మహాభారతానికి మోడీ సపోర్ట్..వివాదానికి తెరపడినట్లేనా..?
on Jun 5, 2017
భారతీయ సినీ చరిత్రలోనే అత్యంత భారీ బడ్జెట్తో మహాభారతాన్ని తీస్తున్నట్లు ప్రకటించి సంచలనం రేపాడు మళయాళ సూపర్స్టార్ మోహన్లాల్. కానీ ఇంతవరకు ఆ సినిమాలో ఎవరు ఏ పాత్ర చేస్తున్నారు..లాంటి ప్రశ్నలకు క్లారిటీ ఇవ్వకుండానే పబ్లిసిటీని మాత్రం ఊదరగొడుతున్నారు. సినిమా ఇంకా సెట్స్ మీదకు వెళ్లకుండానే మహాభారతం వివాదంలో చిక్కుకుంది. మహాభారతం అనే టైటిల్ వ్యాసుడికి మాత్రమే సొంతమని సినిమాకు ఆ పేరు పెడితే ఊరుకోబోమని..కేరళకు చెందిన హిందూ ఐక్య వేదిక మోహన్లాల్కు అల్టీమేటం ఇచ్చింది.
మహాభారతానికి బదులు ఏ నవల ఆధారంగా సినిమా తీస్తున్నారో సినిమాకు కూడా అదే టైటిల్ పెట్టాలని సూచించారు. ఈ నేపథ్యంలో సినిమాకు ఊహించని వ్యక్తి మద్ధతు ప్రకటించినట్లు మల్లువుడ్లో చర్చించుకుంటున్నారు. ఆయన ఎవరో కాదు భారత ప్రధాని నరేంద్రమోడీ. పీఎంవో నుంచి చిత్రయూనిట్ను అభినందిస్తూ ఓ లేఖ వచ్చిందని, దేశానికే గర్వకారణమైన సినిమాను తెరకెక్కిస్తున్నందుకు ప్రధాని యూనిట్ సభ్యులను అభినందించినట్లుగా వార్తలు వస్తున్నాయి. ఇది నిజమో..లేక వివాదానికి తెరదించేందుకు ఎవరైనా పుకార్లు సృష్టించారా అన్నది తెలియాల్సి ఉంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
