స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'.ఈ సీరియల్ సోమవారం నాటి ఎపిసోడ్ -835లో.. రిషితో మాట్లాడి వసుధార వెళ్ళిపోతుంది. రిషి కార్ వెనకాలే వసుధార వెళ్తున్న ఆటో వెళ్తుంది. కొంతమంది రౌడిలు రిషి కార్ ని ఫాలో అవుతుంటే వసుధార చూస్తుంది. వీళ్ళు ఆ రోజు రిషి సర్ పై అటాక్ చేసిన వాళ్ళు కదా పోలీస్ లకి దొరకకుండా తిరుగుతున్నారా? ఇప్పుడు మళ్ళీ రిషి సర్ వెనకాలే వెళ్తున్నారేంటీ.. మళ్ళీ రిషి సర్ ని ఏమైనా చేస్తారా అని వసు బయపడుతుంది. రిషి వెనకాలే వసుధార వెళ్తుంది.

ఆ తర్వాత కొద్దిదూరం వెళ్ళాక వసుధార వెళ్తున్న ఆటో రిషి వెళ్తున్న కార్, రౌడీలని మిస్ అవుతుంది. అప్పుడు వసుధారకి ఏం చెయ్యాలో అర్థం కాదు. మరొక వైపు శైలేంద్రకి రౌడీలు కాల్ చేస్తాడు. రిషి ని ఫాలో అవుతున్నాం సర్.. ఈ సారి ప్లాన్ ఫెయిల్ అవ్వదు సర్ అని రౌడీలు చెప్తారు. ఆ తర్వాత రౌడీలు ఒక మహిళని తీసుకొని వచ్చి, ప్రెగ్నెంట్ అని చెప్పి రిషి వచ్చే దార్లో లిఫ్ట్ కోసం ఎదురు చూస్తూన్నట్లు నటిస్తుంటారు. అప్పుడే రిషి కార్ వస్తుంది. ఆ రౌడీ కార్ ఆపి మా చెల్లి ప్రెగ్నెంట్ నొప్పులు వస్తున్నాయ్.. ప్లీజ్ హాస్పిటల్ తీసుకొని వెళ్ళాలని అనగానే.. రిషి సరే అని కార్ దిగి వచ్చి ఆమెని పట్టుకొని తీసుకొని వెళ్తుండగా.. ఒక్కసారిగా ఆమె కత్తితో రిషిని పొడిచే ప్రయత్నం చేస్తుంది. రిషి తప్పించూకుంటాడు. రౌడీలందరూ ఒక్కసారిగా రిషిపై ఎటాక్ చేస్తారు. అప్పుడే పాండియన్ అతని ఫ్రెండ్స్ రిషి దగ్గరికి వచ్చి రౌడీల్ని కొడతారు. వసు కూడా వాళ్ళ దగ్గరికి వస్తుంది. దూరంగా నిల్చొని చూస్తుంటుంది. మరొక వైపు రిషికి ఏదో జరిగినట్లు జగతికి పీడకల వస్తుంది. ఒక్కసారిగా నిద్ర నుండి లేచి ఏడుస్తుంది. రిషికి ఏం కాదని జగతికి మహేంద్ర చెప్తాడు. వసుధారకి మహేంద్ర ఫోన్ చేయగానే.. వసుధార కట్ చేస్తుంది. మరొక వైపు రౌడీ లు పారిపోతారు. మీరు ఇక్కడకి ఎలా వచ్చారని పాండియన్ వాళ్ళని రిషి అడగగానే.. వసుధార మేడమ్ చెప్పిందని అంటాడు. సరే మీరు వెళ్ళండని పాండియన్ వాళ్ళకి రిషి చెప్తాడు. ఆ తర్వాత రౌడీలకి శైలేంద్ర ఫోన్ చేస్తాడు. రౌడీల ఫోన్ రిషి ని ఎటాక్ చేసిన ప్లేస్ లో వదిలేసి వెళ్తారు. రిషి ఫోన్ దగ్గరికి వెళ్ళగానే ఫోన్ కట్ అవుతుంది. మరొకవైపు వసుధారకి మహేంద్ర కాల్ చేస్తాడు. జగతి టెన్షన్ పడుతుందని చెప్పగానే రిషి సర్ బానే ఉన్నాడు.. వీడియో కాల్ చేస్తానని వసుధార చెప్తుంది. దూరంగా ఉండి రిషి ని చూపిస్తుంది వసుధార.

ఆ తర్వాత వసుధారని చూసిన రిషి.. రమ్మని పిలుస్తాడు. నువ్వు ఇక్కడికి ఎందుకు వచ్చావని అడుగుతాడు. మీకు ప్రాబ్లమ్ అయితే రాకుండా ఎలా ఉంటానని వసుధార అంటుంది. సరే పదండి డ్రాప్ చేస్తానని రిషి అంటాడు. వసు కార్ ఎక్కి రిషితో వెళ్తుంది. వసుధారని ఇంటి దగ్గర దింపి ఈ రోజు నన్ను కాపాడినందుకు థాంక్స్ అని చెప్తాడు. వసుధార ఇంట్లోకి వెళ్లి చక్రపాణితో జరిగిందంతా చెప్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.