బ్రహ్మోత్సవం మోషన్ పోస్టర్ ను కాపీ అంటారా..?
on Apr 30, 2016
ఈ మధ్య టాలీవుడ్ లో ఏం చేసినా, కాపీ అనే ట్యాగ్ ను చాలా ఫాస్ట్ గా తగిలించేస్తున్నారు. నిజంగా కాపీ కొడితే, ఐడెంటిఫై చేసినా తప్పు లేదు. కానీ కొంత మంది ఏదో కనిపెట్టేసినట్టు, మామూలుగా వాడిన వాటిని కూడా కాపీ అనేయడం చాలా కామెడీగా అనిపిస్తుంటుంది. ఉదాహరణకు లేటెస్ట్ గా బ్రహ్మోత్సవం మోషన్ పోస్టర్ రిలీజైంది. మూడు చక్రాల బైక్ మీద మహేష్ కూర్చుని ఉన్న ఆ షాట్ చూసి, ఇది రాజస్థాన్ టూరిజం యాడ్ లో వాడిన బైక్, దానిని కాపీ కొట్టేశారు అంటూ నెట్ లో ప్రచారం మొదలెట్టేశారు. రాజస్థాన్ లో ఇలాంటి విచిత్రమైన బైక్ లు, ఆటోలు చాలానే కనిపిస్తాయి.
టోటల్ గా కాపీ అనే పదానికే ఇక్కడ అర్ధం మార్చేయడం విచిత్రం. ఒక సీన్, లేక మ్యూజిక్ లాంటివి కాపీ కొట్టేశారు అని అంటే అర్ధముంది. కానీ బైక్ లు, కార్లు లాంటి వస్తువుల్ని కూడా కాపీ కొట్టారని అనడం నిజంగానే విచిత్రం. గతంలో బాహుబలి సినిమా సమయంలో కూడా అర్ధం పర్ధం లేని కంపేరిజన్స్ చేస్తూ, అసలు ఏ మాత్రం సంబంధం లేని హాలీవుడ్ మూవీ పోస్టర్లను చూపిస్తూ కాపీ కొట్టేశాడు రాజమౌళి అని కొంతమంది ప్రచారం సాగించిన సంగతి తెలిసిందే. మన డైరెక్టర్లు అసలు కాపీ కొట్టరు అని ఎవరూ అనరు. హాలీవుడ్, కొరియన్ సినిమాల్లోని చాలా సీన్లు మనోళ్లు తెచ్చి మన సినిమాల్లో పెడుతుంటారు. అంత మాత్రాన, ఇలాంటి సిల్లీ విషయాలను కూడా కాపీ అని చెప్పడం మాత్రం హాస్యాస్పదంగా అనిపించక మానదు.