తగ్గేదేలే అంటున్న నాని.. 'అంటే సుందరానికీ' షూటింగ్ పూర్తి
on Jan 24, 2022
నేచురల్ స్టార్ నాని హీరోగా నటిస్తోన్న 28వ చిత్రం `అంటే సుందరానికీ..`. వివేక్ ఆత్రేయ దర్శకత్వం వహిస్తున్న ఈ చిత్రాన్ని ప్రముఖ నిర్మాణ సంస్థ మైత్రి మూవీ మేకర్స్ నిర్మిస్తోంది. తాజాగా ఈ సినిమా షూటింగ్ పూర్తయింది.
నాని వరుస సినిమాలతో దూసుకుపోతున్నాడు. ఇటీవల శ్యామ్ సింగ రాయ్ సినిమాతో ప్రేక్షకులను పలకరించిన నాని తాజాగా అంటే సుందరానికి సినిమా షూటింగ్ కూడా పూర్తి చేశాడు. ఈ విషయాన్ని తాజాగా సోషల్ మీడియా వేదికగా పంచుకున్నాడు నాని. "ఈ సంవత్సరం రోలర్ కోస్టర్ చిత్రం అంటే సుందరానికి షూటింగ్ పూర్తయింది. `` అని ప్రకటించిన నాని.. సెట్స్ చివరి రోజు తీసిన ఒక వీడియోను సోషల్మీడియాలో షేర్ చేశాడు.
ఔట్ అండ్ ఔట్ ఎంటర్టైనర్గా రూపొందుతున్న ఈ చిత్రంలో `కస్తూరి పూర్ణ వెంకట శేష సాయి పవన రామ సుందర ప్రసాద్` అనేది నాని పాత్ర పేరు. నూతన సంవత్సరం సందర్భంగా విడుదలైన `అంటే సుందరానికీ..` ఫస్ట్ లుక్ లో నాని తన విలక్షణమైన ఫన్నీ లుక్ తో ఆకట్టుకున్నాడు.
అంటే సుందరానికి చిత్రంతో నజ్రియా నజీమ్ ఫహద్ తెలుగులో అడుగుపెడుతోంది. ఈ చిత్రానికి వివేక్ సాగర్ సంగీతం అందిస్తున్నాడు. ఈ చిత్రాన్ని వేసవిలో థియేటర్లలో విడుదల చేయడానికి సన్నాహాలు చేస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
