Publish Date:Jan 21, 2019
Publish Date:Jan 18, 2019
Publish Date:Jan 8, 2019

LATEST NEWS
The parents of some students from Bangalore were shocked when they looked into the text book of their children. The text book named ‘Current School Essays and Letters’ by Purabi Chakraborty has a controversial chapter named `Modern Girl’. Well if you are wondering why this chapter has become controversial, have a look at some of the statement mentioned in the chapter- “a modern girl is a self-centred creature than a loving daughter or sympathetic sister... She loves to wear jeans, pants and hot pants. The colourful saree has no place in the modern girl’s stock of garments.”  “She is eager to enjoy life fully and so she does not want to miss any party, cinema show, concert, fashion parades and such outdoor activities. She talks and makes friendship with boys freely and easily.” The Central Board of Secondary Education (CBSE) had to step into the scene and issue a warning to the schools to be careful while selecting text books for the students.
  The flash floods in Kerala have caused a devastation that could only occur once in a hundred years. Hundreds of people have lost their lives and property worth thousands of crores has been destroyed. However here is an interesting allegation from Kerala. The state has filed an affidavit with the Supreme Court claiming that Tamil Nadu is solely responsible for these flash floods. It accused that sudden release of flood waters from the Mullaperiyar dam was a cause for the floods in the State. Kerala has further alleged that their neighbouring state has ignored their continuous requests to release the water in a step by step process. However, Tamil Nadu has denied these allegations and said that they have given enough warnings to Kerala regarding the release of water.
  Well! All these days we have a feeling that Andhra Pradesh has suffered a huge loss of bifurcation of the state. Nothing has gone in the favour of the new state since four years. But now... here is a reason for the people in AP to have a broad smile. The Mines and Geology department has found a huge treasure in Chigargunta and Bisanatham areas of Chittoor district. The government officials have estimated that 1.83 metric tonnes of gold ore is present in the area and 9.4 tonnes of gold can be produced from the ore. The government might grab more than thousand crores by auctioning the ore. And that’s not the end of the news. The government is planning to revive defunct gold mines present in Anantapur district.
ALSO ON TELUGUONE N E W S
వెంకీ అట్లూరి దర్శకుడిగా పరిచయమైన సినిమా ‘తొలిప్రేమ’. ఆ కథ కంటే ముందు రాసిన కథ ‘మిస్టర్‌ మజ్ను’. అయితే.. అప్పటికి అఖిల్‌ రెండు సినిమాలు కమిట్‌ కావడంతో తరవాత చేస్తానని చెప్పాడు. దాంతో మరో కథ రాసుకున్న వెంకీ అట్లూరి ‘తొలిప్రేమ’ తీశాడు. అఖిల్‌ కోసం ‘మిస్టర్‌ మజ్ను’ కథతో మూడేళ్లు ఎదురుచూశాడు. ఈ సంగతి స్వయంగా అఖిలే చెప్పాడు. సెట్స్‌ మీదకు వెళ్లేటప్పుడు కథలో మార్పులేమైనా చేశారా? మూడేళ్ల ముందుది కదా? అని అఖిల్‌ని ప్రశ్నించగా... ‘‘పెద్దగా మార్పులేం చేయలేదు. కానీ, కథలో ఫైట్స్‌ పెట్టాడు. హీరోకి, హీరో తండ్రికి మధ్య.. హీరోకి, హీరో బాబాయ్‌కి మధ్య ఎమోషనల్‌ సీన్స్‌ పెంచాడు. ‘తొలిప్రేమ’ తరవాత వెంకీ నా దగ్గరకు వచ్చి ‘ఈసారి కథను నెక్ట్స్‌ లెవల్‌కు తీసుకు వెళ్దామనుకుంటున్నా. ఈ మార్పులు చేస్తున్నా’ అన్నాడు. నేను సరేనన్నా’’ అని అఖిల్‌ తెలిపాడు. సినిమా మొత్తం పూర్తయ్యాక, నాగార్జున సలహా మేరకు ఓ సన్నివేశాన్ని రీషూట్‌ చేశామన్నాడు. సినిమా ఫసాఫ్‌లో లవ్‌స్టోరీ స్టార్ట్‌ కావడానికి కొంత టైమ్‌ పడుతుందని, ఈ లోపు హీరో క్యారెక్టర్‌ ఇంట్రడక్షన్‌ సీన్లు వస్తాయని, వాటిని వెంకీ అట్లూరి బాగా తీశాడని అఖిల్‌ అన్నాడు. హీరో ఇంట్రడక్షన్‌ సాంగులో ఎయిట్‌ ప్యాక్‌ బాడీ చూపించానని, ఆ ఐడియా కొరియోగ్రాఫర్‌ శేఖర్‌ది అని అన్నాడు.
కింగ్ నాగార్జున హీరోగా కె. విజ‌య‌భాస్క‌ర్ ద‌ర్శ‌క‌త్వంలో రూపొందిన మ‌న్మ‌థుడు, క‌ళ్యాణ్ కృష్ణ కుర‌సాల ద‌ర్శ‌క‌త్వంలో  రూపొందిన సోగ్గాడే చిన్ని నాయానా సినిమా ప్రేక్ష‌కుల‌ను అల‌రించి ఘ‌న‌విజ‌యం సాధించాయి. ఈ సూప‌ర్ హిట్ సినిమాలు అన్న‌పూర్ణ స్టూడియోస్ బ్యాన‌ర్ పై నాగార్జున నిర్మించారు. ఇప్పుడు ఆ సినిమాల సీక్వెల్స్ నాగార్జున న‌టిస్తూ నిర్మించనున్నారు. రాహుల్ ర‌వీంద్ర‌న్ ద‌ర్శ‌క‌త్వంలో మ‌న్మ‌థుడు 2, క‌ళ్యాణ్ కృష్ణ కుర‌సాల ద‌ర్శ‌క‌త్వంలో సోగ్గాడే చిన్ని నాయ‌నా 2 రూపొందనున్నాయి. ఈ సినిమాల స్క్రిప్ట్స్ రెడీ గా ఉన్నాయి. సూప‌ర్ హిట్ సినిమాల సీక్వెల్ సినిమాలు అన్న‌పూర్ణ స్టూడియోస్ బ్యాన‌ర్ పై ఒకేసారి నిర్మించ‌డానికి నాగార్జున ప్లాన్ చేస్తున్న‌ట్టు వార్త‌లు వినిపిస్తున్నాయి.
ఎన్టీఆర్ జీవితంలో లక్ష్మీపార్వతి ప్రవేశించిన తరవాత ఏం జరిగిందనే విషయాలతో రామ్‌గోపాల్ వ‌ర్మ‌ తీస్తున్న సినిమా 'లక్ష్మీస్ ఎన్టీఆర్'. తన తండ్రి జీవితాన్ని బాలకృష్ణ గొప్పగా చూపించే ప్రయత్నం చేస్తుంటే... ఎన్టీఆర్ జీవితంకి వివాదాలను మాత్రమే వర్మ చూపించాలనుకుంటున్నారని నందమూరి, తెలుగుదేశం పార్టీ  అభిమానులు ఆగ్రహం వ్యక్తం చేస్తున్నారు. అనధికారంగా ఈ సినిమాకు పలు సమస్యలు చుట్టుముట్టిన్నట్టు భోగట్టా. ఇప్పుడు అధికారికంగా ఈ సినిమాకు ఓ సమస్య వచ్చి పడింది. 'లక్ష్మీస్ ఎన్టీఆర్'లో 'వెన్నుపోటు' పాట ఏపీ ముఖ్యమంత్రి చంద్రబాబు నాయుడికి వ్యతిరేకంగా ఉందని, ఆయన్ను కించపరిచేలా ఉందని తెలుగుదేశం నేతలు ఆగ్రహావేశాలు వ్యక్తం చేశారు. ఒకరు హైకోర్టులో పిటీషన్ కూడా దాఖలు చేశారు. ఈ కేసులో సెన్సార్ బోర్డు అధికారులకు హైకోర్టు నోటీసులు జారీ చేసింది. 'వెన్నుపోటు' పాటకు వివరణ ఇవ్వమని ఆదేశించింది. ఓ రాష్ట్ర ముఖ్యమంత్రిని కించపరిచేలా ఉన్న పాటకు ఎలా అనుమతి ఇచ్చారని ప్రశ్నించింది. అసలు విషయం ఏంటంటే... ఈ పాటను వర్మ యూట్యూబ్ లో విడుదల చేశారు. అందువల్ల, సినిమా సెన్సార్ కు వెళ్ళినప్పుడు ఈ పాటను తొలగించమని అధికారులు చెప్పే అవకాశముంది. వర్మ మాత్రం ఇటువంటి సమస్యలను లెక్క చేయడం లేదు. 'లక్ష్మీస్ ఎన్టీఆర్' సినిమాపై గంటకో ట్వీట్, పూటకో కొత్త విషయంతో సోషల్ మీడియాలో హల్ చల్ చేస్తున్నాడు.
! నందమూరి బాలకృష్ణ కథానాయకుడిగా నటించి, నిర్మించిన ఎన్టీఆర్ బయోపిక్ ఫస్ట్ పార్ట్ 'యన్.టి.ఆర్ - కథానాయకుడు' సంక్రాంతి కానుకగా విడుదలైంది. తెలుగు ప్రజలు అమితంగా ఆరాధించిన ఎన్టీఆర్ సినీ జీవితం, ఆయన రాజకీయాల్లో ప్రవేశించడానికి ప్రేరేపించిన అంశాల కలబోతతో వచ్చిన ఈ సినిమాకు తొలి రోజు మంచి టాక్ వచ్చింది. కానీ, కలెక్షన్లు మాత్రం ఆశించినట్టు రాలేదు. టాక్‌కి, క‌లెక్ష‌న్ల‌కూ సంబంధ‌మే లేదు. ఉభయ తెలుగు రాష్ట్రాల్లో ఈ సినిమా రూ 20 కోట్ల లోపు కలెక్ట్ చేసింది. డిస్ట్రిబ్యూటర్లు తెలుగు థియేట్రికల్ రైట్స్ 60 కోట్లకు కొన్నట్టు టాక్. కలెక్షన్స్ మరీ తక్కువ రావడంతో ఆల్మోస్ట్ 40 కోట్లు నష్టపోయారు. అమెరికాలో కూడా ఇదే పరిస్థితి. ఎన్టీఆర్ కథానాయకుడు ఓవర్సీస్ రైట్స్ 9 కోట్లకు ఓ డిస్ట్రిబ్యూటర్ కొన్నాడు. సినిమా కలెక్షన్స్ లో పబ్లిసిటీ ఖర్చులు వగైరా వగైరా తీయగా ఆయనకు వచ్చింది రూ 3.80 కోట్లు. ఆయనకు ఆల్మోస్ట్ 60 పర్సెంట్ రూ 5.80 కోట్లు లాస్ వచ్చింది. ఇండియాలోనూ అమెరికాలోనూ ఈ సినిమా డిజాస్టర్ గా నిలిచింది. ఎవరూ ఊహించని పరాజయమిది.
ఏప్రిల్ నెలలో మహేష్ బాబు 'మహర్షి' వస్తుందా? రాదా? ఒకవేళ వస్తే ఏ తేదీకి వస్తుంది? నిన్నటివరకూ ఈ సినిమా విడుదల తేదీలో బోల్డంత గందరగోళం నడిచింది. కొందరు మే నెలలో చిత్రాన్ని విడుదల చేయడానికి సన్నాహాలు చేస్తున్నారన్నారు. మరి కొందరు ఏప్రిల్ నెలలో ముందుకు వస్తుందన్నారు. ఈ గందరగోళానికి నిర్మాతలలో ఒకరైన దిల్ రాజు తెర దించారు. ముందుగా చెప్పినట్టు ఏప్రిల్ 25వ తేదీన సినిమాను విడుదల చేస్తామని ప్రకటించారు. ముందు చెప్పిన టైమ్‌కి సినిమా వస్తుందని స్పష్టం చేశారు. 'ఊపిరి' విజయం తరవాత వంశీ పైడిపల్లి దర్శకత్వం వహిస్తున్న చిత్రమిది. ఇందులో పూజా హెగ్డే కథానాయికగా నటిస్తున్నారు. దిల్ రాజు, సి. అశ్వనీదత్, పివిపి నిర్మిస్తున్నారు. ప్రస్తుతం పొల్లాచ్చిలో మహేష్ బాబు రైతుగా నటిస్తున్న సన్నివేశాలను తెరకెక్కిస్తున్నారు. మహేష్ బాబు స్నేహితుడి పాత్రలో అల్లరి నరేష్ నటిస్తున్న ఈ చిత్రానికి దేవిశ్రీ ప్రసాద్ సంగీత దర్శకుడు.
  ఎన్నికల్లో గెలిస్తే ప్రజల అండ మా పార్టీకి ఉంది కాబట్టే గెలిచామని, ఓడిపోతే ఈవీఎం ట్యాంపరింగ్ జరగడం వల్లే ఓడిపోయామని చెప్పుకోవడం కొన్ని పార్టీలకు అలవాటు. ఇప్పటికే విపక్షాలు బీజేపీ మీద ఇటువంటి ఆరోపణలు చేస్తున్న విషయం తెలిసిందే. అయితే ఇప్పుడు ఈ లిస్ట్ లోకి ఓ సైబర్ నిపుణుడు కూడా చేరిపోయాడు. 2014 నుంచి ఇప్పటివరకు బీజేపీ సాధించిన విజయాలన్నీ ఈవీఎంల ట్యాంపరింగ్ వల్లే సాధ్యమైందని పెద్ద బాంబు పేల్చాడు. అమెరికాలో తలదాచుకుంటున్న సయ్యద్‌ షుజా అనే భారతీయ హ్యాకర్‌ సంచలన ఆరోపణలు చేశారు. 2014 లోక్‌సభ ఎన్నికల్లో ఈవీఎంలు హ్యాక్‌ చేయడం ద్వారానే బీజేపీ విజయం సాధించిందని అన్నారు. ఇందుకు టెలికాం సంస్థ రిలయన్స్‌ జియో సహకరించిందని తెలిపారు. అయితే ఇక్కడో అర్థంకాని విషయం ఏంటంటే.. 2014లో జియో సేవలు ప్రారంభం కాలేదు. 2016 సెప్టెంబర్‌ నుంచే అవి ప్రారంభమయ్యాయి. ప్రస్తుతానికి ఆ లాజిక్ పక్కన పెట్టి మిగతా మేటర్ లోకి వెళ్దాం. సయ్యద్‌ షుజా సోమవారం లండన్‌లో భారత పాత్రికేయ సంఘం నిర్వహించిన విలేకరుల సమావేశంలో స్కైప్‌ ద్వారా మాట్లాడారు. అయితే ముఖం కనిపించకుండా మాస్క్‌ ధరించారు. 2014 సార్వత్రిక ఎన్నికల్లో వాడిన ఈవీఎంలను డిజైన్‌ చేసిన ఈసీఐఎల్‌ బృందంలో తాను కూడా సభ్యుడినని చెప్పారు. 2009 నుంచి 2014 వరకు తాను ఆ సంస్థలో పనిచేశానని పేర్కొన్నారు. ఈవీఎంలను హ్యాక్‌ చేయగలమా? ఎలా చేయగలం? అన్న విషయాన్ని పరిశీలించాలని ఈసీఐఎల్‌ మమ్మల్ని కోరిందన్నారు. వాటిని హ్యాక్‌ చేయవచ్చని తాము నిరూపించామని తెలిపారు. రిలయన్స్‌ జియో అందించిన ఓ మాడ్యులేటర్‌ ద్వారా మిలటరీ గ్రేడ్‌ లోఫ్రీక్వెన్సీ తరంగాలతో బీజేపీ ఈవీఎంలను హ్యాక్‌ చేసింది. తద్వారా 2014 లోక్‌సభ ఎన్నికల్లో రిగ్గింగ్‌కు పాల్పడింది. ఈ విషయం తెలుసుకున్నారు కాబట్టే బీజేపీ సీనియర్‌ నేత గోపీనాథ్‌ ముండేను లోక్‌సభ ఎన్నికలు జరిగిన కొద్దిరోజులకే చంపేశారు. ముండే మరణంపై దర్యాప్తు జరుపుతున్న ఎన్‌ఐఏ అధికారి తాంజిల్‌ అహ్మద్‌ ఎఫ్‌ఐఆర్‌ దాఖలు చేయాలనుకున్నారు. ఆలోగానే ఆయన ఆత్మహత్యకు పాల్పడ్డారు. 2015లో ఢిల్లీ అసెంబ్లీకి జరిగిన ఎన్నికల్లో ఈ సంకేత ప్రసారాలను మేం అడ్డుకున్నాం. ఫలితంగా మొత్తం 70 స్థానాల్లో 67 స్థానాలను ఆమ్‌ ఆద్మీ పార్టీ గెల్చుకుంది. లేకుంటే బీజేపీ స్వీప్‌ చేసి ఉండేది. రాజస్థాన్‌, ఛత్తీస్‌గఢ్‌, మధ్యప్రదేశ్‌ అసెంబ్లీలకు ఇటీవల జరిగిన ఎన్నికల్లోనూ సంకేత ప్రసారాలను మాబృందం అడ్డుకుంది. లేకుంటే ఆ రాష్ట్రాల్లోనూ బీజేపీ విజయం సాధించి ఉండేది.  గత లోక్‌సభ ఎన్నికల్లో ఉత్తర్‌ ప్రదేశ్‌, గుజరాత్‌, మధ్యప్రదేశ్‌, రాజస్థాన్‌, ఛత్తీస్‌గఢ్‌, ఢిల్లీకి సంబంధించి ఈవీఎంలలో రిగ్గింగ్‌ జరిగింది. 2014 ఏప్రిల్‌లో ఈవీఎంల నుంచి సంకేతాలు వెలువడుతున్నట్లు గుర్తించాం. మాకు తెలిసిన ఈ సమాచారంతో బీజేపీని బ్లాక్‌ మెయిల్‌ చేయాలనుకున్నాం. హైదరాబాద్‌ శివార్లలో బీజేపీ నేత ఒకరిని కలుసుకునేందుకు మా బృందం వెళ్లింది. అక్కడ మా బృందంపై కాల్పులు జరిగాయి. ఇందులో కొందరు చనిపోయారు. నేను తప్పించుకున్నా. ఈ ఘటనను వెలుగులోకి రాకుండా చూడటానికి హైదరాబాద్‌లోని కిషన్‌గఢ్‌లో మతకలహాలు జరిగినట్లు చిత్రీకరించారు. తన బృందంలోని కొందరు సభ్యులు హత్యకు గురికావడంతో 2014లో తాను భారత్‌ నుంచి పరారయ్యాయని చెప్పారు. అమెరికాలో రాజకీయ ఆశ్రయం కోరారన్నారు. ఈవీఎంల హ్యాకింగ్‌పై కథనం రాయడానికి పాత్రికేయురాలు గౌరీలంకేశ్‌ అంగీకరించారు.  ఆలోగానే ఆమె హత్యకు గురయ్యారు. ఈవీఎంలలో వాడిన వైర్లను ఎవరు తయారుచేశారన్నది తెలుసుకునేందుకు సమాచారం చట్టం కింద ఆమె దరఖాస్తు చేశారు. ఆ తర్వాతే ఆమె హత్య జరిగింది అన్నారు. నా ఆరోపణలకు ఆధారాలిస్తా. ఇటీవలి ఎన్నికల్లో వాడిన ఈవీఎంల ద్వారానే మీకు హ్యాకింగ్‌ తీరును వివరిస్తా. ఏయే ఎన్నికల్లో ట్యాంపరింగ్‌ జరిగిందో చెబుతా అని తెలిపారు. ఈ విలేకరుల సమావేశానికి ఎన్నికల సంఘాన్ని కూడా ఆహ్వానించాం. కానీ రాలేదు. రాజకీయ పార్టీలను ఆహ్వానించాం. అయితే కాంగ్రెస్‌ తరఫున కపిల్‌ సిబల్‌ ఒక్కరే వచ్చారు అన్నారు. హ్యాకర్‌ షుజా ఆరోపణలను కేంద్ర ఎన్నికల సంఘం ఖండించింది. బీఈఎల్, ఈసీఐఎల్‌ రూపొందించే ఈవీఎంలను ఎవ్వరూ హ్యాక్‌ చేయలేరని స్పష్టం చేసింది. కట్టుదిట్టమైన భద్రత మధ్య ఈవీఎంలను రూపొందిస్తామనీ, సాంకేతిక కమిటీ సమక్షంలో నిబంధనల మేరకు ఈ యంత్రాలను కఠినమైన పరీక్షలకు లోనుచేస్తామని వెల్లడించింది. ఈ విషయంలో చట్టపరమైన చర్యలు తీసుకునే అంశాన్ని పరిశీలిస్తున్నట్లు ఈసీ పేర్కొంది. మరోవైపు ఈ ఆరోపణలపై విచారణ జరిపించాలని కాంగ్రెస్‌ డిమాండ్‌ చేస్తుంది. అయితే బీజేపీ మాత్రం ఇదంతా కాంగ్రెస్ ఆడుతున్న గేమ్ అంటుంది. హ్యాకర్‌ షుజా ముఖానికి ఉన్న ముసుగు తీసి ఆధారాలు బయటపెడితేనే కానీ అసలు నిజాలు ఏంటో మనకి తెలియవు.
  గవర్నర్‌ ప్రసంగంపై ధన్యవాద తీర్మానం సందర్భంగా చేపట్టిన చర్చలో వివిధ పార్టీల సభ్యులు మాట్లాడుతూ పలు సమస్యలను ప్రభుత్వం దృష్టికి తీసుకొచ్చారు. వీటికి సీఎం కేసీఆర్ సమాధానమిచ్చారు. పేదరికంతో పాటు నిర్లక్ష్యం వల్ల చాలామంది కంటి పరీక్షలు చేయించుకోవడం లేదని కేసీఆర్‌ చెప్పారు. ఎవరూ కోరకుండానే మంచి ఉద్దేశంతో కంటివెలుగు ప్రవేశపెట్టామన్నారు. కంటివెలుగు పథకం కింద ఇప్పటి వరకు 1.32 కోట్ల మందికి పరీక్షలు జరిగాయని చెప్పారు. తెలంగాణ ప్రభుత్వం అమలు చేస్తున్న కంటివెలుగు పథకాన్ని ఇతర రాష్ట్రాలు అమలు చేసేందుకు ప్రయత్నాలు చేస్తున్నాయన్నారు. త్వరలో చెవి, ముక్కు, గొంతు పరీక్షల శిబిరాలు కూడా నిర్వహిస్తామని కేసీఆర్‌ స్పష్టం చేశారు. గత ప్రభుత్వాలు రైతులను నిర్లక్ష్యంగా వదిలేశాయని కేసీఆర్‌ అన్నారు. టీఆర్ఎస్ ప్రభుత్వం నిజంగా రుణమాఫీ చేయకపోతే ప్రజలు మళ్లీ తమకు ఎందుకు ఓటు వేశారని విపక్ష సభ్యులను ప్రశ్నించారు. రైతే రాజు అయ్యే పరిస్థితులు వచ్చాయని ఇప్పటికే కొందరు ప్రశంసిచారని, రైతుబీమా పరిహారం బాధిత కుటుంబాలకు కేవలం 10 రోజుల్లో అందుతోందని చెప్పారు. కార్యాలయాలు తిరగకుండా, పైరవీలు చేయకుండానే బాధిత కుటుంబం ఖాతాలో పరిహారం సొమ్ము జమ అవుతోందన్నారు. కాంగ్రెస్‌ ప్రభుత్వం వ్యవసాయ అధికారులను కూడా నియమించలేదని సీఎం మండిపడ్డారు. కాంగ్రెస్‌ ప్రభుత్వ విధానాల వల్లే పోడు భూముల సమస్య పరిష్కారం కాకుండా పోయిందన్నారు. పొరుగు రాష్ట్రాల నుంచి కోయలు వలస రావడం కూడా పోడు భూముల విషయంలో సమస్యగా మారిందని.. ఎన్నికల్లో ఇచ్చిన హామీ మేరకు ఆ సమస్యను తప్పకుండా పరిష్కారిస్తామని చెప్పారు. ఇళ్ల నిర్మాణాల విషయంలో ప్రభుత్వం సాహసం చేయబోతోందని కేసీఆర్‌ చెప్పారు. గతంలో సర్వే ప్రకారం 8 లక్షల ఇళ్లు నిర్మిస్తే సరిపోతుందని తేలిందన్నారు. ఇల్లు అవసరమైనవాళ్లు ఎంతమంది ఉన్నారో కచ్చితమైన లెక్కలను త్వరలో తీస్తామని చెప్పారు. కాంగ్రెస్‌ హయాంలో ఇళ్ల పేరుతో కుంభకోణం జరిగిందని ఆరోపించారు. కొంచెం ఆలస్యమైనా తాము డబుల్‌ బెడ్‌రూమ్ ఇళ్లు నాణ్యంగా నిర్మిస్తామని స్పష్టం చేశారు. డబుల్‌ బెడ్ రూమ్‌ ఇళ్ల లబ్ధిదారులను లాటరీ ద్వారా ఎంపిక చేస్తామన్నారు. పేదవాళ్ల పేర్లను లాటరీలో వేసి లబ్ధిదారులను ఎంపిక చేస్తామని చెప్పారు. ముఖ్యమంత్రి నియోజకవర్గంలోనూ లాటరీ విధానానికి మినహాయింపు లేదని కేసీఆర్‌ స్పష్టం చేశారు. హైదరాబాద్‌లో 30వేల ఇళ్ల నిర్మాణాలు జరుగుతున్నాయని పేర్కొన్నారు. సొంత స్థలం ఉన్నవారికి ఇంటి నిర్మాణానికి రూ.6 లక్షలు ఇస్తామని ప్రకటించారు. మంచి పథకాలు ఎవరు తెచ్చినా మెచ్చుకోవాల్సిందేనని కేసీఆర్‌ అన్నారు. దివంగత ముఖ్యమంత్రి వైఎస్‌ రాజశేఖర్ రెడ్డి ప్రారంభించిన ఆరోగ్యశ్రీ చాలా మంచి పథకమని చెప్పారు. అందుకే ఎలాంటి మార్పులు లేకుండా టీఆర్ఎస్ కూడా ఆరోగ్యశ్రీని అమలు చేసిందన్నారు. ఆరోగ్యశ్రీ బాగున్నందునే కేంద్రం అమలు చేస్తున్నఆరోగ్య పథకంలో తెలంగాణ చేరలేదని తెలిపారు. ఆయుష్మాన్‌భవ కంటే ఆరోగ్యశ్రీ పథకంతోనే ప్రజలకు మేలు జరుగుతుందని కేసీఆర్‌ అభిప్రాయం వ్యక్తం చేశారు. కేసీఆర్‌ కిట్‌ పథకంలో కేంద్రం వాటా పైసా కూడా లేదని స్పష్టం చేశారు. కేంద్రంలో అనుకూల ప్రభుత్వం లేదని, తెలంగాణకు ఒక్క రూపాయి కూడా అదనంగా ఇవ్వలేదని కేసీఆర్‌ విమర్శించారు. మిషన్‌ కాకతీయ, భగీరథకు రూ. 24 వేల కోట్లు ఇవ్వాలని నీతి ఆయోగ్ చెప్పినా.. కేంద్రం 24 రూపాయిలు కూడా ఇవ్వలేదని విమర్శించారు. రాజ్యాంగబద్దంగా రావాల్సిన పన్నువాటా తప్ప నిధులు రాలేదని అన్నారు. వచ్చే ఐదేళ్లలో ఆదాయ, వ్యయాల అంచానా రూ.10 లక్షల కోట్లని కేసీఆర్‌ పేర్కొన్నారు. ఐదేళ్లలో ప్రభుత్వం చెల్లించాల్సిన అప్పు రూ.2 లక్షల 40 వేల కోట్లని, అప్పు చెల్లిస్తే మళ్లీ రూ.లక్షా 30వేల కోట్లు తెచ్చుకునే అవకాశం ఉందన్నారు. సాగునీటి ప్రాజెక్టులపై దాదాపు రూ.లక్షా 20 వేల కోట్ల ఖర్చు చేసినట్లు కేసీఆర్‌ తెలిపారు. సంక్షేమం, వ్యవసాయం, ప్రాజెక్టుల తర్వాత రహదారులకే ఎక్కువ ప్రాధాన్యత ఇచ్చామని కేసీఆర్ అన్నారు. 12,751 గ్రామ పంచాయతీల్లో బీటీ రోడ్ల నిర్మాణం జరిగిందని చెప్పారు. వచ్చే ఆర్థిక సంవత్సరం నుంచి పెంచిన పెన్షన్లు, రైతు బంధు, నిరుద్యోగ భృతి అమలు చేస్తామని అన్నారు. మార్చి నాటికి మిషన్‌ భగీరథ ద్వారా అన్ని గ్రామాలకు తాగునీరు అందజేస్తామని కేసీఆర్‌ హామీ ఇచ్చారు.
  ఎన్టీఆర్ వర్థంతి సందర్భంగా గుంటూరు జిల్లాలో ఏర్పాటు చేసిన పలు కార్యక్రమాల్లో సీఎం చంద్రబాబు పాల్గొన్నారు. సత్తెనపల్లిలో ఎన్టీఆర్‌ పార్కు, వావిలాల ఘాట్‌ ప్రారంభించారు. సత్తెనపల్లిలో 36 అడుగుల ఎన్టీఆర్‌ విగ్రహాన్ని ఆవిష్కరించిన అనంతరం ఆయన మాట్లాడారు. ఎన్టీఆర్‌ ఒక మహానాయకుడు, యుగపురుషుడు అని కొనియాడారు. సత్తెనపల్లికి వన్నె తెచ్చేలా తారకరామసాగర్‌ ఏర్పాటు చేస్తామని హామీ ఇచ్చారు. హైదరాబాద్‌ హుస్సేన్‌సాగర్‌లో ఎన్టీఆర్‌ హయాంలో బుద్ధుడి విగ్రహం ఏర్పాటు చేశారని గుర్తుచేశారు. ఇప్పుడు అదే తరహాలో సత్తెనపల్లిలో ఎన్టీఆర్‌ విగ్రహం ఏర్పాటైందన్నారు. ఎన్టీఆర్‌ భారీ విగ్రహం ఏర్పాటు ఒక చరిత్రని, చరిత్రలో మళ్లీ అలాంటి యుగపురుషుడు పుట్టడని చంద్రబాబు పేర్కొన్నారు. ఆయనతో ఎవరూ పోటీ పడలేరు.. ఆయనకు ఆయనే సాటి అని అన్నారు. తెలుగుజాతి ఆత్మగౌరవం కోసం పోరాడిన వ్యక్తి ఎన్టీఆర్‌ అని, సమాజమే దేవాలయం.. పేదలే దేవుళ్లని నిర్వచించిన వ్యక్తి ఎన్టీఆర్‌ అని చంద్రబాబు కొనియాడారు. రాష్ట్ర విభజన తర్వాత ప్రజలు ఎంతో నమ్మకంతో తనను గెలిపించారని, రాష్ట్రానికి బీజేపీ మేలు చేస్తుందని భావించామన్నారు. కానీ, బీజేపీ ఆంధ్రప్రదేశ్‌కు నమ్మకద్రోహం చేసిందని మండిపడ్డారు. ఆత్మవిశ్వాసంతో ముందుకెళ్తే తెలుగుజాతి తిరుగులేని శక్తిగా ఆవిర్భవిస్తుందని చెప్పారు. కేంద్రం సహకరించక పోయినా ప్రాజెక్టులకు ఇబ్బందులు లేకుండా ముందుకెళ్తున్నామని అన్నారు. ప్రపంచం మొత్తం ఆహారపు అలవాట్లు మారాయని, దానికి అనుగుణంగా వ్యవసాయంలో మార్పులు చేస్తున్నామన్నారు. ప్రపంచానికి ఆదర్శంగా 8శాతం సేద్యంలో వృద్ధిరేటు సాధించిన ఏకైక ప్రభుత్వం మనదేనని అన్నారు. రైతులకు రూ. 24 వేల కోట్ల రుణ విముక్తి చేసిన ప్రభుత్వం టీడీపీయేనని అన్నారు. కేంద్ర హోంమంత్రి ఈ రోజు కడపలో పర్యటిస్తున్నారని, హోదా విషయంలో మోసం చేసి మళ్లీ ఎందుకు వచ్చారని చంద్రబాబు ప్రశ్నించారు. తుపాన్ వస్తే, రైతులు ఇబ్బందులు పడుతుంటే ఇక్కడికి రారని, గుంటూరులో పార్టీ ఆఫీస్‌ ప్రారంభోత్సవానికి మాత్రం వస్తారని చంద్రబాబు కేంద్రంపై మండిపడ్డారు. పుండు మీద కారం చల్లి సంతోషిస్తున్నారని, విభజన చట్టంలో పేర్కొన్న హామీలు అమలయి ఉంటే తమకు ఇబ్బందులు ఉండేవి కావన్నారు. రాష్ట్రంలో కష్టాలకు, ఇబ్బందులకు ప్రధాని మోదీయే కారణమని అన్నారు. ఇప్పటికైనా ఆంధ్రప్రదేశ్‌కు ప్రత్యేక హోదా ప్రకటించాలని చంద్రబాబు కేంద్రాన్ని కోరారు. వందమంది కేసిఆర్, జగన్ లు కలిసినా ఆంధ్రప్రదేశ్ ను ఏమీ చేయలేరని చంద్రబాబు అన్నారు. నాకేదో గిప్ట్ ఇస్తానని కేసిఆర్ బెదిరిస్తున్నాడని.. కేసిఆర్ ఒక్క గిప్ట్ ఇస్తే తెలుగు ప్రజలు మూడు గిప్ట్ లు ఇస్తారన్నారు. కేసిఆర్ కు అవినీతి తమ్ముడు జగన్ తోడయ్యాడని విమర్శించారు.
  ఎలక్షన్‌ మిషన్‌ 2019పై టీడీపీ నేతలతో ఏపీ సీఎం, టీడీపీ అధినేత చంద్రబాబు గురువారం ఉదయం టెలికాన్ఫరెన్స్‌ నిర్వహించారు. ఈ సందర్భంగా ఆయన మాట్లాడుతూ.. రాష్ట్రాభివృద్ధి, సంక్షేమ కార్యక్రమాలను ప్రజల్లోకి తీసుకెళ్లాలని సూచించారు. 'ఏపీ అంటే మోదీకి అసూయ. గుజరాత్‌కన్నా ఏపీ మించిపోతుందనే భయం. ఏపీ అభివృద్ధి చెందకూడదని కేసీఆర్‌ పంతం. తన చేతగాని తనం భయటపడుతుందని కేసీఆర్‌కు భయం. తన కేసుల్లో జైలుకు వెళ్లాల్సి వస్తుందని జగన్‌కు భయం. అసూయపరులంతా ఏకమయ్యారు. అక్కసుతోనే బీజేపీ, టీఆర్ఎస్, వైసీపీ ఒకే చోటుకు చేరి ఏపీపై కుట్రలు చేస్తున్నాయి' అని ఆరోపించారు. 'గద్దల మాదిరిగా ఏపీపై వాలి కులాల మధ్య చిచ్చు పెడుతున్నారు. మతాల మధ్య ఉద్రిక్తతలు రెచ్చగొడుతున్నారు. తెలంగాణలో సెంటిమెంట్‌ రెచ్చగొట్టారు.. ఇప్పుడు ఏపీలో కులాల మధ్య చిచ్చు రగిలిస్తున్నారు. రాజకీయ లబ్ధి కోసం ఎంతకైనా తెగిస్తున్నారు. కేసీఆర్‌ ఫెడరల్‌ ఫ్రంట్‌కు స్పందనలేదు. హడావుడిగా నిన్న జగన్‌తో కేటీఆర్‌ భేటీ అయ్యారు. ఈ భేటీతో టీఆర్ఎస్, వైసీపీ ముసుగు తొలగిపోయింది' అని విమర్శించారు.బీజేపీ వ్యతిరేక ఓట్లను చీల్చాలని కుట్ర జరుగుతుందని అన్నారు. బీజేపీ వ్యతిరేక శక్తులు ఏకం కాకుండా కుట్రలు చేస్తున్నారని మండిపడ్డారు. బీజేపీ అజెండా అమలుకే ఫెడరల్‌ ఫ్రంట్‌ అని విమర్శించారు. పార్టీలను గందరోగళ పరిచి.. ప్రజల్లో  అయోమయం పెంచడం వీరి లక్ష్యం అని ఆరోపించారు.  ఏపీకి హోదా ఇస్తే తమకూ ఇవ్వాలని కేసీఆర్ అన్నారని గుర్తుచేశారు. షెడ్యూల్ 9, షెడ్యూల్ 10 సంస్థల విభజనకు అడ్డంకులు పెట్టారన్నారు. చివరికి సుప్రీంకోర్టు తీర్పును అమలు చేయనివ్వలేదని ఆగ్రహం వ్యక్తం చేశారు. ‘తెలంగాణలో 26 కులాలను బీసీ జాబితా నుంచి తొలగించారు. 26 కులాలకు అన్యాయం చేసిన వారితో జగన్‌ అంటకాగుతున్నారు. టీఆర్ఎస్ తో జట్టుకట్టిన వైసీపీకి 26 కులాల బీసీలే బుద్ధి చెప్పాలి' అని పిలుపునిచ్చారు. అవినీతి గొంగళి పురుగును కేసీఆర్‌ కౌగిలించుకున్నారు. అవినీతి గొంగళిపురుగుతో స్నేహం తెలంగాణ కోసమేనా? ప్రజలకు కేసీఆర్‌, కేటీఆర్‌ జవాబు చెప్పాలి’ అని చంద్రబాబు డిమాండ్ చేసారు.
  శాసనసభ పక్ష నాయకునిగా టీఆర్ఎస్ పార్టీ నేతలు కేసీఆర్‌ను ఏకపక్షంగా ఎన్నుకున్నారు. ఈ సందర్బంగా ఆయన మీడియాతో మాట్లాడుతూ.. కేంద్ర ప్రభుత్వం తాను చేయాల్సిన పనిచేయకుండా అధికారాలు పెట్టుకొని రాష్ట్రాలపై పెత్తనం చేస్తోందని, ఇదే అభిప్రాయం చాలా రాష్ట్రాలు, పార్టీల్లో ఉందని విమర్శించారు. రూరల్‌, అర్బన్‌ డెవలప్‌మెంట్‌, వైద్యం, విద్య కేంద్రం తన దగ్గర ఉంచుకోవాల్సిన అవసరం లేదని అన్నారు. దేశానికి కొత్త ఆర్థిక విధానం, కొత్త వ్యవసాయం విధానం అవసరమని, మూస వ్యవసాయ విధానం పోవాలని ఆయన అభిప్రాయపడ్డారు. కాంగ్రెస్‌ జాతీయ పార్టీ అని చెప్పుకుంటుంది.. కానీ రాష్ట్రానికో పాలసీ ఉంటుందని ఎద్దేవా చేశారు. కాంగ్రెస్‌, బీజేపీది పచ్చి రాజకీయ అవకాశం వాదమని ఆరో్పించారు. బీజేపీ, కాంగ్రెస్‌ లకు తేడా లేదని.. దొందూ దొందేనని ఎద్దేవా చేశారు. కొత్త మోడల్ దేశానికి అవసరం ఉందని అభిప్రాయపడ్డారు. ఆ ప్రయత్నం దేశ రైతాంగం తరపున తాను చేస్తానని అన్నారు. వీలైనంత త్వరగా జర్నలిస్టులకు ఇళ్ల స్థలాలు ఇస్తామన్నారు. జర్నలిస్టులకు అన్ని రకాలుగా మేలు చేస్తామని కేసీఆర్ హామీ ఇచ్చారు. తెలంగాణ కోసం కొట్లాడిన పార్టీగా టీఆర్‌ఎస్‌ను ప్రజలు ఆదరించారని కేసీఆర్ అన్నారు. నాలుగేళ్ల పాలన మమ్మల్ని తిరిగి గెలిపించిందని అన్నారు. చేసిన పని సిన్సియర్‌గా చేశామని, దేశంలో ఎక్కడా లేని విధంగా సంక్షేమ పథకాలు తీసుకొచ్చామన్నారు. రాష్ట్రంలో కోటి మందికి కంటి వెలుగు పరీక్షలు నిర్వహించామని చెప్పారు. ప్రభుత్వం మమ్మల్ని పట్టించుకుంటుదన్న భావన ప్రజల్లో వచ్చిందని, పేదలకు కేసీఆర్‌ కిట్‌, కళ్యాణలక్ష్మి పథకాలు ఎంతో ఉపయోగపడ్డాయని కేసీఆర్ పేర్కొన్నారు. తెలంగాణలో బాల్య వివాహాలు జరగడం లేదన్నారు. అన్ని వర్గాల ప్రజల్లో సమానమైన ఆదరణ కనిపించిందని కేసీఆర్ అన్నారు. మేనిఫెస్టోలో ప్రకటించిన అంశాలను వందకు వంద శాతం అమలుపరిచిన ప్రభుత్వం టీఆర్‌ఎస్ ప్రభుత్వమేనని కేసీఆర్ పేర్కొన్నారు. ఈ విషయంలో తాము ఎవరితోనైనా, ఏ ఛాలెంజ్‌కైనా సిద్ధమేనని సవాల్ విసిరారు. తాము ఎన్నికల మేనిఫెస్టోలో భాగంగా ఏం చేస్తామని చెప్పామో వంద శాతం అది చేశామని, మేనిఫెస్టోలో లేని ప్రజలకు ఉపయోగపడే 76 అంశాలను కూడా అమలుపరిచిన ఘనత తమ ప్రభుత్వానికే దక్కుతుందని అన్నారు. బీడీ కార్మికుల పెన్షన్ తమ మేనిఫెస్టోలో లేదని, కానీ మంజూరు చేశామని తెలిపారు. ఎన్నికల ముందు రైతుబంధు చెప్పలేదని.. ఆయినా చేశామన్నారు. కొంతమంది కావాలనే ఇంటికో ఉద్యోగం ఇస్తామని తాము చెప్పినట్లు ప్రచారం చేశారని.. తాను కానీ, తమ పార్టీ కానీ ఆ మాట అనలేదని కేసీఆర్ చెప్పారు. ఉద్యోగాలు కల్పిస్తామని మాత్రమే చెప్పామని, ఆంధ్రా వాళ్లు వెళ్లిపోతే వచ్చే ఖాళీలు మనకొస్తాయని చెప్పామని కేసీఆర్ తెలిపారు. కోర్టు ఆదేశాల ప్రకారం పంచాయతీ ఎన్నికలు నిర్వహిస్తాం. రానున్న పంచాయతీ ఎన్నికలకు సమాయత్తం కావాలని ఎమ్మెల్యేలకు సూచించాం అని తెలిపారు. ఫెడరల్‌ ఫ్రంట్ వస్తే దేశవ్యాప్తంగా రైతుబంధు పథకాన్ని అమలు చేస్తాం అన్నారు. దీనికోసం మూడున్నర లక్షల కోట్లు ఖర్చవుతుంది. తాము వచ్చాక కచ్చితంగా చేస్తాం అని హామీ ఇచ్చారు. రాష్ట్రంలో 29.9శాతం ఆర్థికవృద్ధి ఉంది. దేశంలో ఏ రాష్ట్రమూ తెలంగాణకు దరిదాపుల్లో లేదు. రూ.70వేల కోట్లతో రాష్ట్రంలోని ప్రాజెక్టులు పూర్తవుతాయి. అప్పులు చేశామని ప్రతిపక్షాలు విమర్శిస్తున్నాయి. పూర్తి అవగాహనతోనే ప్రాజెక్టులకు ఖర్చు చేస్తున్నాం అని స్పష్టం చేశారు. తమకంటే ముందు 60 ఏళ్లు పాలించిన కాంగ్రెస్‌, టీడీపీలు ఎన్ని ఉద్యోగాలిచ్చాయి? నిరుద్యోగులను మోసం చేసి కనీసం ఐదులక్షల ఉద్యోగాలు కూడా భర్తీ చేయలేకపోయారు అని విమర్శించారు. ఎన్ని ప్రభుత్వ ఉద్యోగాలు ఖాళీగా ఉన్నాయో.. వాటిని త్వరలోనే భర్తీ చేస్తాం అని స్పష్టం చేశారు. ఏపీ ప్రత్యేక హోదాపై చంద్రబాబుకే క్లారిటీ లేదని కేసీఆర్‌ విమర్శించారు. ప్రత్యేక హోదాతో వచ్చేది ఏముందని పెద్ద పెద్ద డైలాగులు కొట్టారని, హోదా విషయంలో బాబు మూర్ఖంగా మాట్లాడుతున్నారని ఆరోపించారు. ప్రత్యేక హోదా అడిగేవాళ్లు మూర్ఖులని చంద్రబాబు అన్నారని, ఇప్పుడు ఆయనే హోదా అడుగుతున్నారని వ్యాఖ్యానించారు. ఆంధ్రాకు రమ్మని తనను పిలుస్తున్నారని.. వందలు, వేల సంఖ్యలో ఆహ్వానాలు అందుతున్నాయని అన్నారు. త్వరలోనే ఆంధ్రప్రదేశ్‌కు వందకు వంద శాతం వెళ్తానని కేసీఆర్ స్పష్టం చేశారు.
  తెలంగాణలో ప్రజకూటమి అంచనాలను తారుమారు చేస్తూ టీఆర్ఎస్ ఘన విజయం సాధించింది. ఈ సందర్భంగా తెలంగాణ భవన్‌లో విలేకరుల సమావేశంలో టీఆర్‌ఎస్ అధినేత కేసీఆర్ మాట్లాడారు. ఎన్నికల్లో టీఆర్‌ఎస్ పార్టీకి లభించిన విజయం పూర్తిగా తెలంగాణ ప్రజల విజయమని అభివర్ణించారు. ప్రచారంలో కాళేశ్వర కావాలా? శనేశ్వరం కావాలా అని అడిగామని, ప్రజలు కాళేశ్వరమే కావాలని తీర్పునిచ్చారని అన్నారు. ముఖ్యంగా రైతులు, మహిళలు, పేదలు, వెనుకబడిన వర్గాలు, దళితులు, కులాలకు మతాలకు అతీతంగా సకల జనులు నిండుగా దీవించి అందించిన విజయమని అన్నారు. కార్యకర్తలెవరూ విజయంతో గర్వించాల్సిన అవసరం లేదని, అంతిమ తీర్పు ప్రజలే కాబట్టి కర్తవ్య నిష్ఠతో బాధ్యతను నిర్వహించాలని కార్యకర్తలకు పిలుపునిచ్చారు. టీఆర్‌ఎస్ అభివృద్ధిలో ఒక బాట వేసిందని, ఇక ఆ బాటను చేరాలని కార్యకర్తలకు పిలుపునిచ్చారు. కోటి ఎకరాలు పచ్చబడాలి అన్న తమ లక్ష్యాన్ని కచ్చితంగా చేరతామని అన్నారు. లక్ష ఎకరాలకు నీరందించడమే కర్తవ్యంగా ముందుకు సాగుతామని స్పష్టం చేశారు. రైతుల కోసం కచ్చితంగా పనిచేస్తామని, వారికి ఏ బాధలు లేకుండా చేస్తామని ప్రకటించారు. గిరిజనులు, గిరిజనేతరులు పోడు భూముల కోసం పడుతున్న బాధలను తొందరలోనే పరిష్కారం కల్పిస్తామని హామీ ఇచ్చారు. ఇందుకు తానే వ్యక్తిగతంగా చొరవ తీసుకుంటానని ప్రకటించారు. కుల వృత్తులు మరింత అభివృద్ధి పడేలా చేస్తామని హామీ ఇచ్చారు. నిరుద్యోగులకు, యువతకు ఉద్యోగాలు కల్పించి నిరుద్యోగతను అధిగమిస్తామని తెలిపారు. ఉద్యోగ ఖాళీలను అత్యంత వేగంగా భర్తీ చేస్తామని హామీ ఇచ్చారు. ప్రభుత్వేతర రంగాల్లో కూడా విరివిగా దొరికేలా చూస్తామని అన్నారు. విజయం ఎంత ఘనంగా ఉందో బాధ్యత కూడా అంతే బరువుగా ఉందని అన్నారు. ఇప్పటికే కంటి వెలుగు కార్యక్షేత్రంలో ఉందని, అలాగే ఇప్పుడు ఈఎన్‌టి, డెంటల్ పరీక్షలను చేసి ఆరోగ్య తెలంగాణను నిర్మిస్తామని హామీ ఇచ్చారు. తెలంగాణలో ఉన్న అన్ని రకాల మైనారిటీలకు మరింత సంక్షేమాలను అందిస్తామని భరోసా ఇచ్చారు. వీరితో పాటు దళితులు, గిరిజనుల బాధలకు భరతవాక్యం పాడతామని, ఇందుకోసం ఏం చేయాలనే అంశంపై ఆలోచించి కచ్చితమైన లక్ష్యాలతో ముందుకు సాగుతామని అన్నారు. బీసీలతో పాటు రెడ్డి, బ్రాహ్మణ, వైశ్య వర్గాలకు కూడా గురుకులాలను ఏర్పాటు చేస్తామని తెలిపారు. ప్రజా సమస్యలే కేంద్ర బిందువుగా, పరిష్కారం ఇతివృత్తంగా, పేదరిక నిర్మూలనే ప్రధాన లక్ష్యంగా ముందుకు సాగుతామని కేసీఆర్ స్పష్టం చేశారు. దేశ రాజకీయాల్లో కూడా పాత్ర పోషించాల్సిన బాధ్యత మనపై ఉంది అన్నారు. ప్రేక్షక పాత్ర పోషించం. చైతన్యం కల్గినది తెలంగాణ గడ్డ. తానేంటో నిరూపించుకున్న భూమి తెలంగాణ. 116 సభల్లో నేను పాల్గొన్నా. ప్రతి సమావేశంలో నేను ప్రజలకు విజ్ఞప్తి చేశాను. పార్టీలు, నాయకులు కాదు. ప్రజలే గెలవాలని అన్నాను అని గుర్తు చేశారు. ఈ రోజు ప్రజలే గెలిచారు. ఎవరు ఏమన్నా, ఎన్ని విమర్శలు చేసినా మేం పట్టించుకోలేదు అన్నారు. జాతీయ రాజకీయాల్లో ప్రధాన పాత్ర పోషిస్తాం. ఈ దేశానికి ఓ దిక్సూచి తెలంగాణ. జాతీయ రాజకీయాలకు ఓ కొత్త నిర్వచనం ఇస్తాం అన్నారు. 'దేశంలో పెద్ద గందరగోళం ఉంది. నూరు శాతం బీజేపీయేతర, కాంగ్రెసేతర పరిపాలన రావాలి. మాకు ఎవరూ బాస్‌లు లేరు. మేం ఎవరికీ ఏజెంట్లం కాం. ప్రజలకే ఏజెంట్లం. ప్రజలే మమ్మల్ని ఏజెంట్లుగా నియమించారు. వారి కోసమే మేం పనిచేస్తాం. మేమెవరికీ గులాంగిరీ చేయం. ప్రజల ఆశయాలు, ఆకాంక్షలకు అనుగుణంగా పనిచేస్తూ.. జాతీయ రాజకీయాలను కచ్చితంగా ప్రభావితం చేస్తాం’ అని కేసీఆర్‌ స్పష్టం చేశారు. అదే విధంగా ఈ సమావేశంలో కేసీఆర్, చంద్రబాబు మీద తనదైన శైలిలో సెటైర్లు వేశారు. చంద్రబాబు ఇక్కడకు వచ్చినప్పడు తాము అక్కడకు వెళ్లమా అని ప్రశ్నించారు. చంద్రబాబు తెలంగాణకు వచ్చి పనిచేశారని.. మరి తాము కూడా ఆంధ్రాకు వెళ్లి పనిచేయాలా వద్దా అని అన్నారు. బర్త్‌‌డే గిఫ్ట్ ఇచ్చినప్పుడు రిటర్న్ గిఫ్ట్ ఇవ్వమా? అని అన్నారు. దేశ రాజకీయాల్లో పనిచేసే క్రమంలో ఏపీకి కూడా వెళ్లబోతున్నానన్నారు. ఆంధ్రప్రదేశ్ నుంచి తనకు లక్ష ఫోన్ కాల్స్ వచ్చాయని.. ఏపీ రాజకీయాల్లో తాను కూడా కలగజేసుకోవాల్సిందిగా అక్కడి ప్రజలు కోరుతున్నారన్నారు. చంద్రబాబు గురించి విజయవాడ వెళ్లి మొత్తం చెబుతానన్నారు. తమ గిఫ్ట్ ప్రభావం ఎంతుంటుందో త్వరలో అందరూ చూస్తారన్నారు.
వయసు మీదపడే కొద్దీ మన శరీరంలోని అవయవాలు ఒకొక్కటిగా బలహీనపడిపోతుంటాయి. ఇక మెదడు సంగతి చెప్పనే అక్కర్లేదు. మెదడులో కొత్త న్యూరాన్లు ఏర్పడకపోగా, పాత కణాలు నశించిపోతుంటాయి. ఫలితంగా మతిమరపు దగ్గర నుంచి అల్జీమర్స్ వరకు నానారకాల సమస్యలు చుట్టుముడతాయి. కానీ నాట్యం చేసేవారిలో ఈ సమస్య దరిచేరదని చెబుతున్నారు పరిశోధకులు.   శరీరిక వ్యాయమం వల్ల మన మెదడులోని ‘హిప్పో క్యాంపస్’ అనే భాగం బలపడుతుందని ఎప్పటినుంచో చెబుతున్నారు. మన జ్ఞాపకశక్తిని, నేర్పునీ, నిలకడనీ ఈ హిప్పో క్యాంపస్ ప్రభావితం చేస్తుంది. అయితే ఎలాంటి వ్యాయామం వల్ల అధిక ప్రయోజం ఉందో తెలుసుకోవాలనుకున్నారు జర్మనీకి చెందిన శాస్త్రవేత్తలు. ఇందుకోసం 68 ఏళ్ల సగటు వయసు ఉన్న కొందరు వృద్ధులను ఎన్నుకొన్నారు.   పరిశోధనలో భాగంగా అభ్యర్థులందరికీ 18 నెలల పాటు శారీరిక వ్యాయామం కలిగించే ప్రణాళికను రూపొందించారు. వీటిలో నడక, సైక్లింగ్‌తో పాటుగా నాట్యం చేయడం కూడా ఉంది. ఊహించినట్లుగా వీరందరిలోనూ ‘హిప్పోక్యాంపస్’ భాగం బలపడింది. కానీ నాట్యం చేసేవారిలో ఈ ఫలితం మరింత స్పష్టంగా కనిపించింది.   డాన్స్‌ చేసేవారు ఏ వారానికి ఆ వారం కొత్త భంగిమలను నేర్చుకోవాల్సి ఉంటుంది. ఒకవేళ భంగిమలన్నీ పూర్తయిపోతే, మరో తరహా నృత్యం నేర్చుకోవడానికి సిద్ధంగా ఉంటుంది. ఇవన్నీ గుర్తుంచుకునేందుకు మెదడు మరింత శక్తిమంతంగా మారిపోతుంది.   ఒక పక్క భంగిమలను గుర్తుంచుకోవాలి, మరో పక్క దానికి అనుగుణంగా శరీరంలోని నిలకడని కూడా దారికి తెచ్చుకోవాలి. అంటే శరీరమూ, మెదడూ రెండూ చురుగ్గా పనిచేయాల్సి ఉంటుందన్నమాట. ఈ కారణంగానే ఇతర వ్యాయామాలతో పోలిస్తే, నాట్యం చేయడం వల్ల మరింత లాభం ఉంటుందని తేలింది. మరెందుకాలస్యం! హిప్‌హాప్ దగ్గర నుంచి కూచిపూడిదాకా ఏదో ఒక నాట్యం నేర్చుకునే ప్రయత్నం చేయండి. మీ వయసుని తగ్గించేసుకోండి.
చాలారోజుల క్రితం ఇద్దరు అన్నదమ్ములు ఉండేవారు. వాళ్లిద్దరూ మొదట్లో బాగానే ఉండేవారు. కానీ ఏం జరిగిందో ఏమో కానీ అన్నయ్య తీరు మారిపోయింది. మనిషి చాలా కఠినంగా తయారయ్యాడు. లోకం తీరు చూసీ చూసీ అతని మనసే చెదిరిపోయిందో, పరాజయాలు అతని ఆత్మవిశ్వాసాన్నే దెబ్బతీసాయో... కారణం ఏదైతేనేం, అన్నయ్య చాలా ముభావంగా మారిపోయాడు. అన్నయ్య తీరు చూసి తమ్ముడికి చాలా కష్టంగా తోచింది. ఇదివరకులా అతను తన అన్నయ్యతో మనసు విప్పి మట్లాడలేకపోతున్నాడు, చనువుగా ఉండలేకపోతున్నాడు. అలాగని తనని చిన్నప్పటి నుంచి తండ్రిలా కాచుకుని ఉన్న అన్నయ్యకి దూరంగానూ ఉండలేకపోతున్నాడు. దీనికి పరిష్కారం ఏమిటా అని తమ్ముడు తెగ ఆలోచించాడు. చివరికి తన ఊరి చివర ఉన్న ఒక స్వామీజీ దగ్గరకు వెళ్లాడు. స్వామీజీతో తన గోడంతా చెప్పుకొన్నాడు తమ్ముడు. ‘స్వామీ! తమరు మందే ఇస్తారో, మంత్రమే వేస్తారో, తాయత్తే కడతారో... ఏదో ఒకటి చేసి మా అన్నదమ్ములు ఇరువురి మధ్యా బంధం బలపడేలా చేయండి స్వామీ!’ అని వేడుకున్నాడు. తమ్ముడి మాటలను సావధానంగా విన్నారు స్వామీజీ. ఆ తర్వాత కాసేపు ఏదో ఆలోచించారు. చివరికి- ‘మీ అన్నయ్య మనసు గెల్చుకునేందుకు ఒక ప్రత్యేకమైన తాయత్తుని రూపొందించాలి. ఆ తాయెత్తుని చేసేందుకు కావల్సిన వస్తువుని తేవడం నీ వల్ల కాదు,’ అన్నారు.  ‘అంతమాట అనకండి. మా అన్నయ్య అభిమానాన్ని తిరిగి పొందడానికి నేను ఏం చేయడానికైనా సిద్ధమే!’ అన్నాడు తమ్ముడు. ‘సరే! అయితే నాకు ఆ తాయెత్తులోకి, బతికి ఉన్న పులి మీసాన్ని తీసుకురావాలి. తేగలవా!’ అని అడిగాడు స్వామీజీ. ‘ప్రయత్నించి చూస్తాను!’ అంటూ ఇంటికి బయల్దేరాడు తమ్ముడు. కానీ పులి మీసం అంటే మామూలు విషయమా! ఆలోచించగా ఆలోచించగా అతనికి ఒక ఉపాయం తట్టింది. వెంటనే కోడి కూర వండుకుని సమీపంలోని అడవికి వెళ్లాడు. అక్కడ ఒక గుహలో ఎప్పటినుంచో పులి నివసిస్తోందని అతను వింటూ వస్తున్నాడు. నిదానంగా ఆ గుహ సమీపానికి వెళ్లి, తాను తెచ్చిన ఆహారాన్ని అక్కడ ఉంచాడు. తమ్ముడు పొదల్లో దాక్కొని చూస్తుండగా, గుహలోని పులి బయటకు వచ్చి సుష్టుగా ఆ ఆహారాన్ని తినేసి లోపలకి వెళ్లిపోయింది. దాంతో తమ్ముడు మర్నాడు కూడా కోడికూర వండుకుని అక్కడకు చేరుకున్నాడు. ఇలా ఒకో రోజూ గడిచేకొద్దీ పులి అతని ఆహారానికి అలవాటు పడింది. కొన్నాళ్లకి అతని అడుగుల చప్పుడుకే బయటకి వచ్చి కూర్చోవడం మొదలుపెట్టింది. మరికొన్నాళ్లకి కాస్త ముందుగానే బయటకి వచ్చి అతని కోసం ఎదురుచూడసాగింది. ఇలా ఓ మూడు నెలలు గడిచేసరికి అతనికి పులి దగ్గరకి వెళ్లి దాని ముందర ఆహారాన్ని ఉంచేంత ధైర్యం కలిగింది. నిదానంగా అతను చేయి వేసి నిమిరినా కూడా సహించేంత చనువు ఏర్పడింది. ఇలా మరో మూడు నెలలు గడిచిపోయాయి. ఇక తన పథకాన్ని అమలు చేయాలసిన రోజు వచ్చేసిందనుకున్నాడు తమ్ముడు. ఆ రోజు ఎప్పటిలాగే పులిని నిమురుతూ చటుక్కున దాని మీసాన్ని ఒకటి కత్తిరించేశాడు. పులి మీసాన్ని సాధించిన గర్వంతో తమ్ముడు పరుగుపరుగున స్వామీజీ దగ్గరకు చేరుకున్నాడు. ‘స్వామీజీ మీరు కోరిన వస్తువుని సాధించాను. మరీ నేను అడిగిన తాయత్తుని వెంటనే ఇస్తారా!’ అని అడిగాడు. స్వామీజీ, తమ్ముడు తీసుకువచ్చిన పులి మీసాన్ని ఎగాదిగా చూశాడు. వెంటనే చటుక్కున దాన్ని అగ్నిగుండంలో పడేసి- ‘ఇక దీని ఉపయోగం లేదులే!’ అనేశాడు. స్వామీజీ చేష్టలకు తమ్ముడు మ్రాన్పడిపోయాడు. ‘అదేంటి స్వామీ! మీరు అడిగారని నేను ఎంతో శ్రమకి ఓర్చి ఈ పని చేశాను. చివరికి నా ప్రయత్నాన్ని బూడిదచేసిపారేశారే!’ అని బాధగా అడిగాడు. ‘నేను అడిగానని ఒక క్రూర జంతువునే నువ్వు మచ్చిక చేసుకున్నావు. దాని ఇష్టాఇష్టాలను గమనిస్తూ, ఒకో అడుగే ముందుకు వేస్తూ.... దాని మనసు గెలుచుకున్నావు. అలాంటిది ఒక మనిషి మనసుని గెల్చుకోలేవా. నీ అహాన్ని కాస్త పక్కన పెట్టి నేర్పుగా నీ అన్నయ్య మనసుని గెల్చుకోలేవా! మనసుని గెల్చుకునేందుకు కావల్సిన ఓర్పు, పట్టుదల నీకు ఉన్నాయి. నీ అన్నయ్యని గెల్చుకునే మందు నీలోనే ఉంది. ప్రయత్నించి చూడు!’ అని చిరునవ్వుతో బదులిచ్చారు స్వామీజీ! (ప్రచారంలో ఉన్న కథ ఆధారంగా)   - నిర్జర.
  ధర్మరాజు ఓసారి ప్రపంచయాత్రకు బయల్దేరాడట. తిరిగివచ్చిన తర్వాత ప్రపంచలోని మనుషుల స్వభావం ఎలా ఉంది అని ఎవరో అడిగారట. ‘ఈ ప్రపంచంలో ప్రతి ఒక్కరిలోనూ ఎంతో కొంత మంచి కనిపిస్తోంది,’ అన్నాడట ధర్మరాజు. అదే సమయంలో దుర్యోధనుడు కూడా ప్రపంచయాత్ర నుంచి తిరిగివచ్చాడట. ప్రపంచంలోని మనుషులు స్వభావం ఎలా ఉంది? అని దుర్యోధనుని అడిగితే... ‘ ఈ ప్రపంచంలో అంతా క్రూరులూ, దుర్మార్గులే కనపిస్తున్నారు,’ అన్నాడట దుర్యోధనుడు. మన దృక్పథం ఎలా ఉంటే ప్రపంచం కూడా అలాగే కనిపిస్తుంది అని ఈ కథతో తేలిపోతోంది కదా! ఇలాంటి కథే ఒకటి జపాన్ జనపదంలో ప్రచారంలో ఉంది. కాకపోతే అది కాస్త సరదాగా ఉంటుంది. ఇంతకీ ఆ కథేమిటంటే... అనగనగా జపాన్లో ఓ మారుమూల గ్రామం. ఆ ఊరిలో ఓ భవనం. ఆ భవనంలోని పెద్ద హాలులో ఎటుచూసినా అద్దాలే కనిపిస్తాయట. అలా పది కాదు వంద కాదు, హాలు అంతా వేయి అద్దాలతో నింపేశాడట ఆ భవన యజమాని. ఆ అద్దాలగదిని చూసేందుకు ఎక్కడెక్కడి నుంచో జనం వచ్చేవారు. ఆ వేయి అద్దాలలో కనిపించే తమ వేయి ప్రతిబింబాలను చూసుకుని మురుసుకునేవారు. క్రమంగా జపాన్ అంతా, అద్దాల హాలు గురించిన వార్త పాకిపోయింది. ఆ వార్త విన్న ఓ కుక్కపిల్ల ఎలాగైనా ఆ గదిని చూడాలని అనుకుంది. ఉరుకులుపరుగులు తీస్తూ ఎలాగొలా ఆ గ్రామానికి చేరుకుంది. సందు చూసుకుని నిదానంగా ఆ అద్దాలగదిలోకి చొరబడింది. గదిలోకి చూడగానే తనలాగే వందలాది కుక్కలు కనిపించాయి. తను తోక ఊపితే అవికూడా సంతోషంగా తోక ఊపాయి. తను నవ్వితే అవి కూడా నవ్వాయి. తను చేయి చాపితే అవి కూడా తనవైపు చేయి చాపాయి. మొత్తానికి కుక్కపిల్లకు ఆ గది భలే నచ్చేసింది. ‘ఇక్కడ ఎంత సంతోషంగా ఉందో! మళ్లీమళ్లీ ఇక్కడకు వస్తూ ఉండాలి,’ అనుకున్నది. కుక్కపిల్ల వెళ్లి తన నేస్తాలన్నింటితోనూ అద్దాలగది గురించి చాలా గొప్పగా చెప్పింది. జీవితంలో ఒక్కసారైనా అందులోకి ప్రవేశించాల్సిందే అంది. ఆ మాటలు విన్న మరో కుక్కపిల్ల అద్దాలగదిని చూసేందుకు బయల్దేరింది. కానీ అందులో ఏముంటుందో అన్న భయంతో, అక్కడ తనకు కనిపించే కుక్కపిల్లలు తనతో ఎలా ప్రవర్తిస్తాయో అన్న అనుమానంతో అడుగులో అడుగు వేసుకుంటూ అద్దాలగదిలోకి చేరుకుంది. అక్కడ దానికి కనిపించిన ప్రతిరూపాలు కూడా భయంభయంగా అనుమానంగా చూస్తూ కనిపించాయి. భయంతో తను మూలిగితే అవి కూడా మూలిగాయి. అనుమానంతో అరిస్తే, అవి కూడా అరిచాయి. ‘అయ్యాబాబోయ్! ఈ ప్రదేశం చాలా ప్రమాదకరంగా ఉంది. మళ్లీ ఇంకెప్పుడూ ఇక్కడకు రాకూడదు,’ అనుకుంటూ తోకముడుచుకుని పారిపోయింది. ఈ కుక్కపిల్లల కథలో కనిపించే నీతి ప్రత్యేకించి చెప్పుకోవాల్సిన అవసరం లేదు కదా!!! (ప్రచారంలో ఉన్న కథ ఆధారంగా) - నిర్జర.  
  మాజీ కేంద్ర మంత్రి రెబల్ స్టార్ కృష్ణంరాజుకు బీజేపీ బంపరాఫర్ ఇవ్వడానికి సిద్దమైనట్లు తెలుస్తోంది. ఏపీ గవర్నర్ గా కృష్ణంరాజు పేరును ఖరారు చేసే దిశగా ఢిల్లీలో స్కెచ్ సిద్ధమైనట్లు సమాచారం. ఈఎస్ఎల్ నరసింహన్‌ని ఏ క్షణాన్నయినా మార్చవచ్చని ఊహాగానాలు వినిపిస్తున్న నేపథ్యంలో.. కేంద్ర ప్రభుత్వం తాజాగా ముహూర్తం ఖరారు చేసిందట. తెలంగాణ గవర్నర్ బాధ్యతల్ని ఆయనకే వదిలేసి.. ఏపీకి మాత్రం తెలుగు వ్యక్తికే అవకాశం ఇద్దామన్న ఉద్దేశంతో కృష్ణంరాజును ఫైనల్ చేయనుందట కేంద్రం. ఈమేరకు చర్చల కోసం ఢిల్లీకి రమ్మంటూ ఆయనకు పిలుపొచ్చిందని తెలుస్తోంది. అయితే ఇక్కడే బీజేపీ ఒక భారీ షరతు పెట్టిందని సమాచారం. ఆ షరతు ఏంటంటే వచ్చే ఎన్నికల్లో హీరో ప్రభాస్ బీజేపీ తరుపున ప్రచారం చేయాలట. ప్రభాస్ ఫాలోయింగ్‌ని పార్టీ కోసం వాడుకోవాలని బీజేపీ మాస్టర్ ప్లాన్ వేసిందన్నమాట. అంటే కృష్ణంరాజు గవర్నర్ కావడం అంతా ప్రభాస్ చేతిలో ఉందన్నమాట. మరి ప్రభాస్ పెద్దనాన్న కోసం బీజేపీ పెట్టిన షరతుకు ఒప్పుకుంటారో లేదో చూడాలి.
  2014 ఎన్నికల్లో టీడీపీ నుండి విజయవాడ ఎంపీ టికెట్ ఆశించి భంగపడిన ప్రముఖ వ్యాపార వేత్త పీవీపీ ఈసారి కూడా టీడీపీ నుండి టికెట్ వచ్చే అవకాశం లేదని తెలియడంతో వైసీపీ వైపు చూస్తున్నారు. గత ఎన్నికల్లో జనసేన అధినేత పవన్ కళ్యాణ్ టీడీపీకి మద్దతిచ్చారు. ఆ సమయంలో పవన్ ద్వారా టికెట్ కోసం లాబీయింగ్ చేసినా చంద్రబాబు పీవీపీకి టికెట్ ఇవ్వడానికి ఆసక్తి చూపించలేదు. కేశినేని నానికి టికెట్ హామీ ఇచ్చిన నేపథ్యంలో పీవీపీ విషయంలో చంద్రబాబు పెద్దగా స్పందించలేదు. ఇప్పుడు పవన్ టీడీపీకి దూరమయ్యారు. అదీగాక చంద్రబాబు ఈసారి కూడా పీవీపీకి టికెట్ ఇచ్చే అవకాశం లేదు. దీంతో పీవీపీ తన రూటు మార్చుకొని వైసీపీ వైపు చూస్తున్నట్లు తెలుస్తోంది. గతంలోలా పవన్ తో పెద్దగా సంబంధాలు లేని కారణంగా పీవీపీ జనసేన పార్టీ నుండి టికెట్ ఆశించట్లేదని సమాచారం. అదీగాక జనసేన కంటే వైసీపీ నుంచి పోటీ చేస్తే గెలిచే అవకాశాలు ఎక్కువుంటాయని ఆయన భావిస్తున్నట్లు తెలుస్తోంది. పీవీపీ వైసీపీ నుండి విజయవాడ ఎంపీ టికెట్ ఆశిస్తున్నారని తెలుస్తోంది. ఇప్పటికే ఈ విషయంపై జగన్ తో మంతనాలు జరపగా.. జగన్ ఆయనకు గ్రీన్ సిగ్నల్ ఇచ్చారని సమాచారం. త్వరలోనే అధికారిక ప్రకటన చేయనున్నారని తెలుస్తోంది. పీవీపీ వైసీపీలో చేరడానికి ముహూర్తం కూడా ఖరారైనట్లు తెలుస్తోంది. ఫిబ్రవరి 14న జగన్ సమక్షంలో పీవీపీ వైసిపి కండువా కప్పుకోబోతున్నారని సమాచారం. ఎంపీగా పోటీ చేయాలన్న పీవీపీ కల వైసీపీ ద్వారా నెరవేరేలా ఉంది. మరి పీవీపీ టీడీపీ ఎంపీ కేశినేని నానికి ఏ మేరకు పోటీ ఇస్తారో చూడాలి.
  తెలంగాణలో టీడీపీతో కలిసి ఎన్నికల బరిలోకి దిగిన కాంగ్రెస్‌.. ఆంధ్రప్రదేశ్‌ లో జరగనున్న ఎన్నికల్లో మాత్రం ఒంటరిగానే పోటీ చేయాలని నిర్ణయించుకుంది. ఈమేరకు ఆ పార్టీ రాష్ట్ర వ్యవహారాల ఇన్‌చార్జి ఊమెన్‌ చాందీ ప్రకటించారు. ఇవాళ విజయవాడలో ఆయన మాట్లాడుతూ.. ఏపీలో ఒంటరిగానే పోటీ చేస్తామని స్పష్టం చేశారు. 175 అసెంబ్లీ, 25 లోక్‌సభ స్థానాల్లో పోటీ చేస్తామని, ఏఐసీసీ ఆదేశాల మేరకు ఎన్నికల కమిటీలను ఏర్పాటు చేస్తామని ఆయన ప్రకటించారు. ఎన్నికల కమిటీలపై ఈవారంలోనే నివేదిక పంపుతామని, ఎన్నికల వ్యూహంపై ఈనెల 31న మరోసారి చర్చిస్తామని ఊమెన్‌చాందీ తెలిపారు. ఫిబ్రవరిలో 13 జిల్లాల్లో బస్సుయాత్ర నిర్వహించాలని నిర్ణయం తీసుకున్నామని, బస్సుయాత్రపై ఈనెల 31న భేటీలో చర్చిస్తామని ఊమెన్‌చాందీ చెప్పారు. ప్రత్యేక హోదా, విభజన హామీలపై ఏఐసీసీ అధ్యక్షుడు రాహుల్‌గాంధీ ప్రకటనతో కాంగ్రెస్‌ ఓటు బ్యాంక్‌ పెరిగిందని నేతలు భావిస్తున్నారు. ఈ నేపథ్యంలోనే ఒంటరిగానే పోటీ చేయాలని కాంగ్రెస్‌ నిర్ణయం తీసుకుందని నేతలు చెబుతున్నారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.