ఎన్టీఆర్ ఇంటి బయట కొరటాల, అనిరుధ్!
on May 25, 2023
జూనియర్ ఎన్టీఆర్ హీరోగా కొరటాల శివ దర్శకత్వంలో రూపొందుతోన్న చిత్రం 'దేవర'. యువసుధ ఆర్ట్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ పాన్ ఇండియా మూవీలో హీరోయిన్ గా జాన్వీ కపూర్, విలన్ గా సైఫ్ అలీ ఖాన్ నటిస్తున్నారు. ఈ చిత్రానికి అనిరుధ్ రవిచందర్ సంగీతం అందిస్తున్నాడు. ఇదిలా ఉంటే తాజాగా ఎన్టీఆర్ ఇంటిముందు నిల్చొని కొరటాల, అనిరుధ్ మాట్లాడుకుంటున్న వీడియో ఒకటి సోషల్ మీడియాలో వైరల్ గా మారింది.
అర్ధరాత్రి సమయంలో హైదరాబాద్ లోని ఎన్టీఆర్ నివాసం ముందు పార్క్ చేసున్న కారు దగ్గర నిల్చొని కొరటాల, అనిరుధ్ మాట్లాడుతూ కనిపించారు. ఆ సమయంలో అటుగా వెళ్తున్నవారు వీడియో తీసి, సోషల్ మీడియాలో పోస్ట్ చేయగా వైరల్ గా మారింది. ఇప్పటికే 'దేవర' షూటింగ్ ప్రారంభమైన సంగతి తెలిసిందే. ఇటీవల విడుదల చేసిన ఫస్ట్ లుక్ కి కూడా సూపర్ రెస్పాన్స్ వచ్చింది. షూటింగ్ గ్యాప్ లో మ్యూజిక్ సిట్టింగ్స్ జరుగుతున్నట్టున్నాయి. ఈ క్రమంలోనే ఎన్టీఆర్ తో చర్చించడానికి కొరటాల, అనిరుధ్ ఆయన ఇంటికి వెళ్లారని.. తిరిగి వెళ్లే సమయంలో ఇలా ఇంటిముందు మాట్లాడుతూ కనిపించారని తెలుస్తోంది.
'దేవర' సినిమా వచ్చే ఏడాది ఏప్రిల్ 5 న విడుదల కానుంది. దీనితో పాటు ప్రస్తుతం ఎన్టీఆర్ చేతిలో ప్రశాంత్ నీల్ దర్శకత్వంలో చేయనున్న 'ఎన్టీఆర్ 31', బాలీవుడ్ బడా ఫిల్మ్ 'వార్-2' ఉన్నాయి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
