మూడు రోజుల పాటు వాట్సాప్ నిషేదం..

స్మార్ట్ ఫోన్ ఉన్నవాళ్లందరకీ వాట్సాప్ గురించి పెద్దగా చెప్పాల్సిన అవసరం లేదు. మన రోజువారీ జీవితంలో ఇవి కూడా ఒక భాగమైపోయాయి. అలాంటి వాట్సాప్ ను నిషేదిస్తే. హమ్మో అనుకుంటున్నారా.. అయితే అది ఇక్కడ కాదులేండి.. అది కూడా శాశ్వతంగా కాదు.. ఓ మూడు రోజులపాటు. ఇంతకీ నిషేదించింది ఎక్కడ అనుకుంటున్నారా.. వివరాల ప్రకారం.. బ్రిజిల్ లో వాట్సాప్ ను మూడురోజుల పాటు నిషేదిస్తూ అక్కడి కోర్టు నిర్ణయం తీసుకుంది. దీనికి అసలైన కారణం ఏంటనేది క్లియర్ చెప్పకపోయినా.. బ్రెజిల్ లో పలు నేరాలు చేసే దొంగలు, క్రిమినల్స్ అంతా ఫేస్ బుక్, వాట్సాప్ వంటి సామాజిక మాధ్యమాలనే ఉపయోగించుకుంటున్నారని.. ఈ నేపథ్యంలో వారి నేరాలను విచారించే పోలీసులకు సమాచారం అవసరం ఉన్నందున చాలాసార్లు ఆ కంపెనీలను కోరిన సహకరించలేదని తెలుస్తోంది. అందుకే బ్యాన్ చేసినట్లు వార్తలు వినిపిస్తున్నాయి. దీంతో దాదాపు 100 మిలియన్లమంది వాట్సాప్ యూజర్లపై ఈ ప్రభావం పడింది.