Muthayya Movie Review: ముత్తయ్య మూవీ రివ్యూ
on May 2, 2025
మూవీ : ముత్తయ్య
నటీనటులు: సుధాకర్ రెడ్డి, అరుణ్ రాజ్, మౌనిక బొమ్మ, పూర్ణ చంద్ర, కిరణ్ కుమార్ తదితరులు
ఎడిటింగ్: సాయి మురళి
సినిమాటోగ్రఫీ: దివాకర్ మణి
మ్యూజిక్: కార్తీక్ రోడ్రిగేజ్
నిర్మాతలు: వంశీకృష్ణ కారుమంచి, వ్రింద ప్రసాద్
దర్శకత్వం: భాస్కర్ మౌర్య
ఓటీటీ: ఈటీవీ విన్
కథ:
తెలంగాణలోని ఒక మారుమూల గ్రామంలో ముత్తయ్య (సుధాకర్ రెడ్డి) ఉంటాడు. తన భార్య చనిపోయిన తర్వాత సొంత కొడుక్కి దూరంగా పొలంలో చిన్న గుడిసెలో జీవిస్తుంటాడు. అయితే ఆ ఊర్లో ముత్తయ్యకి ఒక దోస్తు మల్లి (అరుణ్ రాజ్ ) ఉంటాడు. ముత్తయ్య అతనితో కలిసి సినిమాలు చూడడం, డబ్బులున్నప్పుడు మందు తాగడం, కుదిరినప్పుడు నాటకాలు ఆడుతుంటాడు. అయితే చిన్నప్పటినుండి నాటకాలు వేస్తున్నప్పటికీ, ఎప్పటికైనా తనను తాను తెరపై చూసుకోవాలన్నది ముత్తయ్య డ్రీమ్. ఊరు విడిచి వెళ్లలేని ముత్తయ్య.. తమ ఊర్లో ఏవైనా షూటింగ్స్ జరుగుతుంటే వారిలో ఎవరినో ఒకరిని కలిసి సినిమాలో అవకాశం కోసం ప్రయత్నిస్తుంటాడు. ఇంతకీ ముత్తయ్య(Muthayya) ఆశ నెరవేరిందా? అందుకోసం అతడు పడిన శ్రమ ఏమిటనేది తెలియాలంటే ఈ మూవీ చూడాల్సిందే.
విశ్లేషణ:
గ్రామీణ నేపథ్యంలో వచ్చే కథలు చాలా అరుదుగా వస్తుంటాయి. వాటిల్లో స్వచ్చమైన ఎమోషన్స్ ని ప్రెజెంట్ చేస్తూ వచ్చిన సినిమాలు తక్కువే. ఈ ముత్తయ్య అలాంటి కోవకే చెందింది. ఈ సినిమాలో ఫైట్లు, మాస్ సాంగ్స్, రొమాన్స్ , లిప్ లాక్ లు లేవు కానీ కథ, కథనం ఆకట్టుకుంటుంది.
సుధాకర్ రెడ్డి – అరుణ్ రాజ్ ల కాంబినేషన్ కామెడీ & ఎమోషనల్ సీన్స్ మంచి హాస్యాన్ని, బాంధవ్యాన్ని ఎలివేట్ చేశాయి. ఈ ఇద్దరు కొట్టుకున్నా కూడా అందులోనూ ఓ తెలియని ప్రేమ కనిపిస్తుంది. వీళ్ల కెమిస్ట్రీ సినిమాకి హైలైట్ అని చెప్పాలి. సాదాసీదా కథను, అందరూ కనెక్ట్ అయ్యే విధంగా తెరకెక్కించి మంచి మార్కులు సంపాదించుకున్నాడు దర్శకుడు. క్యారెక్టర్ ఎస్టాబ్లిష్మెంట్ కోసం ఎక్కువ టైమ్ తీసుకోకుండా, ఊర్లోని పరిస్థితుల ద్వారా పాత్రలను పరిచయం చేస్తూ ఎక్కడా కూడా ఒక పర్టిక్యులర్ క్యారెక్టర్ ఎలివేషన్ కోసమే, ఒక స్పెసిఫిక్ డ్రామా కోసం అనవసరమైన సన్నివేశాలు యాడ్ చేయకుండా.. కుదిరినంతలో సహజత్వాన్ని ఒడిసిపట్టి, సినిమాను తెరకెక్కించిన విధానం బాగుంది.
ఈ సినిమాలో అడల్ట్ కంటెంట్ ఏం లేదు. అశ్లీల పదాలు వాడలేదు. ఫ్యామిలీతో కలిసి చూసేలా మేకర్స్ జాగ్రత్త పడ్డారు. అయితే సినిమా కాస్త స్లోగా సాగుతుంది. కానీ ఇంపాక్ట్ ఉంటుంది. కళను నమ్ముకున్న వాడు తన డ్రీమ్ ని ఫుల్ ఫిల్ చేసుకోవడం కోసం ఎంతో కష్టపడుతుంటాడు. అయితే తన కుటుంబం కోసం కొన్నిసార్లు అన్నింటిని త్యాగం చేయాల్సి వస్తుంది. ఇక బాధ్యతలు తీరాక తన డ్రీమ్ ని నెరవేర్చుకోవడం కోసం ఈ ముత్తయ్య ఏం చేయాలనుకున్నాడో చక్కగా చూపించాడు దర్శకుడు. దివాకర్ మణి సినిమాటోగ్రఫీ బాగుంది. కార్తీక్ రోడ్రిగేజ్ మ్యూజిక్ బాగుంది. ఎడిటింగ్ నీట్ గా ఉంది. నిర్మాణ విలువలు బాగున్నాయి.
నటీనటుల పనితీరు:
ముత్తయ్యగా సుధాకర్ రెడ్డి, మల్లిగా అరుణ్ రాజ్ లు తమ పాత్రల్లో ఒదిగిపోయారు. ఇక మిగతావారు వారి పాత్రలకు న్యాయం చేశారు.
ఫైనల్ గా : మస్ట్ వాచెబుల్ ముత్తయ్య
రేటింగ్: 3 /5
✍️. దాసరి మల్లేష్
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
