పొలిమేర బాటలో ప్రియమణి.. పెద్ద ప్లానే ఇది!
on Nov 23, 2023
నేరుగా ఓటీటీలో విడుదలై హిట్ అయితే, ఆ సినిమా సీక్వెల్ ని థియేటర్లలో విడుదల చేయడం ఈమధ్య ట్రెండ్ గా మారింది. 'మా ఊరి పొలిమేర' సినిమా విషయంలో అదే జరిగింది. మొదటి భాగం నేరుగా ఓటీటీలో విడుదలై ఆకట్టుకోగా, ఇటీవల రెండో భాగాన్ని థియేటర్లలో విడుదల చేశారు. ఇప్పుడు ఇదే బాటలో మరో చిత్రం పయనిస్తోంది.
ప్రియమణి ప్రధాన పాత్రలో నటించిన ‘భామా కలాపం’ మూవీ ఓటీటీ వేదిక ఆహాలో సూపర్ సక్సెస్ అయిన సంగతి తెలిసిందే. ఇప్పుడు మేకర్స్ దీనికి కొనసాగింపుగా ‘భామా కలాపం 2’ను త్వరలోనే ప్రేక్షకుల ముందుకు తీసుకురాబోతున్నారు. ఈ నేపథ్యంలో ‘భామా కలాపం 2’ ఫస్ట్ లుక్ పోస్టర్ను మేకర్స్ విడుదల చేశారు. క్రియేటివ్ గా ఉన్న ఈ పోస్టర్ ఆకట్టుకుంటోంది.
'భామాకలాపం’, ‘అశోకవనంలో అర్జున కళ్యాణం’తో రెండు వరుస సక్సెస్లను సొంతం చేసుకున్న డ్రీమ్ ఫార్మర్స్ ‘భామా కలాపం 2’ని నిర్మిస్తోంది. డ్రీమ్ ఫార్మర్స్తొో పాటు ఆహా స్టూడియోస్ సంయుక్తంగా రూపొందిస్తోన్న ఈ సినిమాలో శీరత్ కపూర్, శరణ్య, రఘు ముఖర్జీ, బ్రహ్మాజీ తదితరులు ముఖ్య పాత్రల్లో నటిస్తున్నారు. అభిమన్యు తాడిమేటి దర్శకత్వంలో రూపొందుతోన్న ఈ మూవీని బాపినీడు, సుధీర్ ఈదర నిర్మిస్తున్నారు. త్వరలోనే ఈ సినిమా థియేటర్స్లో సందడి చేయనుంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
