మళ్ళీ హిట్ కాంబినేషన్ల ట్రెండ్
on Jun 12, 2013
ఇంతకుముందు ఓ హీరో_హీరోయిన్ నటించిన సినిమా హిట్టయితే.. వారిద్దరి కాంబినేషన్లో ఇమ్మీడియట్గా మరో సినిమా ఉండేది. అటువంటి "హిట్ పెయిర్స్" మన ఇండస్ట్రీలో చాలానే ఉండేవి. కానీ.. కాలక్రమంలో హిట్ పెయిర్స్ కనుమరుగైపోయాయి. తమ సరసన ఓ చిత్రంలో సరసాలాడిన సుందరాంగిని.. మరో సినిమాలో తమతో నటింపజేసుకోవడాన్ని మన హీరోలు నామోషీగా ఫీలవ్వడం మొదలైంది. ప్రతి సినిమాలోనూ "కొత్తదనం" కోరుకొనే కథానాయకులు ఎక్కువైపోయారు. అయితే ఇప్పుడు ట్రెండ్ మళ్లీ మారింది.
హిట్ కాంబినేషన్స్ రిపీటవుతున్నాయి. "ఇష్క్" జంట నితిన్_నిత్యామీనన్ "గుండెజారి గల్లంతయ్యిందే" చిత్రంలో నటించి మరో హిట్ సొంతం చేసుకోవడం తెలిసిందే. "సింహా"లో బాలకృష్ణతో జతకట్టిన నయనతార.. "శ్రీరామరాజ్యం"లోనూ నటించింది. అలాగే.. ఇటీవలె "స్వామి రా రా" చిత్రంతో విజయాన్నందుకొన్న నిఖిల్_స్వాతి కాంబినేషన్లో తాజాగా "కార్తికేయ" పేరుతో ఓ చిత్రం మొదలైంది. అదే విధంగా.. ఘనవిజయం సాధించిన "మిర్చి"లో ప్రభాస్తో నటించిన అనుష్క కూడా మళ్లీ అతనితో "బాహుబలి"లో నటిస్తొంది!