బుల్లి తెర మీద మోస్ట్ ఎలిజిబుల్ బ్యాచిలర్ గా సుడిగాలి సుధీర్ పేరు తెచ్చుకున్నాడు. ఎందుకంటే ఇన్నేళ్ళుగా పెళ్లి చేసుకోకుండా అలాగే ఉండిపోయాడు. అతని ఫ్రెండ్స్ రాంప్రసాద్, గెటప్ శీను పెళ్లిళ్లు చేసుకుని పిల్లల్ని కన్నారు. ఐతే ఈ మధ్య కాలంలో సుధీర్ కి కూడా పెళ్లిపై ధ్యాస మళ్లినట్లుంది. ఏ షోలో అమ్మాయి కనిపించినా లైన్లో పెట్టడానికి తెగ ట్రై చేస్తున్నాడు. వాళ్లేమో "అన్నయ్యా"అంటూ వెళ్లిపోతున్నారు. ఇక ఇప్పుడు కృతిశెట్టి వెనక పడ్డాడు సుధీర్. సూపర్ సింగర్స్ గ్రాండ్ ఫినాలేకు 'ఆ అమ్మాయి గురించి మీకు చెప్పాలి' టీం వచ్చింది. ఫినాలే ఈవెంట్ స్టేజి మీద హోస్ట్స్ అనసూయ, సుడిగాలి సుధీర్, హీరో సుధీర్‌బాబు, డైరెక్టర్ ఇంద్రగంటి మోహనకృష్ణ వున్నారు.

సుధీర్ ఇక్కడ కూడా పెళ్లిగోల మొదలెట్టేసాడు. "ఈ స్టేజి మీద పెళ్లికాని వాళ్ళు ఇద్దరే ఉన్నారు. అందులో ఒకరు కృతి శెట్టి, మరొకరు నేను" అంటూ స్టార్ట్ చేశాడు. కృతిశెట్టికి అత‌ను లైన్ వేస్తున్నాడన్న విషయం గమనించిన అనసూయ ముందు కృతి శెట్టికి ఎలాంటి భర్త కావాలో తెలిస్తే ఈజీ అవుతుందని హింట్ ఇచ్చింది. తనకు సపోర్టివ్ గా, పాజిటివ్ యాటిట్యూడ్ తో మంచి మనసున్నవాడు కావాల‌నీ, అన్నింటికీ మించి తనను బాగా చూసుకోవాలనీ చెప్పిందికృతి. ఈ లక్షణాలన్నీ తనలో ఉన్నాయని నిరూపించడానికి సుధీర్ ఆమెను తెగ ఇంప్రెస్ చేసే ప్రయత్నం చేశాడు.

"అన్ని క్వాలిటీస్ తో పాటు కాస్త చబ్బీగా కూడా ఉండాలి" అని కృతి అనేసరికి, "నేను చబ్బీనే కావాలంటే పొట్ట చూడండి" అని సుడిగాలి సుధీర్ అనేసరికి "మరి ఇందాక సిక్స్ ప్యాక్ అని చెప్పావ్" అని కృతి అడిగింది. ఇలా కృతి, సుడిగాలి సుధీర్ మధ్య జరిగిన ఈ మ్యారేజ్ ప్రపోజల్ డ్రామా ఫుల్ ఎంటర్టైన్ చేసేసింది.