అఖిల్ 'గట్స్' చూపించేశారు
on Jun 20, 2015
సిసింద్రీ అఖిల్ని వెండి తెరపై హీరోగా చూడాలని అక్కినేని ఫ్యాన్స్ కోరిక! ఆ బాధ్యత భుజాన వేసుకొన్నారు వి.వి.వినాయక్. ఎంత లవ్ స్టోరీ అయినా.. అందులో యాక్షన్ని బీభత్సంగా మిక్స్ చేయడం.... వినాయక్ శైలి. దాంతో అఖిల్ యాక్షన్ సీన్స్లో ఎలా ఉంటాడు? ఫైట్స్ ఎలా చేస్తాడు? అనే ఆసక్తి మరింత ఎక్కువైంది. అందుకు సంబంధించి వినాయక్ కూడా అఖిల్ యాక్షన్ని అభిమానులకు రుచి చూపించాలనుకొన్నారు. అఖిల్ - వినాయక్ల సినిమా మేకింగ్ వీడియో ఒకటి శ్రేష్ట్ మీడియా విడుదల చేసింది.
ఇందులో అఖిల్ గట్స్నీ చూపించారు వినాయక్. పరుగెడుతూ పరుగెడుతూ ఓ కారెక్కి.. మళ్లీ దూకే సీన్ని అఖిల్ ఎలాంటి డూప్ లేకుండా పూర్తి చేయడం ఈ వీడియోలో కనిపించింది. ఇలాంటి యాక్షన్ థ్రిల్స్ ఈ సినిమాలో చాలా చాలా ఉంటాయంటున్నారు వినాయక్. మొత్తానికి అఖిల్ని ఫస్ట్ సినిమాలోనే యాక్షన్ హీరోగా నిలబెట్టే ప్రయత్నాలైతే చురుగ్గా సాగుతున్నాయన్నది అర్థమవుతోంది.