బ‌హుబ‌లీ.. ఏమిటీ క‌క్కుర్తి?!
on Jun 4, 2015
.jpg)
యూట్యూబ్‌లో బాహుబలి ట్రైల‌ర్ క‌నిపించ‌క‌పోవ‌డం... అభిమానుల్ని షాక్‌కి గురిచేసింది. త‌మ సినిమాపై దిష్టి త‌గిలింద‌ని ఫ్యాన్స్ కాస్త ఓవ‌ర్‌గా ఆలోచించి కంగారు ప‌డుతున్నారు. యూ ట్యూబ్ నిబంధ‌న‌లుకు లోబ‌డి ఈ ట్రైల‌ర్‌ని అప్ లోడ్ చేయ‌లేద‌న్న‌ది ప్రాధ‌మిక స‌మాచారం. అయితే.. ఎక్కువ హిట్స్ కోసం అడ్డదారులు తొక్కినా... యూ ట్యూబ్ లో వీడియోలు క‌నిపించ‌వు. రెండో కార‌ణంతోనే యూ ట్యూబ్ ఆ ట్రైల‌ర్‌ని తొల‌గించింద‌ని ఇంకొంద‌రి వాద‌న. తొలి రోజే ప‌ది ల‌క్ష‌ల వ్యూవ్‌పైగానే సాధించి బాహుబలి సంచ‌ల‌నం సృష్టించింది. ఈసినిమాపై ఉన్న హైప్‌ని దృష్టిలో ఉంచుకొంటే ఆ మాత్రం వ్యూవ్స్ గ్యారెంటీగా వ‌స్తాయి. ఎక్క‌డ అనుకొన్న‌న్ని హిట్స్ రావేమో అని బాహుబలి చిత్ర‌బృంద‌మే కావాల‌ని.. అడ్డాదారి తొక్కి హిట్స్ పెంచుకొంద‌ని చెబుతున్నారు. ఇదంతా చూస్తుంటే రాజ‌మౌళి & టీమ్ ఎక్క‌డో బాహుబలి విష‌యంలో కాస్త అసంతృప్తికీ, కొన్ని అనుమానాల‌కూ లోన‌వుతున్నార‌న్న విష‌యం అర్థ‌మ‌వుతోంది. ప‌ది ల‌క్ష‌ల హిట్స్ క‌నుక రాక‌పోతే హైప్ ఎక్క‌డ ప‌డిపోతుందో అన్న భ‌యాలూ ఉండొచ్చు. ఇప్ప‌టికే ఈ సినిమాపై అంచ‌నాలు పెరిగిపోయాయ‌న్న‌ది వాస్త‌వం. దాన్ని త‌గ్గించుకోవ‌డానికి రాజ‌మౌళి ప్ర‌య‌త్నాలు చేయ‌కపోగా, ఇలాంటి ట్రిక్కుల‌తో.. ప్రేక్ష‌కుల‌కు లేనిపోని అనుమానాలు వ‌చ్చేలా చేస్తున్నాడు. బాహుబలి ట్రైల‌ర్ ఎందుకు క‌నిపించ‌డం లేదో, అందుకు సంబంధించిన టెక్నిక‌ల్ విష‌యాలేంటో రాజమౌళే స్వ‌యంగా చెప్పాలి. లేదంటే.. ఈ క‌న్‌ఫ్యూజ‌న్లు మ‌రింత పెరిగే ప్ర‌మాదం ఉంది.
.jpg)
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
