నాని చేతుల మీదుగా విడుదలైన 'ఆకాశం' ట్రైలర్
on Oct 29, 2022
కోలీవుడ్ యాక్టర్ అశోక్ సెల్వన్ నటించిన ద్వి భాషా చిత్రం 'ఆకాశం'(నీదాం ఒరు వానమ్). తెలుగు, తమిళ భాషల్లో రూపొందిన ఈ చిత్రం నవంబర్ 4న ప్రేక్షకుల ముందుకు రానుంది. ప్రముఖ నిర్మాణ సంస్థ వయాకామ్ 18, రైజ్ ఈస్ట్ బ్యానర్స్పై ఆర్.ఎ.కార్తీక్ దర్శకత్వంలో తెరకెక్కిన ఈ చిత్రంలో రీతూ వర్మ, అపర్ణ బాల మురళి, శివాత్మిక రాజశేఖర్ హీరోయిన్స్. శుక్రవారం ఈ సినిమా ట్రైలర్ను నేచురల్ స్టార్ నాని విడుదల చేసి, సినిమా పెద్ద సక్సెస్ కావాలని చిత్ర యూనిట్కి విషెష్ తెలియజేశారు.
రీసెంట్ గా విడుదల చేసిన 'ఆకాశం' టీజర్కి ఆడియెన్స్ నుంచి అద్భుతమైన స్పందన వచ్చింది. అలాగే పాటకు కూడా మంచి రెస్పాన్స్ వచ్చింది. సినిమా విడుదల తేదీ దగ్గర పడటంతో ఇప్పుడు ట్రైలర్ను రిలీజ్ చేశారు. అశోక్ సెల్వన్ మూడు డిఫరెంట్ పీరియడ్ ఆఫ్ టైమ్లో కనిపించారు. అతని లైఫ్లో మూడు దశల్లోని జీవితాన్ని ఈ చిత్రంలో ఆవిష్కరించినట్లు స్పష్టంగా తెలుస్తోంది. ఇదొక ఫీల్ గుడ్ రొమాంటిక్ డ్రామా. రీతూ వర్మ, అపర్ణ బాల మురళి, శివాత్మిక పాత్రలను తీర్చి దిద్దిన తీరు, వాటిని వారు క్యారీ చేసిన విధానం ప్రేక్షకులను మెప్పిస్తున్నాయి.
ప్రేమ, మోసం సహా లైఫ్లోని ఇతర భావోద్వేగాలు హీరో అశోక్ సెల్వన్ రోలర్ కోస్టర్లా ఎలా ముందుకు తీసుకెళ్లాడనేది సినిమా అని స్పష్టంగా తెలుస్తోంది. దాన్ని పూర్తి స్థాయిలో తెలుసుకోవాలంటే నవంబర్ 4 వరకు ఆగాల్సిందే. ట్రైలర్లో విదు అయ్యన్న సినిమాటోగ్రఫీ, గోపి సుందర్ బ్యాగ్రౌండ్ స్కోర్ అద్భుతంగా ఉన్నాయి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
