రేయ్ కు రామ్ వాయిస్

on Apr 23, 2014

ఈ మధ్య స్టార్ హీరోల సినిమాలకు ఎవరో ఒక హీరో వాయిస్ ఓవర్ ఇవ్వడం సర్వసాధారణం అయ్యింది. జల్సా, బాద్ షా, మర్యాద రామన్న.. తాజాగా రేసుగుర్రం చిత్రాలకి హీరోలు వాయిస్ ఓవర్ అందిస్తూ వస్తున్నారు. ఇదే పద్ధతిని దర్శకుడు వైవియస్ చౌదరి కూడా వాడుకున్నారు. సాయిధరమ్ తేజ్ హీరోగా తెరకెక్కిన "రేయ్" చిత్రానికి నటుడు రామ్ వాయిస్ ఓవర్ ను అందించాడు. మే 9న ఈ చిత్రాన్ని విడుదల చేయడానికి సన్నాహాలు చేస్తున్నారు. చక్రి అందించిన పాటలు ఇటీవలే విడుదలయ్యాయి. సయామీ ఖేర్, శ్రద్ధాదాస్ లు కథానాయికలు. ఈ చిత్రంపై దర్శకుడు వైవియస్ చాలా నమ్మకంతో ఉన్నాడు. మరి ఈ చిత్రం ఎలాంటి విజయం సాధిస్తుందో చూడాలి.