అల్లు అర్జున్ 'పుష్ప'లోని "ఊ అంటావా మావ" పాటలో సెక్సీ అవతారంలో సమంత కనిపించిన తీరు ఇటీవలి కాలంలో వార్తల్లో నిలిచింది. 2021లో ఆ సాంగ్ యూట్యూబ్లో ఇంటర్నేషనల్గా ఫస్ట్ ప్లేస్లో నిలిచిందంటే ఎంతగా అది ప్రేక్షకుల హృదయాల్ని గెలుచుకుందో ఊహించవచ్చు. ఆ పాటలో వేసే డాన్స్ స్టెప్స్ కోసం తను చేసిన రిహార్సల్స్కు సంబంధించిన ఒక బీటీఎస్ (బిహైండ్ ద సీన్స్) వీడియో ఒకదాన్ని తన యుట్యూబ్ చానల్ ద్వారా షేర్ చేసింది సమంత. అల్లు అర్జున్తో కలిసి ఆమె డాన్స్ చేసిన ఆ పాటకు దేవి శ్రీప్రసాద్ మ్యూజిక్ అందించాడు.
Also read: కరోనా దెబ్బకు టాలీవుడ్ అతలాకుతలం!
"ఊ అంటావా మావ" పాటలో సెక్సీగా కనిపించడానికి చాలా కష్టపడాల్సి వచ్చిందని చెప్పింది సమంత. ఈ పాట 'పుష్ప' మూవీ ఫస్టాఫ్లో వస్తుంది. పురుషులంతా కామం నిండిన వాళ్లేననీ, పబ్లిక్ ప్లేసుల్లో ఆడవాళ్లను ఆబగా చూస్తుంటారనీ ఆ పాట సాహిత్యంలో మనకు వినిపిస్తుంది. డాన్స్ రిహార్సల్స్ వీడియోను షేర్ చేసిన సమంత, "నా రిహార్సల్స్కు సంబంధించిన చిన్న భాగం ఇది. తరచుగా, మనం ఎక్కువగా సాధన చేసే అంశాలు తెరపైకి రాకుండా ఉంటాయి. ఈ అద్భుతమైన డాన్స్ కొరియోగ్రఫీలో ఒక చిన్న స్నీక్ పీక్ ఇక్కడ ఉంది. దాన్ని నేర్చుకోవడాన్ని ఆస్వాదించాను" అని ఆమె తెలిపింది.
Also read: నితిన్ ప్రేమని అడ్డుకోలేకపోయిన కరోనా!
"ఊ అంటావా మావ" సాంగ్లో ఆమె పర్ఫార్మెన్స్ అభిమానుల్ని బాగా అలరించింది. రష్మిక మందన్న నాయికగా నటించగా సుకుమార్ రూపొందించిన 'పుష్ప' మూవీ డిసెంబర్ 17న థియేటర్లలో విడుదలైంది. ఈరోజు రాత్రి 8 గంటలకు అమెజాన్ ప్రైమ్ వీడియోలో స్ట్రీమింగ్ కానున్నది.
