జనవరి నెలాఖరు నుండి వారం రోజుల పాటు తెలంగాణా శాసనసభ సమావేశాలు నిర్వహించాలనుకొంటున్నట్లు స్పీకర్ మధుసుధానాచారి నిన్న మీడియాకు తెలిపారు. వరంగల్ జిల్లా చిట్యాలలో ఒక కార్యక్రమంలో పాల్గొనడానికి వచ్చిన ఆయన మీడియా సమావేశం ఏర్పాటు చేసి ఈ విషయం తెలిపారు. హైదరాబాద్ వెళ్ళిన తరువాత ముఖ్యమంత్రి కేసీఆర్ తో మాట్లాడి శాసనసభ సమావేశాలు షెడ్యూల్ ఖరారు చేస్తానని తెలిపారు. జనవరి నెలాఖరులోనే జి.హెచ్.ఎం.సి. ఎన్నికలు జరుగబోతున్నాయి కనుక ఆ తరువాతే సమావేశాలు నిర్వహించే అవకాశమున్నట్లు భావించవచ్చును.