పవన్ని దేవుడ్ని చేసేశాడు
on Mar 16, 2015
త్రివిక్రమ్ - పవన్ కల్యాణ్ మంచి మిత్రులు. ''నాకున్న ఆత్మీయ నేస్తం త్రివిక్రమ్'' అంటూ పవన్ కూడా పలుసార్లు చెప్పాడు. అందుకే మెగా అభిమానులంతా 'సన్నాఫ్ సత్యమూర్తి' ఆడియోకి పవన్ అతిథిగా వస్తాడనుకొన్నారు. కానీ రాలేదు. ఎందుకు రాలేదన్న అనుమానాల్ని త్రివిక్రమ్ ఈ ఆడియో ఫంక్షన్ సాక్షిగా నివృత్తి చేశాడు. ఈ కార్యక్రమంలో త్రివిక్రమ్ మాట్లాడుతూ ''పవన్తో ఇందాకే ఫోన్ లో మాట్లాడా. 'నేను రాలేదని ఎవరైనా అడిగితే ఏం చెబుతావ్' అని అడిగారాయన. దీని కోసం వేరే డైలాగ్ రాసుకోవడం ఎందుకు? నేను రాసిందే వాడేసుకొంటా. 'అమ్మని, దేవుడ్ని రమ్మని పిలవకూడదు. చూడాలనుకొంటే మనమే వాళ్ల దగ్గరకు వెళ్లాలి..' అన్నాను'' అన్నారు త్రివిక్రమ్. అంటే... త్రివిక్రమ్ దృష్టిలోనూ పవన్ దేవుడన్నమాట. పాత డైలాగే వాడినా.. భలే చెప్పాడు కదూ. మొత్తానికి ఈ ఒక్కమాటతోనే పవన్ కల్యాణ్ అభిమానుల్ని మళ్లీ పడేశాడు త్రివిక్రమ్.