'టాప్ గేర్' తర్వాతైనా ఆది కేరీర్ బ్రేకులు లేకుండా సాగుతుందా?
on Dec 28, 2022
ఆది సాయి కుమార్ వరుస సినిమాలతో ప్రేక్షకుల ముందుకు వస్తూనే ఉన్నాడు. ఇప్పుడు 'టాప్ గేర్' వేసి మరో యాక్షన్ థ్రిల్లర్ మూవీతో ఆడియన్స్ ముందుకు రాబోతున్నాడు. కె. శశికాంత్ దర్శకత్వంలో కె.వి. శ్రీధర్ రెడ్డి నిర్మాణ సారథ్యంలో ఈ 'టాప్ గేర్' సినిమా తెరకెక్కింది. ఆదిత్య మూవీస్ అండ్ ఎంటర్టైన్మెంట్స్ సమర్పణలో శ్రీ ధనలక్ష్మి ప్రొడక్షన్స్ బ్యానర్ పై ఆ మూవీ వస్తోంది. ఈ చిత్రం డిసెంబర్ 30న విడుదల కాబోతున్న సందర్భంగా చిత్ర బృందం ప్రి రిలీజ్ ఈవెంట్ ను గ్రాండ్ గా జరుపుకుంది. ఈ కార్యక్రమానికి హీరో సందీప్ కిషన్, సాయి కుమార్, బెక్కం వేణుగోపాల్, యన్. శంకర్, నిర్మాతలు దామోదర ప్రసాద్, అనిల్ సుంకర, రాధా మోహన్, నటుడు డి.యస్. రావు, డైరెక్టర్ శేఖర్ సూరి, డైరెక్టర్ సత్తి బాబు, నారాయణ్ గౌడ్, హరీష్, సుదర్శన్ రెడ్డి తదితరులు అతిథులుగా పాల్గొన్నారు. హీరో సందీప్ కిషన్, డైలాగ్ కింగ్ సాయి కుమార్ గారు టాప్ గేర్ బిగ్ టికెట్ ను లాంచ్ చేశారు.
అనంతరం డైలాగ్ కింగ్ సాయికుమార్ మాట్లాడుతూ.. "మా నాన్నతో మొదలైన మా జర్నీ ఇప్పుడు ఆది వరకు వచ్చింది. ఆదిని ఒక క్రికెటర్ అవ్వాలని అనుకొన్నాము. కానీ మెగాస్టార్ అన్నయ్య సాంగ్ తో ఇండస్ట్రీకి వచ్చాడు. మంచి సినిమాలు చేసుకుంటూ ముందుకు వెళుతున్నాడు. అందరూ ఈ "టాప్ గేర్" సినిమా ట్రైలర్, టీజర్ బాగుందని మెచ్చుకుంటున్నారు. మంచి కాన్సెప్ట్ తో వస్తున్న ఈ సినిమా మా ఆదికి బిగ్ బ్రేక్ అవుతుందని ఆశిస్తున్నాను. మ్యూజిక్ డైరెక్టర్ హర్ష మంచి మ్యూజిక్ ఇచ్చాడు. వెన్నెల వెన్నెల సాంగ్ చాలా బాగుంది. ఆదికి, శశికి, హర్ష, శ్రీధర్ రెడ్డి లకు అందరికీ ఈ సినిమా బిగ్ హిట్ అవ్వాలని మనస్ఫూర్తిగా కోరుతున్నాను" అన్నారు.
హీరో సందీప్ కిషన్ మాట్లాడుతూ.. "శశి నాకు ఏడు సంవత్సరాలనుండి మంచి ఫ్రెండ్. తను ఈ సినిమాకు దర్శకత్వం వహించడం చాలా హ్యాపీగా ఉంది. 'ప్రస్థానం' సినిమాతో నా జర్నీ స్టార్ట్ అయింది. ఆ సినిమాకు నేను కొత్త అయినా సాయికుమార్ గారు నన్ను చాలా బాగా చూసుకున్నారు. అప్పటి నుండి ఇప్పటి వరకు నాకు ఫుల్ సపోర్ట్ చేస్తున్నారు. ఆది నాకు బెస్ట్ ఫ్రెండ్. ఈ సినిమాలో తను చాలా బాగా నటించాడు. తనకు ఈ సినిమా బిగ్ హిట్ అవ్వడమే కాకుండా ఈ 'టాప్ గేర్' సినిమాతో ఆది కేరీర్ బ్రేక్ లేకుండా సాగిపోవాలి. అలాగే రాబోయే 2023లో ఆదితో నేను ఒక సినిమా తియ్యడానికి ప్లాన్ చేస్తున్నాను" అన్నారు.
చిత్ర నిర్మాత శ్రీధర్ రెడ్డి మాట్లాడుతూ.. "దర్శకుడు శశి చెప్పిన కథ నచ్చడంతో ఈ సినిమా చేశాను. హీరో, హీరోయిన్స్ ఆది, రియా ఇద్దరూ చాలా బాగా నటించారు. ఎన్నో హిట్ చిత్రాలకు కెమెరామెన్గా పని చేసిన సాయి శ్రీరామ్ ఈ సినిమాకు అద్భుతమైన విజువల్స్ అందించారు. ప్రముఖ సంగీత దర్శకుడు హర్షవర్దన్ రామేశ్వర్ ఈ సినిమాకు అందించిన సంగీతం, నేపథ్య సంగీతం హైలెట్ అవ్వనుంది. ఈ సినిమాకు పని చేసిన వారందరూ తమ సినిమా అనుకొని ఓన్ చేసుకొని ఈ సినిమాకు వర్క్ చేయడం వలన ఈ సినిమా చాలా బాగా వచ్చింది.ఈ నెల 30 న ప్రేక్షకుల ముందుకు వస్తున్న 'టాప్ గేర్' సినిమా ఆది ఫ్యాన్స్ అందరూ ఫుల్ ఎంజాయ్ చేసే విధంగా ఈ సినిమా ఉంటుంది" అన్నారు.
హీరో ఆది సాయికుమార్ మాట్లాడుతూ.. "శ్రీధర్ గారు చాలా పాజిటివిటి ఉన్న వ్యక్తి. సినిమాను ఇంకా బాగా తీసి ప్రేక్షకుల ముందుకు తీసుకు వెళ్ళాలి అనుకునే వ్యక్తి. తను ఇంకా ఇలాంటి సినిమాలు చాలా తియ్యాలి. శశిగారు చాలా డెడికేషన్ ఉన్న వ్వక్తి. తను ఈ సినిమాకు చాలా హార్డ్ వర్క్ చేశారు. సాయి శ్రీరామ్ గారి ఫ్రేమింగ్ చాలా బాగుంటుంది. తను నన్ను, రియాను చాలా బాగా చూపించారు.. హర్ష గారు మంచి మ్యూజిక్ ఇచ్చారు. సిధ్ శ్రీరామ్ పాడిన వెన్నెల వెన్నెల పాట పాజిటివ్ బజ్ ని క్రియేట్ చేసింది. దీంతో సినిమా మీద ఆడియెన్స్లో ఇంట్రెస్ట్ ఏర్పడింది. టెక్నిషియన్స్ అందరు ఫుల్ సపోర్ట్ చేశారు. అందుకే సినిమా బాగా వచ్చింది.. ఈ నెల 30 న ప్రేక్షకుల ముందుకు వస్తున్న మా 'టాప్ గేర్' సినిమాను అందరూ ఆదరించి ఆశీర్వదించాలని మనస్ఫూర్తిగా కోరుకుంటున్నాను" అన్నారు.
చిత్ర దర్శకుడు శశికాంత్ మాట్లాడుతూ... "థ్రిల్లర్, సస్పెన్స్ ఇలా అన్నీ ఎమోషన్స్ ఉన్న ఇలాంటి మంచి కథ ఉన్న సినిమాకు ప్యాషన్ ఉన్న ప్రొడ్యూసర్ శ్రీధర్ రెడ్డి గారు లభించడమే కాకుండా ఈ సినిమాకు నన్ను సెలెక్ట్ చేసుకోవడం అదృష్టంగా భావిస్తున్నాను. సాయి శ్రీ రామ్ సినిమాటోగ్రఫీ ఈ సినిమాకు హైలెట్ గా నిలుస్తుంది. హర్ష గారు మంచి మ్యూజిక్ ఇచ్చారు" అన్నారు.
మ్యూజిక్ డైరెక్టర్ హర్షవర్ధన్ రామేశ్వర్ మాట్లాడుతూ.. "చూసిన వారందరూ ట్రాన్స్ లో ఉండేలా ఈ సినిమా చాలా బాగుంటుంది. ఇలాంటి మంచి సినిమాకు మ్యూజిక్ ఇచ్చే అవకాశం ఇచ్చిన దర్శక, నిర్మాతలకు ధన్యవాదాలు" అన్నారు.
గేయరచయిత రామజోగయ్య శాస్త్రి మాట్లాడుతూ.. "సాయి కుమార్ గారి నాన్న దగ్గర నుంచి ఇండస్ట్రీకి వారందించిన సేవలు, కృషి చాలా గొప్పవి. ఆ బ్లెస్సింగ్స్ ఇప్పుడు ఆదికి ఉపయోగ పడతున్నాయని నమ్ముతాను. దానికి తగ్గట్టే ఆది సినిమా తర్వాత సినిమా చేస్తూ ఇండస్ట్రీ లో తనేంటో ప్రూవ్ చేసుకుంటున్నాడు. ఈ సినిమాకు నేను ఒక పాట రాశాను. ఈ పాటకు ప్రేక్షకుల నుండి మంచి రెస్పాన్స్ వస్తోంది. మ్యూజిక్ డైరెక్టర్ హర్ష గారు మంచి మ్యూజిక్ ఇచ్చారు. నా శిష్యుడు శశి మంచి కథను రాసుకుని సినిమా తీశాడు. ఈ సినిమాతో మొదలవుతున్న శశి జర్నీ నిరంతరం 'టాప్ గేర్'లో ముందుకు వెళ్లాలి" అన్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
