'కాంతార' తెలుగు రిలీజ్ డేట్ వచ్చేసింది!
on Oct 9, 2022
'కేజీఎఫ్' తర్వాత దేశవ్యాప్తంగా ఉన్న సినీ ప్రియుల్లో కన్నడ సినిమాలపై ఆసక్తి పెరుగుతోంది. 'కేజీఎఫ్'ను నిర్మించిన హోంబలే ఫిలిమ్స్ నుంచి ఇటీవల 'కాంతార' అనే సినిమా వచ్చింది. కన్నడలో సెప్టెంబర్ 30న విడుదలైన ఈ చిత్రం ప్రేక్షకులను మెప్పించడంతో పాటు విమర్శకుల ప్రశంసలు అందుకొని థియేటర్స్ లో విజయవంతంగా ప్రదర్శితమవుతోంది. ఇప్పుడు ఈ సినిమా తెలుగుతో పాటు పలు భాషల్లో అలరించడానికి సిద్ధమవుతోంది.
'కాంతార' చిత్రానికి రిషబ్ శెట్టి దర్శకత్వం వహించాడు. ఈ చిత్రంలో రిషబ్ తో పాటు సప్తమి, కిషోర్, అచ్యుత్ కుమార్ తదితరులు నటించారు. కన్నడలో ఈ చిత్రానికి విశేష ఆదరణ లభిస్తుండటంతో.. ఈ చిత్రాన్ని ఇతర భాషల్లోకి డబ్ చేసి విడుదల చేయాలన్న డిమాండ్స్ వినిపించాయి.
తెలుగులో 'కాంతార'ని ప్రముఖ నిర్మాత అల్లు అరవింద్ విడుదల చేస్తున్నారు. గీతా ఫిల్మ్ డిస్ట్రిబ్యూషన్ ద్వారా ఈ చిత్రం అక్టోబర్ 15న ఈ చిత్రం విడుదల కానుంది. తాజాగా విడుదల చేసిన 'కాంతార' తెలుగు ట్రైలర్ ఆకట్టుకుంటోంది. తెలుగులోనూ ఈ చిత్రం ఊహించని విజయాన్ని అందుకుంటుందేమో చూడాలి. అలాగే హిందీ, తమిళ్, మలయాళ భాషల్లోనూ ఈ చిత్రం విడుదలవుతోంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
