సూపర్ స్టార్ కి జోడిగా సోనాక్షి ఫిక్స్
on Apr 8, 2014
సూపర్ స్టార్ రజినీకాంత్ సినిమాలో సోనాక్షి సిన్హా హీరోయిన్ గా నటించబోతుందని సోనాక్షి అధికారికంగా తెలియజేసింది. రజినీ హీరోగా ప్రముఖ దర్శకుడు కె.ఎస్.రవికుమార్ దర్శకత్వంలో ఓ చిత్రం తెరకెక్కబోతుంది. ఈ సినిమాలో తను హీరోయిన్ గా నటించబోతున్నట్లు తెలిపింది. ఈ ప్రాజెక్టు జులై నెలలో సెట్స్ పైకి వెళ్లనుంది. ఈ చిత్రాన్ని రాక్ లైన్ వెంకటేష్ నిర్మించనున్నాడు. ఈ సినిమాలో అనుష్క హీరోయిన్ గా నటించబోతుంది. మరి వీరిద్దరిలో ఎవరు ప్రధాన హీరోయిన్ అనే విషయం త్వరలోనే తెలియనుంది. రజనీ నటించిన "కొచ్చడయన్" సినిమా విడుదలకు సిద్ధంగా ఉంది. త్వరలోనే ఈ చిత్రం ప్రేక్షకుల ముందుకు రాబోతుంది.