2021 జ్ఞాపకాలుః యువ కథానాయికల జోరు.. తెలుగమ్మాయిలదే హవా!
on Dec 31, 2021
2021లో కొంతమంది యువ కథానాయికలు జోరు చూపించారు. మరీముఖ్యంగా.. తెలుగమ్మాయిల సందడి ఈ ఏడాది బాగా కనిపించింది. అయితే, వీరిలో కొందరికి మాత్రమే మంచి విజయాలు దక్కాయి. ఆ యంగ్ బ్యూటీస్ వివరాల్లోకి వెళితే..
రీతూ వర్మః- `పెళ్ళి చూపులు`తో తెలుగునాట నటిగా తనదైన ముద్ర వేసిన టాలెంటెడ్ బ్యూటీ రీతూ వర్మ.. ఈ ఏడాది `నిన్నిలా నిన్నిలా`, `టక్ జగదీశ్`, `వరుడు కావలెను` చిత్రాలతో సందడి చేసింది. ఈ మూడు సినిమాలు కూడా ఈ తెలుగమ్మాయికి ఆశించిన ఫలితాలు అందించకపోయినా.. నటిగా మంచి గుర్తింపుని తీసుకువచ్చాయి.
ఐశ్వర్యా రాజేశ్ః- టాలెంటెడ్ యాక్ట్రస్ ఐశ్వర్యా రాజేశ్.. 2021లో `టక్ జగదీశ్` (అమెజాన్ ప్రైమ్), `రిపబ్లిక్` సినిమాల్లో అలరించే ప్రయత్నం చేసింది.
ఆనందిః- తెలుగమ్మాయి ఆనంది ఈ ఏడాది `జాంబి రెడ్డి`, `శ్రీదేవి సోడా సెంటర్` చిత్రాల్లో అభినయానికి ఆస్కారమున్న పాత్రల్లో ఆకట్టుకుంది.
ప్రియాంక జవాల్కర్ః- `తిమ్మరుసు`, `ఎస్ ఆర్ కళ్యాణమండపం`, `గమనం`.. ఇలా ఈ ఏడాది ముచ్చటగా మూడు సినిమాలతో పలకరించింది తెలుగమ్మాయి ప్రియాంక జవాల్కర్. వీటిలో తొలి రెండు సినిమాలు మంచి ఫలితాన్ని అందించాయి.
అనన్య నాగళ్ళః- తెలుగమ్మాయి అనన్య నాగళ్ళ ఈ ఏడాది `వకీల్ సాబ్`, `ప్లే బ్యాక్` చిత్రాల్లో నటనకు ప్రాధాన్యమున్న పాత్రల్లో ఆకట్టుకుంది.
ఈషా రెబ్బాః- తెలుగమ్మాయి ఈషా రెబ్బా `పిట్టకథలు` (ఆంథాలజీ), `మోస్ట్ ఎలిజిబుల్ బ్యాచిలర్` (గెస్ట్), `త్రీ రోజెస్` (వెబ్ - సిరీస్)తో ఆకట్టుకునే ప్రయత్నం చేసింది.
నభా నటేశ్ః- `ఇస్మార్ట్` బ్యూటీ నభా నటేశ్ ఈ ఏడాది `అల్లుడు అదుర్స్`, `మాస్ట్రో` (డిస్నీ ప్లస్ హాట్ స్టార్) చిత్రాలతో పలకరించింది. ఈ రెండు సినిమాలు కూడా నభా కెరీర్ కి అంతగా ప్లస్ కాలేకపోయాయి.
అను ఇమ్మాన్యుయేల్ః- ఈ క్యాలెండర్ ఇయర్ లో `అల్లుడు అదుర్స్`, `మహా సముద్రం` చిత్రాలతో పలకరించిన అను ఇమ్మాన్యుయేల్ కి.. ఈ రెండు సినిమాలు ఏ రకంగానూ ప్లస్ కాలేకపోయాయి.
దిగంగన సూర్యవంశీః- `హిప్పీ` భామ దిగంగన సూర్యవంశీ.. ఈ క్యాలెండర్ ఇయర్ లో `సీటీమార్`లో సెకండ్ లీడ్ గా కనిపించింది. తన కెరీర్ లో ఫస్ట్ సక్సెస్ చూసింది.
నివేదా పెతురాజ్ః- టాలెంటెడ్ బ్యూటీ నివేదా పెతురాజ్.. 2021లో `రెడ్`, `పాగల్` సినిమాలతో ఎంటర్టైన్ చేసింది. ఈ రెండు సినిమాలు కూడా ఓకే అనిపించుకున్నాయి.
మడోన్నా సెబాస్టెయిన్ః- `ప్రేమమ్` బ్యూటీ మడోన్నా సెబాస్టెయిన్ ఈ ఏడాది `శ్యామ్ సింగ రాయ్`లో ఓ ముఖ్య పాత్రలో అలరించింది.
మెహ్రీన్ః- స్టన్నింగ్ బ్యూటీ మెహ్రీన్.. ఈ ఏడాది `మంచి రోజులు వచ్చాయి`తో తెలుగు ప్రేక్షకుల ముందుకొచ్చింది. తన నటనతో ఇంప్రెస్ చేసింది.
రుహానీ శర్మః- హ్యాట్రిక్ హీరోయిన్ రుహానీ శర్మ ఈ క్యాలెండర్ ఇయర్ లో `నూటొక్క జిల్లాల అందగాడు`తో విష్ చేసింది. అయితే, ఈ సారి మాత్రం హిట్ కొట్టలేకపోయింది.
నందితా శ్వేతః- టాలెంటెడ్ యాక్ట్రస్ నందితా శ్వేత.. ఈ క్యాలెండర్ ఇయర్ లో `అక్షర`, `కపటధారి` చిత్రాలతో పలకరించింది. అభినయానికి ప్రాధాన్యమున్న పాత్రల్లో అలరించింది.
ప్రియాంక అరుళ్ మోహన్ః- `గ్యాంగ్ లీడర్` ఫేమ్ ప్రియాంక అరుళ్ మోహన్.. ఈ ఏడాది `శ్రీకారం`తో సందడి చేసింది. మరోసారి నిరాశాజనక ఫలితమే దక్కినా.. అనువాద చిత్రం `వరుణ్ డాక్టర్`తో హిట్ కొట్టింది.
మేఘా ఆకాశ్ః- ఈ సంవత్సరం `రాజ రాజ చోర`, `డియర్ మేఘ` చిత్రాలతో పలకరించిన మేఘా ఆకాశ్ కి.. `రాజ రాజ చోర`తో ఫస్ట్ సక్సెస్ దక్కింది.
అవికా గోర్ః- టాలెంటెడ్ బ్యూటీ అవికా గోర్ ఈ ఏడాది ఓటీటీ మూవీస్ `నెట్`, `#బ్రో` చిత్రాలతో ఆకట్టుకుంది.
వీరితో పాటు సురభి (శశి), నేహా శెట్టి (గల్లీ రౌడీ) వంటి యంగ్ బ్యూటీస్ కూడా 2021 క్యాలెండర్ ఇయర్ లో సందడి చేశారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
