అత్యంత భారీ బడ్జెట్ తో.. పాన్ ఇండియా లెవెల్ లో మంచు విష్ణు డ్రీమ్ ప్రాజెక్ట్
on Aug 18, 2023
'కన్నప్ప' తన డ్రీమ్ ప్రాజెక్ట్ అని మంచు విష్ణు పలు సందర్భాల్లో చెప్పారు. ఈ సినిమా చేయడానికి మంచు విష్ణు చాలా కాలంగా ప్రయత్నిస్తున్నారు. అయితే ఈ చిత్రానికి ఎట్టకేలకు మోక్షం కలిగింది. చాలా రోజులుగా ఈ కథ మీద పని చేస్తున్న విష్ణు, తన డ్రీమ్ ప్రాజెక్ట్ 'కన్నప్ప' చిత్రాన్ని ఈ రోజు శ్రీ కాళహస్తి లో పూజ కార్యక్రమాలతో ప్రారంభించారు. త్వరలో చిత్ర షూటింగ్ ప్రారంభిస్తారు.
విష్ణు తండ్రి ప్రముఖ నటుడు, నిర్మాత మోహన్ బాబు ఈ సినిమాను అవా ఎంటర్టైన్మెంట్ మరియు 24 ఫ్రేమ్స్ ఫ్యాక్టరీ పతాకం పై నిర్మిస్తున్నారు. అత్యంత భారీ బడ్జెట్ తో పాన్ ఇండియా లెవెల్ లో ఈ సినిమాను నిర్మించడానికి సన్నాహాలు చేస్తున్నారు.
స్టార్ ప్లస్ లో మహాభారత సిరీస్ కి దర్శకత్వం వహించిన ముఖేష్ కుమార్ సింగ్ ఈ చిత్రానికి దర్శకత్వం వహిస్తున్నారు. కృతి సనన్ సోదరి నుపుర్ సనన్ హీరోయిన్ గా నటిస్తున్నారు. అలాగే సీనియర్ రచయితలు పరుచూరి గోపాలకృష్ణ, బుర్ర సాయి మాధవ్, తోట ప్రసాద్ ఈ చిత్ర కథకి మెరుగులు దిద్దారు. మణిశర్మ, స్టీఫెన్ దేవాసి సంగీతం అందిస్తున్నారు.
అత్యంత భారీ బడ్జెట్ తో, హై టెక్నికల్ స్టాండర్డ్స్ తో ఈ సినిమా రూపొందనుందని.. ఈ సినిమా ద్వారా భక్త కన్నప్ప, అతని భక్తి యొక్క గొప్పతనాన్ని ఈ తరానికి తెలియజేస్తాం అని విష్ణు అన్నారు. త్వరలో షూటింగ్ మొదలుపెట్టి సింగల్ షెడ్యూల్ లో ఈ సినిమా మొత్తం కంప్లీట్ చేస్తాం అని చెప్పారు. అలాగే ఇండియన్ ఫిలిం ఇండస్ట్రీ నుండి టాప్ నటీనటులు ఈ సినిమాలో నటిస్తున్నట్టు తెలిపారు. ఈ సినిమాకు సంబంధించిన మరిన్ని విశేషాలు త్వరలో ప్రకటిస్తామని విష్ణు పేర్కొన్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
