ర‌క్తం కారేట్లు కొట్టుకొని, అల‌సిపోయి ప‌డుకున్న‌.. భీమ్లా-డేనియ‌ల్‌!

ప‌వ‌న్ క‌ల్యాణ్‌, రానా ద‌గ్గుబాటి ప్ర‌ధాన పాత్ర‌లు పోషిస్తోన్న చిత్రం 'భీమ్లా నాయ‌క్‌'. య‌స్సైగా టైటిల్ రోల్‌లో ప‌వ‌న్ న‌టిస్తుంటే, ఆయ‌న‌ను ఢీకొట్టే మాజీ హ‌వ‌ల్దార్ డేనియ‌ల్ శేఖ‌ర్ క్యారెక్ట‌ర్‌ను రానా చేస్తున్నాడు. సాగ‌ర్ కె. చంద్ర డైరెక్ట్ చేస్తున్న ఈ మూవీని సితార ఎంట‌ర్‌టైన్‌మెంట్స్ నిర్మిస్తోంది. మ‌ల‌యాళం సూప‌ర్ హిట్ ఫిల్మ్ 'అయ్య‌ప్ప‌నుమ్ కోషియుమ్‌'కు 'భీమ్లా నాయ‌క్' రీమేక్‌.

ఈ సినిమాకు సంబంధించిన ఇంత‌దాకా రిలీజ్ చేసిన టీజ‌ర్స్ కానీ, సాంగ్స్ కానీ ఆడియెన్స్‌ను బాగా ఆక‌ట్టుకున్నాయి. మొద‌ట టైటిల్ సాంగ్ రిలీజ్ చేస్తే.. అది బ్లాక్‌బ‌స్ట‌ర్ హిట్ట‌యింది. ఇటీవ‌ల రిలీజ్ చేసిన "అంత ఇష్టం" పాట‌ కూడా సంగీత ప్రియుల‌ను అల‌రిస్తోంది. ఈ సాంగ్‌ను భార్యాభ‌ర్త‌లుగా న‌టిస్తోన్న నిత్యా మీన‌న్‌, ప‌వ‌న్ క‌ల్యాణ్‌పై చిత్రీక‌రించారు.

కాగా ఈ సినిమాలో ప‌వ‌న్‌, రానాపై రెండు యాక్ష‌న్ సీక్వెన్స్‌లు ఉన్నాయి. వాటిలో ఒకటి మార్కెట్‌లో జ‌నం మ‌ధ్య ఉంది. ఇది క్లైమాక్స్‌లో వ‌స్తుంది. ఆ ఫైట్ చిత్రీక‌ర‌ణ సంద‌ర్భంగా షాట్ గ్యాప్‌లో ప‌వ‌న్‌, రానా రిలాక్స్ అవుతున్న పిక్చ‌ర్‌ను డైరెక్ట‌ర్ సాగ‌ర్ చంద్ర త‌న ట్విట్ట‌ర్ హ్యాండిల్ ద్వారా షేర్ చేశాడు. ఆ ఫొటోలో నుల‌క మంచం మీద ప‌వ‌న్ ప‌డుకొని ఉంటే, దాని ప‌క్క‌నే ఉన్న ఎడ్లు లేని బండిపై స్టైల్‌గా ప‌డుకొని ఉన్నాడు రానా. ఇద్ద‌రి దుస్తుల‌పై నెత్తుటి మ‌ర‌క‌లు క‌నిపిస్తున్నాయి. ఆ ఫొటో చూస్తుంటే.. బాగా కొట్టుకొని అల‌సిపోయి ప‌డుకున్న‌ట్లుగా క‌నిపిస్తున్నారు ఆ ఇద్ద‌రూ. ఈ ఫొటోకు "Unwinding off the camera #BheemlaNayak & #DanielShekar " అనే క్యాప్ష‌న్ జోడించాడు సాగ‌ర్ చంద్ర‌. నిమిషాల వ్య‌వ‌ధిలోనే ఈ ఫొటో ఆన్‌లైన్‌లో వైర‌ల్‌గా మారింది.

త‌మ‌న్ సంగీతం స‌మ‌కూరుస్తున్న 'భీమ్లా నాయ‌క్‌'కు ర‌వి కె. చంద్ర‌న్ సినిమాటోగ్రాఫ‌ర్‌గా వ‌ర్క్ చేస్తున్నాడు. స్క్రీన్‌ప్లే, డైలాగ్స్ త్రివిక్ర‌మ్ రాస్తున్న ఈ మూవీని 2022 జ‌న‌వ‌రి 12న విడుద‌ల చేయ‌డానికి నిర్మాత సూర్య‌దేవ‌ర నాగ‌వంశీ స‌న్నాహాలు చేస్తున్నాడు.