ట్రంప్ కు పుతిన్ ఫోన్...

అమెరికా అధ్యక్ష ఎన్నికల్లో డొనాల్డ్ ట్రంప్ గెలుపొందిన సంగతి తెలిసిందే. అయితే ఆయనకు ఇప్పటికే పలు దేశాల నేతలు అభినందనలు తెలపగా ఇప్పుడు ట్రంప్ కి ప్రత్యర్థ దేశమైన రష్యా అధ్యక్షుడు వ్లాదిమిర్ పుతిన్ ఫోన్ చేసి అభినందనలు తెలిపారు. ఆ త‌రువాత ఇరువురు నేత‌లు ఇరు దేశాల మ‌ధ్య స‌త్సంబంధాల‌తో పాటు, పలు అంశాల‌ గురించి చ‌ర్చించుకున్నట్టు తెలుస్తోంది. దీనికి సంబంధించి  ట్రంప్‌ తరఫున ఓ ప్రకటన విడుదలైంది. అందులో అమెరికా, ర‌ష్యా మ‌ధ్య ప్రస్తుతం స‌త్సంబంధాలు స‌రిగాలేవ‌ని ఇరువురు నేత‌లూ ఒప్పుకున్నార‌ని, ఇరు దేశాల మ‌ధ్య‌ సాధారణ స్థితి వ‌చ్చేందుకు కృషి చేయాల‌ని మాట్లాడుకున్న‌ారని.. రష్యాతో స‌త్సంబంధాలు కొన‌సాగించ‌డానికి తాము కూడా ఎదురుచూస్తున్నామ‌ని పుతిన్‌కి ట్రంప్ తెలిపినట్టు తెలుస్తోంది. అంతేకాదు ఇద్దరు ముఖాముఖి కలుసుకోవడానికి ఏర్పాట్లు కూడా చేస్తున్నట్టు సమాచారం.