శ్రీమంతుడు ఆడియో: దేవిశ్రీ అదరగొట్టాడు
on Jul 18, 2015
మహేష్ బాబు లేటెస్ట్ మూవీ శ్రీమంతుడు ఆడియో అభిమానుల మధ్య గ్రాండ్ గా రిలిజైంది. ఆడియో ఫంక్షన్ అంటే ముఖ్యంగా చెప్పుకోవాల్సిన వ్యక్తి మ్యూజిక్ డైరెక్టర్. ఈ సినిమాకి టాలీవుడ్ సక్సెస్ ఫుల్ మ్యూజిక్ డైరెక్టర్ దేవి శ్రీ ప్రసాద్ సంగీతాన్ని అందించాడు. దేవి శ్రీ, మహేష్ కాంబినేషన్లో ఇది వరకే వచ్చిన నేనొక్కడినే సినిమా ఆడియో సూపర్ హిట్ అయ్యింది. దాంతో ఈ సినిమా మ్యూజిక్ పై అభిమానులలో భారీ అంచనాలు ఏర్పడ్డాయి. అంచనాలకు తగ్గట్టుగానే శ్రీమంతుడు పాటలు అభిమానులు ఆకట్టుకుంటాయనే చెప్పాలి. ముఖ్యంగా రెండో పాట 'జత కలిసె' విన్న వెంటనే నచ్చే విధంగా వుoదని చెప్పాలి. పాటలో థీమ్ చాలా క్లాసిక్ టచ్తో ఉంది. అలాగే విజువల్గానూ ఈ పాట చాలా బ్యూటిఫుల్గా ఉంది. చాలా సింపుల్ కాన్సెప్టుని హృదయాలకు హత్తుకునే లా తెరకెక్కించారు. తొలి పాట రామ రామ కూడా వెరీ స్పెషల్. సూరజ్ సంతోష్ రాణి నా రెడ్డి ఈ పాటని ఆలపించారు.గాయనీగాయకులు పాడిన శైలి మహేష్ స్టెప్పులు ఎంతో ఎనర్జిటిక్గా ఉన్నాయి. దేవీ మార్క్ ఎనర్జీ బాణీలో పెద్ద అస్సెట్ అయ్యింది. సీనియర్ లిరిసిస్ట్ రామజోగయ్య శాస్త్రి మరోసారి పెన్ పవర్ ఎలా ఉంటుందో చూపించారు. శ్రీమంతుడు ఆల్బమ్ లో ఇదో ఎనర్జిటిక్ సాంగ్. అలాగే విజువల్ గా ఈ పాట చాలా రిచ్ గా ఉంది. ఓ ఇంటి మండువాలో రంగు రంగుల కాంతుల మధ్య కలరింగు మధ్య ధేధీప్యమానంగా చిత్రీకరించారు.