భాయ్..అదరగొట్టేసావ్ పో..!!

on Oct 2, 2015

'‘భజరంగి భాయిజాన్’ తో అదిరిపోయే హిట్టిచ్చిన సల్మాన్ ఖాన్..ఇప్పుడు అదే జోష్ తో ‘ప్రేమ్ రతన్ దన్ పాయో’ మూవీ తో మన ముందుకు రాబోతున్నాడు. ఫస్ట్ లుక్ పోస్టర్లతోనే అదరగొట్టిన భాయ్ ఈ సినిమా ట్రైలర్ తో మరింత మెస్మరైజ్ చేశాడు. సూరజ్ సినిమాల్లో ఎప్పుడూ ఉండే విజువల్ గ్రాండియర్ ఈ సినిమాలో ఇంకా ఎక్కువగా కనిపిస్తోంది.ట్రైలర్ అంతా చాలా కలర్ ఫుల్ గా కనువిందు చేసేలా ఉంది. సినిమా మీద ఇప్పటికే భారీ అంచనాలుండగా.. ట్రైలర్ చూశాక అవి రెట్టింపవడం ఖాయమనే చెప్పాలి. సల్మాన్ సరసన సోనమ్ కపూర్ నటిస్తున్న ఈ సినిమాలో నీల్ నితిన్, అనుపమ్ ఖేర్ తదితరులు ముఖ్య పాత్రలు పోషిస్తున్నారు. సూరజ్ తో ఇంతకుముందు మూడు సినిమాల్లోనూ సల్మాన్ పేరు ప్రేమ్. ఈసారి కూడా సెంటిమెంటుగా హీరోకి అదే పేరు పెట్టాడు సూరజ్. ఈ దీపావళికే సినిమా ప్రేక్షకుల ముందుకొస్తోంది.