Publish Date:May 24, 2017
Publish Date:May 8, 2017
Publish Date:May 3, 2017
Publish Date:May 2, 2017
Publish Date:Apr 29, 2017
Publish Date:Apr 26, 2017
Publish Date:Apr 17, 2017
Publish Date:Apr 13, 2017
Publish Date:Apr 13, 2017
Publish Date:Apr 11, 2017

LATEST NEWS
ALSO ON TELUGUONE N E W S
  అన్న కళ్యాణ్ రామ్ తో జూనియర్ ఎన్టీఆర్ కి విభేదాలు ఉన్నాయని వార్తలు వస్తున్నాయి. గత కొన్నేళ్లుగా అన్నతో చాలా సఖ్యతగా ఉంటున్న ఎన్టీఆర్, కళ్యాణ్ రామ్ ఎమ్మెల్యే సినిమా ప్రీ రిలీజ్ ఫంక్షన్ కి డుమ్మా కొట్టడం పై రక రకాల కథనాలు వచ్చాయి. కళ్యాణ్ రామ్ మాత్రం తన తమ్ముడు త్రివిక్రమ్ శ్రీనివాస్ దర్శకత్వంలో వస్తున్న సినిమాకి బాడీ బిల్డ్ చేసే పనిలో ఉన్నాడని, ఇప్పుడు తనని పిలవడం నాకు కూడా ఇష్టం లేదని సమర్ధించుకున్నారు. ఇంతలో, ఐపీయల్ యాడ్ లో ఎన్టీఆర్ దర్శనమివ్వడం, మహేష్ బాబు భరత్ అనే నేను బహిరంగ సభకి ముఖ్య అతిధిగా విచ్చేయడం అన్నదమ్ముల మధ్య విభేదాలు ఉన్నాయి అనే వార్తలకి ఊతమిచ్చాయి. అయితే, వీటన్నిటినీ అబద్దం చేస్తూ, ఈ రోజు ఎన్టీఆర్ కళ్యాణ్ రామ్ కొత్త సినిమా ఓపెనింగ్ కి తండ్రి హరికృష్ణ తో పాటు హాజరయ్యారు. ఈ కార్యక్రమంలో ఎన్టీఆర్ తన అన్నతో ఎంతో సఖ్యతతో మెదిలినట్టు కనిపించింది. అయితే, ఎన్టీఆర్ ఎమ్మెల్యే ఫంక్షన్ రాకపోవడానికి వేరే కారణాలున్నాయి అని, ఇద్దరి మధ్య విభేదాలు వట్టి పుకార్లని ఇద్దరికీ సన్నిహితంగా ఉండే వాళ్ళు చెబుతున్నారు. ఈ రోజు లాంచ్ అయిన కళ్యాణ్ రామ్ కొత్త సినిమా కి ప్రముఖ కెమరామెన్ KV గుహన్ దర్శకత్వం వహిస్తున్నాడు. ఇక ఎన్టీఆర్ విషయానికి వస్తే, ప్రస్తుతం త్రివిక్రమ్ దర్శకత్వంలో ఒక సినిమా చేస్తున్నాడు.
  Superstar Mahesh Babu’s Bharat Ane Nenu is doing steady business at box office. The film directed by Koratala Siva raked for five days in Andhra Pradesh and Telangana. With no big competition at box office, the film’s domination will continue until the arrival of Allu Arjun’s Naa Peru Surya on May 4th. Here is Bharat Ane Nenu collections report: Area      Shares Nizam 13.07Crs Ceded  6.38Crs Krishna 4.16Crs Guntur 6.37crs Nellore 1.73Crs East  5.11crs West  3.07Crs UA 6.08cr Total  share : 45.98Crs
Bonhomie and new found friendship between top Tollywood stars Young Tiger NTR,Mega Power Star Ram Charan and Super Star Mahesh Babu is mesmerizing movie lovers and delighting their die-hard fans who always fight for supremacy among themselves rolling out numbers on their stars films release days. The past weeks witnessed NTR, Ram Charan and Mahesh Babu gracing each other’s film functions, congratulating each other on their film's success and also partying together. In the midst of all this, Mahesh, NTR and Ram Charan created sensation with their new picture. The picture taken at a function is going viral taking their friendship level to new highs. Many say that Mahesh, NTR and Ram Charan are showing their friendship power with their acts. Upasana in fact shared the snap with the caption "#raw&real @urstrulyMahesh @tarak9999 #ramcharan"
Young hero Tanish is all set to enthrall us as Desha Dimmari. Nagesh Naradasi is directing the film, while Swathanthra Goel (Shaavi USA) is producing it on Saveena Creations Banner. Shareen is leading lady opposite Tanish in the film. The film will go for censor soon and it is slated for release in this summer. Tanish is going to show us his singing skills with the film. Yes, Tanish crooned a satirical song on cash ‘Hey Paisa’ in this film. Desha Dimmari has been shot in beautiful locations in Punjab, Himachal Pradesh, Haryana, Simla etc. Director Nagesh Naradasi informed that, Subhash Anand’s music and Pradeep Antony’s choreography will be major highlights in the film. “Desha Dimmari is made as pucca commercial entertainer with all ingredients for all section of audiences. The film has done with production works and it will soon complete censor formalities. We are planning to release the movie in summer,” said producer. Nandamuri Hari is the editor and Mallikarjun cranked cinematography.  
  నిన్న జరిగిన టాలీవుడ్ మీటింగ్ కి ఇండస్ట్రీ లో ఉన్న దాదాపు అందరు హీరోలు అటెండ్ అయ్యారు. నాగార్జున, వెంకటేష్, రామ్ చరణ్, అల్లు అర్జున్, ఎన్టీఆర్, నాని, కళ్యాణ్ రామ్, నాగ చైతన్య, అఖిల్, సుమంత్, రాజ్ తరుణ్, నరేష్ లతో పాటు అల్లు అరవింద్, కిరణ్, NV ప్రసాద్, KL నారాయణ, తమ్మారెడ్డి భరద్వాజ, మంచు లక్ష్మి తదితరులు ఈ మీటింగ్ కి హాజరయ్యారు. అయితే, బాలకృష్ణ మాత్రం ఈ మీటింగ్ కి వెళ్ళడానికి ఎడ మొహం చూపించాడు. ఇంతకీ, బాలకృష్ణ ఈ మీటింగ్ కి వెళ్లకపోవడానికి కారణం ఏంటి? ఇండస్ట్రీ సోర్సెస్ ప్రకారం తనంటే అస్సలు గిట్టని నాగార్జున, ఎన్టీఆర్ లు ఈ మీటింగ్ కు రావడం బాలకృష్ణ కి నచ్చలేదట. అందుకనే, చిరంజీవి ప్రత్యేకంగా ఫోన్ చేసి పిలిచినా కూడా వెళ్లకుండా ఉండిపోయాడట. ఇది కాకుండా, ఛానెల్స్ ని బ్యాన్ చేయడం అనే ఆలోచన బాలకృష్ణ కి నచ్చ లేదట. అయితే, బాలకృష్ణ ఈ మీటింగ్ స్కిప్ అవ్వడానికి కులం చిచ్చు పెట్టే ప్రయత్నాలు కొందరు చేస్తున్నారు. అయితే, ఇందులో ఏ మాత్రం వాస్తవం లేదంటున్నారు. త్వరలో, టాలీవుడ్ ప్రముఖులు మరిన్ని విషయాలు డిస్కస్ చేసేందుకు మళ్ళీ మీట్ అవ్వనున్నారు.
  ఒకరు కాదు ఇద్దరు కాదు దాదాపు 23 మంది ఎమ్మెల్యేలు అధికార పార్టీ అయిన టీడీపీలోకి చేరిన సంగతి అందరికీ తెలిసిందే. ఇక అంతమంది వైసీపీ నేతలు టీడీపీ పార్టీలోకి జంప్ అవుతున్నా... జగన్ మాత్రం వారిని ఆపలేదు. ఇక ఎలాగూ వస్తున్నారు కదా అని టీడీపీ కూడా అందరినీ ఆహ్వానించేసింది. అప్పుడు జగన్ చంద్రబాబుకి ఫోన్ చేసింది లేదు...మా వాళ్లను మీ పార్టీలోకి తీసుకోవద్దు అని చెప్పింది లేదు. అయితే పాపం ఇప్పుడు జగన్ కు ఆ అవకాశం కూడా లేకుండా పోయింది. అదేంటో తెలుసుకోవాలంటే అసలు స్టోరీ లోకి వెళ్లాల్సిందే.   ఏపీ బీజేపీ అధ్యక్ష పదవి నియామకంపై కేంద్రం యూటర్న్ తీసుకున్న సంగతి తెలిసిందే. గత కొద్ది కాలంగా ఏపీ అధ్యక్ష నియామకం పై చర్చలు జరుగుతుండగా.. ఆఖరికి సోము వీర్రాజు ను ఖరారు చేసినట్టు వార్తలు వచ్చాయి. కానీ ఇప్పుడు మళ్లీ పునరాలోచనలో పడ్డారు. అయితే బీజేపీ అధ్యక్ష పదవిపై ఆశలు పెట్టుకున్న కన్నా లక్ష్మీనారాయణ కేంద్రం తీసుకున్న నిర్ణయంతో అసంతృప్తి చెందారు. దీంతో ఆయన బీజేపీని వీడి వైసీపీలో చేరాలని నిర్ణయించుకున్నట్టు తెలుస్తోంది. కన్నాతో పాటు ఇప్పుడు పలు నేతలు కూడా వైసీపీలోకి రావడానికి చూస్తున్నట్టు. అందులో కావూరి సాంబశివరావు, కర్నూలు జిల్లా పాణ్యం మాజీ ఎమ్మెల్యే కాటసాని రాంభూపాల్ రెడ్డి కూడా ఉన్నట్టు విశ్వసనీయ వర్గాల సమాచారం. కాటసాని ఈనెల 29న వైసీపీలో చేరుతారని తెలుస్తుండగా, కావూరి చేరికపై అధికారిక ప్రకటన వెలువడాల్సివుంది.   అయితే ఇక్కడే జగన్ కు ఓ షాక్ తగిలింది. ఏపీ బీజేపీ నుంచి వైసీపీలోకి చేరికలకు ఆ పార్టీ హైకమాండ్ అడ్డుకట్ట వేసింది. ఈ నేపథ్యంలోనే జగన్ కు అమిత్ షాకు ఫోన్ చేసినట్టు సమాచారం. తమ పార్టీ నుండి నేతలు వైసీపీలోకి వస్తే వారిని చేర్చుకోవద్దని అమిత్ షా జగన్ కు చెప్పినట్టు రాజకీయ వర్గాలు చర్చించుకుంటున్నాయి. అంతేకాదు... కన్నాకి కూడా షా ఫోన్ చేశారంట. కన్నా లక్ష్మీనారాయణకు అమిత్ షా ఫోన్ చేసి పార్టీలోనే ఉండాలని కోరారట. ఇక అమిత్ షానే కోరడంతో కన్నా కూడా తన మనసును మార్చుకున్నట్టు తెలుస్తోంది. అందుకనే.. ఆరోగ్యం బాలేదని.. ఏదో సాకు చెప్పి వైసీపీలో చేరే కార్యక్రమాన్ని ఆపేసి, ఆసుపత్రిలో చేరారని అంటున్నారు. పాపం జగన్ కు ఈ అవకాశం కూడా లేకుండా పోయింది.
  శ్రీరెడ్డి ఎపిసోడ్ ఒక్కసారిగా యూటర్న్ తీసుకొని పొలిటికల్ డ్రామా తెరపైకి వచ్చింది. క్యాస్టింగ్ కౌచ్ దగ్గర మొదలైన వ్యవహారం ఆఖరికి రాజకీయాల వరకూ వచ్చింది. శ్రీరెడ్డి ఒక్కసారిగా పవన్ కళ్యాణ్ పై అనుచిత వ్యాఖ్యలు చేయడంతో అసలు ఎక్కడ మొదలైంది... ఎక్కడివరకూ వెళ్లింది ఈ వ్యవహారం అని అందరూ ఒకటే చర్చించుకుంటున్నారు. కొంతమంది అయితే పవన్ ను అనవసరంగా ఈ వ్యవహారంలోకి లాగారు అని అనుకునేవాళ్లు కూడా ఉన్నారు. పవన్ అభిమానులు, సినీ ప్రముఖులు సామాన్య ప్రజలు సైతం శ్రీరెడ్డి పై ఆగ్రహం వ్యక్తం చేశారు. ఇక దీనిపై చర్చలు జరుగుతుండగానే ఆడియో లీక్స్ ఒకటి బయటకు వచ్చాయి. దీని సూత్రధారి రామ్ గోపాల్ వర్మ అని బయటపడింది. అంతేకాదు దీని వెనుక వైసీపీ కుట్ర కూడా ఉందని బయటకు రావడంతో అసలు ఇష్య్చూ మొత్తం ఒక్కసారిగా రాజకీయాలవైపు మళ్లింది.   ఇక ఏ విషయంపైనా పెద్దగా స్పందించని పవన్ ఈ విషయంలో మాత్రం చాలా సీరియస్ ఉన్నట్టు తెలుస్తోంది. నిన్న మధ్యరాత్రి ట్విట్టర్ వేదికగా చాలా భావోద్వేగంగా కొన్ని ట్వీట్లు కూడా పెట్టారు. అయితే ఆ ట్వీట్లలో ఏపీ సీఎం చంద్రబాబు నాయుడుపై, మీడియాపై తీవ్ర స్థాయిలో మండిపడ్డారు పవన్. ‘నా తల్లిపై ప్రయోగించిన అభ్యంతరకర భాషని పదేపదే ప్రసారం చేసిన వార్తను ముఖ్యమంత్రి చంద్రబాబునాయుడు, లోకేష్ లేదా ప్రతిపక్షనేతల తల్లిపై కూడా వాడి ఉంటే మీ మీడియా సంస్థలు ప్రసారం చేసే ధైర్యం చేసేవా?’ అని సూటిగా ప్రశ్నించారు. కేవలం పవన్ కల్యాణ్ తల్లి, ఎవరికీ, ఏనాడూ అపకారం తలపెట్టని పవన్ కల్యాణ్ తల్లిపై వాడిన అసభ్యకరమైన భాషను మాత్రం పదేపదే టెలీకాస్ట్ చేసి, దానిపై విశ్లేషణలు, చర్చలు చేపడతారు... అంటూ తీవ్ర ఆగ్రహం వ్యక్తం చేశారు. ‘ఇప్పుడు చెప్పండి శక్తిమంతమైన, ధనిక మీడియా శక్తులారా? పవన్ కల్యాణ్ కే ఈ ప్రత్యేకమైన ట్రీట్ మెంట్ ఎందుకు?’ అని ఆయన నిలదీశారు. అంతేకాదు దీనిపై ఆయన లీగల్ కూడా యాక్షన్ తీసుకోనున్నట్టు సమాచారం.   ఇదిలా ఉండగా ఇప్పుడు పవన్ ట్వీట్ వ్యాఖ్యలపై పార్టీ నేతలెవరూ స్పందించవద్దని టీడీపీ వారి నేతలకు ఆదేశించినట్టు తెలుస్తోంది. ఎందుకంటే కేంద్ర ప్రభుత్వాన్ని నిరసిస్తూ చంద్రబాబు ఈరోజు దీక్ష చేస్తున్నారు. ఈ నేపథ్యంలో పవన్ వ్యాఖ్యలపై స్పందిస్తే చంద్రబాబు నాయుడు చేపట్టిన ధర్మ పోరాట దీక్ష పక్క దారిపడుతుందని...చంద్రబాబు దీక్షా సమయంలో ఈ తరహా రాజకీయాలకు తెరలేపడం కుట్రలో భాగమేనని టీడీపీ అధిష్టానం అభిప్రాయపడింది. శ్రీరెడ్డి ఎపిసోడ్‌ను రాజకీయాలకు ఆపాదించడంలోనే అతిపెద్ద రాజకీయ కుట్ర ఉందని.. ఒక వేళ టీడీపీ నేతలు పవన్‌పై విమర్శలు చేస్తూ రంగంలోకి దిగితే చంద్రబాబు చేపట్టిన దీక్షకు తగిన ప్రాధాన్యత లభించకపోవచ్చనే టీడీపీ అధిష్టానం ఈ మేరకు అప్రమత్తంగా వ్యవహరించినట్లు తెలుస్తోంది. మరి ముందు ముందు ఇంకెన్నిఈ వ్యవహారంలో ఇంకెన్ని ట్విస్ట్ లు చోటుచేసుకుంటాయో... పవన్ ఎలాంటి నిర్ణయం తీసుకుంటాడో.. దానికి టీడీపీ ఎలా స్పందిస్తుందో.. చూద్దాం..
  రాజకీయాల్లో జంపింగ్ లు కామన్. ఒకప్పుడైతే పార్టీకి కట్టుబడి ఉండి.. పార్టీ మీద ప్రేమతో అధికారంలో ఉన్నా.. లేకపోయినా అదే పార్టీలో ఉండేవారు. కానీ రోజులతో పాటు అలాంటి ప్రేమలు, పద్దతులు కూడా మారిపోయాయి. ఏ పార్టీ అధికారంలో ఉంటే ఆ పార్టీలోకి జంప్ అవ్వడం.. అప్పటి వరకూ వినడానికి కాస్త ఇబ్బందిగా ఉండే పదజాలంతో అనుచిత వ్యాఖ్యలు చేసినా.. ఎలాంటి మొహమాటం లేకుండా వేరే పార్టీలోకి వెళ్లడం.. వారితో కలిసిపోవడం చూస్తూనే ఉన్నాం. ఇప్పుడు ఈ ఉపోద్ఘాతం అంతా ఎందుకంటే...   అధికార పార్టీ అయిన టీడీపీలోకి ఒకరు కాదు ఇద్దరు కాదు దాదాపు 22 మంది ఎమ్మెల్యేలు జంప్ అయిన సంగతి తెలిసిందే. అయితే ఇప్పుడు ఆ ఎమ్మెల్యేలందరూ టీడీపీపై అసంతృప్తితో రగిలి పోతున్నారట.  తమను పార్టీలో చేర్చుకునే ముందు… చంద్రబాబు ఎన్నో హామీలిచ్చారని, కాని వచ్చాక కూరలో కరివేపాకులా తీసేస్తున్నారని మండిపడుతున్నారట. నంద్యాల ఎమ్మెల్యే భూమా నాగిరెడ్డి మరణానంతరం ఆయన అన్న కొడుకు భూమా బ్రహ్మానందరెడ్డి ఉప ఎన్నికల్లో గెలుపొందారు. ముందుగా ఇచ్చిన మాట ప్రకారం నలుగురు ఫిరాయింపు ఎమ్మెల్యేలకు మంత్రిపదవులిచ్చారు చంద్రబాబు. అందులో ప్రధానంగా రెడ్డి వర్గాన్ని ప్రసన్నం చేసుకునేందుకు ముగ్గురికి స్థానం కల్పించారు. మరో నలుగురికి మంత్రి పదవులిచ్చారు.. అయితే  మిగిలిన ఫిరాయింపు ఎమ్మెల్యేలు మాత్రం మా పరిస్థితి ఏంటని ప్రశ్నిస్తున్నారు. కనీసం నామినేటెడ్ పోస్టుల్లో కూడా తమకు ప్రాధాన్యం కల్పించలేదని మండిపడుతున్నారట. దీంతో సైకిల్ పై వెళితే.. తమకు భవిష్యత్ ఉండదని గ్రహించి.. ఫ్యాన్ కిందకు వచ్చేయాలని ఆరాటపడుతున్నారట. ఈ నేపథ్యంలో టీడీపీలో చేరిన ఎమ్మెల్యేల్లో.. పదిమంది ఎమ్మెల్యేలు జగన్ తో చర్చలు జరిపారట.   మరి జగన్ వైఖరి అందరికీ తెలిసిందే. పార్టీలో ఉన్నవాళ్లే జగన్ కు భయపడుతుంటారు. తాను చెప్పిందే వినాలనుకుంటాడు జగన్. అలాంటిది..ఇప్పుడు టీడీపీలోకి జంప్ అయి ఇప్పుడు వస్తా అంటే అంత ఈజీగా ఓకే అంటాడా..? తాము ఏదో అనుకుని పార్టీ మారామని, కానీ, ఇక్కడ తాము అనుకున్నంత లేదని వారు ఆవేదన వ్యక్తం చేసినా... వారి మాటలు విన్న జగన్ మోహన్ రెడ్డి మాత్రం.. వారికి ఎలాంటి హామీ ఇవ్వలేదట. పార్టీ మారిన ఎమ్మెల్యేల నియోజకవర్గాల్లో కొత్త అభ్యర్థులకు అవకాశం ఇచ్చి గెలుపించుకోగలనన్న దీమాతో ఉన్నారట జగన్. పాపం మరి రెంటికి చెడ్డ రేవడిలా.. పాపం అటు టీడీపీలో ఉన్నా ఉపయోగం లేదు.. ఇటు జగన్ కనికరించక ఏం చేయాలో తెలియని పరిస్థితిలో ఉన్నారట. ఆయన ఎప్పుడు ఊ అంటే.. అప్పుడు గోడదూకేందకు సిద్ధంగా ఉన్నారట. మరి చూద్దాం ఏం జరుగుతుందో...
మొత్తానికి ఏపీ రాజకీయాలు మాత్రం రోజుకో ట్విస్ట్ తో.. రోజుకో కొత్త అంశంతో వేడి వేడిగా తయారవుతున్నాయి. ఎవరికి వాళ్లు వచ్చే ఎన్నికల్లో గెలుపుకోసం తెగ కష్టాలు పడుతున్నారు. ఇక ఇప్పుడు ఏపీ ప్రత్యేక హోదా అంశాన్ని అడ్డుపెట్టుకొని రాజకీయాలు నడుపుతున్నారు. తమ వల్లే ప్రత్యేక హోదా ఇచ్చారని చెప్పుకోవడానికి తాపత్రయపడుతున్నారు. అయితే కేంద్రం మాత్రం ప్రత్యేక హోదా ఇచ్చేది లేదని చెప్పేసిందనుకోండి. అయినా భగీరధ ప్రయత్నం చేస్తున్నారు ఏపీ నేతలు. ఇక ఇప్పటికే అసలు రాష్ట్రంలో ఏం జరుగుతుందబ్బా అని అయోమయంలో ఉన్న సామాన్య ప్రజలకు...అప్పుడప్పుడు సంచలన వ్యాఖ్యలు చేస్తూ ఇంకా అయోమయంలో పడేస్తుంటారు  హీరో శివాజీ.   ఈ మధ్య ఆపరేషన్ గరుడ అంటూ.. దాని గురించి ఏకంగా ఓ బ్లాక్ బోర్డ్ పెట్టి.. ఆ ఆపరేషన్ గురించి చెప్పి హడావుడి చేసిన సంగతి తెలిసిందే. ఆ తరువాత రెండు మూడు రోజులు దానిపై చర్చలు జరిగినా..తరువాత దాని గురించి మరిచిపోయారు. ఇక ఇప్పుడు మరోసారి ఆయన ప్రత్యేక హోదాపై మాట్లాడుతూ సంచలన వ్యాఖ్యలు చేశారు. ‘ప్రత్యేక హోదా’ సాధించే ఉద్దేశం రాజకీయ నేతలకు గానీ, రాజకీయ పార్టీలకు గానీ లేదని, వాళ్ళందరూ ఒకరిపై ఒకరు నిందలు వేసుకోవడంలో నిమగ్నమై ఉన్నారని, ఎవరికీ ప్రత్యేక హోదా సాధించే చిత్తశుద్ధి లేదని అంటున్నారు. అంతేకాదు... కొందరు నేతలైతే రాష్ట్రంలో అల్లకల్లోలాలు సృష్టించేందుకు డబ్బులు కూడా తీసుకున్నారని, వాళ్ళందరి గుట్టు విప్పుతానని మండిపడ్డారు. మరో పది రోజుల్లో అందరినీ నడిరోడ్డుపై నిలబెట్టి జనాలు రాళ్ళు వేసి కొట్టేలా చేస్తానని చెప్పిన శివాజీ, తనకు మాత్రం రాష్ట్ర ప్రయోజనాలే ముఖ్యమని అభిప్రాయపడ్డారు. ‘స్పెషల్ స్టేటస్, రైల్వే జోన్, పోలవరం’ వంటి కీలకమైన అంశాల కోసం రాజకీయ నాయకులే పోరాటానికి దిగని సందర్భంలో... సినీ హీరోలను ఎలా విమర్శిస్తామని శివాజీ లాజికల్ గా ప్రసంగించారు. మరి  శివాజీ ఏం గుట్టు విప్పుతారో... ఎవరిపై ఏం బాంబు పేల్చుతారో తెలియాలంటే అప్పటివరకూ వెయిట్ చేయాల్సిందే.
  ఈ మధ్య  రాజకీయ నాయకులకు ఒక్కరోజు నిరాహారదీక్షలు చేయడం.. ఒక్కరోజు పాదయాత్రలు చేయడం ఫ్యాషన్ అయిపోయింది.  ఏపీ ప్రత్యేక హోదా పోరాటంలో భాగంగా ఇటీవల జనసేన అధినేత పవన్ కళ్యాణ్ ఒక్కరోజు పాదయాత్ర చేశారు. అంతేనా ప్రధానమంత్రి మోడీ కూడా ఒక్కరోజు నిరాహార దీక్ష చేశారు. మోడీ ఒక్కరోజు నిరాహార దీక్ష ఎందుకు చేశారో తెలుసుకదా. ఏపీకి ప్రత్యేక హోదా ఇవ్వాలని డిమాండ్ చేస్తూ ఏపీ ఎంపీలందరూ పార్లమెంట్లో పెద్ద ఎత్తున ఆందోళనలు చేసిన సంగతి తెలిసిందే. కేంద్రంపై అవిశ్వాస తీర్మానం కూడా పెట్టారు. ఇక చేయాల్సింది అంతా చేసి కేంద్రం డ్రామాలు ఆడి దానిపై చర్చ జరగకుండా చేసింది. పైగా విపక్షాలు చర్చలు జరగకుండా అడ్డుకున్నాయని... దానిని నిరసిస్తూ ప్రధాని మోడీ దీక్ష చేశారు. ఇక తమిళనాడులో కూడా కావేరి బోర్డు యాజమాన్యం ఏర్పాటు చేయాలని అన్నాడీఎంకే అధ్వర్యంలో నేతలు ఆమరణ నిరాహార దీక్ష చేశారు. అయితే పేరుకే ఆమరణ నిరాహార దీక్ష అని తేలిపోయింది. దీక్ష పేరుతో నేతలు ఎంచక్కా పక్కకు వెళ్లి ఫుల్ గా కుమ్మేయడం కెమెరాల కంటికి చిక్కి పరువు పోవడం అన్నీ జరిగిపోయాయి. ఇక ఇప్పుడు ఏపీ ముఖ్యమంత్రి చంద్రబాబు కూడా ఆ జాబితాలో చేరిపోయారు. తాను కూడా నిరాహారదీక్షను చేయబోతున్నానంటూ ప్రకటన చేశారు. తన పుట్టినరోజైన ఏప్రిల్ 20వ తేదీన దీక్షను చేపడుతున్నానని ఆయన తెలిపారు. ఉదయం నుంచి సాయంత్రం వరకు దీక్ష చేయనున్నట్టు చంద్రబాబు ప్రకటించారు.   ఈ సందర్భంగా ఆయన మాట్లాడుతూ... పార్లమెంటును జరగనివ్వలేదని చెప్పి ప్రధాని మోదీ నిరాహారదీక్ష చేశారని... పార్లమెంటు జరగకపోవడానికి కారణం మీరే కదా? అని ఆయనను తాను అడుగుతున్నానని చంద్రబాబు ఎద్దేవా చేశారు. తాను మాత్రం రాష్ట్రానికి జరుగుతున్న అన్యాయాన్ని నిరసిస్తూ దీక్ష చేయబోతున్నానని... తద్వారా కేంద్రం పట్ల నిరసన వ్యక్తం చేస్తానని తెలిపారు. అంతేకాదు... ఢిల్లీని శాసించబోయేది టీడీపీనే అని... ఢిల్లీలో చక్రం తిప్పుతామని చెప్పారు. 2019లో మనం మద్దతు ఇచ్చే పార్టీనే కేంద్రంలో అధికారంలోకి వస్తుందని ధీమా వ్యక్తం చేశారు. రానున్న ఎన్నికల్లో 25 ఎంపీ సీట్లను గెలిపిస్తే... ప్రత్యేక హోదాను తెస్తామని తెలిపారు. తెలుగుదేశం పార్టీ అంటే ఏమిటో యావత్ దేశానికి చూపుదామని అన్నారు. మరి ఈ ఒక్కరోజు దీక్షలు ఏంటో అని సామాన్య ప్రజలు చర్చించుకుంటున్నారు. ఒక్కరోజు దీక్ష చేస్తే ఆ ఎఫెక్ట్ ఎంత వరకూ ఉంటుందో వాళ్లకే తెలియాలి అని అంటున్నారు. అసలు ఏం తినకుండా ఒక్కరోజు ఉండటం పెద్ద మ్యాటరేం కాదు.. అలాంటిది ఒక్కరోజు దీక్ష చేసి ఏం సాధిస్తారో ఏమో అని అసహనం వ్యక్తం చేస్తున్నారు. చూద్దాం మరి చంద్రబాబు ఒక్కరోజు దీక్షతో సాధిస్తారేమో..!
  కర్ణాటక ఎన్నికలు చాలా కీలకంగా మారాయి. ఈ ఎన్నికల్లో గెలవడానికి బీజేపీ, కాంగ్రెస్ రెండు పార్టీలు చాలా కష్టపడుతున్నారు. ముఖ్యంగా బీజేపీ... బీజేపీకి ఈ ఎన్నికలు ఇంకా కీలకంగా మారాయి. కారణం.. దీనికి బీజేపీ పై దేశవ్యాప్తంగా ఉన్న వ్యతిరేకతే. ఇప్పటికే వచ్చిన ఉపఎన్నికల్లో బీజేపీ ఓడిపోతుండటంతో.. ఈ ఎన్నికల్లో గెలిచి మళ్లీ తమ సత్తా చూపించాలని చూస్తున్నారు. ఇక కాంగ్రెస్ కూడా తమ వ్యూహాలు తాము రచించుకుంటున్నారు.   ఇంకా ఆశ్చర్యకరమైన విషయం ఏంటంటే.. ఈ ఎన్నికల్లో తెలుగు వాళ్ల ప్రచారానికి బాగా డిమాండ్ ఏర్పడుతోంది. ప్రధానంగా తెలుగువారు ఉండే ప్రాంతాల్లో, బెంగళూరు సిటీలో తెలుగు స్టార్ క్యాంపెయినర్ల ప్రచారం కోసం కన్నడ నేతలు ఎదురుచూస్తున్నారు. ఇప్పటికే పవన్ కల్యాణ్ తో ప్రచారం చేయించుకోవడానికి జేడీఎస్ ప్రయత్నాలు చేస్తున్నట్టుగా ప్రకటించుకుంది. ఇప్పుడు కాంగ్రెస్ చిరంజీవితో ప్రచారం చేయించాలన్న ఆలోచన ఉన్నట్టు తెలుస్తోంది. మెగాస్టార్ ప్రచారానికి వస్తారని కర్ణాటక కాంగ్రెస్ నేతలు అంటున్నారు. చిరంజీవి ప్రస్తుతం కాంగ్రెస్ లోనే ఉన్నారని... కర్ణాటకలో కాంగ్రెస్ తరఫున ప్రచారం చేయడానికి ఆయన వస్తారని అక్కడి కాంగ్రెస్ నేతలు అంటున్నారు.   అయితే మరో వాదన కూడా వినిపిస్తోంది. చిరంజీవి పదవికాలం ఇటీవలే ముగిసింది. చిరును మళ్లీ రాజ్యసభకు పంపడానికి తగిన బలం కాంగ్రెస్ కు లేకపోయింది. ఈ నేపథ్యంలో ఇప్పుడు చిరంజీవి కర్ణాటక ఎన్నికల ప్రచారానికి వెళ్తారా? అన్న అనుమానాలు వ్యక్తమవుతున్నాయి. అందులోనూ చిరంజీవి ప్రత్యక్ష రాజకీయాలకు కాస్త దూరంగానే ఉంటున్నారు. అయితే కర్ణాటకలో కాంగ్రెస్ పార్టీ మరీ ఏపీలో ఉన్నంత వీక్ గా లేదు. చిరంజీవి వచ్చి ప్రచారం చేస్తే సినీ గ్లామర్ కలిసి వస్తుందని అక్కడి నేతలు భావిస్తున్నారు. అధిష్టానం చేత చెప్పించి, చిరంజీవిని ప్రచారానికి రప్పించేయత్నాల్లో ఉన్నారట అక్కడి కాంగ్రెస్ నేతలు. మరి చిరంజీవి వెళతారో లేదో చూడాలి. ఒకవేళ చిరంజీవి కనుక గ్రీన్ సిగ్నల్ ఇస్తే పవన్ ను చిరంజీవి కి మధ్య పోటీ ఏర్పడుతుందేమో.
మీరు మీ భార్య లేదా భర్తతో...హ్యాపీగా మంచి రిలేషన్ లో వుండాలను కు౦టున్నారా? అయితే ఓకే ఒక్క సూత్రం వుంది. దానిని పాటించ౦డి చాలు అంటున్నారు పరిశోధకులు..! ''సారీ'' ( Sorry ) ని కాస్త విరివిగా వాడితే చాలు బంధం బలపడుతుంది అంటున్నారు వీరు. సుదీర్ఘ౦గా కొన్ని వందల జంటలపై సాగించిన అధ్యయనంలో భార్య భర్తలకి ఒకరిపై ఒకరికి ఉండే ఆరోపణల్లో మొదటిస్థానంలో ఈ 'సారీ' చెప్పకపోవడమే నిలిచి౦దిట. మనసు గాయం చిన్నదైనా, పెద్దదైనా ఎదుటవ్యక్తి దానికి 'సారీ' చెప్పకపోతే దానిని తమపై ప్రేమ లేనట్లుగానే భావిస్తారట. భార్య అయినా భర్త అయినా.. నిర్లక్ష్యం, ప్రేమ లేకపోవడం, బాధ్యతారాహిత్యం, ఇలా అ ఫీలింగ్ కి రకరకాల మాస్కులు తొడిగేసి బాధ పడిపోతారట. ఇక ఆ భావనలు మనసుని పట్టి కుదిపెస్తుంటే అనుబంధం బీటలు వారక ఏమవుతుంది చెప్పండి? చిన్న సారీ పెద్ద ఉపద్రవాలని ఆపెయ్యగలదు అంటున్నారు పరిశోధకులు. చిన్న చిన్న మనస్పర్ధలు ఒకొటోకటిగా చేరి మనసును విరిచేస్తాయి కాబట్టి ఎదుటి వ్యక్తి మనసు నొప్పి౦చగానే సిన్సియర్ గా సారీ చెప్పండి..బంధాన్ని కాపాడుకోండి అని సలహా ఇస్తున్నారు. మరి కాస్త ఇగో పక్కన పెట్టి సారీ చెప్పేయడం ప్రారంభించ౦డి.      ...రమ
  సంతోషంగా వుండాలి. ఇదే అందరి కోరిక. అలా సంతోషంగా వుండాలంటే ఏమి కావాలి? ఏం చేయాలి అని తీవ్రంగా ఆలోచిస్తారు. ఏవేవో సూత్రాలు, ప్రణాళికలు చెబుతారు, వింటారు. సంతోషంగా వుండటం ఎలా అని నాలాగా ఎవరైనా వాళ్ళకి తోచింది రాస్తే అర్జెంటుగా చదివేస్తారు ఏమన్నా సీక్రెట్ తెలుస్తుందేమో అని. సంతోషపు నిధి తాళం దొరుకుతుందేమో అని. కానీ, దానికి యూనివర్సల్ సూత్రాలు అంటూ ఏవి వుండవు. వ్యక్తికీ వ్యక్తికి అవి మారిపోతుంటాయి. వాళ్ళవాళ్ళ మనస్తత్వాల బట్టి. ఎన్ని మాట్లాడుకున్నా, ఎన్ని తెలుసుకున్నా, లోపలి నుంచి నమ్మనిది ఏదీ ఆచరణలో కలకాలం నిలవదు. అందుకే ఒక్కసారి లోపలి నుంచి తర్కించి చూసుకోండి, అంతర్ముఖులుగా మారండి, మీతో మీరు వాదించుకోండి. ఏది నిజంగా మీకు సంతోషాన్ని ఇస్తుంది అన్నది తెలుసుకోండి. గుర్తించండి.  అర్జెంటుగా ఈ విషయం కోసం ఇంత ఆలోచించాలా? అనిపిస్తే ఒక్క ప్రశ్న వేసుకోండి! ఇప్పుడు నేను సంతోషంగా వున్నానా? దానికి సమాధానం టక్కున అవును అని వస్తే సరే. లేదంటే తరచి చూసుకునే పని మొదలు పెట్టండి. "సంతోషం గా ఉండటానికి చాలా చాలా కావాలి, అవన్నీ వుంటే అప్పుడు పూర్తి సంతోషం నా స్వంతం" అంటూ చాలా లిస్టు చెబుతారుచాలా మంది. కానీ ఓటి కుండ ఎప్పుడూ నిండదు  అంటారే అలానే సంతోషంగా ఉండటమన్నది మన ఛాయస్ తప్ప అది ఛాన్స్ కానేకాదని తెలియని వారికి ఇప్పుడే కాదు వాళ్ళు కోరినవన్నీ దొరికినా సంతోషం మాత్రం దరిచేరదు. జీవితాన్ని జీవించటం అంటారు చూసారా? అంటే ప్రతి క్షణాన్ని ఆస్వాదిస్తూ , ఆనందిస్తూ, ఆ ఆనందాన్ని వేరొకరికి కూడా పంచుతూ అలా జీవించే వాళ్ళకి సంతోషం ' ఐ లవ్ యు ' అంటూ తోడుగా నిలిచిపోతుంది. అంతర్ముఖులు కావటం అవసరం అని ఇందాక చెప్పుకున్నాం కదా ! ఒక ప్రశాంతమైన ప్రదేశంలో ఒక్కరే కూర్చుని, ప్రకృతితో మమేకం అవుతూ, ఏ ఆలోచనలూ లేకుండా ఒక్క రెండు నిముషాలు గడిపి చూడండి. మన లోపలకి మనం చేసే జర్నీనే అతి కష్టమయినది. అది చేయగలిగితే చాలు జీవిత ప్రయాణం ఏంతో  సులువు. ఆ జర్నీలో ఎన్నో ప్రశ్నలు ఎదురవుతాయి., జవాబులు ఎలా అనుకోవద్దు, ఎందుకంటే మన లోపలి శక్తికి అన్ని ప్రశ్నలకి సమధానం తెలుసు. కళ్ళు మూసుకోగానే నిజనిజాలని మన ముందు ఉంచుతుంది. మనం చేయాల్సిందల్లా ఆ లోపలి శక్తిని పలకరించటమే. ఒక్కసారి ఆ లోపలిదాకా  ప్రయాణం చేసి వస్తే చాలు. ఏవీ సమస్యలుగా కనిపించవు, ఎవరూ శత్రువులుగా తోచరు. ఈ రెండు లేకపోతే చాలు సంతోషం పరిగెట్టుకు వచ్చేస్తుంది. చకచకా పరుగులు పెడుతూ, బడ బడా మాట్లాడేస్తూ , ప్రపంచంతో ఎంతో మమేకం  అయిపోతూ మనకి మనం దూరం అయిపోతున్నాం.  మన లోపలి మనిషిని ఒంటరిని చేసేస్తున్నాం. సంతోషం చిరునామా తెలియలేదంటూ వాపోతున్నాం. మనలోనే వున్న దాని కోసం బయటి ప్రపంచమంతా వెతుకుతున్నాం. -రమ
  ఒక అజ్ఞాత వ్య‌క్తి పేర ప్ర‌చారంలో ఉన్న‌ నీతి క‌థ ఆధారంగా అల్లిన‌ క‌థ ఇది... ఒక ఫ్యాక్టిరీలో వేలాది పెన్సిళ్లు త‌యార‌వుతున్నాయ‌ట‌. ఆ హ‌డావుడిని చూసిన ఒక స‌న్న‌టి పెన్సిల్ త‌నను పెట్టెలో స‌ర్దుతున్న ఓ వ్య‌క్తితో ఇలా మాట‌లు క‌లిపింది. `ప్ర‌పంచంలో ఇన్ని ల‌క్ష‌ల పెన్సిళ్లు ఉన్నాయి క‌దా. వాటితో పోలిస్తే నేను ఎందుకూ ప‌నికిరానేమో అని భ‌యంగా ఉంది. ఒక పెన్సిల్‌గా నా ల‌క్ష్యాన్ని నెర‌వేర్చ‌డం క‌ష్ట‌మేమో అని భ‌యం వేస్తోంది. నాకేద‌న్నా ఉపాయం చెప్ప‌రాదా!` అని అడిగింది. దానికా వ్య‌క్తి చిరున‌వ్వుతో `అదెంత భాగ్యం! నేను చెప్పే ఒక అయిదు విష‌యాలు గుర్తుపెట్టుకో చాలు! నీ జీవితం సార్థ‌క‌మవుతుంది` అంటూ ఇలా చెప్పాడు... ఒక‌టి:  నువ్వు నీ జీవితంలో చాలా అధ్బుతాల‌ను చేస్తావు. కానీ అందుకోసం వేరొక‌రి చేతిలో ఒదిగి ఉండ‌వ‌ల‌సి ఉంటుంది. రెండు:  నీతో చ‌క్క‌గా రాయించేందుకు ఎప్ప‌టిక‌ప్ప‌డు నిన్ను చెక్క‌వ‌ల‌సి ఉంటుంది. ఆ అనుభ‌వం చాలా బాధాక‌రంగా ఉంటుంది. బాధ‌ప‌డాల్సి వ‌స్తుంది క‌దా అని నువ్వు వెనుక‌డుగు వేశావో. ముందు మొద్దుబారి ఆ త‌రువాత ఎందుకూ ప‌నికిరాకుండా పోతావు. మూడు:  నువ్వు చేసిన పొర‌పాట్లు ఏవ‌న్నా ఉంటే దాన్ని చ‌క్క‌దిద్దుకునే అవ‌కాశం కూడా ఉంటుంది. వాటిని శుభ్రంగా వినియోగించి, తిరిగి నేర్ప‌గా రాయి. నాలుగు:  నీ లోప‌ల ఉండేదే నీ విలువ‌కు నిజ‌మైన కొల‌మానంగా ఉంటుంది. అయిదు:  గ‌రుకైన గోడ‌ల నుంచి నున్న‌టి కాగితం వ‌ర‌కూ.... నువ్వు నానార‌కాల ప‌దార్థాల మీద రాయ‌వ‌ల‌సి ఉంటుంది. దేనిమీద రాస్తున్నామ‌న్న‌ది మ‌ర్చిపో. ప్ర‌తి సంద‌ర్భంలోనూ నీదైన ముద్ర వేసేందుకు మాత్ర‌మే ప్ర‌య‌త్నించు.   - ఈ అయిదు సూచ‌న‌లూ చేసి ఆ వ్య‌క్తి, పెన్సిల్‌ను ఈ లోకంలోకి పంపించాడ‌ట‌. ఇప్ప‌డు పెన్సిల్ స్థానంలో మ‌న‌ల్ని ఊహించుకుంటే ఈ సూచ‌న‌లు అర్ధ‌వంతంగానే తోస్తాయి. ఒక‌టి: ఒక ప‌క్క మ‌న వంతు ప్ర‌య‌త్నం చేస్తూనే, విధి చేతిలో నిమిత్త‌మాత్రులం అన్న విష‌యాన్ని గుర్తించాలి. మ‌న ద్వారా జ‌రుగుతున్న అద్భుతాల‌న్నింటికీ మ‌న‌మే బాధ్య‌లం అన్న అహంకారంతో ఉండ‌కూడ‌దు. రెండు:  ఎన్నో బాధాక‌ర‌మైన అనుభ‌వాల ద్వారా జీవితం మ‌న‌కు కొత్త కొత్త పాఠాల‌ను నేర్పుతుంది. అవేమీ నాకు వ‌ద్దు అనుకుంటే లోకంలో అమాయ‌కంగానే ఉండిపోతాం. అనామ‌కంగా మాత్ర‌మే మిగిలిపోతాం. మూడు:  కాలం ముందుకు సాగుతూ ఉంటుంది. దాంతో పాటుగా మ‌నం చేసిన పొర‌పాట్లూ మ‌న జీవితంలో న‌మోదు అయిపోతాయి. వాటిని వెన‌క్కితోసుకోలేక‌పోవ‌చ్చు. కానీ స‌రిదిద్దుకునే అవ‌కాశం మాత్రం జీవితం ఎప్ప‌టిక‌ప్ప‌డు మ‌న‌కి అందిస్తూనే ఉంటుంది. కొన్ని క్ష‌మాప‌ణ‌లు, కొద్దిపాటి క‌ష్టంతో పాటు... పెద్ద మ‌న‌సు, స‌రైన వివేచ‌న ఉంటే వాటిని స‌రిదిద్దుకోవ‌డం సాధ్యం కావ‌చ్చు. నాలుగు:  పైపై మెరుగులు మ‌న‌కి తాత్కాలికంగానే ఉప‌యోగ‌ప‌డ‌తాయి. మ‌న లోప‌ల ఉండే సంస్కార‌మే మ‌న జీవితానికి, విజ‌యానికీ కొల‌మానంగా నిలుస్తుంది. మ‌న చేత‌ల‌కు విలువ‌నిస్తుంది. సంస్కారం లేనివాడు... ఎంత ఎత్తుకి ఎదిగినా, ఎన్ని ఆడంబరాల‌ల‌ను చుట్టుకున్నా నిరుప‌యోగంగానే ఉండిపోతాడు. అయిదు:  జీవితంలోని ప్ర‌తి మ‌లుపులోనూ, ప్ర‌తి మ‌జిలీలోనూ, ప్ర‌తి మాట‌లోనూ, ప్ర‌తి మ‌మ‌త‌లోనూ... మ‌న‌దైన ముద్రంటూ ఒక‌టి ఉండాలి. వ్య‌క్తిత్వం ప‌ట్ల పూర్తి నిబ‌ద్ధ‌త ఉన్న‌ప్పుడే అది సాధ్య‌ప‌డుతుంది. - నిర్జ‌ర‌.
గతంలో కాంగ్రెస్ సీనియర్ నేత రేణుకా చౌదరి పార్లమెంట్లో నవ్వినందుకుగాను ఆమెను శూర్పణకతో పోల్చిన సంగతి తెలిసిందే. ఇక ఈ వ్యవహారం పెద్ద దుమారమే రేపింది. మళ్లీ ఇప్పుడు అలాంటి వ్యాఖ్యలే చేశారు. అయితే ఈసారి చేసింది బీజేపీ ఎమ్మెల్యే సురేంద్ర సింగ్. అది కూడా బీజేపీ ఎంపీలు, ఎమ్మెల్యేలు నోరును అదుపులో ఉంచుకోవాలని, ఏదైనా మాట్లాడేటప్పుడు జాగ్రత్తగా మసలుకోవాలని ప్రధాని మోడీ సూచించిన రెండు రోజులకే. మోడీ మాటలను తుంగలో తొక్కి సురేంద్ర సింగ్ పశ్చిమబెంగాల్ ముఖ్యమంత్రి మమతాబెనర్జీని రావణాసురుడి సోదరి సూర్పణఖతో పోల్చారు. ‘‘మమతా బెనర్జీ సూర్పణఖ పాత్రను పోషిస్తున్నారు. వీధుల్లో ప్రజలను చంపుతున్నా ముఖ్యమంత్రిగా ఆమె ఏమీ చేయడం లేదు. బెంగాల్లో హిందువులకు రక్షణ లేదు. ఇలానే వదిలేస్తే పరిస్థితి జమ్మూ కశ్మీర్ తరహాలో మారిపోతుంది. జమ్మూ కశ్మీర్ నుంచి హిందువులు వలస వెళ్లిన పరిస్థితే పశ్చిమబెంగాల్లోనూ ఏర్పడుతుంది’’ అని సురేంద్ర సింగ్ అన్నారు. కాంగ్రెస్ పార్టీ రావణ పాత్రను పోషిస్తుందని విమర్శించారు. మరి దీనిపై కాంగ్రెస్ పార్టీ ఎలా స్పందిస్తుందో చూడాలి.
  సీబీఐ మాజీ జేడీ, మహారాష్ట్ర అదనపు డీజీపీ లక్ష్మీనారాయణ స్వచ్ఛంద పదవీ విరమణ చేసిన సంగతి తెలిసిందే. అయితే ఇప్పుడు ఆయన రాజీనామాకు ప్రభుత్వం ఆమోదం తెలిపింది. ఇక ఇప్పుడు ఆయన రాజకీయాల్లోకి వచ్చేందుకే మార్గం సుగమం అయిందని అంటున్నారు. అంతేకాదు తన రాజీనామా ఆమోదం పొందిన తరువాత తన భవిష్యత్ కార్యాచరణ గురించి చెబుతానని లక్ష్మీ నారాయణ చెప్పడంతో.. ఇప్పుడు ఆయన ఏం నిర్ణయం తీసుకుంటారా అని అందరూ ఆసక్తిగా ఎదురుచూస్తున్నారు.
  టైం  దొరికినప్పుడల్లా టీడీపీ ఎంపీ జేసీ దివాకర్ రెడ్డి వైసీపీ అధినేత జగన్మోహన్ రెడ్డిపై కామెంట్లు చేస్తూనే ఉంటారు. ఇప్పుడు తాజాగా మరోసారి జగన్ పై జేసీ దివాకర్ రెడ్డి విమర్సలు గుప్పించారు. ఈరోజు ఆయన మీడియాతో మాట్లాడుతూ, జగన్ తన తల్లి విజయమ్మ గర్భంలో ఉన్నప్పుడే ‘ముఖ్యమంత్రిని కావాలి’ అని కలవరించి ఉంటాడని చమత్కరించారు. అదేవిధంగా, పవన్ కల్యాణ్ కూడా ముఖ్యమంత్రి కావాలనే కలలు కంటున్నారని, వాళ్లిద్దరి కలలు   నెరవేరనవి అభిప్రాయపడ్డారు. అంతేకాదు.. ఉమ్మడి రాష్ట్రాల గవర్నర్ నరసింహన్ పై జేసీ విమర్శలు చేశారు. నాడు సోనియాగాంధీకి అత్యంత సన్నిహితుడిగా ఉన్న నరసింహన్, నేడు ప్రధాని మోదీకి అత్యంత సన్నహితుడిగా మారిపోయారని వ్యాఖ్యనించారు.
  కబాలి హడావుడి ముగిసింది. కానీ పోకేమాన్‌ మాత్రం దూసుకునిపోతున్నాడు. ప్రపంచానికంతా ఇప్పుడు పోకెమాన్‌ జాడ్యమే పట్టేసింది. ఇలాంటి ఆటలు ఆడుతూ, లేని జంతువులను ఊహించుకుంటూ రోడ్ల మీద తిరగడం వల్ల రకరకాల సమస్యలు వస్తాయన్న వార్తలు పుంఖానుపుంఖాలుగా వినిపిస్తూనే ఉన్నాయి. ఇన్ని విమర్శల మధ్య కొన్ని సానుకూలమైన మాటలు కూడా వినిపిస్తున్నాయో. అవేంటంటే...   విటమిన్‌ డి లభ్యం- పొద్దస్తమానం, అయితే ఇంట్లోనూ లేకపోతే కారులోనూ గడిపేసే పాశ్చత్యులని ఆరుబయలకు తీసుకువచ్చిన ఘనత పోకెమాన్‌దే. ఇందులో ఎలాంటి అనుమానమూ లేదు! ఇలా రోజూ కాసేపు ఎండపట్టున తిరగడం వల్ల ఇంతవరకూ దూరంగా ఉన్న విటమిన్‌ డి ఇప్పుడు పుష్కలంగా లభిస్తోందంటున్నారు పోకెమాన్‌ ప్రియులు. కీళ్ల నొప్పుల నుంచి చర్మవ్యాధుల వరకూ విటమిన్‌ డి ఎంత అవసరమో చెప్పేదేముంది. జీవనశైలిలో మార్పు- ఆధునిక జీవనశైలి అంటే, నిరంతరం ఏదో ఒక చోట కూర్చుని ఉండటమే! దానికి తోడు ఇప్పటి వరకూ ప్రచారంలో ఉన్న వీడియో గేమ్స్ అన్నీ కూడా కూర్చుని అడేవే. పోకెమాన్‌తో ఇలాంటి పరిస్థితి నుంచి మార్పు వచ్చిందంటున్నారు. పోకెమాన్‌తో ఇంతవరకూ కుర్చీలోంచి కదలని వారంతా లేచి నాలుగు అడుగులు వేస్తున్నారట.     వేగం.. వేగం-  పోకెమాన్‌గోని పట్టుకోవాలంటే అలా ఓ నాలుగడుగులు వేస్తే సరిపోదు. కాస్త వేగంగా నడవాలి. కాస్త చురుగ్గా పోకెమాన్ల కోసం వెతకాలి. దీని వల్ల కావల్సినంత వ్యాయామం అవుతోందంటున్నారు కొందరు. ఈ ఆట ఆడుతున్న దగ్గర్నుంచీ రోజుకి కనీసం గంట తక్కువ కాకుండా నడుస్తున్నాం అనేవారి సంఖ్య నానాటికీ పెరిగిపోతోంది. పని ఒత్తిడి నుంచి విశ్రాంతి- ఈ రోజుల్లో ఉద్యోగాలు ఎంత ఒత్తిడితో కూడుకుని ఉంటాయో చెప్పేదేముంది! రోజుకి పది పన్నెండు గంటలు పనిచేసినా కూడా ఇంకా మెదడు మీద ఆ ఉద్యోగభారం ఉంటూనే ఉంటుంది. పోకెమాన్‌గోతో అలాంటి ఒత్తిడి నుంచి సులువుగా దూరం కావచ్చునంటున్నారు. ఒత్తిడి నుంచి ఉపశమనం పొందేందుకు సిగిరెట్టు, మద్యపానాల జోలికి పోకుండా, పోకెమాన్‌తో ఆడుకోవడం మంచిదే కదా అని దబాయిస్తున్నారు.   డోపమైన్‌:  పోకెమాన్‌గో ఆడుతున్నప్పుడు శరీరంలో డోపమైన్‌ అనే రసాయనం విడుదల అవుతుందనీ, ఇది ఒకరకమైన సంతృప్తిని కలిగిస్తుందనీ చెబుతున్నారు. నిరంతరం ఈ సంతృప్తిని కోరుకోవడం కోసమే పోకెమాన్‌గో అంటే పడి చస్తున్నారు జనం.   సరే! పోకెమాన్‌గోతో ఇలాంటి ఉపయోగాలు కొన్ని ఉంటే ఉండవచ్చుగాక! కానీ ఎక్కడ నడుస్తున్నామో చూసుకోకుండా, ఏ హద్దులు దాటుతున్నామో గమనించుకోకుండా... గంటల తరబడి జీవితాలను వెచ్చించే ఈ పోకెమాన్‌గో ఏ వ్యసనానికీ తీసిపోదంటున్నారు పెద్దలు. ఇలా ఎవరి వాదనని వారు వినిపించేశారు. ఇక నిర్ణయించుకోవల్సింది మనమే!   - నిర్జర.
  ఒకప్పుడు ఉద్యోగం పురుష లక్షణం అనే నానుడి ఉండేది.  కాలం మారింది ఆ నానుడి కూడా పాతబడిపోయింది. ఇప్పుడు అన్ని రంగాల్లో మగవారితో పాటు ఆడవాళ్ళు కూడా ఎందులోనూ మేము తక్కువ కాము అన్నట్టు ఉద్యోగాలు చేస్తున్నారు. ఈ మధ్య కాలంలో అమెరికన్ టైమింగ్స్ కి అనుగుణంగా రాత్రిళ్ళు కూడా పనిచెయ్యాల్సి వస్తే దానికి కూడా ఎక్కడా వెనకడుగు వెయ్యకుండా ముందుకు దూసుకేళ్తున్నారు. జీతాలు ఎక్కువ విశ్రాంతి తక్కువ అయిపోతోంది.   ఇలాంటి నైట్ షిఫ్ట్ లు అమ్మాయిల ఆరోగ్యంపై ఎలాంటి ప్రభావం చూపిస్తున్నాయి అని అడిగితే చెడు ప్రభావమే అంటున్నారు పరిశోధకులు. రాత్రిళ్ళు డ్యూటి చేసే ఆడవారిలో బ్రెస్ట్ కాన్సర్ వచ్చే అవకాశం ఎక్కువగా ఉంటుందిట. శరీరంలో మెలటోనిన్‌, హార్మోన్లపై ప్రభావం చూపటం వల్లే రాత్రి డ్యూటీలు క్యాన్సర్‌కు కారణమవుతున్నట్లు పరిశోధకులు స్పష్టం చేస్తున్నారు. ఈ మెలటోనిన్‌ రక్తంలో ఈస్ట్రోజన్‌ను తగ్గిస్తుంది, క్యాన్సర్‌ కణాల పెరుగదలనూ నిరోధిస్తుంది. మామూలుగా మన మెదడు మెలటోనిన్‌ను ఎక్కువగా మధ్యరాత్రి వేళల్లో వాతావరణం చీకటిగా ఉన్నప్పుడే ఉత్పత్తి చేస్తుంది. అలాంటి  సమయంలో నిద్రపోకుండా సహజ సిద్ధమైన వెలుతురులో కాకుండా కృత్రిమ వెలుతురు కింద, లైట్ల కాంతిలో పని చేసేటప్పుడు మెదడు మెలటోనిన్‌ విడుదలను ఆపేస్తుంది. దీనికారణంగా ఆరోగ్యం దెబ్బతిని రొమ్ము క్యాన్సర్‌ ఒక్కటే కాకుండా, పలురకాల అనారోగ్య సమస్యల ముప్పు పొంచి ఉంటుందన్నారు.     ఈ కారణంగానే పగటి వేళల్లో విధులు నిర్వర్తించే వారితో పోలిస్తే, రాత్రి డ్యూటీలు చేసే మహిళల్లో రొమ్ము క్యాన్సర్‌ ముప్పు48 శాతం దాకా ఎక్కువగా ఉంటున్నట్లు తేలింది. ఈ సమస్యని నివారించుకోవాలంటే శరీరానికి  వ్యాయామం ఎంతైనా అవసరం. అలాగే నీళ్ళు ఎక్కువగా  తాగుతూ ఉండాలి. వెల్లుల్లి అన్ని వంటకాలలో తగిన విధంగా వాడాలి. దానిమ్మ పండుని ఎక్కువగా తినాలి. మాములు టీ బదులు గ్రీన్ టీ అలవాటుచేసుకోవటం మంచిది. రాత్రిపూట భోజనం బరువైనది కాకుండా చూసుకోవాలి. తేలికగా అరిగె పదార్థాలు తింటే సమస్య మన దగ్గరకి రాకుండా ఉంటుంది.         ...కళ్యాణి
  పండ్లంటే ఎవరికి ఇష్టం ఉండదు! అందులోనూ మామిడి, అరటి, యాపిల్‌ అంటే నోరూరనివారు ఎవరుంటారు? కాని ఆ పండ్లని మగ్గపెట్టేందుకు వాడే విషపదార్థాల గురించి వింటుంటేనే భయం కలుగుతోంది. మరీ ముఖ్యంగా కార్బైడ్‌తో పండించిన పండ్లని ముట్టుకోవాలంటేనే దడ పుడుతోంది. మరి నిజంగానే కార్బైడ్‌ అంత ప్రమాదకరమైనదా? అయితే దాన్ని ఎందుకు వాడుతున్నారు? దాని బారిన పడకుండా ఉండటం ఎలా?... మీరే చూడండి!   ఇందుకు వాడతారు! మామిడి, అరటి వంటి పండ్లను చెట్టు మీద నుంచి కోసిన తరువాత కూడా మగ్గేందుకు కాస్త సమయం పడుతుంది. ఇది నిదానంగా జరిగే చర్య. పైగా వాటిని మగ్గపెట్టేందుకు చాలా జాగ్రత్తలు తీసుకోవాలి. అలా కాకుండా కాస్త కేల్షియం కార్బైడ్‌ని కనుక వాటి మీద ప్రయోగిస్తే... అవి ఇట్టే పండిపోతాయి. లేదా కనీసం పండినట్లు కనిపిస్తాయి. ఇందులో మరో లాభం కూడా ఉంది! పచ్చిగా ఉండగానే కాయలని కోయడం, అవి గట్టిగా ఉన్నప్పుడే మార్కెట్‌కు తరలించడం వల్ల పండ్లు దెబ్బతినే అవకాశం చాలా తక్కువగా ఉంటుంది. పైగా కార్బైడ్‌తో పండిన పండ్లు లోపల ఇంకా పచ్చిగానే ఉంటాయి కాబట్టి చాలా రోజులు నిలవ ఉంటాయి కూడా! ఇక మిలమిలా మెరిసిపోయే కార్బైడ్‌ పండ్లని చూసిన కొనుగోలుదారులకి, వాటిని రుచి చూడాలన్ని ఆశ ఎలాగూ కలుగుతుంది.   ఇదీ ప్రమాదం! కేల్షియం కార్బైడ్‌లో అర్సెనిక్‌, ఫాస్పరస్‌ అనే రసాయనాలు ఉంటాయి. ఇవి అధిక మొతాదులో శరీరంలోకి చేరితే ఏర్పడే సమస్యలు అన్నీఇన్నీ కావు. తలనొప్పి, కళ్లు తిరగడం, నిద్రలేమి మొదలుకొని నరాలకు సంబంధించిన నానారకాల సమస్యలకూ ఇది దారితీయవచ్చు. చర్మం మీద కూడా కార్బైడ్‌ ప్రభావం అధికంగా ఉంటుంది. దద్దుర్లు నుంచి చర్మక్యాన్సర్‌ వరకూ కార్బైడ్‌ పండ్లని తినేవారిలే ఎలాంటి రోగమైనా తలెత్తవచ్చు. ఇక గుండె, మెదడు, కీళ్లు, జీర్ణాశయం వంటి శరీర భాగాల మీద ఈ కార్బైడ్‌ తీవ్ర ప్రభావం చూపుతుందనే వార్తలూ వినిపిస్తూ ఉంటాయి. గర్భిణీ స్త్రీలు కనుక కార్బైడ్‌తో మగ్గపెట్టిన పండ్లని తింటే... అవి వారికీ, వారి కడుపులో ఉన్న బిడ్డకీ కూడా ప్రమాదమని హెచ్చరిస్తున్నారు వైద్యులు.   మరేం చేయడం! కార్బైడ్‌ గురించి ప్రభుత్వాలు, న్యాయస్థానాలు ఎన్ని హెచ్చరికలు చేసినా కూడా, రూపాయి కోసం వ్యాపారస్తులు పడే కక్కుర్తి ముందు ఉపయోగం లేకుండా పోతోంది. ఆరోగ్య శాఖ అధికారులు కూడా కార్బైడ్‌ వాడకాన్ని చూసీచూడనట్లు ఊరుకుంటారన్న ఆరోపణలూ ఉన్నాయి. కాబట్టి కార్బైడ్‌ పండ్ల నుంచి దూరంగా ఉండాల్సిన బాధ్యత వినియోగదారులదే. ఇప్పుడు కార్బైడ్‌తో పండించని పండ్లు అంటూ ప్రత్యేకంగా కొన్ని దుకాణాలు వెలుస్తున్నాయి. నమ్మకం ఉంటే వాటిలో పండ్లను తీసుకోవచ్చు. లేదా పండ్లని కొనుగోలు చేసేటప్పుడు ఈ జాగ్రత్తలు తీసుకున్నా సరిపోతుంది.   - కార్బైడ్‌తో పండించిన పండ్లు చూడ్డానికి మరీ పచ్చగా కొట్టొచ్చినట్లుగా కనిపిస్తాయి.   - చాలా సందర్భాలలో పండ్లు ఒక చోట మగ్గి, మరో చోట పచ్చిగా ఉన్నట్లు రెండు రంగులలో ఉంటాయి.   - పైకి పండిపోయినట్లు ఉండి, లోపల పచ్చిగా ఉందంటే.... అది ఖచ్చితంగా కార్బైడ్‌ మహిమే!   - కార్బైడ్‌తో పండిన పండ్లు కృత్రిమంగా మగ్గి ఉంటాయి కాబట్టి, వాటిలోని తీపిశాతం కూడా చాలా తక్కువగా ఉంటుంది.   - అన్నింటికీ మించి మామూలు పండ్లు మగ్గినప్పుడు వచ్చే ఆ సువాసన, కార్బైడ్ పండ్లలో కనిపించదు. అంటే రంగు, రుచి, వాసనల ద్వారా ఫలానా పండు కార్బైడ్‌తో మగ్గించారు అని తేలిపోతుందన్నమాట.   ఇదీ కార్బైడ్ పండ్ల కథ! ఇంత జాగ్రత్తగా ఉన్నా కూడా ఒకోసారి మోసపోయే ప్రమాదం ఉంది కనుక, తినబోయే ముందర కాసేపు పండ్లను నీటి ధార కింద ఉంచితే, వాటిలోని విష రసాయనాలు చాలావరకూ కొట్టుకుపోయే అవకాశం ఉందని సూచిస్తున్నారు నిపుణులు.   - నిర్జర.