శ్రీరాముడిగా ప్రభాస్.. ఆకట్టుకుంటున్న 'ఆదిపురుష్' పోస్టర్
on Sep 30, 2022
'ఆదిపురుష్' ఫస్ట్ లుక్ కోసం పాన్ ఇండియా స్టార్ ప్రభాస్ ఫ్యాన్స్ ఎంతగానో ఎదురుచూశారు. రామాయణ గాథ ఆధారంగా రూపొందుతోన్న ఈ చిత్రంలో శ్రీరాముడిగా ప్రభాస్ ఎలా ఉంటాడో చూడాలన్న ఆసక్తి అందరిలో నెలకొంది. ఇప్పటికే అక్టోబర్ 2న అయోధ్యలో ఈ చిత్ర టీజర్ ని విడుదల చేస్తామని ప్రకటించిన మూవీ టీమ్.. తాజాగా ప్రభాస్ లుక్ కి సంబంధించిన పోస్టర్ ని రిలీజ్ చేసి సర్ ప్రైజ్ చేసింది.
'ఆదిపురుష్' నుంచి తాజాగా ఓ పోస్టర్ ను విడుదల చేశారు మేకర్స్. అందులో రాముడిగా ప్రభాస్ లుక్ ఆకట్టుకుంటోంది. విల్లు పట్టుకొని నింగికి ఎక్కు పెట్టినట్టుగా ఉన్న ప్రభాస్ పోస్టర్ పవర్ ఫుల్ గా ఉంది. అలాగే వస్త్రధారణ కూడా కాస్త భిన్నంగా ఉంది. ఈ మూవీ టీజర్ అక్టోబర్ 2న రాత్రి 7:11 కి విడుదల కానుంది.
ఓం రౌత్ దర్శకత్వంలో టీ సిరీస్ నిర్మిస్తున్న ఈ చిత్రంలో ప్రభాస్ శ్రీరాముడిగా కనువిందు చేయనుండగా సీతగా కృతి సనన్, రావణుడిగా సైఫ్ అలీ ఖాన్, లక్ష్మణుడిగా సన్నీ సింగ్ కనిపించనున్నారు. ఈ మైథలాజికల్ ఫిల్మ్ హిందీ, తెలుగు, తమిళ్, కన్నడ, మలయాళ భాషల్లో వచ్చే ఏడాది జనవరి 12న విడుదల కానుంది.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
