ప్రభాస్ ఫ్యాన్స్ కి పండగే.. 'సలార్' అప్డేట్ వచ్చేస్తోంది!
on Aug 12, 2022
'బాహుబలి' ఫ్రాంచైజ్ తర్వాత రెబల్ స్టార్ ప్రభాస్ నటించిన 'సాహో', 'రాధేశ్యామ్' సినిమాలు నిరాశపరిచాయి. దీంతో ఆయన తర్వాతి సినిమాలపైనే ఫ్యాన్స్ ఆశలు పెట్టుకున్నారు. అందుకు తగ్గట్లే ప్రస్తుతం ప్రభాస్ చేతిలో అన్నీ భారీ ప్రాజెక్ట్ లే ఉన్నాయి. ముఖ్యంగా 'కేజీఎఫ్' ఫేమ్ ప్రశాంత్ నీల్ దర్శకత్వంలో రూపొందుతోన్న 'సలార్'పై భారీ అంచనాలున్నాయి. ఇప్పుడు ఈ సినిమాకి సంబంధించి ఓ సర్ ప్రైజ్ రాబోతోంది.
ప్రస్తుతం ప్రభాస్ చేతిలో అన్నీ భారీ ప్రాజెక్ట్ లే ఉండటంతో ఆయన సినిమాలకు సంబంధించిన అప్డేట్స్ పెద్దగా రావట్లేదు. దీంతో ఫ్యాన్స్ తీవ్ర నిరాశ చెందుతున్నారు. అయితే ఇప్పుడు వారికొక గుడ్ న్యూస్ వినిపిస్తోంది. స్వాతంత్ర్య దినోత్సవం సందర్భంగా ఈ రెండు రోజుల్లో సలార్ కి సంబంధించిన కీలక అప్డేట్ రాబోతున్నట్లు తెలుస్తోంది. ఇది గ్లింప్స్ లేదా టీజర్ కి సంబంధించిన అప్డేట్ అయ్యుండొచ్చని అంటున్నారు. గత ఏడాది 'సలార్' నుంచి రెండు ప్రభాస్ లుక్ పోస్టర్స్ విడుదలై ఆకట్టుకున్నాయి. ఆ తర్వాత ఎలాంటి అప్డేట్ లేదు. అయితే ఇప్పుడు సడెన్ గా రెండు రోజుల్లో అప్డేట్ రాబోతున్నట్లు తెలియడంతో ఫ్యాన్స్ సంతోషం వ్యక్తం చేస్తున్నారు.
హోంబలే ఫిల్మ్స్ నిర్మిస్తున్న ఈ సినిమాలో శృతి హాసన్ హీరోయిన్ గా నటిస్తోంది. పాన్ ఇండియా రేంజ్ లో రూపొందుతోన్న ఈ చిత్రం తెలుగుతో పాటు హిందీ, తమిళ్, మలయాళ, కన్నడ భాషల్లో విడుదల కానుంది. ఈ మూవీని వచ్చే ఏడాది వేసవిలో విడుదల చేయడానికి సన్నాహాలు చేస్తున్నారు.
Also Read