సాఫ్ట్ వేర్ ఇంజనీర్ రేప్

సాఫ్టువేర్ సంస్థలో ఇంజనీర్‌గా పని చేస్తున్న యువతికి ఆ సంస్థ యజమాని కూల్ డ్రింకులో మత్తుమందు కలిపి ఇచ్చి అత్యాచారం చేసిన ఘటన తమిళనాడులోని చెన్నైలో చోటు చేసుకుంది. పోలీసుల కథనం ప్రకారం దిండుక్కల్ అలగానగర్‌కు చెందిన 25 ఏళ్ల యువతి ఓ సాఫ్టువేర్ సంస్థలో పని చేస్తోంది. కొన్ని రోజుల క్రితం ఆ యువతికి ఆ సాఫ్టువేర్ సంస్థ యజమాని కూల్ డ్రింకులో మత్తుమందు కలిపి ఇచ్చి అత్యాచారానికి పాల్పడ్డాడు. స్పృహలోకి వచ్చిన ఆమెకు జరిగిన విషయాన్ని చెప్పాడు. తాను సదరు దృశ్యాలను చిత్రీకరించానని.. ఎవరికైనా చెబితే ఇంటర్నెట్‌లో పెడతానని బెదిరించాడు. పలుమార్లు ఆమెను బెదిరించి అత్యాచారం చేశాడు. భరించలేక ఆమె రెండు రోజుల క్రితం పోలీసులకు ఫిర్యాదు చేసింది. పోలీసులు కేసు నమోదు చేసుకుని దర్యాఫ్తు చేస్తున్నారు.