"పెళ్ళి సందడి"హీరో నటకిరిటి

on Jan 27, 2011

మన సినీ పరిశ్రమలో ఎప్పుడు,ఎవర్ని,ఏ అదృష్టం,ఏలా వరిస్తుందో ఎవరూ చెప్పలేరు.అందుకు ఉదాహరణలు కోకొల్లలు.దర్శకేంద్రుడు,కె.రాఘవేంద్ర రావు దర్శకత్వంలో,యువహీరో శ్రీకాంత్,హీరోగా,రవళి హీరోయిన్ గా నటించగా నిర్మించబడిన చిత్రం "పెళ్ళి సందడి".ఈ చిత్రంలో నిజానికి నటకిరీటి, డాక్టర్ రాజేంద్రప్రసాద్ నటించాల్సింది.కానీ రాజేంద్రప్రసాద్ అప్పట్లో చాలా బిజీగా ఉండటం వల్ల,డేట్లు అడ్జెస్ట్ కాకపోవటంతో ఆ అవకాశం శ్రీకాంత్ కి దక్కింది. ఆ చిత్రం హిట్టవటం వల్లే నేడు శ్రీకాంత్ శతాధిక చిత్రాలను హీరోగా పూర్తిచేయగలిగాడు. అందుకనే దశ ఉంటే దిశ దానంతటదే తిరిగొస్తుందంటారు పెద్దలు.ఇంతకీ మనకి దశ ఉండాలి.