కాస్ట్‌లీ గిఫ్ట్ పట్టేసిన అనిల్ రావిపూడి.. కారు విలువెంతో తెలుసా?
on Nov 28, 2023
సినిమా హిట్ అయితే డైరెక్టర్ కి నిర్మాత ఖరీదైన కారు గిఫ్ట్ ఇవ్వడం ఈమధ్య ట్రెండ్ గా మారింది. ఇప్పటికే పలువురు దర్శకులు ఖరీదైన కార్లను బహుమతులుగా పొందారు. ఇప్పుడు ఆ లిస్టులో సక్సెస్ ఫుల్ డైరెక్టర్ అనిల్ రావిపూడి కూడా చేరాడు.
నందమూరి బాలకృష్ణ టైటిల్ రోల్ లో అనిల్ రావిపూడి డైరెక్షన్ లో రూపొందిన యాక్షన్ డ్రామా 'భగవంత్ కేసరి'. షైన్ స్క్రీన్స్ బ్యానర్ పై సాహు గార‌పాటి నిర్మించిన ఈ సినిమా దసరా కానుకగా అక్టోబర్ 19న విడుదలై, వరల్డ్ వైడ్ గా రూ.135 కోట్లకు పైగా గ్రాస్ రాబట్టి ఘన విజయం సాధించింది. ఇటీవల ఓటీటీలో విడుదలై అక్కడా రికార్డులు సృష్టిస్తోంది. ఈ నేపథ్యంలో తాజాగా డైరెక్టర్ అనిల్ కి నిర్మాత సాహు 'టయోటా వెల్‌ఫైర్' అనే ఒక కాస్ట్ లీ కారుని గిఫ్ట్ గా ఇచ్చాడు. ఈ కారు ఖరీదు సుమారుగా రూ.1.5 కోట్లు. ఇలాంటి గిఫ్ట్ ల వల్ల దర్శకులు మరింత ఉత్సాహంగా పనిచేస్తారు అనడంలో సందేహం లేదు.
శ్రీలీల, కాజల్ అగర్వాల్‌, అర్జున్‌ రాంపాల్‌ ముఖ్యపాత్రలు పోషించిన 'భగవంత్ కేసరి' చిత్రానికి తమన్ సంగీతం అందించాడు. సినిమాటోగ్రాఫర్ గా రామ్ ప్రసాద్, ఎడిటర్ గా తమ్మిరాజు వ్యవహరించారు.
Also Read
.webp)
.WEBP)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
