ఫింగర్ వాడమంటున్న హాట్ బ్యూటీ
on Apr 29, 2014
ఎన్నికల్లో ఓటు వేయమని, అది మన బాధ్యత అని రాష్ట్ర రాజకీయ పార్టీ కార్యకర్తలు, స్వచ్చంద సంస్థలు రకరకాలుగా ప్రచారం చేస్తుంటారు. ఓటు విలువ ఏంటో, దానివల్ల మన దేశానికి ఎలాంటి ఉపయోగం ఉందొ చెపుతూ ఓటు వేయాలని సూచిస్తారు. కానీ ఇదంతా మంచి మంచి మాటలతో పధ్ధతిగా చెబితే జనాలకు నచ్చి ఓటు వేయడానికి సిద్ధం అవుతారు. కానీ కొంచెం రొమాంటిక్ గా, సెక్సీ చూపులతో, ద్వందార్ధాలు వచ్చే విధంగా చెప్తే ఎలా ఉంటుంది? ఓటు వేయడం మానేసి ఇంకేదో ఆలోచనలు వచ్చేస్తుంటాయి జనాలకు.
ఇంతకీ అలా ఎవరు చేసారని అనుకుంటున్నారా? ఆవిడ మరెవరో కాదు. నటి మధుశాలిని. దేశంలో ఎన్నికల హడావిడి ఎక్కువ అవడంతో రాజకీయ నాయకులే కాకుండా సినీ పరిశ్రమకు చెందినా వాళ్ళందరూ కూడా ఏదో ఒక రకంగా "ఓటు మన జన్మ హక్కు" అంటూ ప్రచారం చేస్తున్నారు.
అందరూ చేస్తున్నారు నేనెందుకు ఓటు గురించి ప్రచారం చేయకూడదని భావించిన మధుశాలిని కొంచెం కొత్త విధానంతో ప్రచారం చేసింది. ఇంతకీ మధుశాలిని ఏం చేసిందంటే.... ఒక సోఫాలో పడుకొని, చేతిలో ఒక పెన్సిల్ పట్టుకొని, దానిని తన నోట్లో పెట్టుకుంటూ తీస్తూ... ద్వందార్ధాలు వచ్చే విధంగా మాట్లాడుతూ, హాట్ హాట్ గా సెక్సీపోజులో పెన్సిల్ నోట్లో పెట్టుకొని ఫింగర్ను కరెక్ట్గా యూజ్ చేయండి అంటూ కొంచెం హస్కీ వాయిస్ తో ఏదేదో మాట్లాడేసింది. కానీ అదంతా ఓటు కోసమే అని అనుకోవడం మన పొరపాటు అవుతుంది. కానీ చివర్లో ఒక 5 సెకన్లు సీరియస్ గా "ఓటు వేయడం మన బాధ్యత" అని ముగించింది.
ఈ అమ్మడు చేసిన ఈ సెక్సీ ఓటు ప్రచారం జనాలకు చేరడం అనే మాట పక్కన పెడితే.... ఈ అమ్మడు కానీ ఇదే వీడియోతో జనాల ముందుకు వెళితే చీపురు కట్టలు తిరగేయడం మాత్రం ఖచ్చితం.