాత్రం కొందరికే సాధ్యం. అలాంటి ప్రయోగాలు చేయడంలో లోకనాయకుడు కమల్ హాసన్ ఎప్పుడూ ముందుంటారు. ఆయన కెరీర్‌లో ఎన్నో విలక్షణమైన పాత్రలు ఉన్నప్పటికీ.. ఆడవేషంలో కనిపించి ప్రేక్షకులను కడుపుబ్బా నవ్వించిన ‘భామనే సత్యభామనే’ మాత్రం ప్రత్యేకం.
కమల్ హాసన్, మీనా జంటగా నటించిన ఈ సినిమా తమిళంలో ‘అవ్వై షణ్ముగి’ పేరుతో తెరకెక్కింది. 1996 నవంబర్ 10న తమిళంలో విడుదలైన ఈ చిత్రం మూడు దశాబ్దాలు పూర్తి చేసుకుంది. తెలుగులో డబ్బింగ్ రూపంలో విడుదలైన ఈ సినిమా ఇక్కడి ప్రేక్షకులను కూడా విశేషంగా ఆకట్టుకుంది. ముఖ్యంగా బామ్మ వేషంలో కమల్ హాసన్ చేసిన కామెడీ ఇప్పటికీ ప్రేక్షకులకు గుర్తుండిపోయింది. అయితే తెరపై అంత సరదాగా కనిపించిన ఈ పాత్ర వెనుక కమల్ ఎన్ని కష్టాలు పడ్డారో తెలిస్తే మాత్రం ఆశ్చర్యపోవాల్సిందే.
‘భామనే సత్యభామనే’ కథ ఏంటంటే.. భార్య నుంచి విడిపోయిన ఓ వ్యక్తి.. తన కుమార్తెకు దూరంగా ఉండలేక, ఒక వృద్ధ మహిళ వేషంలో ఆమె దగ్గరకు చేరుకోవడానికి ప్రయత్నిస్తాడు. ఈ కథలోని కామెడీ, ఎమోషన్స్‌ను ప్రేక్షకులకు నచ్చేలా అద్భుతంగా తెరకెక్కించారు దర్శకుడు కె.ఎస్. రవికుమార్.
ఇందులో కమల్ హాసన్ మదన్ అనే వ్యక్తిగా, అదే సమయంలో బామ్మ గెటప్‌లో కనిపిస్తారు. తన కూతురికి దూరమైన తండ్రి పడే బాధ, ఆమె దగ్గర ఉండేందుకు వృద్ధ మహిళగా మారడం, ఆ క్రమంలో ఎదురయ్యే విచిత్రమైన పరిస్థితులు ప్రేక్షకులను నవ్విస్తూనే భావోద్వేగానికి గురిచేస్తాయి.
అయితే ఈ సినిమాలో కమల్ హాసన్‌కు ఈ పాత్ర చేయాలనే ఆలోచన రావడం ఒక ఎత్తయితే.. ఆ పాత్రకు సరిపోయే రూపాన్ని తీసుకురావడం మరో ఎత్తు. మొదట ఆయన మధ్య వయసున్న మహిళ గెటప్‌లో ఫొటోషూట్ కూడా చేశారు. కానీ ఆ లుక్‌తో సంతృప్తి చెందకపోవడంతో మరింత వృద్ధురాలిగా కనిపించేలా గెటప్‌ను మార్చాలని నిర్ణయించుకున్నారు.
ఇది కూడా చదవండి: శ్రీలీలను టాలీవుడ్ పక్కన పెట్టింది.. కోలీవుడ్ నెత్తిన పెట్టుకుంటోంది.!
ఈ పాత్ర కోసం కమల్ హాసన్ అంతర్జాతీయ స్థాయి మేకప్ నిపుణుడు మైఖేల్ వెస్ట్‌మోర్ సలహాలు తీసుకున్నారు. ‘స్టార్ ట్రెక్’ సిరీస్‌తో ప్రపంచవ్యాప్తంగా గుర్తింపు తెచ్చుకున్న ఆయన.. ఈ సినిమాలో కమల్ రూపాన్ని తీర్చిదిద్దడంలో కీలకంగా వ్యవహరించారు. కె.ఎం. శరత్ కుమార్ కూడా మేకప్ విషయంలో సహకరించారు.
కమల్ ముఖానికి వృద్ధ మహిళ రూపం తీసుకురావడానికి ప్రోస్థటిక్ మేకప్ ఉపయోగించారు. ముఖం ఆకారం, ముక్కు, బుగ్గలు, కళ్ల చుట్టూ ఉండే మార్పులన్నీ ఎంతో జాగ్రత్తగా రూపొందించారు. ఈ గెటప్ డిజైన్ చేయడానికి మైఖేల్ వెస్ట్‌మోర్ దాదాపు నెల రోజుల సమయం తీసుకున్నట్లు సమాచారం.
మేకప్ వేసుకోవడానికి సుమారు ఐదు గంటల సమయం పట్టేదని అప్పట్లో కథనాలు వచ్చాయి. కానీ ఇక్కడే అసలు సమస్య మొదలయ్యేది. అంత కష్టపడి వేసిన మేకప్ ఎక్కువసేపు నిలబడేది కాదు. చెమట పట్టడం మొదలైతే ముఖానికి అమర్చిన ప్రోస్థటిక్ భాగాల మధ్య గ్యాప్ కనిపించేది. దీంతో కమల్ హాసన్ నటనకు, షూటింగ్‌కు ఇబ్బందులు ఎదురయ్యేవి.
ఇటీవల దర్శకుడు కె.ఎస్. రవికుమార్ కూడా ఈ మేకప్ కష్టాల గురించి ఆసక్తికర విషయాలు వెల్లడించారు. ఆయన చెప్పిన వివరాల ప్రకారం.. ప్రోస్థటిక్ మేకప్ రెండు నుంచి మూడు గంటలు మాత్రమే బాగా ఉండేది. నాలుగో గంట వచ్చేసరికి ముఖం దగ్గరకు వెళ్లే పరిస్థితి కూడా ఉండేది కాదట.
దీంతో కమల్ కోసం ప్రత్యేకంగా ఒక ఏసీ బాక్స్ లాంటి ఏర్పాటును చేశారు. అందులో జీరో డిగ్రీల ఉష్ణోగ్రత ఉండేలా చూసేవారు. మేకప్ వేసుకున్న తర్వాత కమల్ ఆ చల్లని వాతావరణంలోనే ఉండాల్సి వచ్చేది. ఉదయం 7 గంటలకు షూటింగ్ ప్రారంభమైతే.. మేకప్ పూర్తి చేసుకుని ఆయన సెట్‌లోకి రావడానికి 10 గంటల సమయం అయ్యేది. ఆ తర్వాత కమల్‌కు సంబంధించిన క్లోజప్, మిడ్ షాట్స్, లాంగ్ షాట్స్‌ను వీలైనంత త్వరగా పూర్తి చేసేవారట. మధ్యాహ్నం 2.30 గంటల వరకు ఆయన సన్నివేశాలను చిత్రీకరించిన తర్వాతే లంచ్ బ్రేక్ ఇచ్చేవారని కె.ఎస్. రవికుమార్ వివరించారు.
ఇంకో ఆసక్తికరమైన విషయం ఏమిటంటే.. ఈ మేకప్ కోసం ఉపయోగించిన ప్యాడింగ్, ఫౌండేషన్ కారణంగా కమల్ కళ్ల కింద అలర్జీ కూడా వచ్చింది. అందుకే హిందీ రీమేక్ ‘చాచి 420’ తెరకెక్కించే సమయంలో ఇలాంటి ఇబ్బందులు రాకుండా ముందుగా కమల్ సాధారణ పాత్రకు సంబంధించిన సన్నివేశాలను చిత్రీకరించేలా జాగ్రత్తలు తీసుకున్నారు.
కేవలం ముఖానికి మేకప్ వేస్తే సరిపోదని కమల్‌కు తెలుసు. ఒక వృద్ధ మహిళలా కనిపించాలంటే ఆమె నడక, నిలబడే విధానం, మాట్లాడే తీరు, హావభావాలు కూడా అలానే ఉండాలి. అందుకే ఈ పాత్ర కోసం ఆయన బాడీ లాంగ్వేజ్‌పై ప్రత్యేకంగా దృష్టి పెట్టారు.
సినిమాలో కమల్ హాసన్ ధరించిన చీర కూడా ప్రత్యేకమే. సాధారణ చీర కాకుండా తొమ్మిది గజాల చీరను ఉపయోగించారు. పాత్రకు తగ్గట్టుగా కాస్ట్యూమ్స్ రూపొందించడంలో ఆయన భార్య సారిక కూడా సహకరించారు. మేకప్, కాస్ట్యూమ్స్, హావభావాలు.. ఇలా ప్రతి విషయంలోనూ తీసుకున్న జాగ్రత్తే అవ్వై షణ్ముగి పాత్రను అంత సహజంగా మార్చింది.
ఈ సినిమాలో కమల్ తన గురువు, రంగస్థల నటుడు అవ్వై టి.కె. షణ్ముగం పేరు మీదుగా తన పాత్రకు ‘అవ్వై షణ్ముగి’ అని పేరు పెట్టడం మరో విశేషం. మహిళా పాత్రలు ధరించి రంగస్థలంపై నటించడంలో పేరుగాంచిన ఆ కళాకారుడికి ఈ సినిమాను అంకితం చేశారు.
మూడు దశాబ్దాలు గడిచినా ‘భామనే సత్యభామనే’లో కమల్ హాసన్ చేసిన ఆ బామ్మ పాత్రను ప్రేక్షకులు మర్చిపోలేదు. తెరపై నవ్వులు పూయించిన ఆ పాత్ర వెనుక ఐదు గంటల మేకప్, అలర్జీలు, ప్రత్యేక ఏసీ ఏర్పాట్లు, గంటల తరబడి షూటింగ్ కష్టం ఉన్నాయి. ఒక పాత్ర కోసం నటుడు ఎంతగా శ్రమించవచ్చో చెప్పడానికి ఈ సినిమా మంచి ఉదాహరణ.
మీకు నచ్చవచ్చు:
‘గాడ్ ఆఫ్ వార్’కు బ్రేకులు.. ఎన్టీఆర్-త్రివిక్రమ్ భారీ ప్రాజెక్ట్ ఆగిపోయిందా.?
‘వారణాసి’ స్టోరీ లీక్.. రావణుడి నవరత్నాల హారం చుట్టూ అసలు కథ.!
[30 Years of Bhamane Satyabhamane, 30 Years of Avvai Shanmugi, Bhamane Satyabhamane Movie, Avvai Shanmugi Movie, Kamal Haasan Makeup, Kamal Haasan Lady Getup, Kamal Haasan, KS Ravikumar, Telugu News]
ఇరుముడి మూవీలో క్యారక్టర్ కి తగ్గట్టుగా నీట్ పెర్ఫార్మ్ చేసి మెప్పించిన భామ ప్రియా భవాని శంకర్. ఈ రోజు ఉదయమే తన కొత్త సినిమా డిమోట్ కాలనీ పార్ట్ 3 గురించి చెప్పుకున్నాం. ఇప్పుడు సాయంత్రానికి పెళ్లి న్యూస్ చెప్పుకోవాల్సిన పరిస్థితి. అందుకే కళ్యాణం గడియలు వచ్చినా, కక్కు వచ్చిన ఆగవనే సామెత సినీ సైట్స్ కి కూడా వర్తిస్తుంది. మరి పూర్తి మ్యాటర్ చూద్దాం.
రీసెంట్ గా ప్రియా భవానీ శంకర్ తన అధికారిక ఇన్‌స్టాగ్రామ్ స్టోరీస్‌లో షేర్ చేసిన కొన్ని ప్రత్యేకమైన ఫోటోలు నెట్టింట క్షణాల్లో వైరల్‌గా మారాయి. ఆ ఫొటోలలో ఈ బ్యూటీ సంప్రదాయబద్ధమైన దుస్తులలో అత్యంత అందంగా కనిపించడమే కాకుండా, మెడలో మల్లెపూల దండలు ధరించి ఉండటం అభిమానుల్లో తీవ్ర ఆసక్తిని రేకెత్తిస్తోంది.
అంతేకాకుండా, తన చేతులకు అందంగా పెట్టుకున్న మెహందీ డిజైన్లను చూపిస్తూ ఆమె పోస్ట్ చేసిన చిత్రాలు ఆమె ఇంట్లో ప్రీ-వెడ్డింగ్ వేడుకలు ఘనంగా ప్రారంభమయ్యాయనే ఊహాగానాలకు బలాన్ని చేకూరుస్తున్నాయి. కుటుంబ సభ్యులు, అత్యంత సన్నిహత మిత్రుల సమక్షంలో అత్యంత నిరాడంబరంగా ఈ వేడుకలు జరుగుతున్నట్లు సమాచారం.
అయితే ఈ వార్తలపై అభినందనలు వెల్లువెత్తుతున్నప్పటికీ, అధికారికంగా తేదీలు మాత్రం ఇంకా వెలువడలేదు. ఈ బ్యూటీ ప్రేమ కథ వెనుక ఒక అందమైన ఫ్లాష్‌బ్యాక్ కూడా ఉంది. ప్రియా భవానీ శంకర్, ఆమె చిరకాల ప్రియుడు రాజ్‌వెల్ రాజ్ పరిచయం ఏకంగా కాలేజీ రోజుల నాటిదే కావడం విశేషం. అప్పటి నుంచి మొదలైన వారి పరిచయం కాలక్రమేణా గాఢమైన ప్రేమగా మారింది. దాదాపు పదేళ్లకు పైగా ఈ బంధం కొనసాగుతోందని స్వయంగా గతంలో ఆమె ఓ ఇంటర్వ్యూలో వెల్లడించారు
ఇది కూడా చదవండి: కొండగట్టు అంజన్న సన్నిధిలో శ్రీకాంత్: ఏమని వేడుకున్నాడో తెలుసా!.
అంతేకాకుండా, సినిమా ఇండస్ట్రీలో బిజీగా ఉన్నప్పటికీ తమ వ్యక్తిగత బంధానికి ఎప్పుడూ అత్యధిక ప్రాధాన్యతనిస్తూ వచ్చారు. ఈ జంట ముందడుగు వేస్తూ 2022వ సంవత్సరంలోనే కలిసి ఒక సరికొత్త కలల ఇంటిని కూడా కొనుగోలు చేశారు. అప్పటి నుంచి వీరిద్దరి పెళ్లిపై కోట్లాది మంది అభిమానులలో ఎప్పుడూ ఉత్కంఠ నెలకొని ఉంది.
ప్రస్తుతం వెలువడుతున్న సమాచారం ప్రకారం, అతి త్వరలోనే ఈ జంట కుటుంబ సభ్యుల అంగీకారంతో ఒక్కటవుతారని తెలుస్తోంది. భారీ హంగామాకు దూరంగా, అత్యంత ఆత్మీయుల మధ్య సాంప్రదాయ పద్ధతిలో వివాహం చేసుకోవాలని వారు భావిస్తున్నట్లు ప్రచారం జరుగుతోంది.
మీకు నచ్చవచ్చు: అన్నా లెజినోవా ఆస్తులు ఎన్నో తెలుసా!
మీకు నచ్చవచ్చు:టాలీవుడ్ దర్శకుల సీక్రెట్!
[Priya Bhavani Shankar Wedding News, Priya Bhavani Shankar wedding, Irumudi heroine marriage, Rajvel Raj girlfriend, Priya Bhavani Shankar latest news, Telugu Cinema, Telugu Cinema News, Tollywood, Tollywood News]
శ్రీకాంత్.. ఈ పేరుకి ఉన్న కెపాసిటీ తెలిసిందే. మైటీ స్టార్ హోదాలో అనేక మంది అభిమానులని సంపాదించడంతో పాటు ఎన్నో శతదినోత్సవ చిత్రాలని కూడా తన ఖాతాలో భద్రంగా దాచుకున్నాడు. ప్రస్తుతం కూడా హీరోగా, క్యారక్టర్ ఆర్టిస్ట్ గా సత్తా చాటుతు తెలుగు సినిమాపై తన ప్రతిబింబం యొక్క ఛాయలని ప్రతిభింబిస్తూనే ఉన్నాడు.
రీసెంట్ గా శ్రీకాంత్ తెలంగాణ ప్రముఖ పుణ్యక్షేత్రాలలో ఒకటైన జగిత్యాల జిల్లాలోని ప్రసిద్ధ కొండగట్టు శ్రీ ఆంజనేయ స్వామిని దర్శించుకున్నాడు. ఆయన అంజన్నను దర్శించుకోవడం ఇది నాల్గోసారి కావడం విశేషం.
స్వామివారిపై ఉన్న అంతులేని భక్తిభావంతో శ్రీకాంత్ వరుసగా ఇక్కడికి వస్తుండటం భక్తులను, అభిమానులను ఎంతగానో ఆకట్టుకుంటోంది. ఈ పర్యటనలో భాగంగా ఆయన కొండగట్టు క్షేత్రానికి చేరుకోగానే, ఆలయ అర్చకులు మరియు అధికారులు ఘనంగా స్వాగతం పలికారు.
సాంప్రదాయ బద్ధంగా స్వాగతం పలికిన అనంతరం, హీరో శ్రీకాంత్ గర్భగుడిలోకి వెళ్లి స్వయంగా అంజన్న స్వామివారిని దర్శించుకుని ప్రత్యేక పూజలు నిర్వహించారు. అనంతరం వేద పండితులు ఘనంగా ఆశీర్వదించి, స్వామివారి తీర్థప్రసాదాలను అందజేశారు.
ఇది కూడా చదవండి: అన్నా లెజినోవా ఆస్తులు ఎన్నో తెలుసా!
కొండగట్టు క్షేత్రంపై తనకు గల ప్రత్యేకమైన నమ్మకం కారణంగానే, తాను ఇక్కడికి నాల్గోసారి రావడం జరిగిందని శ్రీకాంత్ ఈ సందర్భంగా సన్నిహితులతో పంచుకున్నారు.
శ్రీకాంత్ ని చూడటానికి కొండగట్టు పరిసర ప్రాంతాల నుండి భారీ సంఖ్యలో అభిమానులు, స్థానిక ప్రజలు తరలి వచ్చారు. ఎలాంటి ఇబ్బందులు తలెత్తకుండా ఆలయ సిబ్బంది తగిన ఏర్పాట్లు చేశారు. అంజన్న దీవెనలతో తెలుగు చిత్ర పరిశ్రమలో మరిన్ని విజయాలు అందుకోవాలని, ప్రజలందరూ సుభిక్షంగా ఉండాలని ఆయన ప్రార్థించినట్లు తెలుస్తోంది.
మీకు నచ్చవచ్చు : ఎందుకు ఈ దర్శకులు ప్లాప్ అవుతున్నారు!
మీకు నచ్చవచ్చు: వర్మ వ్యాఖ్యలు వైరల్: ఆ హీరో స్టార్ పవర్ అదుర్స్!
[Actor Srikanth Kondagattu Visit, Actor Srikanth, Kondagattu Anjanna, Srikanth Kondagattu Temple, Tollywood Actor Srikanth Visit, Telugu Cinema, Telugu Cinema News, Tollywood, Tollywood News]
టెక్నాలజీ పెరుగుతున్న కొద్దీ కొత్త సౌకర్యాలు అందుబాటులోకి వస్తున్నాయి. అయితే కొందరు మాత్రం ఈ టెక్నాలజీని దుర్వినియోగం చేస్తూ సెలబ్రిటీలను ఇబ్బందులకు గురిచేస్తున్నారు. ముఖ్యంగా ఆర్టిఫిషియల్ ఇంటెలిజెన్స్ (AI) ద్వారా హీరోయిన్ల ఫొటోలు, వీడియోలను మార్ఫింగ్ చేసి సోషల్ మీడియాలో ప్రచారం చేస్తున్నారు.
ఇప్పటికే పలువురు నటీమణులు ఇలాంటి డీప్‌ఫేక్ బారిన పడగా.. తాజాగా టాలీవుడ్ యంగ్ హీరోయిన్ శ్రీలీలకు సంబంధించిన ఓ ఫేక్ వీడియో సోషల్ మీడియాలో వైరల్ అవుతోంది.
శ్రీలీల మొదటి నుంచి స్కిన్ షోకి దూరంగానే ఉంటున్నారు. అలాంటిది రెడ్ డ్రెస్‌లో ఆమె దారుణంగా స్కిన్ షో చేస్తున్నట్లు ఒక వీడియో చక్కర్లు కొడుతోంది. అయితే ఇది నిజమైన వీడియో కాదు. డీప్‌ఫేక్ టెక్నాలజీతో రూపొందించిన ఫేక్ కంటెంట్.
కొద్దిరోజుల క్రితం బాలీవుడ్ లో బర్త్ డే పార్టీలోని ఒక క్లిప్ కి.. శ్రీలీల ఫేస్ ని, అవుట్ ఫిట్ ని జోడించి ఈ ఫేక్ వీడియో చేశారు. ఈ ఫేక్ వీడియో సోషల్ మీడియాలో వైరల్ కావడంతో.. కొందరు నిజమని నమ్మి, శ్రీలీల ఏంటి ఒక్కసారిగా ఇలా మారిపోయిందని షాక్ అయ్యారు.
ఇది కూడా చదవండి: శ్రీలీలను టాలీవుడ్ పక్కన పెట్టింది.. కోలీవుడ్ నెత్తిన పెట్టుకుంటోంది.!
ఇక శ్రీలీలకు గతంలోనూ ఇలాంటి అనుభవం ఎదురైంది. 2025 డిసెంబర్‌లో తనకు సంబంధించిన ఏఐతో రూపొందించిన అభ్యంతరకర చిత్రాలు సోషల్ మీడియాలో వైరల్ కావడంపై ఆమె తీవ్రంగా స్పందించారు. ఏఐ టెక్నాలజీని ఉపయోగించడానికి, దుర్వినియోగం చేయడానికి చాలా తేడా ఉందని శ్రీలీల పేర్కొన్నారు. ఇలాంటి కంటెంట్‌ను ఎవరూ ప్రోత్సహించవద్దని అభిమానులను కోరారు.
నిజానికి సెలబ్రిటీల ఫొటోలు, వీడియోలను ఉపయోగించి ఇలాంటి ఫేక్ కంటెంట్ సృష్టించడం ఇప్పుడు పెద్ద సమస్యగా మారుతోంది. ముఖ్యంగా హీరోయిన్లను లక్ష్యంగా చేసుకుని అభ్యంతరకరమైన వీడియోలు తయారు చేయడం ఆందోళన కలిగిస్తోంది. ఇలాంటి కంటెంట్‌ను చూసి నిజమని నమ్మి షేర్ చేయడం కూడా బాధితులకు మరింత నష్టం కలిగిస్తుంది.
మీకు నచ్చవచ్చు:
రేణూ దేశాయ్ ఫస్ట్ రియాక్షన్.. పవన్ కళ్యాణ్ విడాకులపై మాజీ భార్య షాకింగ్ కామెంట్స్.!
బిగ్ ట్విస్ట్.. విడాకుల తర్వాత మళ్ళీ కలిసిపోయిన స్టార్ కపుల్.?
https://x.com/Filmyscoopss/status/2120068707301105686
[Sreeleela Deepfake Video, Sreeleela Viral Video, Sreeleela Red Dress, Sreeleela Fake Video, Sreeleela AI Video, Sreeleela AI Deepfake, Sreeleela Latest, Sreeleela, Celebrity Deepfake]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్టపడి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్రపంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇరవై మంది పిల్లలు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అనవసరంగా కాంగ్రెస్‌ను లక్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
(12).webp)
ప్రస్తుత ఆధునిక కాలంలో సూర్యరశ్మి నుండి చర్మాన్ని కాపాడుకోవడం కోసం రసాయనాలతో కూడిన సన్‌స్క్రీన్‌ లోషన్లను విపరీతంగా వాడేస్తున్నాము. అయితే, బ్రెజిల్‌లోని ఫెడరల్ యూనివర్శిటీ ఆఫ్ రియో గ్రాండే డో సుల్ (UFRGS) పరిశోధకులు తాజాగా నిర్వహించిన ఒక అద్భుతమైన శాస్త్రీయ అధ్యయనంలో చర్మానికి ఎలాంటి హాని చేయని సరికొత్త సహజ మార్గదర్శకం వెలుగులోకి వచ్చింది. మొక్కల నుండి సేకరించిన బ్రాచీసెరిన్ (Brachycerine) అనే సహజ ప్లాంట్ మెటబోలైట్ మానవ చర్మానికి అతినీలలోహిత (UV) కిరణాల నుండి అత్యుత్తమ రక్షణ కల్పించగలదని పరిశోధకులు నిరూపించారు.
ఈ ప్రత్యేకమైన సహజ సమ్మేళనం దక్షిణ అమెరికా అడవులలో లభించే ఒకానొక చిన్న చెట్టు ఆకుల నుండి గ్లూకోసైడ్ మోనోటర్పీన్ ఇండోల్ ఆల్కలాయిడ్ రూపంలో వెలికితీశారు. సాధారణంగా సూర్యుడి నుండి వచ్చే యూవీ ఏ (UV A) మరియు యూవీ బి (UV B) కిరణాలు చర్మాన్ని తీవ్రంగా దెబ్బతీస్తాయి. అయితే ఈ బ్రాచీసెరిన్ సమ్మేళనం చర్మ కణాలపై జరిపిన ప్రయోగాలలో అతినీలలోహిత కిరణాల వల్ల జరిగే డీఎన్ఏ (DNA) నష్టాన్ని సమర్థవంతంగా అడ్డుకున్నట్లు వెల్లడైంది.
అంతేకాకుండా, హానికరమైన సూర్యరశ్మి తగలడం వల్ల చర్మంలోని నరాల ముగింపు సాంద్రత దాదాపు సగానికి పైగా క్షీణించిపోతుందని పరిశోధనలు హెచ్చరిస్తున్నాయి. ఈ సన్‌స్క్రీన్‌ ఏజెంట్ కేవలం పైపూత రక్షణ మాత్రమే కాకుండా, చర్మపు కణాల లోపలి వరకు జరిగే నష్టాన్ని కూడా నివారిస్తుంది. పరీక్షించిన క్షీరద కణాలపై జరిపిన సైటోటాక్సిసిటీ (Cytotoxicity) పరీక్షల్లో ఈ బ్రాచీసెరిన్ ఎలాంటి విషపూరిత ప్రభావాన్ని చూపలేదని, మానవ వినియోగానికి ఇది అత్యంత సురక్షితమైనదని స్పష్టమైంది.
సాంప్రదాయ సన్‌స్క్రీన్‌లలో లభించే రసాయనాలు కేవలం యూవీ కిరణాలను అడ్డుకోవడం లేదా గ్రహించడం మాత్రమే చేస్తాయి. కానీ ఈ మొక్కల ఆధారిత మెటబోలైట్ ఏకకాలంలో యూవీ శోషణతో పాటు శక్తివంతమైన యాంటీఆక్సిడెంట్ గుణాలను ప్రదర్శిస్తూ డ్యూయల్ మోడ్ ఆఫ్ యాక్షన్‌ను కలిగి ఉంది. దీనివల్ల చర్మంపై పడే ఫ్రీ రాడికల్స్ నష్టాన్ని ఇది సమర్థవంతంగా తొలగిస్తుంది.
ఇది కూడా చదవండి:జ్వరం లెక్కలు, మారుతున్నాయా? సగటు శరీర ఉష్ణోగ్రతపై తాజా స్టడీ!
ఈ పరిశోధనకు నాయకత్వం వహించిన ప్రొఫెసర్ ఆర్థర్ జెర్మానో ఫెట్ నెటో (Arthur Germano Fett Neto) నేతృత్వంలోని బృందం, ఈ వనరులను అందించే మొక్కలను వెజిటేటివ్ ప్రొపగేషన్ (సహజ శాఖీయ అన్యుత్పాదక పద్ధతి) ద్వారా సులభంగా పెంచవచ్చని తెలిపారు. ఇది భవిష్యత్తులో వాణిజ్యపరంగా విస్తృతమైన, పర్యావరణ హితమైన బ్రాడ్ స్పెక్ట్రమ్ నేచురల్ సన్‌స్క్రీన్‌ల తయారీకి బలమైన పునాది వేయనుంది.
రసాయనాలతో కూడిన ఉత్పత్తులకు కాలం చెల్లే సమయం ఆసన్నమైందని, స్వచ్ఛమైన మొక్కల ఆధారిత చర్మ సంరక్షణ వైపు ప్రపంచం అడుగులు వేస్తోందని నిపుణులు అభిప్రాయపడుతున్నారు. చర్మ క్యాన్సర్ ముప్పును తగ్గించడంలో మరియు ఆరోగ్యకరమైన, సహజసిద్ధమైన రక్షణను అందించడంలో ఈ అద్భుతమైన మొక్కల ఆవిష్కరణ వైద్య మరియు సౌందర్య రంగంలో ఒక మైలురాయిగా నిలవనుంది.
మీకు నచ్చవచ్చు:రోజూ మినప్పప్పు తింటే, మీ శరీరానికి అందే అమేజింగ్, ఆరోగ్య ప్రయోజనాలు!
వెన్నెముక దృఢంగా ఉండాలా? అయితే ఈ 5 సులువైన అలవాట్లు పాటించండి!
Brachycerein Sunscreen, Plant Derived Skin Protection, Skin Cancer Prevention Tips, Natural UV Shield, Dermatology Research Discoveries, Health Science News, Health Articles In Telugu.
వర్షాకాలం, శీతాకాలం వచ్చిందంటే చాలు చాలా మందిని వేధించే ప్రధాన సమస్య మొండి జలుబు మరియు దగ్గు. ఎంతటి మొండి జలుబునైనా, గొంతు గరగరనైనా ఇబ్బంది పెట్టే ఈ సమస్యల నుంచి సహజంగా ఉపశమనం పొందడానికి మన సాంప్రదాయ వంటకాల్లో చక్కటి పరిష్కారాలున్నాయి. ముఖ్యంగా ఆంధ్రప్రదేశ్ వంటకాల్లో ప్రత్యేక స్థానం సంపాదించుకున్న అల్లం వంకాయ కూర కేవలం రుచిలోనే కాకుండా ఆరోగ్య పరంగా కూడా అద్భుతమైన ప్రయోజనాలను అందిస్తుంది. పండుగలు, వ్రతాలు, పూజా సమయాల్లో ఉల్లిపాయ, వెల్లుల్లి లేకుండా తయారుచేసే ఈ సాత్విక వంటకం ఆలయాల్లో లభించే ప్రసాదాల రుచిని గుర్తుకు తెస్తుంది. ఈ ఆరోగ్యకరమైన కూరను సులభంగా ఎలా తయారు చేసుకోవాలో ఇప్పుడు చూద్దాం.
ఈ అల్లం వంకాయ కూర తయారీకి ప్రధానంగా 500 గ్రాముల తాజా తెల్ల వంకాయలను, 30 నుంచి 35 గ్రాముల తాజా అల్లాన్ని సేకరించాలి. వంటకం తయారీ కోసం ముందుగా బాణలీలో 6 నుంచి 7 టేబుల్ స్పూన్ల నూనెను వేడి చేయాలి. ఈ కూరకు నూనె కొంచెం ఎక్కువగా ఉంటేనే అసలైన ఆంధ్ర స్టైల్ రుచి వస్తుంది. నూనె వేడెక్కిన తర్వాత 1 టీస్పూన్ ఆవాలు, 2 ఎండు మిర్చి ముక్కలు వేసి వేయించాలి. ఇలా చేయడం వల్ల వంటకానికి చక్కటి స్మోకీ ఫ్లేవర్ వస్తుంది. ఆ తర్వాత 1 టేబుల్ స్పూన్ పచ్చి శనగపప్పు వేసి ఎర్రగా మారే వరకు వేయించుకోవాలి.
తాలింపు దినుసులు వేగిన తరువాత అర టీస్పూన్ జీలకర్ర, చిటికెడు ఇంగువ, ఒక రెబ్బ కరివేపాకు వేసి పరిమళం వచ్చేలా వేయించాలి. ఇప్పుడు ముందుగా సిద్ధం చేసుకున్న అల్లం తయారీ వైపు దృష్టి పెట్టాలి. అల్లాన్ని మిక్సీలో బరకగా రుబ్బడం కంటే, రోటిలో వేసి మెత్తగా దంచడం వల్ల దానిలోని రసం పూర్తిగా విడుదలై అద్భుతమైన రుచిని ఇస్తుంది. ఇలా రోట్లో నూరుకున్న అల్లం ముద్దను తాలింపులో వేసి 2 నుంచి 3 నిమిషాల పాటు పచ్చి వాసన పోయే వరకు వేయించుకోవాలి. అల్లం వేగిన తర్వాత 2 చీరిన పచ్చిమిర్చిని కలపాలి.
అల్లం, పచ్చిమిర్చి మిశ్రమం బాగా వేగాక 1 టేబుల్ స్పూన్ ధనియాల పొడి, 1 టేబుల్ స్పూన్ జీలకర్ర పొడి, పావు టీస్పూన్ పసుపు, రుచికి సరిపడా ఉప్పు వేసి బాగా కలపాలి. ఈ మసాలా పొడులు నూనెలో చక్కగా వేగిన తర్వాత, ముందుగా క్యూబ్స్‌గా తరిగి ఉప్పు నీటిలో ఉంచిన 500 గ్రాముల తెల్ల వంకాయ ముక్కలను వేయాలి. వంకాయ ముక్కలకు మసాలాలు పూర్తిగా పట్టేలా మూత పెట్టకుండా 3 నుంచి 4 నిమిషాల పాటు మీడియం మంటపై వేయించుకోవాలి.
ఇది కూడా చదవండి:AI వల్ల మరో ప్రాణం గాల్లోకి.. వైద్యుల హెచ్చరికలను కాదని చాట్‌జీపీటీని నమ్మి మహిళ మృతి!
వంకాయ ముక్కలు కాస్త మగ్గిన తర్వాత, బాణలీపై మూత పెట్టి మీడియం ఫ్లేమ్‌లో వంకాయ మెత్తబడే వరకు ఉడికించాలి. అల్లంలో ఉడికిన వంకాయ ముక్కలు, నూనె వేడితో కూడిన మసాలాలు శరీరంలో రోగ నిరోధక శక్తిని పెంచడానికి ఎంతగానో తోడ్పడతాయి. ముఖ్యంగా శీతాకాలంలో వచ్చే దగ్గు, జలుబు సమస్యలను తగ్గించడంలో తాజా అల్లం కీలక పాత్ర పోషిస్తుంది. వంకాయ పూర్తిగా ఉడికి మెత్తబడిన తర్వాత స్టవ్ ఆపడానికి ముందు గుప్పెడు తాజా కొత్తిమీర తరుగును చల్లుకోవాలి.
చివరగా దండిగా కొత్తిమీర వేసి మరో రెండు నిమిషాలు మగ్గనిచ్చి స్టవ్ ఆఫ్ చేయాలి. ఉల్లి, వెల్లుల్లి లేకపోయినా అల్లం కారంతో నోరూరించే ఈ ఆంధ్ర స్టైల్ అల్లం వంకాయ కూర వేడి వేడి అన్నంతో తింటే అమృతంలా ఉంటుంది. చపాతీలు లేదా పూరీలతో కూడా ఇది నూటికి నూ శాతం సరిపోతుంది. ఎంతటి మొండి జలుబునైనా తరిమికొట్టే ఈ అద్భుతమైన సాంప్రదాయ వంటకాన్ని మీ ఇంట్లో కూడా తప్పకుండా ప్రయత్నించి రుచి చూడండి.
మీకు నచ్చవచ్చు:సహజంగా, అందమైన కళ్ల కోసం, ఈ 800 ఏళ్ల నాటి ఆయుర్వేద మార్గం ట్రై చేయండి!
నిపుణులు, హెచ్చరిస్తున్న డయాబెటిస్ తెచ్చే ,4 హానికరమైన ఆహారాలు!
Allam Vankaya Curry, Andhra Ginger Brinjal Recipe, Eggplant Curry For Cold, Traditional Spicy Curries, South Indian Food Recipes, Healthy Home Remedies Food, Food Articles In Telugu.
సాయంకాలం వేళ చల్లటి వాతావరణంలో వేడివేడి టీ త్రాగుతూ, కరకరలాడే స్నాక్స్ తినాలని ఎవరికి మాత్రం ఉండదు? ముఖ్యంగా వర్షాకాలం లేదా చలికాలంలో వేడివేడి వడలంటే ఎవరికైనా నోరూరుతుంది. అయితే శనగపప్పు వడలకు పూర్తిగా భిన్నంగా, కేవలం మినప్పప్పుతో తయారుచేసే ఈ కరకరలాడే మసాలా మినప వడలు దక్షిణాది వంటకాల్లో ప్రత్యేక స్థానం సంపాదించుకున్నాయి.
ఫ్యామిలీ పార్టీలకు, సాయంకాలపు టీ పార్టీలకు ఇది అద్భుతమైన మరియు సరైన ఎంపికగా నిలుస్తుంది. పైన అద్భుతంగా క్రిస్పీగా, లోపల దూదిలా సాఫ్ట్‌గా ఉండే ఈ వడలను ఇంట్లోనే చాలా సులభంగా తయారు చేసుకోవచ్చు. ఈ అరుదైన వంటకం కోసం ముందుగా రెండు కప్పుల పొట్టు మినప్పప్పును శుభ్రంగా కడిగి కనీసం ఆరు గంటల పాటు నానబెట్టుకోవాలి.
పప్పు నానిన తర్వాత దానిలోని నీళ్లన్నీ పూర్తిగా వడారిన తర్వాత, అందులో నుండి అరకప్పు పప్పును పక్కన పెట్టుకోవాలి. పొట్టు లేని పప్పును ఉపయోగిస్తే నాలుగు గంటలు నానబెడితే సరిపోతుంది కానీ, రాత్రంతా నానబెట్టుకుంటే ఉదయం లేదా సాయంత్రం చేసుకోవడానికి మరింత సులభంగా ఉంటుంది. కడిగిన నీటిని వృధా చేయకుండా, అదే నీటిని తిరిగి వాడుకుంటూ పొట్టును సులభంగా తొలగించవచ్చు. ఇప్పుడు మిక్సీ జార్‌లో నీళ్లు అస్సలు పోయకుండా, పక్కనపెట్టిన మిగిలిన మినప్పప్పును కొద్దికొద్దిగా వేసుకుంటూ గ్రైండ్ చేసుకోవాలి. జార్‌ను సగం వరకు మాత్రమే నింపి, మధ్యమధ్యలో ఆపుకుంటూ పల్స్ మోడ్‌లో రుబ్బుకోవడం ద్వారా పప్పు మరీ మెత్తగా కాకుండా కొంచెం పలుకులుగా, ముద్దగా, గట్టిగా తయారవుతుంది.
ఈ విధంగా రుబ్బుకున్న గట్టి పిండిని ఒక పెద్ద గిన్నెలోకి తీసుకోవాలి. ఉల్లిపాయలు, కొత్తిమీర తరిగేటప్పుడు వాటిలో తడి లేకుండా చూసుకోవడం చాలా ముఖ్యం, లేదంటే పిండి పల్చబడిపోతుంది. పిండి ఎల్లప్పుడూ గట్టిగా ఉండేలా ప్రత్యేక జాగ్రత్తలు తీసుకోవాలి. ఆ తర్వాత చేతిని కొద్దిగా నీళ్లతో తడుపుకుని, కొద్దికొద్దిగా పిండిని తీసుకుని వడలుగా ఒత్తుకోవాలి. వడలు సులభంగా రావడానికి తడిపిన కాటన్ క్లాత్‌ను కూడా ఉపయోగించవచ్చు. వడలను మరీ లావుగా కాకుండా కొంచెం పల్చగా ఒత్తుకోవడం వల్ల లోపల వరకు సరిగ్గా ఉడుకుతాయి.
ఇది కూడా చదవండి:ఆరోగ్యకరమైన గుండె కోసం, ఉత్తమమైన వంట నూనెలు ఇవే!
ఇప్పుడు కడాయిలో నూనెను బాగా వేడి చేసి, మంటను మాత్రం మధ్యస్థంగా (Medium Flame) ఉంచాలి. ఒత్తుకున్న వడలను ఒక్కొక్కటిగా నూనెలో వేసుకోవాలి. నూనెలో వేసిన వెంటనే గరిటెతో కదపకుండా, పచ్చిదనం కొద్దిగా తగ్గిన తర్వాత అటూ ఇటూ తిప్పుకుంటూ బంగారు రంగు వచ్చేవరకు వేయించుకోవాలి. మధ్యస్థ మంటపై నిదానంగా వేయించడం వల్ల వడలు నూనెను ఎక్కువగా పీల్చుకోకుండా, లోపల వరకు ఉడికి చక్కటి సువాసనను ఇస్తాయి. హై ఫ్లేమ్‌లో వేయిస్తే బయట త్వరగా రంగు వస్తుంది కానీ లోపల పచ్చిగా అలాగే ఉంటుంది. సరిగ్గా ఈ పద్ధతిని పాటిస్తే కేవలం రెండు కప్పుల పప్పుతో సుమారు 27 నుండి 30 గుల్లటి వడలను సులభంగా తయారు చేసుకోవచ్చు.
బాగా కాలిన క్రిస్పీ వడలను నూనె నుండి తీసి సర్వింగ్ ప్లేట్‌లోకి లేదా కిచెన్ టిష్యూపైకి తీసుకోవాలి. మిగిలిన పిండితో కూడా సరిగ్గా ఇదే పద్ధతిలో వడలను తయారు చేసుకొని పక్కన పెట్టుకోవాలి. వేడివేడిగా ఉండే ఈ మసాలా మినప వడలను అల్లం చట్నీ, కొబ్బరి చట్నీ లేదా గుమగుమలాడే సాంబార్‌తో కలిపి తింటే ఆ రుచి వేరుగా ఉంటుంది. ముఖ్యంగా వర్షాకాలంలో సాయంకాలం వేళ ఈ వడలను తింటే మొండి దగ్గు, గొంతు నొప్పి వంటి సమస్యలు కూడా దెబ్బకు పరారవుతాయని పెద్దలు చెబుతుంటారు. ఇంకెందుకు ఆలస్యం, ఈ వాలెంటైన్ లేదా వీకెండ్ టీ టైమ్‌లో మీ కుటుంబ సభ్యులందరికీ ఈ రుచికరమైన రెసిపీని చేసి ఆశ్చర్యపరచండి!
మీకు నచ్చవచ్చు:జీర్ణక్రియను మెరుగుపరిచి, బరువు తగ్గించే అమృతఫలం.. బేరి పండు ఆరోగ్య ప్రయోజనాలు!
ఫుడ్ పాయిజనింగ్, రావడానికి అసలు కారణం ఇదే.. అన్నం నిల్వ చేసేటప్పుడు ఈ తప్పులు అస్సలు చేయకండి!
Masala Minapa Vadalu, Crispy Urad Dal Vada, Evening Snack Recipes, Tea Time Fritters, South Indian Snacks, Traditional Cooking Guide, Food Articles In Telugu.
.webp)
షుగర్ రావడానికి ముందు కనిపించే చివరి వార్నింగ్ సిగ్నల్ ఇదే..
మన శరీరంలో ఎన్నో మార్పులు నిత్యం జరుగుతూనే ఉంటాయి. అయితే కొన్నిసార్లు చిన్నచిన్న సంకేతాలను మనం పెద్దగా పట్టించుకోం. కానీ ఆ చిన్న సంకేతాలే భవిష్యత్తులో మన ఆరోగ్యాన్ని దెబ్బతీసే పెద్ద ముప్పునకు దారితీస్తాయని నిపుణులు హెచ్చరిస్తున్నారు. ముఖ్యంగా మధుమేహం లేదా షుగర్ వ్యాధి బారిన పడటానికి ముందు మన శరీరం కొన్ని ప్రత్యేకమైన హెచ్చరికలను జారీ చేస్తుంది. ఆ సంకేతాలను ముందే గుర్తించి తగిన జాగ్రత్తలు తీసుకుంటే ఆ మహమ్మారికి పూర్తిగా దూరంగా ఉండవచ్చు. అవేంటో తెలుసుకుంటే..
మన దేశంలో దాదాపు పద్నాలుగు కోట్ల మందికి పైగా ప్రజలు ప్రీ డయాబెటిస్ దశలో ఉన్నారని పలు ఆరోగ్య సర్వేలు చెబుతున్నాయి. అయితే దురదృష్టవశాత్తు చాలా మందికి తమకు ఈ సమస్య ఉందనే విషయం కూడా అసలు తెలియదు. అసలు ప్రీ డయాబెటిస్ అంటే ఏమిటి? డయాబెటిస్ కు ముందు శరీరం ఇచ్చే సిగ్నల్స్ ఏమిటి? వివరంగా తెలుసుకుంటే..
ప్రీ డయాబెటిస్..
రక్తంలో షుగర్ స్థాయిలు కొద్దిగా పెరిగి ఉంటాయి కానీ పూర్తిగా డయాబెటిస్ అని నిర్ధారించేంత స్థాయిలో ఉండవు. వైద్యపరంగా చూస్తే హెచ్‌బీఏ1సీ పరీక్షలో మూడు నెలల యావరేజ్ 5.7 నుంచి 6.4 మధ్యలో ఉన్నా
, లేదా ఖాళీ కడుపుతో చేసే ఫాస్టింగ్ షుగర్ వంద నుంచి నూట ఇరవై ఐదు మిగ్రాముల మధ్యలో ఉన్నా దానిని ప్రీ డయాబెటిస్ దశగా పరిగణిస్తారు.
ఈ దశలోనే మన శరీరంలో ఇన్సులిన్ నిరోధకత ప్రారంభమవుతుంది.
డయాబెటిస్ రావడానికి ముందు సంకేతాలు..
కేవలం షుగర్ మాత్రమే కాకుండా గుండె జబ్బులు, బీపీ, ఫ్యాటీ లివర్ వంటి ఇతర అనారోగ్య సమస్యల ప్రమాదం కూడా సరిగ్గా ఇదే సమయం నుంచి పెరుగుతుందని వైద్య నిపుణులు స్పష్టం చేస్తున్నారు. అంటే.. శరీరంలో పైన చెప్పుకున్న సమస్యలు ఏవైనా ఉన్నట్టయితే.. డయాబెటిస్ రావడానికి కూడా అవకాశం ఉన్నట్టే.. అయితే దీనిని చూసి ఎవరూ అనవసరంగా భయపడాల్సిన అవసరం లేదని, ఇదొక చక్కటి సువర్ణావకాశం లాంటిదని నిపుణులు సూచిస్తున్నారు.
ప్రపంచ ప్రఖ్యాత డయాబెటిస్ ప్రివెన్షన్ ప్రోగ్రామ్ అధ్యయనం ప్రకారం, శరీర బరువులో కేవలం ఏడు శాతం వరకు తగ్గడం , వారానికి నూట యాభై నిమిషాలు వేగంగా నడవడం ద్వారా టైప్ టూ డయాబెటిస్ వచ్చే ప్రమాదాన్ని యాభై ఎనిమిది శాతం వరకు సులభంగా తగ్గించుకోవచ్చు. అందుకే ఈ ప్రీ డయాబెటిస్ దశను జీవక్రియ సంబంధిత వ్యాధుల చివరి రివర్సిబుల్ దశగా పిలుస్తుంటారు.
ఇంటి గోడకు చిన్న పగులు కనిపించినప్పుడే దానిని సరిచేసుకోవడం చాలా సులభం, కానీ గోడ పూర్తిగా దెబ్బ తిన్న తర్వాత బాగు చేయడం కష్టం. సరిగ్గా అలాగే ఆరోగ్యం పూర్తిగా క్షీణించే ముందే అప్రమత్తమవడం చాలా ముఖ్యం. అందుకోసం శరీర బరువును అయిదు నుంచి ఏడు శాతం వరకు తగ్గించుకోవడానికి ప్రయత్నించాలి.
ఇది కూడా చదవండి ఆరోగ్యానికి శ్రీరామ రక్ష.. గుండె జబ్బులను ఆమడ దూరం ఉంటే సూత్రాలివి..!
ప్రతిరోజూ కనీసం ముప్పై నిమిషాల పాటు వేగంగా నడవడం అలవాటు చేసుకోవాలి. మైదా వంటి రిఫైన్డ్ కార్బోహైడ్రేట్లు , కూల్ డ్రింక్స్, షుగర్ పానీయాలకు వీలైనంత దూరంగా ఉండాలి. అలాగే ఎప్పటికప్పుడు హెచ్‌బీఏ1సి పరీక్షను చేయించుకుంటూ ఆరోగ్యాన్ని పరిశీలించుకుంటూ ఉండాలి.
డయాబెటిస్ వచ్చిన తర్వాత రకరకాల మందులతో దానిని నియంత్రించడం కంటే, అది రాకముందే ప్రీ డయాబెటిస్ దశలో ఉన్నప్పుడే దానిని అడ్డుకోవడం ఎంతో మేలు. ఇది ఆరోగ్యానికి ఎంతో సులువైన మార్గం కూడా. కాబట్టి శరీరం ఇచ్చే హెచ్చరికలను ఎప్పుడూ తేలికగా తీసుకోకూడదు. ఆరోగ్యకరమైన జీవనశైలిని అలవర్చుకుని సంతోషంగా జీవించడమే మంచి మార్గం.
*రూపశ్రీ.మీకు నచ్చవచ్చు
మొండి కఫాన్ని కూడా తరిమికొట్టే పానీయం.. ఇది తాగితే ఎంత రిలీఫ్ ఇస్తుందో!
.webp)
ఆరోగ్యానికి శ్రీరామ రక్ష.. గుండె జబ్బులను ఆమడ దూరం ఉంటే సూత్రాలివి..!
నేటి ఆధునిక కాలంలో ఆరోగ్యం పట్ల శ్రద్ధ పెరిగిపోయి రకరకాల వ్యాయామాలు, డైట్లు చేయడం సర్వసాధారణమైంది. అయితే సరైన అవగాహన లేకుండా చేసే కొన్ని పద్ధతులు ఆరోగ్యాన్ని మెరుగుపరచడానికి బదులు హాని కలిగించే అవకాశం ఉందని నిపుణులు హెచ్చరిస్తున్నారు. చాలామంది ప్రాణాలను బలిగొంటున్న సమస్య గుండె జబ్బులు.. అయితే దీనికి చాలా కారణాలు ఉన్నాయి. కానీ రోజువారీ జీవితంలో చేసే చిన్న తప్పులే గుండె సమస్యలకు కూడా కారణం అవుతాయి. అవేంటో, వైద్యులు వాటి గురించి ఏం చెప్తున్నారో తెలుసుకుంటే..
నీరు..
రోజూ ఎంత నీరు తాగాలి అనే విషయంలో చాలా మందిలో రకరకాల అపోహలు ఉన్నాయి. రోజుకు ఐదు లీటర్లు లేదా అంతకంటే ఎక్కువ నీరు తాగాలని కొందరు ప్రచారం చేస్తుంటారు. కానీ వైద్యపరంగా ఇది సరైన పద్ధతి కాదని వైద్యులు స్పష్టం చేస్తున్నారు. అవసరానికి మించి విపరీతంగా నీరు తాగడం వల్ల శరీరంలో సోడియం , పొటాషియం స్థాయిల సమతుల్యత దెబ్బతింటుంది. దీనివల్ల హైపోనేట్రిమియా వంటి అనారోగ్య సమస్యలు వచ్చే ముప్పు ఉంది.
కేవలం ఒకటి రెండు లీటర్లకే నీటిని తాగడం పరిమితం కాకుండా, ఎవరి శారీరక శ్రమ , వాతావరణ పరిస్థితులను బట్టి నీటి మోతాదు ఆధారపడి ఉంటుంది. ముఖ్యంగా మనం తాగే కేవలం మంచినీళ్లే కాకుండా, మజ్జిగ, కొబ్బరి నీళ్లు, సూప్స్, టీ, కాఫీ , ఇతర పానీయాలన్నీ కూడా శరీరానికి అందే ద్రవాల జాబితాలోనే లెక్కలోకి వస్తాయి. శరీరం హైడ్రేటెడ్ గా ఉందా లేదా అని తెలుసుకోవడానికి మన మూత్రం రంగు చక్కటి సూచికగా పనిచేస్తుంది. మూత్రం మరీ తెలుపుగా లేదా ముదురు పసుపు రంగులో కాకుండా, లేత పసుపు రంగులో ఉంటే శరీరం సరైన హైడ్రేషన్ స్థితిలో ఉన్నట్లు భావించవచ్చు. కిడ్నీ లేదా గుండె సంబంధిత సమస్యలు ఉన్నవారు మాత్రం వైద్యుల సలహా మేరకే నీటి పరిమాణాన్ని పాటించాలి.
ఆహారం..
ఇక ఆహారపు అలవాట్ల విషయానికి వస్తే, మనం రోజూ తీసుకునే బ్రేక్ ఫాస్ట్ , ఇతర ఆహార పదార్థాలపై ప్రత్యేక శ్రద్ధ పెట్టాలి. ఉదయం పూట తినే చాకోస్ లేదా రెడీమేడ్ సీరిల్స్ పాలలో కలుపుకుని తింటే ఎంతో ఆరోగ్యం అనుకుంటాం. కానీ వాటిలో కార్బోహైడ్రేట్లు, చక్కెర శాతం ఎక్కువగా ఉండి, శరీరానికి అవసరమైన ప్రొటీన్ మాత్రం చాలా తక్కువగా ఉంటుంది. వీటిని తిన్న కొద్దిసేపటికే మళ్లీ ఆకలి వేస్తుండటం వల్ల అనారోగ్యకరమైన ఆహారం వైపు మనసు మళ్లుతుంది. దానికి బదులుగా ఉడికించిన గుడ్లు, మల్టిగ్రెయిన్ ఆహారాలు, ఇడ్లీ వంటి ప్రొటీన్తో కూడిన అల్పాహారం ఎంచుకోవడం ఎంతో శ్రేయస్కరం.
ఇది కూడా చదవండి మనసుపై ఒత్తిడి.. గుండెకు ప్రమాదం! అసలు నిజం ఇదే!
అలాగే మనం ఇష్టపడి తినే బిర్యానీ, ఫ్రైస్ , బయట దొరికే టిఫిన్లు ప్రతిరోజూ తినడం వల్ల శరీరంలో కొవ్వు పదార్థాలు పెరిగిపోతాయి. ఏ ఆహారాన్ని అయినా ఇంట్లో తక్కువ నూనెతో, సహజమైన పద్ధతిలో వండుకుంటే అది ఆరోగ్యకరమైనదే అవుతుంది. హోటళ్లలో లేదా బయట లభించే తినుబండారాలు త్వరగా తయారవ్వడం కోసం ఎక్కువగా నూనెను వాడతారు. వీటిని అప్పుడప్పుడు రుచి కోసం తీసుకోవడంలో తప్పు లేదు కానీ, రోజూ అలవాటుగా మార్చుకోవడం మంచిది కాదు.
అన్నం తినే విషయంలో కూడా వండే పద్ధతిని మార్చుకోవడం ద్వారా గ్లైసమిక్ ఇండెక్స్ ను తగ్గించవచ్చు. అన్నం వండేటప్పుడు గంజి వార్చడం మన పూర్వీకుల కాలం నుంచి ఉన్న పద్ధతి. దీని వల్ల అన్నంలో గ్లైసమిక్ ఇండెక్స్ తగ్గుతుందట. ఇది షుగర్ లెవెల్స్ అకస్మాత్తుగా పెరగకుండా సహాయపడుతుందట.
వ్యాయామం..
ఫిట్నెస్ , మారథాన్ల పేరుతో విపరీతంగా శ్రమించడం, అలాగే రోజూ గంటల తరబడి ఒకే పొజిషన్ లో కదలకుండా కూర్చోవడం వల్ల శరీరంలో రక్త ప్రసరణ మందగించి రక్తం గడ్డకట్టే ప్రమాదం ఉంటుందని వైద్యులు తెలిపారు. కాబట్టి ఆఫీసుల్లో పని చేసేవారు లేదా సుదూర ప్రయాణాలు చేసేవారు ప్రతి గంటకు ఒకసారి లేచి కాస్త నడవడం మంచిది. ఆరోగ్యం విషయంలో ఎవరి సలహాలనో గుడ్డిగా అనుసరించకుండా, మన శరీరం ఇచ్చే సంకేతాలను అర్థం చేసుకుంటూ సరైన జీవనశైలిని అలవర్చుకోవడం ద్వారా సంపూర్ణ ఆరోగ్యాన్ని సొంతం చేసుకోవచ్చు.
మీకు నచ్చవచ్చు ఆహారం తినేటప్పుడు.. మీకు ఈ జబ్బు ఉందేమో చెక్ చేస్కోండి..!
*రూపశ్రీ.
శరీరంలో కఫం పేరుకుపోవడం వల్ల చాలామంది నిత్య జీవితంలో ఎన్నో రకాల శ్వాసకోశ ఇబ్బందులను ఎదుర్కొంటూ ఉంటారు. మారుతున్న కాలం, వాతావరణంలో వచ్చే మార్పులు, వివిధ రకాల అలర్జీల కారణంగా ముక్కు దిబ్బడ, గొంతులో గరగర, ఛాతీలో కఫం గడ్డకట్టుకోవడం వంటి సమస్యలు తీవ్రంగా బాధిస్తుంటాయి. ఈ సమస్యల నుంచి ఉపశమనం పొందడానికి మార్కెట్లో లభించే రకరకాల మందులు, యాంటీబయోటిక్స్ వాడుతుంటారు. వీటి వల్ల తాత్కాలికంగా ఫలితం కనిపిస్తుంది కానీ దీర్ఘకాలంలో ఆరోగ్యానికి హాని కలుగుతుంది. ఎలాంటి సైడ్ ఎఫెక్ట్స్ లేకుండా, మన ఇంట్లోనే దొరికే సహజ సిద్ధమైన పదార్థాలతో తయారు చేసుకునే పానీయం తాగడం వల్ల ఈ సమస్యను శాశ్వతంగా తగ్గించుకోవచ్చు. ఇంతకూ ఈ పానీయం ఏమిటి? దాన్ని తయారు చేయడానికి కావలసిన పదార్థాలు ఏమిటి? ఇప్పుడు వివరంగా తెలుసుకుందాం.
కఫం..
మన శరీరంలో కఫం అనేది ఊపిరితిత్తులు, గొంతు, సైనస్ లేదా ముక్కు భాగాల్లో ఎక్కువగా తయారవుతూ ఉంటుంది. ఇది ఎక్కడ పేరుకుపోయినా శ్వాస తీసుకోవడంలో ఇబ్బంది కలగడమే కాకుండా శరీరం ఎంతో అలసటకు గురవుతుంది. దీనిని నివారించడానికి వంటింట్లో లభించే నాలుగు ముఖ్యమైన పదార్థాలతో ఒక అద్భుతమైన పానీయం తయారు చేసుకోవచ్చు.
కావలసిన పదార్థాలు..
తేనె..
తేనెలో అద్భుతమైన యాంటీ ఇన్ఫ్లమేటరీ , యాంటీ బ్యాక్టీరియల్ గుణాలు పుష్కలంగా ఉంటాయి. ఇది గొంతులో ఇన్ఫెక్షన్లను తగ్గించడంలో చాలా సమర్థవంతంగా పనిచేస్తుంది. గొంతును ప్రశాంతంగా ఉంచుతూ, పేరుకుపోయిన గట్టి కఫాన్ని పల్చగా మార్చడానికి తేనె ఎంతగానో సహాయపడుతుంది.
అల్లం..
అల్లంలో జింజిరాల్స్ అనే శక్తివంతమైన సమ్మేళనాలు ఉంటాయి. ఇది ఒక సహజమైన డికంజస్టెంట్ లా పనిచేస్తుంది. గొంతులో , చాతిలో పేరుకుపోయిన మందపాటి కఫాన్ని కరిగించి, అది సులభంగా శరీరం నుంచి బయటకు వచ్చేలా చేయడంలో అల్లం కీలక పాత్ర పోషిస్తుంది. అలాగే ఇది వాపులను తగ్గించి రోగ నిరోధక శక్తిని పెంపొందిస్తుంది.
మిరియాలు..
మిరియాలు ముక్కు మార్గాల్లో రక్త ప్రసరణను మెరుగుపరుస్తాయి. అక్కడ చిక్కుకున్న కఫాన్ని కరిగించి బయటకు పంపడంలో ఇవి ఎంతగానో ఉపయోగపడతాయి. అంతేకాకుండా, అల్లం , తేనెలోని పోషకాలు శరీరం త్వరగా గ్రహించేలా మిరియాలు సహాయపడతాయి.
నిమ్మరసం..
నిమ్మరసంలో విటమిన్ సి పుష్కలంగా ఉండటం వల్ల ఇది శరీరానికి మంచి రోగ నిరోధక శక్తిని ఇస్తుంది. కఫానికి కారణమయ్యే అలర్జీలను అరికట్టి, గొంతు ఎల్లప్పుడూ శుభ్రంగా ఉండేలా రక్షణ కల్పిస్తుంది.
పై నాలుగు పదార్థాలను ఉపయోగించి ఈ కింది రెండు పద్ధతుల్లో దేనినైనా ఫాలో అవుతూ మంచి ఫలితం పొందవచ్చు..
మొదటి పద్దతి..
ఒక టీస్పూన్ తేనె తీసుకుని, అందులో తాజా అల్లం రసం లేదా అల్లం పొడి కలపాలి. ఆ తర్వాత చిటికెడు మిరియాల పొడి, కొద్దిగా నిమ్మరసం వేసి బాగా కలిపి నేరుగా తీసుకోవాలి. ఇది గొంతులో కఫం ఎక్కువగా ఉన్నప్పుడు వెంటనే ఉపశమనం ఇస్తుంది.
రెండవ పద్ధతి..
ఒక కప్పు నీటిని కొద్దిగా వేడి చేసి, అందులో అల్లం పొడి లేదా తురిమిన అల్లం, చిటికెడు మిరియాల పొడి, కొంచెం నిమ్మరసం వేయాలి. చివరగా ఒక టీస్పూన్ తేనె జోడించి బాగా కలపాలి.
గుర్తుంచుకోవాల్సిన విషయం ఏమిటంటే తేనె కలిపిన తర్వాత నీటిని మరిగించకూడదు. ఈ డ్రింక్ ను గోరువెచ్చగా ఉన్నప్పుడు నెమ్మదిగా తాగితే గొంతుకు ఎంతో ప్రశాంతత లభిస్తుంది.
పైన చెప్పుకున్న రెమిడీని రోజుకు రెండు సార్లు తీసుకోవడం వల్ల మంచి ఫలితాలు కనిపిస్తాయి. ఉదయం నిద్ర లేచిన వెంటనే తీసుకుంటే రాత్రంతా పేరుకుపోయిన కఫం కరిగిపోయి శ్వాస తీసుకోవడం సులభం అవుతుంది. అలాగే రాత్రి పడుకునే ముందు తీసుకుంటే నిద్రలో కఫం అడ్డుపడకుండా ప్రశాంతంగా నిద్రపోవచ్చు. కొద్ది రోజుల పాటు క్రమం తప్పకుండా ఈ పద్ధతిని పాటిస్తే ముక్కు దిబ్బడ, గొంతు సమస్యలు పూర్తిగా తగ్గిపోయి ఆరోగ్యం మెరుగుపడుతుంది.
*రూపశ్రీ.