రష్మీ వయసు పెరుగుతున్న తరగని అందంతో హోస్ట్ గా ఫ్యాన్ ఫాలోయింగ్ తో బుల్లితెర మీద రచ్చ చేస్తూ ఉంటుంది. స్మాల్ స్క్రీన్ మీద హిట్ పెయిర్ గా అందరి హృదయాలను దోచుకున్న సుధీర్ - రష్మీ గురించి ప్రత్యేకంగా చెప్పక్కర్లేదు. కొంతకాలం క్రితం వరకు వీళ్ళు లేనిదే ఏ షో లేదు అన్నట్టుగా ఉండేది. కానీ సుధీర్ మాత్రం సిల్వర్ స్క్రీన్ మీదకు వెళ్లిపోయేసరికి బుల్లితెర మీద ఒంటరిగా మిగిలిపోయింది రష్మీ.

ఇక ఇప్పుడు ఇయర్ ఎండింగ్ సెలెబ్రేషన్స్ లో మునిగితేలుతోంది రష్మీ. ఆ పిక్స్ ని తన ఇన్స్టాగ్రామ్ పేజీలో పోస్ట్ చేసింది. "2023 ఆఖరి క్షణాలను నాకు ఇష్టమైన వాళ్ళతో ఇలా స్పెండ్ చేశా" అంటూ కొన్ని పిక్స్ ని సోషల్ మీడియాలో వదిలింది.ఇక నెటిజన్స్ కామెంట్స్ మస్త్ పెడుతున్నారు. "తెల్ల జుట్టు వచ్చేస్తోంది..త్వరగా సుదీర్ అన్నను పెళ్లి చేసుకో" అంటూ కామెంట్స్ చేస్తున్నారు. ఇకపోతే ఈ ఆదివారం నాడు న్యూ ఇయర్ సెలెబ్రేషన్స్ లో భాగంగా రష్మీ పెళ్లి పార్టీ పేరుతో ఒక ఈవెంట్ రాబోతోంది.

ఆ ప్రోమోలో ఆది ఒక డైలాగ్ వేసాడు "ఇన్ని రోజులు నువ్వు టీవీ రేటింగ్స్ కోసం ఏదేదో చేశావ్ .. కానీ నిజంగా నువ్వు ఎవరిని చేసుకోవాలనుకుంటున్నావో అతడ్ని మేమూ చూడాలనుకుంటున్నాం" అని అడిగేసరికి . రష్మీ సిగ్గుపడుతూ "ఒక అమ్మాయికి కాబోయే వాడు ఇలా ఉండాలని కొన్ని కోరికలు ఉంటాయి.. పొడుగ్గా ఉండాలని" అంటూ ఏదో చెప్తుండగానే ఆమె వెనక నుంచి ఒక తెల్లటి వ్యక్తి స్టేజి మీదకు వచ్చి రష్మీ పక్కన నిలబడ్డాడు. ఇంతకు ఎవరతను అంటూ సుధీర్ ఫాన్స్ అంతా ప్రోమో కింద కామెంట్స్ లో అడుగుతున్నారు. "రష్మీకి ఎన్నిసార్లు పెళ్లి చేస్తారయ్యా, అన్న ఉండాల్సిన చోట వీడెవడ్రా, ఆపండ్రా బాబు పెళ్లి గోల" అంటూ కామెంట్లు పెడుతున్నారు. మరి ఇతను ఎవరో తెలియాలంటే కొన్ని గంటలు వెయిట్ చేయాల్సిందే.