బాలయ్య సినిమాలో వెంకీ మామ.. రచ్చ మామూలుగా ఉండదు!
on Jun 27, 2022
ప్రస్తుతం గోపీచంద్ మలినేని దర్శకత్వంలో తెరకెక్కుతున్న సినిమాతో బిజీగా ఉన్న నటసింహం నందమూరి బాలకృష్ణ తన తదుపరి సినిమాని అనిల్ రావిపూడి డైరెక్షన్ లో చేయనున్న సంగతి తెలిసిందే. అయితే ఈ సినిమాలో విక్టరీ వెంకటేష్ కూడా గెస్ట్ రోల్ లో సందడి చేయనున్నాడని తెలుస్తోంది.
వెంకటేష్ తో అనిల్ కి మంచి బాండింగ్ ఉంది. అనిల్ డైరెక్ట్ చేసిన 'F2', 'F3' సినిమాలలో వెంకీ మామ నటించాడు. ఆ అనుబంధంతోనే ఇప్పుడు బాలయ్య సినిమాలో వెంకటేష్ ని నటింపజేయాలని అనిల్ చూస్తున్నాడట. ఇందులో బాలయ్యకి గ్లాస్ మేట్ గా ఓ గెస్ట్ రోల్ ఉందట. ఈ పాత్ర నిడివి తక్కువే అయినప్పటికీ సినిమాకి కీలకమట. పైగా ఈ సీన్స్ లో ఫుల్ ఎంటర్టైన్మెంట్ ఉంటుందట. అందుకే ఈ గెస్ట్ రోల్ కి వెంకీ అయితే బాగుటుందని.. బాలయ్య-వెంకీ కలిస్తే ఈ ట్రాక్ సినిమాకే హైలైట్ అవుతుందని అనిల్ భావిస్తున్నాడట. మల్టీస్టారర్ సినిమాలు, గెస్ట్ రోల్స్ అంటే ఏ మాత్రం వెనకాడని వెంకీ మామ.. అనిల్ అడిగితే ఖచ్చితంగా ఈ సినిమా చేసే అవకాశముంది.
మరోవైపు ఈ మూవీలో విలన్ గా యాంగ్రీ మ్యాన్ రాజశేఖర్ నటించే అవకాశముందని ప్రచారం జరుగుతోంది. ఒకవేళ ఈ న్యూస్ నిజమై బాలయ్య సినిమాలో నిజంగానే రాజశేఖర్, వెంకటేష్ నటిస్తే.. ఈ ముగ్గురు స్టార్స్ ని ఒకే స్క్రీన్ లో చూడటం ఆడియన్స్ కి పండగే అని చెప్పొచ్చు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
