గాంధీభవన్ సాక్షిగా తెలంగాణ కాంగ్రెస్ లో మరోసారి విభేదాలు బయటపడ్డాయి, యువజన కాంగ్రెస్ నూతన అధ్యక్షుడు అనిల్ కుమార్ యాదవ్ బాధ్యతల స్వీకారోత్సవానికి పలువురు నేతలు హాజరుకాకపోవడంతో అంతర్గత కలహాలు ఇంకా సద్దుమణగలేదని చెప్పుకుంటున్నారు. గ్రేటర్ కాంగ్రెస్ అధ్యక్షుడు దానం నాగేందర్ ఆధ్వర్యంలో జరిగిన ఈ కార్యక్రమానికి పలువురు ముఖ్యనేతలతోపాటు, యువజన కాంగ్రెస్ ఎన్నికల్లో ఓడిపోయిన రవికుమార్ యాదవ్ వర్గం, అతని ప్యానెల్ లో గెలిచిన రాష్ట్ర కార్యవర్గంలోని నేతలు కూడా పాల్గొనలేదు, పైగా యువజన కాంగ్రెస్ మాజీ అధ్యక్షుడు వంశీచంద్ రెడ్డి కూడా రాకపోవడంతో విభేదాలు తారాస్థాయికి చేరాయని చెప్పుకుంటున్నారు.