వంటలక్క దెబ్బకు మోనితలో వణుకు!
on Jul 23, 2021
డాక్టర్ బాబు, వంటలక్క కుటుంబంలో చిచ్చు పెట్టడమే లక్ష్యంగా... డాక్టర్ బాబు చేత తన మెడలో మూడు ముడులు వేయించుకోవడమే ధ్యేయంగా ముందుకు వెళ్తున్న మోనిత, మరో ఘాతుకానికి ఒడి కట్టింది. డాక్టర్ బాబు తండ్రి ఆనందరావుతో 'మీ అబ్బాయి వల్ల నేను గర్భవతి అయ్యాను' అని చెబుతుంది. దాంతో పెద్దాయనకు గుండెపోటు వస్తుంది. అంతకు ముందు రిజిస్టర్ ఆఫీసులో కలుద్దామని పిలుస్తుంది. తనకు వాళ్లబ్బాయితో పెళ్లి చేయమంటుంది. ఆయన అంగీకరించడు.
'ఈ 25వ తేదీన మీ అబ్బాయి నా మేడలో తాళి కట్టకపోతే మీ పరువు ప్రతిష్టలు రోడ్డున పడతాయి' అని ఆనందరావును మోనిత బెదిరిస్తుంది. అప్పుడు గర్భవతి అయిన విషయం చెబుతుంది. తన కడుపులో బిడ్డకు తండ్రి మీ అబ్బాయేనంటూ ఆనందరావుకు చెప్పడంతో ఆయనకు గుండెపోటు వస్తుంది. సరిగ్గా అదే సమయంలో డాక్టర్ బాబు, వంటలక్క రిజస్టర్ ఆఫీసుకు చేరుకుంటారు. కోడలికు ఆనందరావు క్షమాపణ చెబుతాడు. తర్వాత ఆయన్ను ఆసుపత్రిలో చేరుస్తారు. కొడుకు చేత ట్రీట్మెంట్ చేయించుకోవడం తనకు ఇష్టం లేదని ఆనందరావు చెబుతారు. స్నేహితుడు గోవర్థన్ చేత తండ్రికి ట్రీట్మెంట్ చేయిస్తాడు డాక్టర్ బాబు. తర్వాత అక్కడ నుండి భార్యతో కలిసి బయటకు వెళ్లాలని బయలుదేరతాడు. ఈలోపు వాళ్ళను మోనిత ఆపుతుంది.
'అర్జెంట్ పని ఉంది. అరగంటలో వచ్చేద్దాం పదా' అని డాక్టర్ బాబు భుజం మీద మోనిత చేయి వేస్తుంది. అతడు తిడతాడు. అయినా పట్టించుకోకుండా కౌగిలించుకునే ప్రయత్నం చేస్తుంది. అప్పుడు వంటలక్క 'వెళ్ళండి డాక్టర్ బాబు. అది మిమ్మల్ని పెళ్లి పనులకు పిలుస్తుంది. నేను దాని పెళ్లి పెటాకులు చేసే పనులకు తీసుకువెళ్లాలని అనుకున్నాను. నేను వెళ్తాను గానీ మీరు దాంతో వెళ్ళండి. ఇప్పుడు అంజి ఉన్నట్టయితే బావుండేది' అని అంటుంది. దాంతో మోనితలో వణుకు మొదలవుతుంది. తర్వాత ఏమైందనేది తరువాయి ఎపిసోడ్లో చూడాలి.
Also Read