ప్రభాస్ ఫ్యాన్స్ కి మరో బిగ్ షాక్.. 'సలార్' రీ షూట్!
on Sep 25, 2023
'సలార్'పై పాన్ ఇండియా స్టార్ ప్రభాస్ అభిమానులు ఎన్నో అంచనాలు పెట్టుకున్నారు. 'కేజీఎఫ్' ఫేమ్ ప్రశాంత్ నీల్ దర్శకత్వంలో ప్రభాస్ చేస్తున్న బిగ్గెస్ట్ యాక్షన్ ఫిల్మ్ కావడంతో.. ఈ సినిమా 'బాహుబలి', 'కేజీఎఫ్' స్థాయిలో బాక్సాఫీస్ దగ్గర సంచలనాలు సృష్టించడం ఖాయమని ఫ్యాన్స్ బలంగా నమ్ముతున్నారు. అయితే మూవీ టీమ్ మాత్రం వారికి వరుస షాక్ లు ఇస్తోంది.
సలార్ రెండు భాగాలుగా రూపొందుతోంది. మొదటి భాగం ఈ సెప్టెంబర్ 28న విడుదల కావాల్సి ఉండగా, సీజీ వర్క్ పట్ల దర్శకుడు సంతృప్తిగా లేకపోవడంతో వాయిదా పడింది. పోనీ ఈ ఏడాది చివరిలో లేదా వచ్చే జనవరిలో విడుదలవుతుంది అనుకుంటే.. ఏకంగా వచ్చే వేసవికి వాయిదా పడింది అంటున్నారు. ఇది చాలదు అన్నట్లు ఇప్పుడు క్లైమాక్స్ రీ షూట్ చేయనున్నారనే వార్త బలంగా వినిపిస్తోంది. సలార్-1 క్లైమాక్స్ పట్ల దర్శకుడు ప్రశాంత్ నీల్ సంతృప్తిగా లేరట. పార్ట్-2 పై అంచనాలను పెంచేలా, కంటెంట్ రేంజ్ కి తగ్గట్టుగా.. ఇప్పుడున్న క్లైమాక్స్ సరిపోదని ఆయన భావిస్తున్నారట. అందుకే క్లైమాక్స్ ని మరింత బలంగా రాసే పనిలో ఉన్నారట. త్వరలోనే క్లైమాక్స్ ఎపిసోడ్ ని రీషూట్ చేయొచ్చు అంటున్నారు. అసలే సలార్ సినిమా ఆలస్యమవుతుంది అంటే, ఈ రీషూట్ ల వల్ల ఇంకెంత ఆలస్యమవుతుందనే ఆందోళన అభిమానుల్లో ఉంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
