నటి హరితేజ గురించి ప్రత్యేకంగా పరిచయం చేయనక్కర్లేదు. మొదట్లో బుల్లితెరపై సీరియల్స్ లో నెగెటివ్ రోల్స్ చేసి ప్రేక్షకులను బయపెట్టిన ఈ బ్యూటీ ఆ తరువాత బిగ్ బాస్ షోలో తన కామెడీతో అందరినీ నవ్వించారు. బిగ్ బాస్ షో వలన హరితేజ మలుపు తీసుకుంది. ఆమెకి మరిన్ని అవకాశాలు వచ్చాయి. పలు టీవీ షోలతో పాటు సినిమాల్లో కూడా నటించింది. ఇక సోషల్ మీడియాలో ఈమె ఎంత యాక్టివ్ గా ఉంటారో చెప్పనక్కర్లేదు.

ఎప్పటికప్పుడు తన అభిమానులతో ముచ్చటిస్తూ పాపులారిటీ పెంచుకుంటోంది హ‌రితేజ‌. కొన్నాళ్ల క్రితమే హరితేజకు పండంటి బిడ్డ పుట్టింది. డెలీవరి సమయంలో తను చాలా ఇబ్బందులు పడ్డానని.. కరోనా పాజిటివ్ రావడంతో మొదట ఏ హాస్పిటల్ లో జాయిన్ చేసుకోలేదని వాపోయింది. ఫైనల్ గా ఓ హాస్పిటల్ వారు అంగీకరించి తనకు డెలివెరీ చేశారని చెప్పుకొచ్చింది. అయితే ఆ సమయంలో తన భర్త మాత్రమే తనకు తోడుగా ఉన్నాడని హరితేజ కొన్నిరోజుల క్రితం వెల్లడించింది.

తాజాగా తన భర్త దీప‌క్ రావు గురించి సోషల్ మీడియాలో ఎమోషనల్ గా రాసుకొచ్చింది హరితేజ. త‌న‌కు కూతురు పుట్టిన రోజు భర్త తీసుకున్న కేర్ ని ఓ వీడియో రూపంలో షేర్ చేసింది హరితేజ. ''నువ్ నన్నొక చిన్న పిల్లలా చూసుకున్నావ్.. నాకు కావాల్సినంత ధైర్యాన్ని ఇచ్చావ్. నువ్ లేకుండా ఏదీ సాధ్యం కాదు. నిన్ను ఎప్పటికీ ప్రేమిస్తూనే ఉంటా'' అంటూ తన భర్త దీపుని ఉద్దేశిస్తూ రాసుకొచ్చింది. అంతే కాదు, "నీ కూతురును నువ్వు ప్రేమిస్తున్న దానికంటే ఎక్కువ‌గా న‌న్ను ప్రేమించు ప్లీజ్" అంటూ చివ‌రలో గ‌మ‌నిక‌గా రాసింది.

ఆమె షేర్ చేసిన వీడియోలో ఆ రోజు ఉద‌యం ఆమెకు భ‌ర్త దీపు త‌ల‌దువ్వ‌డం ద‌గ్గ‌ర్నుంచి హాస్పిట‌ల్‌లో డెలివ‌రీకి వెళ్లే స‌మ‌యం దాకా కొన్ని మూమెంట్స్ ఉన్నాయి. ప్రస్తుతం ఈ వీడియో సోషల్ మీడియాలో వైరల్ అవుతోంది.