యువకుడ్ని కిడ్నాప్ చేసిన అగ్ర హీరోయిన్.. ఆ తర్వాత ఏం చేసిందో తెలిస్తే షాక్ అవుతారు
on Aug 28, 2025
సూపర్ స్టార్ 'రజనీకాంత్'(Rajinikanth)హిట్ మూవీస్ లో 'చంద్రముఖి' ఒకటి. ఈ మూవీకి సీక్వెల్ గా 'రాఘవ లారెన్స్, కంగనా రనౌత్ ప్రధాన పాత్రల్లో తెరకెక్కిన చిత్రం 'చంద్రముఖి 2 '. తెలుగు నాట కూడా భారీ థియేటర్స్ లో విడుదలైన ఈ చిత్రంలో, చంద్రముఖి ఆవహించిన దివ్య క్యారక్టర్ లో అద్భుతంగా నటించిన మలయాళ భామ 'లక్ష్మిమీనన్'(Lakhmi Menon) .ఎటువంటి క్యారక్టర్ లో అయినా ఒదిగిపోయే నటిగా గుర్తింపు పొందిన లక్ష్మి మీనన్, ఈ ఏడాది ఫిబ్రవరిలో 'ఆది పినిశెట్టి' తో కలిసి 'శబ్దం' తో ప్రేక్షకుల ముందుకు వచ్చింది. హర్రర్ థ్రిల్లర్ గా తెరకెక్కిన 'శబ్దం'లో డాక్టర్ అవంతిక క్యారక్టర్ ద్వారా భయాన్ని పుట్టించింది.
రీసెంట్ గా 'లక్ష్మిమీనన్ 'కేరళ'(Kerala)లోని 'కొచ్చి'(kochi)నగరంలో ఉన్న ఒక 'పబ్' కి తన ఫ్రెండ్స్ తో కలిసి వెళ్ళింది. పబ్ లో లక్ష్మి మీనన్ ఫ్రెండ్స్ కి కొంత మంది ఐటి ఉద్యోగుల మధ్య గొడవ జరిగింది. ఆ తర్వాత ఐటి ఉద్యోగుల్లో ఒకరైన 'షా సలీం' అనే వ్యక్తి తన కారులో అక్కడ్నుంచి వెళ్లి పోయాడు. కానీ లక్ష్మి మీనన్ తన ఫ్రెండ్స్ తో కలిసి కారులో సలీం ని వెంబడించింది. సలీం ని తమ కారులోకి ఎక్కించుకొని అందరు దాడి చేసారు. ఆ తర్వాత గాయాలతో ఉన్న సలీం ని వదిలేసారు. దీంతో సలీం సమీప పోలీస్ స్టేషన్ కి ఆశ్రయించి, లక్ష్మి మీనన్, ఆమె స్నేహితులు తనని కిడ్నాప్ చేసి దాడి చేసారని ఫిర్యాదు చేసాడు. దీంతో పోలీసులు కేసు నమోదు చెయ్యడంతో పాటు, ఆమె స్నేహితుల్లో ఇద్దరిని అరెస్ట్ చేయడం జరిగింది. లక్ష్మి మీనన్ ఆచూకీ మాత్రం లభ్యం కాలేదు.
ఆ తర్వాత లక్ష్మి మీనన్ కోర్టుని ఆశ్రయించడంతో, సెప్టెంబర్ 17 వరకు ఆమెని అరెస్ట్ చేయవద్దంటు కోర్టు తీర్పుని ప్రకటించింది. మరి సెప్టెంబర్ 17 న కోర్టు తీర్పు ఎలా వస్తుందో చూడాలి. 2011 లో 'రఘువింటే సొంతం రజియా' అనే మలయాళ చిత్రంతో లక్ష్మి మీనన్ సినీ రంగ ప్రవేశం చేసింది. ఆ తర్వాత తమిళ చిత్ర సీమలోకి ఎంట్రీ ఇచ్చి 'సుందర పాండియన్, జిగర్తాండ, వేదాళం వంటి సూపర్ హిట్ చిత్రాల్లో నటించి అగ్ర నటిగా మారింది. ఉత్తమ నటిగా తమిళనాడు స్టేట్ అవార్డు తో పాటు, పలు ప్రతిష్టాత్మక సంస్థల నుండి ఎనిమిది సార్లు అవార్డ్స్ గెలుచుకుంది. సింగర్, కొరియోగ్రాఫర్ గాను సత్తా చాటుతున్న లక్ష్మి మీనన్ ఇప్పటి వరకు పంతొమ్మిది చిత్రాల్లో నటించింది. ప్రస్తుతం 'మలై' అనే తమిళ చిత్రం చేస్తుండగా తన స్వస్థలం కొచ్చి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
