IVF ద్వారా నైనా పిల్లల్ని కనాలి అంటున్న సదా!
on Sep 20, 2023
సెలబ్రిటీలు ఏది చేసిన, ఏం చెప్పినా ట్రెండే అవుతుంది. తాజాగా మ్యారేజ్ సిస్టమ్ గురించి హీరోయిన్ సదా సెన్సేషనల్ కామెంట్లు చేసింది. పెద్దలు కుదుర్చిన పెళ్ళంటేనే భయమేస్తుందంట సదాకి. కారణం పెళ్ళయ్యాక ఆ భర్త అనే అతను ఏం చెప్పినా చేయాలి? మనకంటూ సొంతంగా నిర్ణయం తీసుకునే రైట్ ఉండదు. మనకి ఆలోచన స్వేచ్ఛనివ్వరు. ఏదీ మనకి నచ్చినట్డు ఉండదంటూ తన ఫేస్ బుక్ లో షేర్ చేసింది.
మ్యారేజ్ సిస్టం గురించి సదా మాట్లాడుతూ.. పెళ్ళయ్యాక మనకి ఇష్టం ఉన్నా లేకున్నా పిల్లల్ని కనాలి. మనకి పిల్లలు పుట్టకుంటే IVF ద్వారా అయినా కనాలి. కానీ వాళ్ళకి నచ్చినట్టు ఉండాలి. అసలు బయట నేచర్ మనకి సపోర్ట్ గా లేదు. నేను పెళ్ళి చేసుకోను. ఎందుకంటే ఇప్పటికే ఉన్న మనుషులకి సరిపడే వనరులు లేవు. అదేకాక బయట మనం తీసుకునే ఫుడ్ లో కూడా అంత నాణ్యత లేదు. పిల్లల్ని కని వాళ్ళని పోషించడం కూడా కష్టమే. అందుకే ఈ పెద్దలు కుదిర్చిన పెళ్ళంటే నాకు భయం. 'మేల్ స్టిగ్మ ఈజ్ ది రీజన్ ఫర్ కాంప్లికేటెడ్ మ్యారేజెస్' అని వీడియోని షేర్ చేసింది సదా.
సదా అని పిలవబడే సదాఫ్ మొహమ్మద్ సయీద్.. తెలుగు సీనీ పరిశ్రమలో 'జయం' మూవీతో అరంగేట్రం చేసి నటిగా మంచి గుర్తింపు తెచ్చుకుంది. అల్లరి నరేష్ తో కలిసి 'ప్రాణం' సినిమాలో నటించింది. జయం, నాగ, లీలా మహల్ సెంటర్, దొంగ-దొంగది, ఔనన్న కాదన్నా, చుక్కల్లో చంద్రుడు, వీరభద్ర, క్లాస్ మేట్స్, శంకర్ దాదా జిందాబాద్, టక్కరి, అపరిచితుడు, యమలీల 2 మొదలగు సినిమాలలో నటించిన సదా కెరీర్ లో 'జయం' మూవీ బిగ్గెస్ట్ హిట్ గా నిలిచింది.
సదా ముంబై లో ఒక రెస్టారెంట్ ని ఓపెన్ చేసి అక్కడే తన జ్ఞాపకాలు ఉన్నాయంటూ ఈ మధ్యకాలంలో ఎమోషనల్ అవుతూ ఒక వ్లాగ్ ని చేసి సోషల్ మీడియాలో పోస్ట్ చేసిన విషయం అందరికి తెలిసిందే. సినిమాలలో కొన్ని రోజులు గ్యాప్ తీసుకున్న సదా.. సెకండ్ ఇన్నింగ్ స్టార్ట్ చేసింది. పలు టీవీ షోస్ లో జడ్జ్ గా చేస్తూ ఆకట్టుకుంటుంది. 'ఢీ' డాన్స్ షోకి శేఖర్ మాస్టర్ తో కలిసి జడ్జ్ గా వ్యవహరించగా వీళ్ళిద్దరి జడ్జిమెంట్ అంటే ఎంటర్టైన్మెంట్ కి కేరాఫ్ గా ఉంటుంది. బిబి జోడికి జడ్జిగా చేసి ఆ షోకి మరింత క్రేజ్ వచ్చేలా చేసింది సదా. అయితే సదాకి వైల్డ్ లైఫ్ ఫోటోగ్రఫీ అంటే ఇష్టం. అంతే కాకుండా సదా సొంతంగా ఒక యూట్యూబ్ ఛానల్ ని స్టార్ట్ చేసి తన అప్డేట్స్ ని ఫ్యాన్స్ కి తెలిసేలా చేస్తోంది. ఫోటోషూట్స్, వైల్డ్ లైఫ్ ఫోటోగ్రఫీ అంటూ తన ఇన్ స్టాగ్రామ్ లో ఫోటోలు షేర్ చేస్తుంది. కాగా ఫేస్ బుక్ లో తాజాగా మ్యారేజ్ పై చేసిన వీడియో ఇప్పుడు ట్రెండింగ్ లో ఉంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
