కబడ్డి ఆడండి - సోనాక్షి సిన్హా
on Jul 17, 2014
దబాంగ్ లేడీ సోనాక్షి బాలీవుడ్ లో హిట్ మీద హిట్ కొడుతూ బాక్స్ ఆఫీస్ ని షేక్ చేస్తోంది. డాన్స్, పర్ఫార్మెన్స్, లక్కు అన్నీ కలిసిన సోనాక్షి కన్ను ఇప్పుడు స్పోర్ట్స్ మీద పడింది. వరల్డ్ కబడ్డీ లీగ్ తో జతకట్టింది. అంతే కాదు బ్రిటన్ హెయిరే గ్రూప్ తో కలిసి యూనైటెడ్ సింగ్స్ టీంను కూడా కొనేసింది. అక్షయ్ కుమార్, యోయో హనీసింగ్ తర్వాత ఈ లీగ్ లో చేరిన మూడో సెలబ్రెటీ సోనాక్షి.
ప్రీతీ, శిల్పా, జూహీ లాంటి నిన్నటి తరం హీరోయిన్లు క్రికెట్ లీగ్ ల వెంట వుంటే నేటి తరం కొత్త తరహా ఆలోచనలను ప్రతిబింబిస్తూ సోనాక్షి కబడ్డిని ఎంచుకుంది. ఆగస్టు 9న లండన్ లో మొదలు కాబోతున్న వరల్డ్ కబడ్డి లీగ్ మ్యాచ్ లో కోసం ఇప్పటి నుంచే డేట్లు అడ్జస్ట్ చేసుకుంటోందట సోనాక్షి.