Karthika Deepam2: నిజం తెలిసి జ్యోత్స్నని ఉతికారేసిన దీప.. అంతా వినేసిన దాస్!
on Jan 15, 2025
స్టార్ మా టీవీలో ప్రసారమవుతున్న సీరియల్ కార్తీకదీపం-2. ఈ సీరియల్ మంగళవారం నాటి ఎపిసోడ్-254లో.. నా సాయం మీరు తీసుకోవాల్సిందే.. మీ కష్టం నేను చూడలేనంటూ జ్యోత్స్న తెలివిగా మాట్లాడి.. కారు మీద వెళ్లిపోతుంది. అప్పుటికే కార్తీక్ని బాగా కోపంగా ఉంటుంది. జ్యోత్స్నలో ఇంత మార్పేంటని దాసు అనుకుంటాడు. ఇంతలో బావా.. బండి కాలడానికి కారణం అయిన వాళ్లను మాత్రం అసలు వదిలిపెట్టకూడదని కాశీ అంటాడు. వెంటనే కార్తీక్ రగిలిపోతూ.. టవల్ మెడలో వేసుకుని.. కాశీ నీ బండి తాళం ఇవ్వు అంటాడు. కాశీ ఇవ్వగానే.. బండి స్టార్ట్ చేసి కాస్త ముందుకు వెళ్లి.. దీపా.. కొన్నే కదా ఉన్నాయి.. అమ్మ అనసూయగారు అమ్ముతారులే.. నాతో రా అంటాడు కోపంగా. ఇప్పుడు ఎందుకు బాబు అని దీప అనగా.. ఎక్కు దీపా.. త్వరగా సరుకులు తెచ్చుకుందామని అంటాడు. ఇక కార్తీక్ బండి చాలా వేగంగా నడుపుతూ ఉంటాడు. ఇంత వేగం దేనికి బాబు.. కాస్త స్లోగా వెళ్లొచ్చుగా అని దీప అంటుంది. నీకు భయం వేస్తే నన్ను పట్టుకో. అంతే కానీ స్లోగా వెళ్లమని చెప్పకని కార్తీక్ అంటాడు. ఇక ఓ మలుపు దగ్గర జ్యోత్స్న కారుకి కార్తీక్ అడ్డం కొట్టి.. ఆ కారుని ఆపుతాడు.
ఇక కార్తీక్ ఆవేశంగా బండికి స్టాండ్ వేసి.. జ్యోత్స్న కారు ముందుకు వెళ్ళి.. హేయ్ కారు దిగు అంటూ అరుస్తాడు. ఏమైంది బాబు అంటూ ఉంటుంది దీప అనగానే.. ఇక జ్యోత్స్న కారు దిగకుండానే.. కొంపదీసి నేనే బండి కాల్పించిన విషయం బావకు తెలిసిందా అని జ్యోత్స్న కంగారుపడుతుంది. ఎందుకు చేశావ్ అని అంటాడు. ఏంటి బావా’ అంటుంది జ్యోత్స్న. దీపకు ఏం అర్థం కాదు. ఆవేశాన్ని సగం ఆపుకుని అడుగుతున్నాను.. చెప్పు ఎందుకు చేశావ్ అని కార్తీక్ అనగా.. ఏమైంది కార్తీక్ బాబు అని దీప అంటుంది. నాకు టూ మినిట్స్ టైమ్ ఇవ్వు దీపా.. రాత్రి నుంచి ఏం చెయ్యాలో తెలియక.. ఎలా రియాక్ట్ అవ్వాలో తెలియక.. నా కోపాన్ని నేను కంట్రోల్ చేసుకోలేక నాకు నేనే చాలా ఇబ్బంది పడుతున్నాను.. ఈ టైమ్లో ఈ మహాతల్లి ఓదార్పు యాత్ర మొదలుపెట్టింది. చెబుతావా లేక పళ్లు రాలగొట్టమంటావా అని జ్యోత్స్నని కార్తీక్ బెదిరిస్తూ ఉంటే.. దీప అడ్డం పడుతుంది. తన జోలికి మనకెందుకు బాబు అంటూ జ్యోత్స్న, కార్తీక్కి మధ్యలో దీప నిలబడుతుంది. ఏం జరిగిందో సరిగా చెప్పండి బాబు అని దీప అడుగుతుంది. ఏం జరిగిందా.. మన టిఫెన్ బండి కాలిపోవడానికి కారణం తనే.. ఆ రౌడీ గాడి ఫోన్లో జ్యోత్స్న నంబర్ ఉంది. లిఫ్ట్ చేసి మాట్లాడే లోపు ఫోన్ తీసుకుని వాడు పారిపోయాడంటూ జరిగింది మొత్తం కార్తీక్ చెప్తాడు. అలా చెప్పగానే దీపలో ఆవేశం మొదలైపోతుంది.
దీప అలా షాక్లో ఉండగానే కార్తీక్.. చెప్పు దీపా ఏం చెయ్యాలి ఈ మనిషిని.. ఆ బండి మన అమ్మ అన్నావ్.. కాల్చేసింది తనే అన్నప్పుడు తనని ఏం చెయ్యాలని కార్తీక్ అంటాడు. దాంతో దీప లాగిపెట్టి కొట్టేయగా.. జ్యోత్స్న బిత్తరపోయి చూస్తుంది. దీప ఆవేశంగా తాళిని చూపిస్తూ.. నా తాళిని బేరం పెట్టావ్.. వార్నింగ్ ఇచ్చి వదిలేశాను.. నా కారణంగా కార్తీక్ బాబుని ఇబ్బంది పెట్టావ్.. మారతావ్లే అని వదిలేశాను.. టిఫెన్ సెంటర్ క్లోజ్ చెయ్యాలని అధికారులని పంపించావ్.. అప్పుడూ వదిలేశాను.. వదిలేశాను కదా అని తగలపెట్టేస్తావా? ఎందుకు చేశావ్.. చెప్పవే.. ఇంత దుర్మార్గమైన దానిలా ఎలా తయారయ్యావే నువ్వు అంటూ దీప లాగిపెట్టి కొడుతూనే ఉంటుంది. ఎలా పుట్టావే.. ఆ మహా ఇల్లాలు కడుపునా అంటూ దీప, కార్తీక్ ఇద్దరూ జ్యోత్స్నని తిడుతుంటే.. నేను నిజంగానే ఆమె కడుపున పుట్టలేదని జ్యోత్స్న అనుకుంటుంది. నిజం తెలిస్తే ఇప్పుడు అమ్మ ఏడుస్తుంది దీపా.. వదిలేసెయ్ తనని అంటూ దీపను ఆపుతాడు కార్తీక్. ఇక మరోసారి ఇలా జరిగితే బట్టలు ఉతికినట్లు ఉతికి దండానికి ఆరేయడమే అని జ్యోత్స్నకి దీప వార్నింగ్ ఇస్తుంది. ఇక కార్తీక్ కూడా వార్నింగ్ ఇచ్చి.. దీపను బండి ఎక్కించుకుని వెళ్లిపోతాడు. ఇక అప్పటికే దాసు, కాంచన, అనసూయ మాట్లాడుకుంటూ ఉంటారు. చెల్లి ఏది అంటాడు కార్తీక్. ఇప్పుడే స్వప్న, కాశీ ఎక్కడికో వెళ్లాలని.. క్యాబ్కి వెళ్లారని దాస్ అంటాడు. సరే మావయ్యా వెళ్లేప్పుడు ఈ బండి తీసుకుని వెళ్లు అని అంటాడు. వాళ్లముందు నిజం చెప్పలేక కాస్త తడబడి.. కార్తీక్ ఆవేశాన్ని ప్రదర్శిస్తుంటే.. బాబు మీరు లోపలికి పదండి బాబు అని దీప సముదాయించి లోపలికి తీసుకుని వెళ్తుంది. అమ్మకు ఈ నిజం చెప్పేయడమే కరెక్టేమో దీపా అని కార్తీక్ అనగా వద్దు బాబు అని దీప మాట్లాడుకోవడం దాసు వినేస్తాడు. అంటే టిఫెన్ బండిని కాల్పించింది జ్యోత్స్నా..? ఎంత పాపం.. జ్యోత్స్నా నీ పాపాలు పండిపోయాయి.. వస్తున్నా అని ఆవేశంగా అక్కడి నుంచి దాసు బయలుదేర్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
