సూపర్ సింగర్ జూనియర్స్ షో రేటింగ్స్ లో దూసుకుపోతూ పాటలంటే ఇష్టపడే అభిమానుల్ని మస్త్ గా అలరిస్తోంది. ఇక రాబోయే వారం ఎపిసోడ్ ప్రోమో రిలీజ్ అయ్యింది. ఈ షోలో అనసూయ, సుధీర్ హోస్టింగ్ కి ఫాన్స్ పెరిగిపోతూ ఉన్నారు. ఈ షోలో సుధీర్ వస్తూనే అనసూయతో కలిసి డాన్స్ చేసేసి తనలో తానె నవ్వేసుకుంటూ మురిసిపోతూ ఉంటాడు. "ఎందుకు నవ్వుతున్నావ్?" అని అనసూయ అడిగేసరికి "బెస్ట్ సింగర్ అవార్డు తీసుకున్నట్టు కలొచ్చింది" అంటాడు.

సుధీర్ అవార్డు తీసుకోవడం మంచిదే కానీ ఆ అవార్డు ఇచ్చిన వాళ్ళే దురదృష్టవంతులు అంటుంది అనసూయ. ఆ దేవుడి దయ వల్ల ఆ అవార్డు ఇచ్చింది మీరే అని కౌంటర్ వేసేసరికి అనసూయ నవ్వేస్తుంది. ఈ ఎపిసోడ్ సూపర్ సింగర్స్ సెలెబ్రేషన్స్ విత్ సూపర్ సింగర్ స్టార్స్ గా మంచి మంచి పాటల ధమాకాని అందించబోతోంది. తర్వాత ప్లేబాక్ సింగర్స్ వచ్చి జూనియర్స్ తో కలిసి పాటలు పాడతారు. తర్వాత సుధీర్ ఒక కామెడీ బిట్ ని పండిస్తాడు.
 
హేమచంద్రకి సుధీర్ ఫోన్ చేసి హలో ఇక్కడో సమస్య వచ్చిందని అనేసరికి రిప్లై ఇవ్వకుండా "హలో హలో" అంటూ హేమచంద్ర ఆట పట్టిస్తూ ఉంటాడు. తర్వాత అనసూయ "కాల్ కలవకపోతే మెసేజ్ పెట్టు" అనేసరికి "లొకేషన్ పంపిస్తున్న రా మావా" అని టైపు చేసేలోపు హేమచంద్ర స్టేజి మీదకు వచ్చేస్తాడు. అతన్ని చూసి ఒక్కసారిగా షాక్ ఐపోయి "లొకేషన్ ఇంకా పెట్టలేదుగా మావ అప్పుడే ఎలా వచ్చావ్?" అని సుధీర్ అడిగేసరికి "ఐతే లొకేషన్ పెట్టు వెనక్కి వెళ్లి మళ్ళీ వస్తాను" అని వెళ్ళిపోతాడు హేమచంద్ర.

ఇక హేమచంద్రను ఆట పట్టించిన సుధీర్ కి చిత్ర వార్నింగ్ ఇస్తారు. "చెయ్యి చూసావా రఫ్ గా ఉంది రఫ్ఫాడించేస్తా" అంటారు. ఆ తర్వాత హేమచంద్రని చూసి "నమస్కారం గురువుగారు" అని దణ్ణం పెట్టేసరికి హేమచంద్ర "అమ్మ బాబోయ్" అని పారిపోతాడు. ఫైనల్ గా చిత్రతో కలిసి హేమచంద్ర "లలిత ప్రియకమలం విరిసినది" అంటూ అద్భుతంగా పాడి అందరినీ మైమరిపిస్తాడు.