Publish Date:Oct 30, 2018
Publish Date:Oct 29, 2018
Publish Date:Oct 27, 2018
Publish Date:Oct 25, 2018

LATEST NEWS
The parents of some students from Bangalore were shocked when they looked into the text book of their children. The text book named ‘Current School Essays and Letters’ by Purabi Chakraborty has a controversial chapter named `Modern Girl’. Well if you are wondering why this chapter has become controversial, have a look at some of the statement mentioned in the chapter- “a modern girl is a self-centred creature than a loving daughter or sympathetic sister... She loves to wear jeans, pants and hot pants. The colourful saree has no place in the modern girl’s stock of garments.”  “She is eager to enjoy life fully and so she does not want to miss any party, cinema show, concert, fashion parades and such outdoor activities. She talks and makes friendship with boys freely and easily.” The Central Board of Secondary Education (CBSE) had to step into the scene and issue a warning to the schools to be careful while selecting text books for the students.
  The flash floods in Kerala have caused a devastation that could only occur once in a hundred years. Hundreds of people have lost their lives and property worth thousands of crores has been destroyed. However here is an interesting allegation from Kerala. The state has filed an affidavit with the Supreme Court claiming that Tamil Nadu is solely responsible for these flash floods. It accused that sudden release of flood waters from the Mullaperiyar dam was a cause for the floods in the State. Kerala has further alleged that their neighbouring state has ignored their continuous requests to release the water in a step by step process. However, Tamil Nadu has denied these allegations and said that they have given enough warnings to Kerala regarding the release of water.
  Well! All these days we have a feeling that Andhra Pradesh has suffered a huge loss of bifurcation of the state. Nothing has gone in the favour of the new state since four years. But now... here is a reason for the people in AP to have a broad smile. The Mines and Geology department has found a huge treasure in Chigargunta and Bisanatham areas of Chittoor district. The government officials have estimated that 1.83 metric tonnes of gold ore is present in the area and 9.4 tonnes of gold can be produced from the ore. The government might grab more than thousand crores by auctioning the ore. And that’s not the end of the news. The government is planning to revive defunct gold mines present in Anantapur district.
ALSO ON TELUGUONE N E W S
మూడేళ్ల క్రితం వ‌చ్చిన `జెంటిల్ మేన్` లో నెగిటివ్ పాత్ర‌లో న‌టించి ప్రేక్ష‌కుల , విమ‌ర్శ‌కుల ప్ర‌శంస‌లు అందుకున్నాడు.   త్వ‌ర‌లో ఫుల్ ప్ల‌జ్డ్ విల‌న్ గా క‌నిపించ‌బోతున్నాడంటూ వార్త‌లు వ‌స్తున్నాయి.  ఇంద్ర‌గంటి మోహ‌న్ కృష్ణ ద‌ర్శ‌క‌త్వంలో వ‌చ్చిన `అష్టాచ‌మ్మా` చిత్రంతో హీరోగా ఎంట్రీ ఇచ్చిన నాని ...ఆ సినిమా మంచి స‌క్సెస్ కావ‌డంతో వ‌రుసగా సినిమాలు చేస్తూ హీరోగా షార్ట్ టైమ్ లో ఎదిగాడు. ప్ర‌స్తుతం విభిన్న‌మైన క్యార‌క్ట‌ర్స్ ఎంచుకుంటూ సెల‌క్టివ్ గా సినిమాలు చేస్తున్నాడు. ప్ర‌స్తుతం `జెర్సీ` సినిమాలో న‌టిస్తున్నాడు. ఇందులో మ‌ధ్య వ‌య‌సు క్రికెట‌ర్ గా క‌నిపంచ‌నున్నాడు నాచుర‌ల్ స్టార్. ఈ సినిమా విడుద‌ల‌కు సిద్ద‌మ‌వుతోంది. ఇక ఇటీవ‌ల ప్రారంభ‌మైన విక్ర‌మ్ కె కుమార్ చిత్రంలో క్రైమ్ స్టోరి రైట‌ర్ గా క‌నిపించ‌నున్నాడ‌ట‌. ఇందులో మొత్తం అయిదుగురు హీరోయిన్స్ తో న‌టించ‌నున్నాడు నాని.  ఇదొక కొరియ‌న్ సినిమాకు రీమేక్ గా తెలుస్తోంది. ఇక నాని 25 వ చిత్రం ఇంద్ర‌గంటి మోహ‌న కృష్ణ ద‌ర్శ‌క‌త్వంలో తెర‌కెక్కుతుంద‌ని టాక్. `అష్టాచ‌మ్మ‌` ,జెంటిల్ మన్` త‌ర్వాత వీరిద్ద‌రి కాంబినేష‌న‌ల్ లో వ‌స్తున్న ఈ మూడో సినిమాని ప్ర‌ముఖ నిర్మాత దిల్ రాజునిర్మించ‌నున్నాడు. ఈ చిత్రంలోనే నాని విల‌న్ గా న‌టించ‌నున్నాడని తెలుస్తుంది. ప‌వ‌ర్ ఫుల్ పోలీస్ ఆఫీస‌ర్ పాత్ర‌లో సుధీర్ బాబు న‌టించ‌నుండ‌గా... ప్ర‌తి నాయ‌కుడిగా నాని ద‌ర్శ‌మివ్వ‌నున్నాడట‌. విక్ర‌మ్ కుమార్ సినిమాతో పాటు స‌మాంత‌రంగా ఈ చిత్రాన్ని చేయాల‌ని నాని ప్లాన్  చేసుకున్నాడ‌ని  ఈఏడాది చివ‌ర‌లో ఈ క్రేజీ ప్రాజెక్ట్  విడుద‌ల కానుంద‌ని స‌మాచారం. డిప‌రెంట్ రోల్స్ తో ముందుకు సాగుతున్న నాని, ఆయా చిత్రాల‌తో మంచి విజ‌యాల‌ను అందుకోవాల‌ని ఆశిద్దాం!
 పెరిగిన సాంకేతిక‌త‌,  మారిన ట్రెండ్ ప్ర‌కారం థియేట‌ర్స్ కు వ‌చ్చే ఆడియ‌న్స్ త‌గ్గార‌న‌డంలో సందేహం లేదు. అందుకే సినిమా థియేట‌ర్ల బంద్ చేయాల‌న్న ఆలోచ‌న‌లో ఉన్నార‌నే వార్త‌లు వ‌స్తున్నాయి.  ఆ నలుగురులో  సీడెడ్ కు చెందిన ఇద్ద‌రు నిర్మాత‌లు ఆ ఏరియాలో భారీగా థియేట‌ర్స్ క‌లిగి ఉన్నారు. వీళ్లు క్ర‌మ‌క్ర‌మంగా థియేట‌ర్ల‌ను త‌గ్గించుకునే ఆలోచ‌న‌లో ఉన్న‌ట్లు తెలుస్తోంది. జ‌నాద‌ర‌ణ ఉన్న థియేట‌ర్ల వ‌ర‌కూ ఓకే కానీ, సరిగా ఫీడింగ్ లేక‌పోతే ఆ థియేట‌ర్లు త‌గ్గించుకునే ఆలోచ‌న‌లో ఉన్న‌ట్లు తెలుస్తోంది. ఒక‌వైపు థియేట‌ర్లు రాబ‌డి త‌గ్గ‌డం ఎగ్జిబీట‌ర్ల‌లో ఆందోళ‌న పెంచుతోంద‌ట‌. ఏదైనా ఫెస్టివ‌ల్ వ‌స్తే ఆ స‌మ‌యాల్లో థియేట‌ర్ల‌కు స‌మ‌స్య లేదు కానీ, మిగ‌తా స‌మ‌యాల్లో మాత్రం మెయింటెనెన్స్ కూడా రావ‌ట్లేద‌ట‌.  మ‌రోవైపు ఇటీవ‌ల మాల్స్ లో  పార్కింగ్ ఫీజును తీసివేయ‌డం తో ఆ మేర‌కు భారీగా ఆదాయం ప‌డిపోయింద‌ట‌.  ఇన్ని స‌మ‌స్య‌ల కార‌ణంగా మార్చిలో థియేట‌ర్స్ బంద్ కు పిలుపునివ్వాల‌ని థియేట‌ర్స్ యాజామాన్యాలు ఆలోచిస్తున్నార‌ట‌.  నైజాంలో కూడా ఈ బంద్ ఉండే అవ‌కాశాలు ఉన్నాయ‌ట‌.  ఇదే జ‌రిగితే స‌మ్మ‌ర్ లో వ‌చ్చే సినిమాలకు థియేట‌ర్స్ స‌మ‌స్య వ‌చ్చే అవ‌కాశాలు లేక‌పోలేదు.  సంవ‌త్స‌రానికి 150 సినిమాల‌కు పైగా సినిమాలు నిర్మిస్తున్నా థియేట‌ర్స్ కు స‌రైన ఫీడింగ్ ఉండ‌టం లేద‌ని ఎగ్జిబీట‌ర్స్ ఒక‌వైపు వాపోతున్నారు.  మ‌ల్టీప్లెక్స్ కు వ‌చ్చే ఆదాయం సాధార‌ణ థియేట‌ర్స్ కు ఉండ‌టం లేద‌ట‌.  అందులో టిక్కెట్స్ రేట్స్ కూడా పెర‌గ‌డం కూడా ఓ స‌మ‌స్య‌గా చెబుతున్నారు.  చూద్దాం మార్చిలో ఎలా ఉండ‌బోతుందో.
మ‌హేష్ బాబు ఇటీవ‌ల హైద‌రాబాద్ లో  లో ఏఎమ్ బి సినిమాస్ పేరుతో  మ‌ల్టీప్లెక్స్ థియెట‌ర్స్ నిర్మించిన విష‌యం తెలిసిందే. రీసెంట్ గా సూప‌ర్ స్టార్ కృష్ణ చేతుల మీదుగా ఈ మ‌ల్టీప్లెక్స్ ప్రారంభ‌మ‌య్యాయి. వ‌ర‌ల్డ్ క్లాస్ రేంజ్ లో థియేట‌ర్స్ ఉండ‌టంతో టికెట్ ధ‌ర కూడా అదే స్థాయిలో పెంచారు.  దీంతో ఇప్పుడు ఇది స‌మస్య‌గా మారి మ‌హేష్ కు షో  కాజ్ నోటీసులు పంపించార‌ట జిఎస్టీ అధికారులు. ఒక‌సారి వివరాల్లోకి వెళితే....గ‌తంలో టికెట్ ధ‌ర రూ.100కు పైగా ఉన్న థియేట‌ర్స్ లో జిఎస్టీ టాక్స్ ను 28 శాతం నుంచి 18శాతానికి త‌గ్గించారు. కానీ, ఇప్పుడు ఆ టాక్స్ ను 18 నుంచి 12 శాతానికి కేంద్ర ప్ర‌భుత్వం త‌గ్గించింది.  త‌గ్గించిన ఈ టాక్స్ జ‌న‌వ‌రి 1వ తేదీ నుంచి అమ‌లులోకి  వ‌చ్చింది.  కానీ , మ‌హేష్ మాత్రాం ఏఎమ్ బి సినిమాస్ లో జిఎస్టీకి అనుగుణంగా టికెట్ ధ‌ర‌లు త‌గ్గించ‌క పోవ‌డంతో అధికారులు నోటీసులు జారీ  చేసిన‌ట్లు తెలుస్తోంది.  ఈ మ‌ధ్య‌నే మ‌హేష్ కు జిఎస్టీ కు మ‌ధ్య పెద్ద ర‌చ్చే జ‌రిగింది.  2007-8 ఏడాదికి సంబంధించి  కొన్ని బ్రాండ్స్ కు అంబాసిడ‌ర్ గా చేశాడు. కానీ , దానికి ప‌న్ను క‌ట్ట‌లేదంటూ రెండు బ్యాంక్ అకౌంట్స్ కూడా  సీజ్ చేసిన సంగ‌తి తెలిసింది. మెల్ల‌గా ఆ స‌మ‌స్య స‌ద్దుమ‌ణిగే స‌మ‌యంలో జిఎస్టీ వారు మ‌రో షాక్ ఇచ్చారు ప్రిన్స్ కు.  మ‌రి దీన్ని ఎలా ఫేస్ చేస్తాడో చూద్దాం.
ఒక‌ప్పుడు హీరోయిన్స్ గా టాప్ హీరోస్ తో సంద‌డి చేసిన న‌టీమ‌ణులు ఇప్పుడు అత్త‌, అమ్మ‌, అక్క పాత్ర‌ల్లో రీ ఎంట్రీ ఇస్తూ అల‌రిస్తున్నారు. ఇప్ప‌టికే న‌దియా, ఖుష్బూ ,మీనా , ర‌మ్య‌కృష్ణ లు ఈ కోవ‌లో వ‌చ్చిన‌వారే.  ప్ర‌జంట్ ఈ లిస్ట్ లో గ్లామ‌ర్ క్వీన్ న‌గ్మా చేరుతున్నారు. గ‌తంలో త్రివిక్ర‌మ్ న‌దియా, ఖుష్బూల‌ను త‌న సినిమాల్లో ప‌వ‌ర్ ఫుల్ పాత్రలు ఇచ్చి అద్భుత‌మైన రీ ఎంట్రీ క‌ల్పించాడు. ఇప్పుడు న‌గ్మా కూడా త్రివిక్ర‌మ్, బ‌న్నీ కాంబినేష‌న్ లో వ‌స్తోన్న చిత్రం ద్వారా రీ ఎంట్రీ ఇవ్వ‌నుంద‌ని టాక్ వినిపిస్తోన్న సంగ‌తి తెలిసిందే. బ‌న్నీకి త‌ల్లిగా న‌టించ‌నుంద‌ట న‌గ్మా.   త్వ‌ర‌లో ఈ సినిమా సెట్స్ మీద‌కు వెళ్ల‌నుంది. ఇదిలా ఉంటే మ‌రో హీరోయిన్ రేణూ దేశాయ్ కూడా రీ ఎంట్రీ కి సిద్ద‌మైంది. ప‌వ‌న్ క‌ళ్యాన్ `బ‌ద్రి ` సినిమాతో టాలీవుడ్ కు ప‌రిచ‌యమైంది రేణూ దేశాయ్‌.  తొలి సినిమాతోనే మంచి గుర్తింపు తెచ్చుకుంది.  ఆ త‌ర్వాత రేణు ప‌వ‌న్ తోనే `జానీ` సినిమాలో న‌టించింది. ప‌వ‌న్ ను వివాహం చేసుకున్న త‌ర్వాత సినిమాల‌కు పూర్తిగా దూర‌మైంది. ప‌వన్ క‌ళ్యాన్ తో విడిపోయాక తెలుగు ప్రేక్ష‌కుల‌కు కూడా దూర‌మైంది.  తాజాగా ఓ టీవీ షోతో తెలుగు ప్రేక్ష‌కుల‌కు మ‌ళ్లీ ద‌గ్గ‌రైంది. త్వ‌ర‌లో సిల్వ‌ర్ స్క్రీన్ పై కూడా రీ ఎంట్రీ ఇచ్చేందుకు రెడీ అవుతోంది.   ``దొంగాట ఫేం` వంశీకృష్ణ ద‌ర్శ‌క‌త్వంలో తెర‌కెక్కుతోన్న సినిమాకు సైన్ చేశాను.  గొప్ప రైట‌ర్, సామాజిక వేత్త హేమ‌ల‌త ల‌వ‌ణం గారి పాత్ర‌లో న‌టించ‌డం గౌర‌వంగా భావిస్తున్నా.  అలాగే మ‌రో సినిమాకు కూడా సైన్ చేశాను.  తొంద‌ర‌లోనే షూటింగ్ లో పాల్గొంటాను`` అని త‌న సోష‌ల్ మీడియా అకౌంట్ ద్వారా ప్ర‌క‌టించింది రేణు దేశాయ్.  చూద్దాం రేణు రీఎంట్రీ ఎంత వ‌ర‌కు వ‌ర్క‌వుట్ అవుతుందో మ‌రి.
అవును `గూఢ‌చారి` సినిమాతో వారి మ‌ధ్య ప‌రిచ‌యం ఏర్ప‌డింది.  ఆ ప‌రిచ‌యం ప్రేమ‌గా చిగురించింది. ఆ ప్ర‌యాణం స‌హ‌జీవ‌నంగా మారింది. ఆ స‌హ‌జీవ‌నం ఇప్పుడు ఏడ‌డుగుల బంధంగా మారనుంది. ఇదంతా ఎవ‌రి గురించి అన‌కుంటున్నారా? అక్క‌డికే వ‌స్తున్నా.... అక్కినేని మేన‌కోడ‌లు సుప్రియ‌-అడివి శేష్ పెళ్లి చేసుకోబోతున్నార‌నే వార్త‌లు ప్ర‌స్తుతం సోష‌ల్ మీడియాలో హ‌ల్ చ‌ల్ చేస్తున్నాయి. గ‌త కొంత కాలంగా వీరిద్ద‌రూ డేటింగ్ లో ఉన్నార‌ట‌. `గూఢ‌చారి` చిత్రం స‌మ‌యంలో వీరి మ‌ధ్య ప్రేమ పుట్టింద‌ట‌.  సుప్రియ‌కు గ‌తంలో పెళ్లి జ‌రిగినా ఆ త‌ర్వాత వ్యక్తిగ‌త‌ కార‌ణాల వ‌ల్ల విడిపోయారు. ఇక ఇటీవ‌ల అడివి శేష్ కూడా త్వ‌ర‌లోనే ఒక అనౌన్స్ మెంట్ ఇవ్వ‌బోతున్నానంటూ సోష‌ల్ మీడియాలో పోస్ట్ పెట్టాడు.  నెటి జ‌న్లు `పెళ్లి వార్త చెప్ప‌బోతున్నావా? అంటూ కామెంట్స్ చేశారు. ఈ క్ర‌మంలో నిజంగానే అడివి శేష్ పెళ్లి వార్తలు వెలుగులోకి వ‌చ్చాయి.  అయితే సుప్రియ‌తో అడివి శేష్ పెళ్ళికి ఇరు వైపులా గ్రీన్ సిగ్న‌ల్ ఇచ్చిన‌ట్లు తెలుస్తోంది. దీనికి సంబంధించిన ప్ర‌క‌ట‌న కూడా త్వ‌ర‌లో రాబోతుంద‌ని స‌మాచారం. ఈ పెళ్ళి వ్య‌వ‌హారాల‌న్నీ స‌మంత ద‌గ్గ‌రుండి చూసుకోనుంద‌ట‌.  మొత్తానికి అడివి శేష్ ఓ ఇంటి వాడు కాబోతున్నాడన్న‌మాట‌.
  ప్రస్తుతం ఏపీ రాజకీయాల్లో టీడీపీ నేతల జంపింగులే హాట్ టాపిక్ అని చెప్పాలి. ఎందుకంటే నేతలు వరుసపెట్టి టీడీపీకి గుడ్ బై చెప్తున్నారు. నేతల జంపింగులపై తాజాగా మంత్రి నారా లోకేష్ స్పందించారు. వచ్చే ఎన్నికల్లో టికెట్ రాదని తెలిసిన వారే పార్టీలు మారుతున్నారని ఆరోపించారు. గెలుపు గుర్రాలకే పార్టీ టిక్కెట్లు ఇస్తామని స్పష్టం చేశారు. ఎవరి పనితీరు ఏంటో చంద్రబాబుకు తెలుసునని చెప్పుకొచ్చారు. పార్టీలో, చంద్రబాబుతో విభేదాలు ఉంటే ఎప్పుడో వెళ్లి ఉండేవారని, ఎన్నికలకు రెండు నెలల ముందు కాదని వ్యాఖ్యానించారు. వచ్చే ఎన్నికల్లో 175 సీట్లకు గాను 150 సీట్లలో గెలిచి చంద్రబాబు సీఎం అవుతారని లోకేష్ ధీమా వ్యక్తం చేసారు. నాలుగేళ్ల 10 నెలలు ప్రయాణం చేసి, ఇప్పుడు బాబు మీద విమర్శలు చేయడంలో పరమార్ధాన్ని ప్రజలు గమనిస్తున్నారని చెప్పారు. నిన్న మొన్నటిదాకా జగన్ ను తిట్టి, ఇప్పుడు ఆయన దగ్గరకే వెళ్లడం ఆశ్చర్యంగా ఉందని అన్నారు. నేతలు పార్టీలు మారినా ఏమీ కాదని.. సంక్షేమం, అభివృద్ధే టీడీపీకి అండగా నిలుస్తాయని లోకేష్ స్పష్టం చేసారు. అదేవిధంగా రాబోయే ఎన్నికల్లో తెలుగుదేశం పార్టీ ఇతర పార్టీలతో పొత్తు పెట్టుకుంటుందని తేల్చి చెప్పారు. ఎన్నికలకు 30 రోజుల ముందు పొత్తులపై చంద్రబాబు ఖచ్చితమైన నిర్ణయం తీసుకుంటారని లోకేష్ స్పష్టం చేశారు. వచ్చే ఎన్నికల్లో టీడీపీ ఇతర పార్టీలతో పొత్తు పెట్టుకుంటుందని లోకేష్ చేసిన వ్యాఖ్యలు చర్చకు దారితీస్తున్నాయి. ఏపీ ఎన్నికల బరిలో ప్రధానంగా టీడీపీ, వైసీపీ, జనసేన, బీజేపీ మరియు కాంగ్రెస్ దిగనున్నాయి. టీడీపీ, వైసీపీల పొత్తు అసలు ఆప్షనే లేదు. ఇక టీడీపీ, బీజేపీలు గత ఎన్నికల్లో కలిసి పనిచేసినా.. ఇప్పుడు ఆ రెండు పార్టీల మధ్య పచ్చగడ్డి వేస్తే భగ్గుమంటుంది. కాబట్టి బీజేపీతో పొత్తు ఉండే అవకాశం లేదు. జనసేన విషయానికొస్తే.. గత ఎన్నికల్లో పవన్ కళ్యాణ్ పోటీకి దూరంగా ఉండి టీడీపీకి మద్దతిచ్చారు. కానీ ఇప్పుడు మాత్రం తాము ఏ పార్టీతో పొత్తు పెట్టుకోమని, కేవలం వామపక్షాలతో కలిసి నడుస్తామని స్పష్టం చేసారు. ఇప్పటికైతే జనసేనతో పొత్తు కూడా కష్టమే. మరి ఎన్నికల ముందు ఏదైనా అద్భుతం జరిగితే చెప్పలేం. ఇక మిగిలింది కాంగ్రెస్. మిగతా పార్టీలతో పోల్చుకుంటే ప్రస్తుతం టీడీపీ కాంగ్రెస్ తో పొత్తు పెట్టుకునే అవకాశాలు ఎక్కువనే చెప్పాలి. ఇప్పటికే టీడీపీ, కాంగ్రెస్ తెలంగాణ అసెంబ్లీ ఎన్నికల్లో కలిసి పోటీచేశాయి.. అదేవిధంగా కేంద్రంలో బీజేపీకి వ్యతిరేకంగా కలిసి పనిచేస్తున్నాయి. అయితే తెలంగాణలో వచ్చిన చేదు ఫలితాల నేపథ్యంలో టీడీపీ, కాంగ్రెస్ లు ఏపీలో ఎంతవరకు కలిసి పనిచేస్తాయో కూడా ఆలోచించాలి. కొందరు టీడీపీ నేతలు కూడా ఇలాంటి అభిప్రాయాన్నే వ్యక్తం చేస్తున్నారు. జాతీయస్థాయిలో కాంగ్రెస్ తో కలిసి పనిచేస్తాం కానీ రాష్ట్రంలో మాత్రం విడిగా పోటీ చేస్తేనే టీడీపీకి లాభమని అభిప్రాయపడుతున్నారు. మరి ఇప్పుడు లోకేష్ ఏమో టీడీపీ, ఇతర పార్టీలతో పొత్తు అంటున్నారు. దీంతో అసలు టీడీపీ ఏ పార్టీతో పొత్తు పెట్టుకుంటుంది అంటూ చర్చలు మొదలయ్యాయి. చూద్దాం మరి ఎన్నికల ముందు టీడీపీ పొత్తుల విషయంలో ఎలాంటి ట్విస్ట్ లు ఇస్తుందో.
  2019-20 ఆర్థిక సంవత్సరానికి గాను ఓటాన్ అకౌంట్ బడ్జెట్‌ను మంత్రి యనమల రామకృష్ణుడు అసెంబ్లీలో ప్రవేశపెట్టారు. రూ.2,26,177.53 కోట్లతో ఈ బడ్జెట్‌ను రూపొందించారు. ఈ సందర్భంగా ఆయన మాట్లాడుతూ.. అమరావతిలో వరుసగా మూడోసారి బడ్జెట్‌ను ప్రవేశపెట్టడం గర్వకారణమని అన్నారు. అపార అనుభవం గల నాయకత్వాన్ని ప్రజలు ఆశించారని.. ఆ నమ్మకంతోనే చంద్రబాబుకు అధికారం అప్పగించారన్నారు. ఈజ్‌ఆఫ్ డూయింగ్‌లో ఏపీ అగ్రగామిగా నిలిచిందని, ఇది చంద్రబాబు సమర్థ నాయకత్వం వల్లే సాధ్యమైందని యనమల అన్నారు. నాలుగున్నరేళ్ల ప్రయాణంలో ఎన్నో సవాళ్లు ఎదుర్కొన్నామని తెలిపారు. హేతుబద్ధత లేకుండా రాష్ట్ర విభజన జరిగిందని, దీంతో రాజధాని నగరాన్ని కోల్పోయామన్నారు. విభజన సమయంలో ఆదాయ-వ్యయాలు, ఆస్తులు-అప్పులు సరిగా పంపిణీ చేయలేదని.. దీనివల్ల రాష్ట్ర వ్యాప్తంగా నిరాశా నిస్పృహలు నెలకొన్నాయని చెప్పారు. కేంద్ర ప్రభుత్వం అరకొర సాయం వల్ల సమస్యలు మరింత జఠిలమయ్యాయని యనమల పేర్కొన్నారు. మహిళా సాధికారత సీఎం చంద్రబాబు ఆకాంక్ష అని.. 20 ఏళ్ల క్రితమే మహిళా పొదుపు సంఘాలను ఆయన ఏర్పాటు చేశారని యనమల గుర్తు చేశారు. వెలుగు పథకం ప్రపంచంలోనే అతిపెద్ద పేదరిక నిర్మూలన కార్యక్రమమని, ఆ పథకంలో ప్రస్తుతం 94 లక్షల మంది మహిళలు ఉన్నారని చెప్పారు. ఈ బడ్జెట్ లో పలు కొత్త పథకాలకు ప్రభుత్వం నిధులను మంజూరు చేసింది. ఇందులో రైతుల పెట్టుబడి సాయం కోసం అన్నదాత సుఖీభవ అనే పథకాన్ని మంత్రి ప్రకటించారు. అన్నదాత సుఖీభవకు రూ. 5 వేల కోట్లు కేటాయించారు. బడ్జెట్‌ ముఖ్యాంశాలు: వ్యవసాయానికి రూ. 12, 732 కోట్లు బీసీ వెల్ఫేర్‌ రూ.8,242 అటవీపర్యావరణానికి రూ. 491 కోట్లు ఉన్నత విద్య- 3,171 కోట్లు ఇంధన మరియు ఇన్‌ఫ్రాస్ట్రక్షర్‌ రూ.5,473 సెకండరీ ఎడ్యుకేషన్‌ రూ. 22,783 పౌరసరఫరాలు- రూ. 3,763 కోట్లు ఆర్థికశాఖకు రూ. 51, 841 కోట్లు సాధారణపరిపాలన శాఖకు- రూ.1,117 వైద్యారోగ్యశాఖకు రూ. 10,032 హోంశాఖకు రూ.6,397 కోట్లు గృహనిర్మాణశాఖకు రూ.4079 జలవనరులశాఖకు- రూ. 16,852 కోట్లు పరిశ్రమలశాఖకు 4,114 కోట్లు ఐటీకి 1006 కోట్లు కార్మిక ఉపాధి కల్పనకు 1225 కోట్లు న్యాయశాఖకు 918 కోట్లు అసెంబ్లీకి 149 కోట్లు మున్సిపల్‌ అడ్మినిస్ట్రేషన్‌కు 7979 కోట్లు మైనార్టీ వెల్ఫేర్‌కు రూ. 1308 కోట్లు ప్లానింగ్‌కు 1403 కోట్లు పంచాయతీరాజ్‌, రూరల్‌ డెవలప్‌మెంట్‌ రూ. 35,182 కోట్లు రెవెన్యూశాఖకు రూ. 5546 కోట్లు రియల్‌ టైమ్‌ గవర్నెన్స్‌ 172 కోట్లు స్కిల్‌ డెవలప్‌మెంట్‌ 458 కోట్లు సోషల్‌ వెల్ఫేర్‌కు రూ. 6861 కోట్లు రోడ్లు భవనాలశాఖకు రూ. 5382 కోట్లు మహిళాశిశు సంక్షేమశాఖకు రూ. 3408 కోట్లు యువజన క్రీడలు రూ. 1982 కోట్లు చిన్నమధ్యతరహా పరిశ్రమలకు రూ. 400 కోట్లు డ్రైవర్‌ సాధికార సంస్థకు రూ. 150 కోట్లు క్షత్రియ కార్పొరేషన్‌కు రూ. 50 కోట్లు ధరల స్థిరీకరణ నిధికి రూ. 1000 కోట్లు యాంత్రీకరణకు రూ. 300 కోట్లు మత్స్యశాఖ అభివృద్ధికి రూ. 100 కోట్లు ఎస్సీ సబ్‌ప్లాన్‌ కింద రూ. 14,367 కోట్లు ఎస్టీ సబ్‌ప్లాన్‌ కింద రూ. 5,385 కోట్లు బీసీ సబ్‌ప్లాన్‌ కింద రూ. 16,226 కోట్లు మైనార్టీ సబ్‌ప్లాన్‌ కింద రూ. 1,304 కోట్లు పసుపు- కుంకుమ కింద రూ. 4 వేల కోట్లు బీసీల కార్పొరేషన్‌కు రూ. 3 వేల కోట్లు ముఖ్యమంత్రి యువనేస్తానికి రూ. 1200 కోట్లు డ్వాక్రా మహిళలకు వడ్డీలేని రుణాలు రూ. 1100 కోట్లు చంద్రన్న బీమాకు రూ. 354 కోట్లు అన్నా క్యాంటీన్లకు రూ. 300 కోట్లు చేనేతలకు రూ. 225 కోట్లు 9,10 తరగతుల విద్యార్థులకు మధ్యాహ్న భోజన పథకానికి రూ. 156 కోట్లు చంద్రన్న పెళ్లి కానుక కింద బీసీలకు రూ. 175 కోట్లు చంద్రన్న పెళ్లి కానుక కింద ఎస్సీలకు రూ. 128 కోట్లు మైనార్టీలకు దుల్హన్‌ పథకం కింద రూ.100 కోట్లు ఎన్టీఆర్‌ విదేశీ విద్యకు రూ. 100 కోట్లు పెన్షన్‌ కింద వృద్ధాప్య, వింతంతువులకు రూ. 10,401 కోట్లు
  ఎన్నికల హడావుడి మొదలవుతుంటే సర్వేల సందడి మొదలవ్వడం సహజం. ఏపీలో ఎన్నికల సమయం దగ్గర పడుతుండడంతో ప్రధాన పార్టీలు.. అభ్యర్థుల ఎంపిక, బలాబలాల అంచనాతో బిజీ బిజీగా ఉన్నాయి. మరోవైపు కొన్ని సంస్థలు సర్వేలతో బిజీగా ఉన్నాయి. ఏపీలో అసెంబ్లీతో పాటు పార్లమెంట్ ఎన్నికలు కూడా జరగనున్న విషయం తెలిసిందే. దీంతో కొన్ని జాతీయ మీడియా సంస్థలు ఏపీలో కూడా సర్వే నిర్వహిస్తున్నాయి. తాజాగా ‘రిపబ్లిక్‌ టీవీ - సీ ఓటర్‌' సంస్థలు ఏపీ పార్లమెంట్ ఎన్నికలపై సర్వే నిర్వహించాయి. ఈ సర్వే ఫలితాలు అధికార పార్టీ టీడీపీకి షాక్ ఇచ్చేలా ఉన్నాయి. పార్లమెంట్‌ ఎన్నికల్లో వైసీపీ ఎక్కువ సీట్లు సాధించనుందని ‘రిపబ్లిక్‌ టీవీ - సీ ఓటర్‌’ సంస్థలు నిర్వహించిన సర్వే వెల్లడించింది. టీడీపీ 6 ఎంపీ స్థానాలకే పరిమితమవుతుందని ఈ సర్వే తేల్చింది. ‘నేషనల్‌ అప్రూవల్‌ రేటింగ్స్‌’ పేరుతో జరిగిన ఈ సర్వే ఫలితాలను రిపబ్లిక్‌ టీవీ తాజాగా విడుదల చేసింది. ఇప్పటికిప్పుడు ఎన్నికలు జరిగితే రాష్ట్రంలోని మొత్తం 25 లోక్‌సభ స్థానాలకుగానూ.. వైసీపీ 41.3 శాతం ఓట్లతో 19 ఎంపీ సీట్లు, టీడీపీ 33.1 శాతం ఓట్లతో 6 ఎంపీ సీట్లు గెలుచుకుంటాయని సర్వే అంచనా వేసింది. జాతీయ పార్టీలైన బీజేపీ, కాంగ్రెస్‌లు ఏపీలో ఒక్క స్థానంలో కూడా గెలవలేవని పేర్కొంది. గత ఎన్నికల్లో  ఏపీలో టీడీపీకి 15 ఎంపీ సీట్లు రాగా, వైసీపీ 8 ఎంపీ సీట్లను సాధించింది. ఇప్పుడు సర్వే మాత్రం పూర్తి విరుద్ధంగా ఉంది. అయితే ఈ సర్వేపై విమర్శలు కూడా వెల్లువెతున్నాయి. బీజేపీ, వైసీపీలు సర్వేల పేరుతో ప్రజలను పక్కదోవ పట్టిస్తున్నాయని టీడీపీ నేతలు ఆరోపిస్తున్నారు. '2014 ఎన్నికల ముందు వైసీపీ గెలుస్తుంది అంటూ కొన్ని సర్వేలు విడుదల చేసారు. కానీ ఫలితాలు తారుమారు అయ్యాయి. ప్రజలు టీడీపీకే పట్టం కట్టారు. ఇప్పుడు కూడా అలాగే జరుగుతుంది' అంటూ టీడీపీ నేతలు ధీమా వ్యక్తం చేస్తున్నారు. మరి సర్వేలో చెప్పినట్లు వైసీపీ ఎక్కువ సీట్లు గెలుచుకుంటుందో లేక 2014 ఫలితాలే రిపీట్ అవుతాయో తెలియాలంటే కొంత కాలం వేచి చూడాల్సిందే.
  వంగవీటి రంగా ఆశయ సాధన కోసమే వైసీపీలో చేరానని, కానీ అది అక్కడ సాధ్యం కాకపోవడంతో బయటకు వచ్చేశానని వంగవీటి రాధా తెలిపారు. విజయవాడలో ఈరోజు ఆయన మీడియాతో మాట్లాడుతూ... రంగా ఆశయం నెరవేరుస్తానని పార్టీలో చేరేటప్పుడు వైసీపీ అధినేత జగన్ మాటిచ్చారని.. సొంత తమ్ముడికన్నా ఎక్కువ అన్నారని రాధా చెప్పారు. 'తమ్ముడినే ఇలా చూస్తే.. సామాన్య ప్రజలను జగన్‌ ఎలా చూస్తారు' అని ప్రశ్నించారు.  'ఒక్క సీటు కోసం నాకు ఈ గొడవ అవసరం లేదు. నేను అభిమానం కోరుకున్నా.. మీరు జాలి చూపిస్తున్నారు. సీటు ఇవ్వనందుకు నాకు బాధ లేదు, సూటిపోటి మాటలు నన్ను బాధించాయి' అని రాధా అన్నారు. వైసీపీలో తనకు జరిగిన అవమానాలు మరొకరికి ఎదురుకాకూడదన్నారు రాధా. తన తండ్రి విగ్రహావిష్కరణకు వెళితే.. ఎందుకు వెళ్లావంటూ వైసీపీ నేతలు తనను మందలించారన్నారు. ఇదెక్కడి న్యాయమన్నారు. రంగా విగ్రహావిష్కరణకు అన్ని రకాల పార్టీల వాళ్లు వస్తారని... ఆయన అభిమానానికి హద్దులు లేవన్నారు. తన తండ్రి విగ్రహావిష్కరణకు ఎవరి అనుమతి అవసరం లేదని చెప్పారు. అభిమానంతో కొంతమంది భోజనాలు పెడితే.. అది కూడా పొరపాటైపోయిందన్నారు. లోకల్ ఇంఛార్జీకి చెప్పలేదని.. తనను ప్రశ్నించారన్నారు. తండ్రి లేనివాడినని చేరదీశానని.. చెప్పినట్లు వినాల్సిందేనంటూ జగన్‌ ఒత్తిడి చేసేవారని రాధా ఆరోపించారు. ఇప్పటికైనా జగన్‌ పద్ధతి మార్చుకోవాలని సూచించారు. వైసీపీని వీడిన తర్వాత సోషల్ మీడియాలో తనపై బెదిరింపులు పెరిగాయని వంగవీటి రాధా అన్నారు. ఒకవేళ తన చావు వారికి ఆనందం కలిగిస్తుందంటే చంపేయండని అన్నారు. తనకు ప్రాణం మీద ఆశ లేదని.. పేదల కోసం పోరాడి ప్రాణాలు కోల్పోయిన వ్యక్తి తన తండ్రి అని.. తాను కూడా అందుకు సిద్ధమేనని చెప్పారు. 'నన్ను బెదిరిస్తున్నవారి ఐపీ అడ్రస్‌ ద్వారా గుర్తించి పోలీసులకు ఫిర్యాదు చేయగలను. కానీ.. వైసీపీ నేతలు కింద వారిని బలి చేస్తారనే ఆగిపోయాను. ఏపీ పోలీసుల మీద నాకు నమ్మకం ఉంది' అని రాధా అన్నారు. అలాగే పార్టీ మారేందుకు వంద కోట్ల డీల్ కుదుర్చుకున్నారన్న వార్తలపై ఆగ్రహం వ్యక్తం చేశారు.
  ఎన్నికల్లో గెలిస్తే ప్రజల అండ మా పార్టీకి ఉంది కాబట్టే గెలిచామని, ఓడిపోతే ఈవీఎం ట్యాంపరింగ్ జరగడం వల్లే ఓడిపోయామని చెప్పుకోవడం కొన్ని పార్టీలకు అలవాటు. ఇప్పటికే విపక్షాలు బీజేపీ మీద ఇటువంటి ఆరోపణలు చేస్తున్న విషయం తెలిసిందే. అయితే ఇప్పుడు ఈ లిస్ట్ లోకి ఓ సైబర్ నిపుణుడు కూడా చేరిపోయాడు. 2014 నుంచి ఇప్పటివరకు బీజేపీ సాధించిన విజయాలన్నీ ఈవీఎంల ట్యాంపరింగ్ వల్లే సాధ్యమైందని పెద్ద బాంబు పేల్చాడు. అమెరికాలో తలదాచుకుంటున్న సయ్యద్‌ షుజా అనే భారతీయ హ్యాకర్‌ సంచలన ఆరోపణలు చేశారు. 2014 లోక్‌సభ ఎన్నికల్లో ఈవీఎంలు హ్యాక్‌ చేయడం ద్వారానే బీజేపీ విజయం సాధించిందని అన్నారు. ఇందుకు టెలికాం సంస్థ రిలయన్స్‌ జియో సహకరించిందని తెలిపారు. అయితే ఇక్కడో అర్థంకాని విషయం ఏంటంటే.. 2014లో జియో సేవలు ప్రారంభం కాలేదు. 2016 సెప్టెంబర్‌ నుంచే అవి ప్రారంభమయ్యాయి. ప్రస్తుతానికి ఆ లాజిక్ పక్కన పెట్టి మిగతా మేటర్ లోకి వెళ్దాం. సయ్యద్‌ షుజా సోమవారం లండన్‌లో భారత పాత్రికేయ సంఘం నిర్వహించిన విలేకరుల సమావేశంలో స్కైప్‌ ద్వారా మాట్లాడారు. అయితే ముఖం కనిపించకుండా మాస్క్‌ ధరించారు. 2014 సార్వత్రిక ఎన్నికల్లో వాడిన ఈవీఎంలను డిజైన్‌ చేసిన ఈసీఐఎల్‌ బృందంలో తాను కూడా సభ్యుడినని చెప్పారు. 2009 నుంచి 2014 వరకు తాను ఆ సంస్థలో పనిచేశానని పేర్కొన్నారు. ఈవీఎంలను హ్యాక్‌ చేయగలమా? ఎలా చేయగలం? అన్న విషయాన్ని పరిశీలించాలని ఈసీఐఎల్‌ మమ్మల్ని కోరిందన్నారు. వాటిని హ్యాక్‌ చేయవచ్చని తాము నిరూపించామని తెలిపారు. రిలయన్స్‌ జియో అందించిన ఓ మాడ్యులేటర్‌ ద్వారా మిలటరీ గ్రేడ్‌ లోఫ్రీక్వెన్సీ తరంగాలతో బీజేపీ ఈవీఎంలను హ్యాక్‌ చేసింది. తద్వారా 2014 లోక్‌సభ ఎన్నికల్లో రిగ్గింగ్‌కు పాల్పడింది. ఈ విషయం తెలుసుకున్నారు కాబట్టే బీజేపీ సీనియర్‌ నేత గోపీనాథ్‌ ముండేను లోక్‌సభ ఎన్నికలు జరిగిన కొద్దిరోజులకే చంపేశారు. ముండే మరణంపై దర్యాప్తు జరుపుతున్న ఎన్‌ఐఏ అధికారి తాంజిల్‌ అహ్మద్‌ ఎఫ్‌ఐఆర్‌ దాఖలు చేయాలనుకున్నారు. ఆలోగానే ఆయన ఆత్మహత్యకు పాల్పడ్డారు. 2015లో ఢిల్లీ అసెంబ్లీకి జరిగిన ఎన్నికల్లో ఈ సంకేత ప్రసారాలను మేం అడ్డుకున్నాం. ఫలితంగా మొత్తం 70 స్థానాల్లో 67 స్థానాలను ఆమ్‌ ఆద్మీ పార్టీ గెల్చుకుంది. లేకుంటే బీజేపీ స్వీప్‌ చేసి ఉండేది. రాజస్థాన్‌, ఛత్తీస్‌గఢ్‌, మధ్యప్రదేశ్‌ అసెంబ్లీలకు ఇటీవల జరిగిన ఎన్నికల్లోనూ సంకేత ప్రసారాలను మాబృందం అడ్డుకుంది. లేకుంటే ఆ రాష్ట్రాల్లోనూ బీజేపీ విజయం సాధించి ఉండేది.  గత లోక్‌సభ ఎన్నికల్లో ఉత్తర్‌ ప్రదేశ్‌, గుజరాత్‌, మధ్యప్రదేశ్‌, రాజస్థాన్‌, ఛత్తీస్‌గఢ్‌, ఢిల్లీకి సంబంధించి ఈవీఎంలలో రిగ్గింగ్‌ జరిగింది. 2014 ఏప్రిల్‌లో ఈవీఎంల నుంచి సంకేతాలు వెలువడుతున్నట్లు గుర్తించాం. మాకు తెలిసిన ఈ సమాచారంతో బీజేపీని బ్లాక్‌ మెయిల్‌ చేయాలనుకున్నాం. హైదరాబాద్‌ శివార్లలో బీజేపీ నేత ఒకరిని కలుసుకునేందుకు మా బృందం వెళ్లింది. అక్కడ మా బృందంపై కాల్పులు జరిగాయి. ఇందులో కొందరు చనిపోయారు. నేను తప్పించుకున్నా. ఈ ఘటనను వెలుగులోకి రాకుండా చూడటానికి హైదరాబాద్‌లోని కిషన్‌గఢ్‌లో మతకలహాలు జరిగినట్లు చిత్రీకరించారు. తన బృందంలోని కొందరు సభ్యులు హత్యకు గురికావడంతో 2014లో తాను భారత్‌ నుంచి పరారయ్యాయని చెప్పారు. అమెరికాలో రాజకీయ ఆశ్రయం కోరారన్నారు. ఈవీఎంల హ్యాకింగ్‌పై కథనం రాయడానికి పాత్రికేయురాలు గౌరీలంకేశ్‌ అంగీకరించారు.  ఆలోగానే ఆమె హత్యకు గురయ్యారు. ఈవీఎంలలో వాడిన వైర్లను ఎవరు తయారుచేశారన్నది తెలుసుకునేందుకు సమాచారం చట్టం కింద ఆమె దరఖాస్తు చేశారు. ఆ తర్వాతే ఆమె హత్య జరిగింది అన్నారు. నా ఆరోపణలకు ఆధారాలిస్తా. ఇటీవలి ఎన్నికల్లో వాడిన ఈవీఎంల ద్వారానే మీకు హ్యాకింగ్‌ తీరును వివరిస్తా. ఏయే ఎన్నికల్లో ట్యాంపరింగ్‌ జరిగిందో చెబుతా అని తెలిపారు. ఈ విలేకరుల సమావేశానికి ఎన్నికల సంఘాన్ని కూడా ఆహ్వానించాం. కానీ రాలేదు. రాజకీయ పార్టీలను ఆహ్వానించాం. అయితే కాంగ్రెస్‌ తరఫున కపిల్‌ సిబల్‌ ఒక్కరే వచ్చారు అన్నారు. హ్యాకర్‌ షుజా ఆరోపణలను కేంద్ర ఎన్నికల సంఘం ఖండించింది. బీఈఎల్, ఈసీఐఎల్‌ రూపొందించే ఈవీఎంలను ఎవ్వరూ హ్యాక్‌ చేయలేరని స్పష్టం చేసింది. కట్టుదిట్టమైన భద్రత మధ్య ఈవీఎంలను రూపొందిస్తామనీ, సాంకేతిక కమిటీ సమక్షంలో నిబంధనల మేరకు ఈ యంత్రాలను కఠినమైన పరీక్షలకు లోనుచేస్తామని వెల్లడించింది. ఈ విషయంలో చట్టపరమైన చర్యలు తీసుకునే అంశాన్ని పరిశీలిస్తున్నట్లు ఈసీ పేర్కొంది. మరోవైపు ఈ ఆరోపణలపై విచారణ జరిపించాలని కాంగ్రెస్‌ డిమాండ్‌ చేస్తుంది. అయితే బీజేపీ మాత్రం ఇదంతా కాంగ్రెస్ ఆడుతున్న గేమ్ అంటుంది. హ్యాకర్‌ షుజా ముఖానికి ఉన్న ముసుగు తీసి ఆధారాలు బయటపెడితేనే కానీ అసలు నిజాలు ఏంటో మనకి తెలియవు.
  గవర్నర్‌ ప్రసంగంపై ధన్యవాద తీర్మానం సందర్భంగా చేపట్టిన చర్చలో వివిధ పార్టీల సభ్యులు మాట్లాడుతూ పలు సమస్యలను ప్రభుత్వం దృష్టికి తీసుకొచ్చారు. వీటికి సీఎం కేసీఆర్ సమాధానమిచ్చారు. పేదరికంతో పాటు నిర్లక్ష్యం వల్ల చాలామంది కంటి పరీక్షలు చేయించుకోవడం లేదని కేసీఆర్‌ చెప్పారు. ఎవరూ కోరకుండానే మంచి ఉద్దేశంతో కంటివెలుగు ప్రవేశపెట్టామన్నారు. కంటివెలుగు పథకం కింద ఇప్పటి వరకు 1.32 కోట్ల మందికి పరీక్షలు జరిగాయని చెప్పారు. తెలంగాణ ప్రభుత్వం అమలు చేస్తున్న కంటివెలుగు పథకాన్ని ఇతర రాష్ట్రాలు అమలు చేసేందుకు ప్రయత్నాలు చేస్తున్నాయన్నారు. త్వరలో చెవి, ముక్కు, గొంతు పరీక్షల శిబిరాలు కూడా నిర్వహిస్తామని కేసీఆర్‌ స్పష్టం చేశారు. గత ప్రభుత్వాలు రైతులను నిర్లక్ష్యంగా వదిలేశాయని కేసీఆర్‌ అన్నారు. టీఆర్ఎస్ ప్రభుత్వం నిజంగా రుణమాఫీ చేయకపోతే ప్రజలు మళ్లీ తమకు ఎందుకు ఓటు వేశారని విపక్ష సభ్యులను ప్రశ్నించారు. రైతే రాజు అయ్యే పరిస్థితులు వచ్చాయని ఇప్పటికే కొందరు ప్రశంసిచారని, రైతుబీమా పరిహారం బాధిత కుటుంబాలకు కేవలం 10 రోజుల్లో అందుతోందని చెప్పారు. కార్యాలయాలు తిరగకుండా, పైరవీలు చేయకుండానే బాధిత కుటుంబం ఖాతాలో పరిహారం సొమ్ము జమ అవుతోందన్నారు. కాంగ్రెస్‌ ప్రభుత్వం వ్యవసాయ అధికారులను కూడా నియమించలేదని సీఎం మండిపడ్డారు. కాంగ్రెస్‌ ప్రభుత్వ విధానాల వల్లే పోడు భూముల సమస్య పరిష్కారం కాకుండా పోయిందన్నారు. పొరుగు రాష్ట్రాల నుంచి కోయలు వలస రావడం కూడా పోడు భూముల విషయంలో సమస్యగా మారిందని.. ఎన్నికల్లో ఇచ్చిన హామీ మేరకు ఆ సమస్యను తప్పకుండా పరిష్కారిస్తామని చెప్పారు. ఇళ్ల నిర్మాణాల విషయంలో ప్రభుత్వం సాహసం చేయబోతోందని కేసీఆర్‌ చెప్పారు. గతంలో సర్వే ప్రకారం 8 లక్షల ఇళ్లు నిర్మిస్తే సరిపోతుందని తేలిందన్నారు. ఇల్లు అవసరమైనవాళ్లు ఎంతమంది ఉన్నారో కచ్చితమైన లెక్కలను త్వరలో తీస్తామని చెప్పారు. కాంగ్రెస్‌ హయాంలో ఇళ్ల పేరుతో కుంభకోణం జరిగిందని ఆరోపించారు. కొంచెం ఆలస్యమైనా తాము డబుల్‌ బెడ్‌రూమ్ ఇళ్లు నాణ్యంగా నిర్మిస్తామని స్పష్టం చేశారు. డబుల్‌ బెడ్ రూమ్‌ ఇళ్ల లబ్ధిదారులను లాటరీ ద్వారా ఎంపిక చేస్తామన్నారు. పేదవాళ్ల పేర్లను లాటరీలో వేసి లబ్ధిదారులను ఎంపిక చేస్తామని చెప్పారు. ముఖ్యమంత్రి నియోజకవర్గంలోనూ లాటరీ విధానానికి మినహాయింపు లేదని కేసీఆర్‌ స్పష్టం చేశారు. హైదరాబాద్‌లో 30వేల ఇళ్ల నిర్మాణాలు జరుగుతున్నాయని పేర్కొన్నారు. సొంత స్థలం ఉన్నవారికి ఇంటి నిర్మాణానికి రూ.6 లక్షలు ఇస్తామని ప్రకటించారు. మంచి పథకాలు ఎవరు తెచ్చినా మెచ్చుకోవాల్సిందేనని కేసీఆర్‌ అన్నారు. దివంగత ముఖ్యమంత్రి వైఎస్‌ రాజశేఖర్ రెడ్డి ప్రారంభించిన ఆరోగ్యశ్రీ చాలా మంచి పథకమని చెప్పారు. అందుకే ఎలాంటి మార్పులు లేకుండా టీఆర్ఎస్ కూడా ఆరోగ్యశ్రీని అమలు చేసిందన్నారు. ఆరోగ్యశ్రీ బాగున్నందునే కేంద్రం అమలు చేస్తున్నఆరోగ్య పథకంలో తెలంగాణ చేరలేదని తెలిపారు. ఆయుష్మాన్‌భవ కంటే ఆరోగ్యశ్రీ పథకంతోనే ప్రజలకు మేలు జరుగుతుందని కేసీఆర్‌ అభిప్రాయం వ్యక్తం చేశారు. కేసీఆర్‌ కిట్‌ పథకంలో కేంద్రం వాటా పైసా కూడా లేదని స్పష్టం చేశారు. కేంద్రంలో అనుకూల ప్రభుత్వం లేదని, తెలంగాణకు ఒక్క రూపాయి కూడా అదనంగా ఇవ్వలేదని కేసీఆర్‌ విమర్శించారు. మిషన్‌ కాకతీయ, భగీరథకు రూ. 24 వేల కోట్లు ఇవ్వాలని నీతి ఆయోగ్ చెప్పినా.. కేంద్రం 24 రూపాయిలు కూడా ఇవ్వలేదని విమర్శించారు. రాజ్యాంగబద్దంగా రావాల్సిన పన్నువాటా తప్ప నిధులు రాలేదని అన్నారు. వచ్చే ఐదేళ్లలో ఆదాయ, వ్యయాల అంచానా రూ.10 లక్షల కోట్లని కేసీఆర్‌ పేర్కొన్నారు. ఐదేళ్లలో ప్రభుత్వం చెల్లించాల్సిన అప్పు రూ.2 లక్షల 40 వేల కోట్లని, అప్పు చెల్లిస్తే మళ్లీ రూ.లక్షా 30వేల కోట్లు తెచ్చుకునే అవకాశం ఉందన్నారు. సాగునీటి ప్రాజెక్టులపై దాదాపు రూ.లక్షా 20 వేల కోట్ల ఖర్చు చేసినట్లు కేసీఆర్‌ తెలిపారు. సంక్షేమం, వ్యవసాయం, ప్రాజెక్టుల తర్వాత రహదారులకే ఎక్కువ ప్రాధాన్యత ఇచ్చామని కేసీఆర్ అన్నారు. 12,751 గ్రామ పంచాయతీల్లో బీటీ రోడ్ల నిర్మాణం జరిగిందని చెప్పారు. వచ్చే ఆర్థిక సంవత్సరం నుంచి పెంచిన పెన్షన్లు, రైతు బంధు, నిరుద్యోగ భృతి అమలు చేస్తామని అన్నారు. మార్చి నాటికి మిషన్‌ భగీరథ ద్వారా అన్ని గ్రామాలకు తాగునీరు అందజేస్తామని కేసీఆర్‌ హామీ ఇచ్చారు.
  పుట్టినరోజనో, ప్రమోషన్ వచ్చిందనో... కారణం ఏదైతేనేం! కుటుంబంతో కాస్త సరదాగా గడపాలి అనుకుంటే అలా రెస్టారెంటుకి వెళ్తాం. కానీ బిల్లు కట్టాల్సి వచ్చేసరికి ఆ సరదా కాస్తా తీరిపోతుంది. వందల్లో కనిపించే బిల్లు, ఆ బిల్లు మీద రకరకాల పేర్లతో ఉండే చార్జీలు- వెరసి బిల్లు మీద దాదాపు 30 శాతం ఎక్కువగా చెల్లించేసి బిక్కమొగంతో బయటకి వస్తాం. ఇంతకీ అందులో కొంతమొత్తం మనం అసలు కట్టాల్సిన అవసరమే లేదు తెలుసా!   దాదాపు అన్ని రెస్టారెంట్లూ సర్వీస్ చార్జ్ పేరుతో 10 శాతం వరకు అదనంగా వసూలు చేస్తుంటాయి. నిజానికి సర్వీస్ చార్జి వసూలు చేయమని ఏ చట్టంలోనూ లేదు. అలా వసూలు చేసే డబ్బు ఏ ప్రభుత్వానికీ వెళ్లదు. సర్వీస్ చార్జ్ అంటే హోటలు సేవలు నచ్చి మనం ఇచ్చే డబ్బు. అంటే సర్వర్కి టిప్పు ఎలాగో, హోటల్కి సర్వీస్ చార్జ్ అలా అన్నమాట! కాబట్టి ఇంత సర్వీస్ చార్జ్ చెల్లించి తీరాలని ఏ చట్టమూ పేర్కొనలేదు. పైగా అలా సర్వీస్ చార్జ్ని బలవంతంగా వసూలు చేయాలనుకోవడం చట్టవిరుద్ధం కూడా! సర్వీస్ చార్జ్ అని పేర్కొన్న కాలం (column) పక్కన వినియోగదారుడే తనకు తోచిన రుసుము చేర్చాలని ప్రభుత్వం పేర్కొంటోంది.   ఇక GST వచ్చిన తర్వాత రెస్టారెంట్లలో బాదుడు పెరిగిపోయిందన్న విషయం తెలిసొందే! చిన్నపాటి ఏసీ రెస్టారెంటులో తిన్నా కనీసం 18 శాతం GST కట్టాల్సి వస్తోంది. దీనికి సర్వీస్ చార్జి మరో పది శాతం తోడైతే చెప్పేదేముంది! పైగా చాలా హోటళ్లు GST లెక్కపెట్టేటప్పుడు సర్వీస్ చార్జిని కూడా కలుపుతున్నాయి. అసలు బిల్లు 100 రూపాయలు, సర్వీస్ చార్జి 10 రూపాయలు అయితే... మొత్తం 110 రూపాయల మీద GST లెక్క కడుతున్నాయన్నమాట!   ఈ విషయాలు చాలామందికి తెలియకో... తెలిసినా లేనిపోని గొడవ ఎందుకనో నిశ్శబ్దంగా బిల్లు చెల్లించేస్తుంటారు. హోటళ్లు కూడా అంతే నిశబ్దంగా ఆ డబ్బుని తమ ఖాతాలో జమచేసుకుంటాయి. కడుపు మీద కొట్టడం అంటే ఇదే కదా! - నిర్జర.  
  పిల్లలు చీకటిపడితే చాలు, బుద్ధిగా పడుకుంటారు. కానీ ఇలా టీనేజిలోకి అడుగుపెడతారే లేదో... రాత్రిళ్లు వీలైనంత మేలుకునే అలవాటు మొదలవుతుంది. ఇంతకీ కుర్రకారుకి రాత్రివేళలు ఎందుకు నిద్రపట్టదు. పగలు పుస్తకమే ముట్టుకోనివారు రాత్రిళ్లు నైట్‌ అవుట్ చేయాలనీ, బండి మీద చక్కర్లు కొట్టాలనీ ఎందుకు ఉవ్విళ్లూరుతారు... అంటే ఈ మధ్య జరిగిన ఓ పరిశోధనలో జవాబు దొరికినట్లే కనిపిస్తుంది.   వేల సంవత్సరాల నుంచి వస్తున్న అలవాట్లే, మనం వేర్వేరు సమయాలలో నిద్రపోవడానికి కారణం అవుతున్నాయా! అనే అనుమానంతో శాస్త్రవేత్తలు ఈ పరిశోధన మొదలుపెట్టారు. ఇందుకోసం టాంజానియాలో ఆటవిక జీవితాన్ని గడుపుతున్న హజ్డా అనే తెగలోని వారిని పరిశీలించారు. వీరు 20 లేదా 30 మంది కలిసి ఓ గుంపుగా ఉంటారు. ఉదయాన్నే లేచి ఆడామగా ఆహారం కోసం బయల్దేరతారు. కొందరు దుంపలు, కాయలు తీసుకువస్తే.... మరికొందరు జంతువులని వేటాడి తీసుకువస్తారు. సాయంత్రం వేళకి అందరూ ఒక చోటకి చేరి, తాము తెచ్చుకున్నది శుభ్రంగా తిని హాయిగా పడుకుంటారు. గడ్డి, కొమ్మలతో నేసిన గుడిసెలలో ఎలాంటి ఫ్యాన్లూ, లైట్లూ లేకుండా హాయిగా నిద్రపోతారు. ఒక్కమాటలో చెప్పాలంటే- వేల సంవత్సరాల క్రితం మప పూర్వీకులు ఎలా జీవించేవారో, హెజ్డా ప్రజలు అదే తీరున జీవిస్తున్నారు.   ఈ హెజ్డాతెగలో 20 నుంచి 60 ఏళ్ల వయసు ఉన్న ఓ 33 మందిని పరిశోధన కోసం ఎన్నుకొన్నారు. వారి నిద్రను గమనించేందుకు, అభ్యర్థులందరికీ ఓ వాచిలాంటి పరికరాన్ని అమర్చారు. ఇలా సేకరించిన సమాచారాన్ని విశ్లేషించిన శాస్త్రవేత్తల దిమ్మ తిరిగిపోయింది. వీళ్లలో రాత్రి ఒకో సమయంలో ఒకొక్కరు మెలకువగా ఉన్నారట! మొత్తమ్మీద 33 మందీ ఒకేసారి గాఢంగా నిద్రపోయిన సమయం పట్టుమని 20 నిమిషాలు కూడా లేదు. మెలకువగా ఉండటమో, పొగ తాగేందుకు లేవడమో, లేచి పిల్లలని చూసుకోవడమో, మరోవైపుకి ఒత్తిగిలి పడుకోవడమో... ఇలా ఏదో ఒక చర్యతో గుంపులో ఎవరో ఒకరు జాగరూకతతో కనిపించారు.   అడవులలో జీవించేవారు రకరకాల ప్రమాదాలకి సిద్ధంగా ఉండాల్సిందే! ఏ వైపు నుంచి పులి వస్తుందో, ఏ దిక్కు నుంచి మబ్బులు కమ్ముకువస్తాయో, ఏ పొదలోంచి పాములు చొరబడతాయో తెలియదు. కాబట్టి.... ఎవరో ఒకరు అప్రమత్తంగా ఉండేందుకు ప్రకృతి ఈ ఏర్పాటు చేసిందన్నమాట. ఏ ఇద్దరి నిద్రతీరు ఒకేలా లేకపోవడంతో, గుంపు సురక్షితంగా ఉంటుంది. అది సరే! ఇంతకీ నిద్రకీ వయసుకీ సంబంధం ఏమిటి? అన్న ప్రశ్న అలాగే మిగిలిపోయింది కదా! ఒక గుంపులో కుర్రవాళ్లు, వృద్ధులు సరిసమానంగా ఉండే అవకాశం ఉంటుంది. కాబట్టి కుర్రవాళ్లు ఒక సమయంలో, వృద్ధులు మరో సమయంలో పడుకుంటే సరి! అందుకనే మీరు గమనించారో లేదో.... కుర్రవాళ్లకి ఆలస్యంగా పడుకుని ఆలస్యంగా లేచే అలవాటు ఉంటే, ముసలివారు త్వరగా పడుకుని తెల్లవారేసరికల్లా లేస్తారు. కుర్రవాళ్లు ఆలస్యంగా పడుకున్నా వారి ఆరోగ్యం మీద అంతగా ప్రభావం చూపదు కదా! అలా మొదలైన అలవాటు ఇప్పటికీ కుర్రకారుని వదిలిపెట్టడం లేదన్నమాట! - నిర్జర.
  అనగనగా ఓ రెండు గుర్రాలు ఉండేవి. దేవతా గుర్రాలంటే మాటలా! పాలరాతి తెలుపుతో, నురగలాంటి జూలుతో మహా అందంగా ఉండేవి. వాయువేగంతో ముల్లోకాలూ చుట్టిపారేసేవి. జనం ఆ గుర్రాలను చూసినప్పుడల్లా ముక్కున వేలేసుకునేవారు. అంత అందమైన గుర్రాలను చూడటంతో తమ జన్మ ధన్యమైపోయిందని మురిసిపోయేవారు. కానీ ఆ గుర్రాల మనసులో ఏదో చింత! రెండు గుర్రాలనీ అంతా సమానంగా చూస్తున్నారు. రెండూ అందమైనవే అనీ, రెండూ వేగమైనవే అనీ పొగుడుతున్నారు. ‘అలా జరగడానికి వీల్లేదు! ఈ ప్రపంచంలో అన్ని గుర్రాలకంటే నేనే అందంగా ఉండాలి,’ అన్న ఆలోచన రెండు గుర్రాలలోనూ కలిగింది. అంతే వాటిలో ఒక గుర్రం నిదానంగా దేవుడి దగ్గరకి చేరింది.   ‘భగవంతుడా! నన్ను ఇంత అందంగా అద్భుతంగా సృష్టించినందుకు కృతజ్ఞతలు. దేవతా గుర్రంగా నా జన్మ ధన్యమైపోయింది. కానీ నాదో చిన్న కోరిక,’ అంది ఆ గుర్రం. దాని మనసులో మాట గ్రహించినట్లుగా భగవంతుడు ఓ చిరునవ్వు నవ్వి- ‘నువ్వు దేవతా గుర్రానికి. నీ కోరికని తీర్చాల్సిందే! ఏం కావాలో కోరుకో!’ అన్నాడు. ‘నేను అందంగా ఉన్న మాట నిజమే కానీ ఇంకాస్త అందంగా ఉంటే బాగుండు అన్న దుగ్థ నన్ను తెగ వేధిస్తోంది. ఆలోచించి చూస్తే నాలో చాలా అవకరాలే కనిపిస్తున్నాయి. అవన్నీ సరైపోయి నేను ఇంకా అందంగా ఉండేట్లు ఆశీర్వదించండి స్వామీ!’ అని వేడుకుంది.   ‘ సరే! నీలో నీకు ఏ లక్షణాలు లోపాలుగా కనిపిస్తున్నాయో చెప్పు. అవన్నీ సరిదిద్దుతాను,’ అంటూ అభయమిచ్చాడు భగవంతుడు. దాంతో ఆ గుర్రం తనలో తనకి లోపాలుగా తోచిన లక్షణాలన్నింటినీ ఏకరవు పెట్టడం మొదలుపెట్టింది. ‘ఈ తల చూసారా! మరీ మెడకి అంటుకుపోయినట్లుగా ఉంది. అది ఇంకాస్త పొడవు ఉంటే బాగుంటుంది. ముక్కు కూడా మరీ సన్నగా ఉందేమో అని నా అనుమానం. ఇక కాళ్లు ఇంకాస్త పొడవుంటే భలే ఉంటుంది. దయచేసి ఇవన్నీ సరిదిద్దురూ!’ అంది గుర్రం. ‘తథాస్తు! రేపు ఉదయం నువ్వు లేచి చూసుకునే సరికి ఈ లోపాలేవీ లేని సరికొత్త రూపం నీకు వస్తుంది,’ అన్నాడు భగవంతుడు.   మొదటి గుర్రం సంతోషంగా భగవంతుని దగ్గర సెలవు తీసుకుంది. అది అలా వెళ్లిందో లేదో రెండో గుర్రం భగవంతుడి దగ్గరకు చేరుకుంది. ‘హే భగవాన్‌! ఆ గుర్రం తన అందాన్ని పెంచుకోవాలనే కోరికతోనే నీ దగ్గరకి వచ్చిందని నాకు తెలుసు. ఎలాగైనా ప్రపంచంలోనే గొప్ప గుర్రం అనిపించుకోవాలని దాని తపన. దాని అత్యాశని మీరు అణచాల్సిందే! అది తనలోని అందం మెరుగుపడేందుకు ఏ లక్షణాలనైతే కోరుకొందో... అవి నాలో మరింత ఎక్కువగా ఉండేలా వరం ఇవ్వండి,’ అని వేడుకుంది. ‘అయ్యో అదెంత భాగ్యం! అసలే నువ్వు దేవతా గుర్రానివి. నీ కోరికను తీర్చాల్సిందే! రేపు ఉదయం నువ్వు లేచి చూసుకునేసరికి ఆ లక్షణాలన్నీ నీలో కనిపిస్తాయి. తథాస్తు!’ అంటూ నవ్వాడు భగవంతుడు.   ఆ రాత్రి గుర్రాలకి సరిగా నిద్రపట్టనే లేదు. ఎప్పుడెప్పుడ తెల్లవారుతుందా... నిబిడీకృతమైన తమ అందాన్ని ఎప్పుడెప్పుడు చూసుకుంటామా అన్న ఉద్విగ్నతతో ఆ రాత్రిని గడిపాయి. ఎప్పుడో అర్ధరాత్రి వాటికి మాగన్నుగా నిద్రపట్టింది. తెల్లవారాక చూసుకుంటే ఆ రెండు గుర్రాలకీ తమ కోరిక నెరవేరిన విషయం తెలిసిపోయింది. కాకపోతే... మొదటిగుర్రం కోరుకున్న లక్షణాల కారణంగా అది అచ్చు ఒంటెలా మారిపోయింది. మొదటి గుర్రం కోరుకున్న లక్షణాల మోతాదు తనలో మరింతగా ఉండాలని కోరుకోవడంతో రెండో గుర్రం జిరాఫీలా మారిపోయింది!!!   తమ శరీరాల వంక చూసుకున్న గుర్రాలు రెండూ లబోదిబోమంటూ భగవంతుడి దగ్గరకు పరుగులెత్తాయి. ఆయనను చూస్తూనే ‘ఏమిటీ మాకీ అన్యాయం!’ అంటూ ఆక్రోశించాయి.   ‘మీరు కోరుకున్న వరాన్ని యథాతథంగా తీర్చాను. ఇది అన్యాయం ఎలా అవుతుంది? ఆగమేఘాల మీద పరుగులు తీసే దేవతాశ్వాలు ఎలా ఉండాలో, మిమ్మల్ని అలా పుట్టించాను. కానీ మీకు మీ శరీరం పట్ల కానీ, దానిని అందించిన నా పట్ల కానీ నమ్మకం లేదు. అదే అసలైన అన్యాయం. మీరు నిజంగా నన్ను ఏదన్నా కోరుకోవాలని అనుకుంటే... ఎలాంటి నిస్సత్తువా దరిచేరకుండా బలిష్టంగా ఉండాలనో, కోరుకున్న గమ్యాలని సమర్థంగా చేరుకోవాలనో అడగాల్సింది! కానీ మీరు పైపై మెరుగులకే ప్రాధాన్యతని ఇచ్చారు. ఇక ఫలితం అనుభవించండి. ఇక నుంచీ మీరు దేవతా అశ్వాలు కాదు. ఒకరేమో ఒంటెలాగా ఎడారుల్లో తిరుగుతూ నానా బరువులూ మోయాల్సి ఉంటుంది. మరొకరేమో చిటారుకొమ్మ మీద దొరికే ఆహారంతో తృప్తిపడుతూ అడవులలో కాలం గడపాల్సి వస్తుంది. పోండి!,’ అనేశాడు భగవంతుడు. అదీ విషయం! (ప్రచారంలో ఉన్న కథ ఆధారంగా)   - నిర్జర.
  సినిమాల ప్రభావం జనరల్ ఆడియన్స్ మీద ఎంతుందో తెలీదు కానీ.. దొంగల మీద మాత్రం గట్టిగా ఉంది. ఎవరూ లేని ఇంట్లోనో, లేక నైట్ టైమో.. దొంగతనం చేసే రోజులు పోయాయి. స్టైల్ గా గన్ పట్టుకొని వస్తున్నారు. బ్యాంకు మీదనో, ఏటీఎం దగ్గరో ఎటాక్ చేస్తున్నారు. డబ్బులు ఎత్తుకొని పోతున్నారు. తాజాగా ఉత్తరప్రదేశ్‌లోని నోయిడాలో కూడా అలాంటి దొంగతనమే జరిగింది. అయితే ఈ దొంగతనంలో సినిమాల్లోలాగా ఇంటర్వెల్ ట్విస్ట్, క్లైమాక్స్ ట్విస్ట్ లు అబ్బో ఇలా చాలా ట్విస్ట్ లు ఉన్నాయి. ఓపెన్ చేస్తే.. ఉత్తరప్రదేశ్‌లోని నోయిడా సెక్టార్ 82. కేంద్రీయ విహార్ సొసైటీ గేట్ నెంబర్ 2 వద్ద ఓ స్టేట్ బ్యాంక్ ఆఫ్ ఇండియా ఏటీఎం. సమయం మధ్యాహ్నం 1.45 గంటలు. ఒకరిద్దరు ఏటీఎం లో డబ్బులు డ్రా చేసుకొని వెళ్తున్నారు. చుట్టూ జనాలు ఎవరి పనుల్లో వాళ్ళు బిజీగా ఉన్నారు. కానీ ఒక ముగ్గురు యువకులు మాత్రం.. అర్జునుడు బాణం ఎక్కుపెట్టి పక్షి కన్ను వైపే చూస్తున్నట్టు.. కళ్ళు అప్పగించి ఏటీఎం వైపే చూస్తున్నారు. ఇంతలో ఏటీఎం ముందు ఓ వ్యాన్ వచ్చి ఆగింది. ఆ ముగ్గురి యువకుల చూపు వ్యాన్ వైపు మళ్లింది. ఏటీఎంలో క్యాష్ నింపడానికి.. వ్యాన్ లో నుంచి నలుగురు క్యాష్ బాక్స్ పట్టుకుని కిందకు దిగుతున్నారు. అదిచూసి.. ఒక్కసారిగా ముగ్గురు యువకులు తమ వద్దనున్న నాటు తుపాకులతో కాల్పులు జరుపుతూ.. వ్యాన్ వైపు పరుగెత్తారు. షాక్ లో ఆ నలుగురి చేతిలో ఉన్న బాక్స్ కిందపడిపోయింది. కొద్ది క్షణాలకి తేరుకున్న సెక్యూరిటీ ఆ ముగ్గురి మీద కాల్పులు జరుపుదామని గన్ తీసేలోపు.. ఆ ముగ్గురు యువకులు క్యాష్ బాక్స్ ఓపెన్ చేసి చేతికి అందిన డబ్బు బ్యాగ్ లో వేసుకొని బైక్ మీద పారిపోవడం కూడా మొదలు పెట్టారు. ఇంకేముంది సెక్యూరిటీ వాళ్ళు.. దొంగలకు బుల్లెట్లు తగలకుండా, ముఖ్యంగా చుట్టూ జనాలకి తగలకుండా చాలా జాగ్రత్తగా షూట్ చేస్తూ బైక్ వెనుక పరుగెడుతున్నారు. ఈ గన్ ల సౌండ్ కి.. పాపం బేరాలు లేక రిక్షాలో పడుకొని రెస్ట్ తీసుకుంటున్న రిక్షావాలా ఉలిక్కిపడి లేచాడు. చూస్తే.. ముందు బ్యాగ్ తో బైక్ మీద దొంగలు, వెనుక గన్నులతో సెక్యూరిటీ వాళ్ళు. రిక్షావాలాకి సీన్ అర్ధమైపోయింది. రిక్షావాలాలో చిరంజీవి స్టైల్ లో దొంగల బైక్ కి అడ్డంగా నిల్చున్నాడు. వాళ్ళేమన్నా మాములు మనుషులా అడ్డంగా నిల్చుంటే హార్న్ కొట్టడానికి. వాళ్ళ దగ్గరున్న నాటు తుపాకీ చూపించారు. అంతే.. రిక్షావాలా ఆటోమేటిక్ గా సైడ్ ఇచ్చాడు. కానీ సెక్యూరిటీ వాళ్ళ పరిస్థితి అలా కాదు కదా. దొంగల వెనుక పరుగెడుతూనే ఉన్నారు. సినిమాలో ఛేజ్ లాగా సాగుతూనే ఉంది. ఈ గ్యాప్ లో ఒకతను పోలీసులకు ఫోన్ చేసి విషయం చెప్పాడు. సినిమాల్లోలాగా లేట్ గా కాకుండా వాళ్ళు కూడా స్టేషన్ నుండి వెంటనే స్టార్ట్ అయ్యారు. మరోవైపు ఛేజ్ సాగుతూనే ఉంది. దొంగలు కంగారులో వెళ్లి ఎదురుగా వస్తున్న కారుని గుద్దారు. వాళ్ళు కింద పడ్డారు. వాళ్ళ చేతిలో ఉన్న బ్యాగ్ పైకి ఎగిరింది. దొంగతనం చేసే కంగారులో బ్యాగ్ జిప్ సరిగా పెట్టలేదనుకుంటా. ఆ బ్యాగ్ కంటే ఆ బ్యాగ్ లో ఉన్న 500 నోట్లు ఎక్కువ ఎత్తు ఎగిరాయి. చుట్టూ పడిపోయాయి. సెక్యూరిటీ వాళ్ళు ఆ దొంగలని పట్టుకునే పనిలో ఉంటే.. చుట్టూ జనాలు కింద కుప్పలు తెప్పలుగా పడ్డ డబ్బులు ఏరుకునే పనిలో పడ్డారు. ఇంతలో ఆ జనంలో నుంచి ఓ చిన్నపిల్లోడు వచ్చి వాడి బుడ్డి చేతులతో రెండు డబ్బుల కట్టలు పట్టుకొని పరుగెత్తాడు. ఇంతలో అక్కడికి పోలీసులు కూడా ఎంట్రీ ఇచ్చారు. ఇంకేముంది జనాలు దొరికినంత డబ్బులతో సైడ్ అయిపోయారు. పోలీసులు దొంగల్ని పట్టుకొని బ్యాగ్ లో మిగిలిన డబ్బుని, పక్కన పడున్న కొంత డబ్బుని సీజ్ చేసారు. తీరిగ్గా లెక్కలు చూస్తే అసలు ట్విస్ట్ తరువాత తెలిసింది. దొంగలు క్యాష్ బాక్స్ నుంచి 40 లక్షలు కొట్టేస్తే.. బైక్- కార్ యాక్సిడెంట్ పుణ్యమా అని అందులో 20 లక్షలు చుట్టూ జనాలు తీసుకెళ్లిపోయారట. దొంగలు బ్యాంక్ సొమ్ముని కొట్టేయడానికి ప్రయత్నించి జైలుకెళ్లారు. జనాలు అప్పనంగా రోడ్ మీద నోట్లు పడ్డయిగా అని తీసుకొని పరుగెత్తారు. అదన్నమాట కథ.
  ప్రొటోకాల్‌ను పక్కనపెట్టి సౌదీ అరేబియా యువరాజు మహ్మద్‌ బిన్‌ సల్మాన్‌ను ప్రధాని మోదీ స్వయంగా వెళ్లి స్వాగతం పలకడాన్ని కాంగ్రెస్‌ తీవ్రంగా తప్పుబట్టింది. ఆదివారం పాకిస్థాన్‌ పర్యటన ముగించుకున్న అనంతరం సౌదీ యువరాజు రియాద్‌ వెళ్లి అక్కడి నుంచి భారత్‌కు వచ్చారు. పాక్‌ పర్యటన నుంచి మహ్మద్‌ బిన్‌ సల్మాన్‌ నేరుగా భారత్‌ రావడంపై ఇక్కడి అధికారులు అభ్యంతరం వ్యక్తం చేసిన నేపథ్యంలో ఆయన రియాద్‌ వెళ్లి అక్కడి నుంచి భారత్‌కు వచ్చారు. ప్రొటోకాల్‌ ప్రకారం సౌదీ యువరాజును ఆహ్వానించేందుకు ప్రభుత్వానికి చెందిన మంత్రులని లేదా అధికారులను మోదీ పంపించాల్సి ఉంటుంది. కానీ దాన్ని పక్కన పెట్టి మోదీ స్వయంగా విమానాశ్రయానికి వెళ్లి ఆయన్ను ఆత్మీయంగా ఆలింగనం చేసుకొని స్వాగతం పలికారు. దీంతో మోదీ మీద విమర్శలు వెల్లువెత్తుతున్నాయి. ట్విటర్‌ వేదికగా కాంగ్రెస్ మోదీపై విమర్శలు గుప్పించింది. ‘పాకిస్థాన్‌కు భారీగా ఆర్థిక సాయం చేస్తామని సౌదీ యువరాజు ప్రకటించిన గంటల వ్యవధిలోనే ప్రధాని మోదీ ఇలా చేశారు. అమరవీరులు, భారతీయ సైనికుల సేవలు, త్యాగం గురించి ఏమనుకుంటున్నారో ప్రధాని మోదీ దేశానికి చూపించారు’ అంటూ కాంగ్రెస్‌ ట్వీట్‌ చేసింది. మరో ట్వీట్ చేస్తూ పాకిస్థాన్ పీఎం ఇమ్రాన్ ఖాన్ తో పాటు సౌదీ ప్రిన్స్ మొహమ్మద్ బిన్ సల్మాన్ పుల్వామా దాడిని ఖండిస్తూ ప్రకటన చేయలేదని చెప్పింది. పైగా ఆయన ఉగ్రవాదంపై పాకిస్థాన్ పోరాటాన్ని ప్రశంసించారని కాంగ్రెస్ తెలిపింది. దీనివల్ల మసూద్ అజహర్ ను ప్రపంచ ఉగ్రవాదుల జాబితాలో చేర్చే ప్రయత్నాలకు విఘాతం ఏర్పడిందని కాంగ్రెస్ అంది. ఈ విషయంపై కాంగ్రెస్‌ ప్రతినిధి రణ్‌దీప్‌ సుర్జేవాలా ఆగ్రహం వ్యక్తం చేశారు. ‘పాక్‌కు 20బిలియన్‌ డాలర్ల మేరకు సాయం చేస్తామని హామీ ఇచ్చి, పాక్‌ చేస్తున్న ఉగ్రవాద వ్యతిరేక పోరాటాన్ని ప్రశంసించిన వ్యక్తికి స్వాగతం పలికేందుకు ప్రొటోకాల్‌ను పక్కన పెట్టారు. ఇదేనా పుల్వామా అమరవీరుల త్యాగాన్ని గుర్తు చేసుకునే మార్గం?.. జేఈఎం చీఫ్‌ మసూద్‌ అజర్‌ను ఐక్యరాజ్యసమితి అంతర్జాతీయ ఉగ్రవాది జాబితాలో చేర్చేందుకు సౌదీ అరేబియా మద్దతు కోరే ధైర్యం చేస్తారా?’ అని ఆయన ప్రశ్నించారు.
  తెలంగాణ కేబినెట్ విస్తరణలో మహిళలకు చోటు దక్కని విషయం తెలిసిందే. గత కేబినెట్ లో మహిళలకు అవకాశం ఇవ్వని సీఎం కేసీఆర్.. ఈసారైనా అవకాశమిస్తారని భావించారంతా. కానీ ఈసారి కూడా మహిళలకు చోటు దక్కలేదు. దీంతో ప్రతిపక్షాలు కేసీఆర్ మీద విమర్శలు గుప్పిస్తున్నాయి. తాజాగా బీజేపీ సీనియర్ నేత కిషన్ రెడ్డి.. కేసీఆర్ మీద సంచలన వ్యాఖ్యలు చేశారు. కేబినెట్ కూర్పను ఆయన తప్పుబట్టారు. కేబినెట్‌లో మహిళలు, గిరిజనులకు ప్రాధాన్యం లేదని విమర్శించారు. గతంలోనూ మహిళలకు కేబినేట్ లో స్థానం కల్పించలేదని ఈసారైనా కల్పిస్తారని ఆశిస్తే ఈసారి కూడా అవకాశం కల్పించలేదని ఆగ్రహం వ్యక్తం చేశారు. మహిళలపై కేసీఆర్ వివక్ష చూపుతున్నారంటూ మండిపడ్డారు. మహిళలపై వివక్ష చూపుతున్నందుకు గానూ కేసీఆర్‌పై షీ టీమ్‌ కేసు పెట్టాలని ఘాటు వ్యాఖ్యలు చేశారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.