'రభస' దెబ్బా ఫ్యాన్స్ అబ్బా..!!
on Aug 5, 2014
జూనియర్ ఎన్టీఆర్ ఇండస్ట్రీ హిట్ కొట్టి చాలా కాలమైంది. టాలీవుడ్ లో 50కోట్ల క్లబ్ హావా నడుస్తుంటే దానిని జూనియర్ ఎన్టీఆర్ ఇంత వరకు అందుకోలేదు. మెగా హీరోలు ఒకరి వెనుక ఒకరు 50కోట్ల క్లబ్ లో చేరిపోతుంటే జూనియర్ మాత్రం గత కొంతకాలంగా ఓ మోస్తరు హిట్లతో నేట్టుకువస్తున్నాడు. దీంతో నందమూరి అభిమానులు జూనియర్ కి సింహాద్రిలాంటి హిట్ దక్కాలని 'రభస’పై అంతులేని అంచనాలు పెంచుకున్నారు. ఈ సినిమా ఆడియో మొన్ననే విడుదలైంది. తమన్ మ్యూజిక్ అందించిన ఈ పాటలు అంతంత మాత్రంగా ఉన్నాయని నందమూరి అభిమానులు మండిపడుతున్నారు. ఎన్టీఆర్ పాడిన ‘రాకాసి రాకాసి’ తప్ప మిగతా అన్ని పాటలు బృందావనం ఆడియో కాపీ కొట్టాడని అంటున్నారు. అసలకే ఇండస్ట్రీ హిట్ రావాలని ఆశగా వున్న అభిమానులని తమన్ ఆదిలోనే నిరాశపరిచాడు. ఇప్పుడు‘రభస’ని బాక్సాఫీస్ వద్ద హిట్ చేయాల్సిన భారమంతా డైరెక్టర్, ఎన్టీఆర్పైనే వుంది.