నటి జయలలిత అలా కావడానికి కారణం ఏంటో తెలుసా?
on Sep 20, 2023
సీనియర్ యాక్ట్రెస్ జయలలిత గురించి ప్రత్యేకంగా చెప్పక్కర్లేదు. ఐతే క్లాసికల్ డాన్సర్ను అయిన ఆమె తనకు ఇష్టం లేకపోయినా కేవలం తన తండి వల్లే సినిమా ఇండస్ట్రీలోకి వాంప్ క్యారెక్టర్లు చేయాల్సి వచ్చిందని ఆవేదన వ్యక్తం చేశారు. ఆమె ఒక ఇంటర్వ్యూలో తన గురించి ఇలా చెప్పారు. "నేను పుట్టింది గుడివాడ బేతవోలు. పెరిగింది గుంటూరులో. నాన్న గారికి సినిమాలతో సంబంధాలున్నాయి.
నేను మా అక్క చల్లా సిస్టర్స్..మేము డాన్సర్స్ కూడా ... అక్కతో పాటు చింతా రాధాకృష్ణ మూర్తి గారి దగ్గర కూచిపూడి నేర్చుకున్నాను. ఎన్నో ప్రోగ్రామ్స్ ఇచ్చాను. కొన్ని పరిస్థితుల వల్ల ఈ ఫీల్డ్ కి రావాల్సి వచ్చింది.. 1983లో డిగ్రీ పూర్తిచేసి 1984 లో హైదరాబాద్ వచ్చాను. నటరాజ్ రామకృష్ణ గారి దగ్గర ఆంధ్ర నాట్యం నేర్చుకుందామని వచ్చాను. ఐతే నాన్న ఒకరోజు అకస్మాత్తుగా గుంటూరు నుంచి హైదరాబాద్ వచ్చారు. నా ఫ్రెండ్స్ మూవీ తీస్తున్నారు.. హీరోయిన్గా క్లాసికల్ డాన్సర్ కావాలట.. నువ్వు చేయాలి అని నన్ను అడిగారు. నాకు మూవీస్ అంటే ఇష్టం లేక ఏడుస్తూ కూర్చున్నాను అప్పుడు నటరాజ్ రామకృష్ణ గారు, కళాకృష్ణ గారు సర్ది చెప్పారు.
చివరికి నన్ను ఒప్పించారు. ఆ మూవీ టాకీ పార్టీ మొత్తం రేపల్లెలో అయ్యాక సాంగ్స్ కోసం చెన్నై విజయ గార్డెన్స్ కి వెళ్లాం . అక్కడ షూటింగ్ జరిగేటప్పుడు నిర్మాత ధనుంజయ రెడ్డి నన్ను చూశారు. అమ్మాయి బాగుంది ‘ఖైదీ’ మూవీలో డాక్టర్ క్యారెక్టర్ ఉందని నాన్నను అడిగారు. వెనకా ముందూ ఆలోచించకుండా ఫ్యామిలీ మొత్తాన్ని చెన్నై షిఫ్ట్ చేసేశారు నాన్న. ఆ టైంలోనే మలయాళం మ్యాగజైన్ ‘నానా’కు ఇంటర్వ్యూ ఇచ్చాను. ఇంటర్వ్యూని చూసిన డైరెక్టర్ పవిత్రన్ ఉప్పు అనే మూవీలో ఛాన్స్ ఇచ్చారు. తర్వాత ఐవీ శశి చూసారు. కమల్ హాసన్, గీత, శోభనతో కలిసి తాను తీసే మూవీలో చేయమని అడిగారు. అందులో నేను వ్యాంప్ క్యారెక్టర్ చేసాను. ఫ్యామిలీ మొత్తం చెన్నై వచ్చేసి నా మీదే ఆధారపడ్డారు.. ఇక వ్యాంప్ క్యారెక్టర్లు చేయక తప్పలేదు. సొంతూరుకి తిరిగి వెళ్లలేక, కుటుంబం కోసం వ్యాంప్ క్యారెక్టర్లు ఒప్పుకోవాల్సి వచ్చింది..అలా నా జర్నీ కంటిన్యూ అయ్యింది" అన్నారు జయలలిత.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
